Nita Ambani: ന്യൂയോ‍ർക്കിലേക്ക് ഇന്ത്യൻ സംസ്കാരത്തിന്റെ ആർഭാടവുമായി നിത അംബാനി എത്തുന്നു

ഒരു പെൺകുട്ടിയായിരിക്കെ തന്റെ ഭരതനാട്യം അരങ്ങേറ്റം കുറിക്കാൻ നിത അംബാനിയുടെ കുടുംബത്തിന് താങ്ങാനാവുന്ന ഒരു തീയേറ്റ‍ർ കണ്ടെത്താനായില്ല. തുടർന്ന് ഒരു ക്ഷേത്രത്തിലായിരുന്നു അരങ്ങേറ്റം നടത്തിയത്. കലയ്ക്കും കരകൗശല വിദഗ്ധർക്കും വേണ്ടി എന്തെങ്കിലും ചെയ്യണമെന്ന ആശയത്തിന്റെ വിത്തുപാകിയത് അപ്പോഴായിരുന്നു എന്ന് നിത അംബാനി ഓർക്കുന്നു.

പതിറ്റാണ്ടുകൾക്ക് ശേഷം, റിലയൻസ് ഫൗണ്ടേഷന്റെ ചെയർപേഴ്‌സണും ഏഷ്യയിലെ ഏറ്റവും ധനികനായ മുകേഷ് അംബാനിയുടെ ഭാര്യയുമായ അവർ 2023 ൽ മുംബൈയിലെ നിത മുകേഷ് അംബാനി കൾച്ചറൽ സെന്റർ തുറന്നപ്പോൾ അത് ചെയ്യാൻ തീരുമാനിച്ചു. ആ സമയത്ത്, മൂന്ന് ദിവസത്തെ ലോഞ്ചിങ് ആഘോഷങ്ങൾ "ഇന്ത്യയുടെ മെറ്റ് ഗാല" എന്നാണ് വിശേഷിപ്പിക്കപ്പെട്ടത്. അന്നത്തെ റെഡ് കാർപെറ്റിൽ സെൻഡായ, ഷാരൂഖ് ഖാൻ, ജിജി ഹഡിദ്, പ്രിയങ്ക ചോപ്ര, നിക്ക് ജോനാസ്, ആലിയ ഭട്ട്, എമ്മ ചേംബർലൈൻ തുടങ്ങിയവ‍ർ അണിനിരന്നു, ഇന്ത്യൻ കരകൗശല വൈദഗ്ധ്യത്തിനുള്ള ഒരു ട്രിബ്യൂട്ട് ആയിരുന്നു അത്.

ലോകമെമ്പാടുമുള്ള പ്രശസ്ത സാംസ്കാരിക വേദികളിലെ സന്ദർശനങ്ങളാണ് നിത അംബാനിയെ NMACC സ്ഥാപിക്കാൻ പ്രേരിപ്പിച്ചത്. മെറ്റ് ഉൾപ്പെടെയുള്ള വേദികളായിരുന്നു അവ. 2019 ൽ നിത അംബാനിയെ മെറ്റ് ഓണററി ട്രസ്റ്റിയായി നാമകരണം ചെയ്തിരുന്നു. “കുട്ടികളോടൊപ്പം ലിങ്കൺ സെന്ററും സിഡ്നി ഓപ്പറ ഹൗസും കണ്ടതിനുശേഷം, എന്തുകൊണ്ട് ഇന്ത്യയ്ക്ക് അത്തരമൊരു ഇടം ഉണ്ടായിക്കൂടാ എന്ന് ഞാൻ ചിന്തിച്ചിരുന്നു,”- അംബാനി പറയുന്നു. “നൃത്തം, നാടകം, സംഗീതം എന്നിവയിലൂടെയായാലും നാടോടിക്കഥകൾ, കലകൾ, കരകൗശല വസ്തുക്കൾ എന്നിവയിലൂടെയായാലും നമ്മുടെ സാംസ്കാരിക പൈതൃകം പ്രദർശിപ്പിക്കാൻ കഴിയുന്ന ഒരു ഇടം സൃഷ്ടിക്കാൻ ഞാൻ ആഗ്രഹിച്ചു.” ബ്രോഡ്‌വേ മ്യൂസിക്കലുകളായ മമ്മ മിയ, ദി ഫാന്റം ഓഫ് ദി ഓപ്പറ എന്നിവ മുതൽ കഥക് പ്രകടനങ്ങളും ബംഗാളി കച്ചേരികളും വരെ ആതിഥേയത്വം വഹിച്ച അത്യാധുനിക പ്രദ‍ശന വേദികളും വിഷ്വൽ ആർട്സ് ഗാലറികളും ഉൾപ്പെടെ സാക്ഷാത്കരിക്കാൻ 10 വർഷമെടുത്തു. 

