 "Myanmar Earthquake: മ്യാന്മര് ഭൂചലനം; മരണസംഖ്യ 1000 കടക്കുമെന്ന് മുന്നറിയിപ്പ്.1600 ലധികം പേര്ക്ക് പരിക്കേറ്റതായും റിപ്പോര്ട്ട്")
)
മ്യാന്മര് : മ്യാന്മറിനെ പിടിച്ചുകുലുക്കിയ ഭൂചലനത്തില് മരണസംഖ്യ 1000 കടക്കുമെന്ന് യുഎസ് ഏജന്സിയുടെ മുന്നറിയിപ്പ്. ഭൂചലനത്തില് ഇതുവരെ 694 പേര് മരിച്ചതായും, 1600 ലധികം ആളുകള്ക്ക് പരിക്കേറ്റതായും റിപ്പോര്ട്ട്. നിരവധി പേര് തകര്ന്ന കെട്ടിടങ്ങള്ക്കിടയില് കുടുങ്ങിക്കിടക്കുന്നതായും സംശയിക്കുന്നു. മ്യാന്മറിലെ സാഗൈങ്ങിന്റെ വടക്കുപടിഞ്ഞാറായി വെള്ളിയാഴ്ച ഉച്ചയ്ക്ക് 12:50നാണ് 7.7 തീവ്രത രേഖപ്പെടുത്തിയ ഭൂകമ്പമുണ്ടായത്. 10 കിലോമീറ്റര് ആഴത്തിലാണ് ഭൂചലനമുണ്ടായത്. മിനിറ്റുകള്ക്ക് ശേഷം, 6.7 തീവ്രത രേഖപ്പെടുത്തിയ തുടര്ചലനവും ചെറിയ ഭൂചലനങ്ങളുടെ നിര തന്നെ ഉണ്ടായി.
കെട്ടിങ്ങള്ക്കുള്ളില് കുടുങ്ങി കിടക്കുന്നവരെ രക്ഷപ്പെടുത്താന് ശ്രമം തുടരുകയാണ്. ഭൂചലനത്തില് മ്യാന്മറിലെ രണ്ടാമത്തെ വലിയ നഗരമായ മാന്റെലെ തകര്ന്നടിഞ്ഞു. യുണൈഡ് സ്റ്റേറ്റ്സ് ജിയോളജില് സര്വേയുടെ കണക്ക് പ്രകാരം മാന്റെലെയില് നിന്ന് 17.2 കിലോമീര് അകലെയുളള നഗരമാണ് ഭൂചലനത്തിന്റെ പ്രഭവകേന്ദ്രം. മ്യാന്മറില്, രാജ്യത്തെ ഏറ്റവും വലിയ ആശ്രമങ്ങളിലൊന്നായ മാസോയാനെ മൊണാസ്ട്രി ഉള്പ്പെടെ നിരവധി കെട്ടിടങ്ങള് തകര്ന്നു , നയ്പിഡാവിലെ മുന് രാജകൊട്ടാരത്തിനും സര്ക്കാര് ഭവനത്തിനും കേടുപാടുകള് സംഭവിച്ചു. റോഡുകളും പാലങ്ങളും തകര്ന്നു.
അയല്രാജ്യമായ തായ്ലന്ഡില് ഭൂകമ്പത്തില് 10 പേര് മരിച്ചു. ബാങ്കോക്കിലെ ചാറ്റുചക് മാര്ക്കറ്റിന് സമീപം നിര്മ്മാണത്തിലിരുന്ന ഒരു ബഹുനില കെട്ടിടം തകര്ന്ന് 100 ഓളം തൊഴിലാളികള് അവശിഷ്ടങ്ങള്ക്കിടയില് കുടുങ്ങിക്കിടക്കുന്നതായി റിപ്പോര്ട്ടുകള് പുറത്തുവന്നു.
ഇന്ത്യയുള്പ്പെടെ നിരവധി രാജ്യങ്ങള് മ്യാന്മറിനും തായ്ലന്ഡിനും സഹായവുമായി മുന്നോട്ട് വന്നിട്ടുണ്ട്. ഭൂകമ്പത്തില് തകര്ന്ന മ്യാന്മറിലേക്ക് ഇന്ത്യ 15 ടണ് ദുരിതാശ്വാസ വസ്തുക്കളുമായി ,വ്യോമസേനയുടെ സി-130ജെ സൂപ്പര് ഹെര്ക്കുലീസ് ഹിന്ഡാന് വിമാനം വ്യോമസേന സ്റ്റേഷനില് നിന്ന് പുറപ്പെട്ടു. ടെന്റുകള്, സ്ലീപ്പിംഗ് ബാഗുകള്, പുതപ്പുകള്, റെഡി-ടു-ഈറ്റ് ഭക്ഷണം, വാട്ടര് പ്യൂരിഫയറുകള്, സോളാര് ലാമ്പുകള്, ജനറേറ്റര് സെറ്റുകള്, അവശ്യ മരുന്നുകള് എന്നിവ അയച്ചിട്ടുണ്ട്.
മ്യാന്മറിലെ ദുരിതാശ്വാസ, രക്ഷാപ്രവര്ത്തനങ്ങളെ പിന്തുണയ്ക്കുന്നതിനായി ഐക്യരാഷ്ട്രസഭ 5 മില്യണ് യുഎസ് ഡോളര് സഹായം പ്രഖ്യാപിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