NMACC യുടെ അരങ്ങേറ്റം മുതൽ അംബാനി തിരക്കിലാണ് - കഴിഞ്ഞ വർഷം തന്റെ മകൻ അനന്തിന്റെ വിവാഹത്തിനായി മാസങ്ങൾ നീണ്ടുനിന്ന ആഡംബര വിവാഹം ആ‍ർക്കാണ് മറക്കാനാവുക. ഈ വിടവ് നികത്തുന്നരീതിയിൽ പുതുമ കൊണ്ടുവരുന്നതിനായി നിത അംബാനി കഴിഞ്ഞ മാസം ന്യൂയോർക്കിലായിരുന്നു. സെപ്റ്റംബർ 12 മുതൽ 14 വരെ ന്യൂയോർക്ക് നഗരത്തിൽ നിത മുകേഷ് അംബാനി കൾച്ചറൽ സെന്റർ വീക്കെൻഡ് നടക്കുകയാണ്. ലിങ്കൺ സെന്ററിലാണ് മൂന്ന് ദിവസത്തെ നൃത്ത, സംഗീത, ഫാഷൻ വീക്കെൻഡ് നടക്കുക. “ലോകത്തിന് മുന്നിൽ ഇന്ത്യൻ കലകളെയും കലാകാരന്മാരെയും എങ്ങനെ പ്രതിഷ്ഠിക്കാമെന്നതാണ് തങ്ങൾ നോക്കുന്നത്. അതിന് ലിങ്കൺ സെന്ററിനേക്കാൾ മികച്ച മറ്റൊരു സ്ഥലമില്ല,” അവർ പറഞ്ഞു. “സംസ്കാരം ആളുകളെ ഒരുമിച്ച് ബന്ധിപ്പിക്കുന്നു; അത് സഹാനുഭൂതി വളർത്തുന്നു; വ്യത്യാസങ്ങളെ ബഹുമാനിക്കാനും മറ്റ് സംസ്കാരങ്ങളെ ആദരിക്കാനും അത് നിങ്ങളെ പഠിപ്പിക്കുന്നു. ഈ നിമിഷത്തിൽ ലോകത്തിന് മുമ്പെന്നത്തേക്കാളും അത് ആവശ്യമാണെന്ന് എനിക്ക് തോന്നുന്നു.”- നിത അംബാനി പറഞ്ഞു.

അംബാനിയുടെ കൈത്തറി എംപോറിയമായ സ്വദേശിലേക്കുള്ള ഫാഷൻ ഷോയായ ഗ്രാൻഡ് സ്വാഗത്തോടെയാണ് പരിപാടികൾ ആരംഭിക്കുന്നത്. അടുത്തിടെ മെറ്റ് ഗാല റെഡ് കാർപെറ്റിൽ അരങ്ങേറ്റം കുറിച്ച പ്രശസ്ത ഡിസൈനർ മനീഷ് മൽഹോത്രയാണ് ഇത് സംഘടിപ്പിക്കുന്നത്. ഈസ്റ്റ് വില്ലേജ് സെൻസേഷൻ ബംഗ്ലാവിന് നേതൃത്വം നൽകുന്ന ഷെഫ് വികാസ് ഖന്നയുടെ പാചകരീതിയും ഇതിൽ ഉൾപ്പെടുന്നു. "ഇന്ത്യയെ ആളുകളെ മനസ്സിലാക്കുന്നതിൽ എൻഎംഎസിസി അത്ഭുതകരമായ ഒരു ജോലി ചെയ്യുന്നു, ഇന്ത്യയെ ലോകത്തിന് മുന്നിൽ എത്തിക്കാനുള്ള അവരുടെ പ്ലാറ്റ്‌ഫോമും കാഴ്ചപ്പാടും ഉപയോഗിച്ച്, ഇതിന്റെ ഭാഗമാകാൻ കഴിയുന്നത് തികച്ചും ഒരു ബഹുമതിയാണ്," ഖന്ന പറഞ്ഞു. നിലവിൽ പുരോഗമിക്കുന്ന അദ്ദേഹത്തിന്റെ മെനു, ഇന്ത്യയിലുടനീളമുള്ള രുചികളുടെ ആഴങ്ങളിലേക്ക് ഇറങ്ങാൻ തയ്യാറെടുക്കുകയാണ്.

ബോളിവുഡ് ഗായകരായ ശങ്കർ മഹാദേവൻ, ശ്രേയ ഘോഷാൽ, ക്ലാസിക്കൽ സംഗീതജ്ഞൻ ഋഷഭ് ശർമ്മ എന്നിവരുടെ കച്ചേരികൾക്ക് പുറമേ, അഞ്ച് പ്രകടനങ്ങൾക്കായി അംബാനി ദി ഗ്രേറ്റ് ഇന്ത്യൻ മ്യൂസിക്കൽ: സിവിലൈസേഷൻ ടു നേഷൻ എന്ന പരിപാടിയും ലിങ്കൺ സെന്ററിലേക്ക് കൊണ്ടുവരുന്നുണ്ട്. എൻ‌എം‌എ‌സി‌സി ഉദ്ഘാടനത്തിനായി സംവിധായകൻ ഫിറോസ് അബ്ബാസ് ഖാൻ ആയിരുന്നു ഈ ദൃശ്യാവിഷ്കാരം നടത്തിയത്. ഏകദേശം 7,000 വർഷത്തെ ഇന്ത്യൻ ചരിത്രത്തെ വിവരിക്കുന്ന, 100-ലധികം പെർഫോമർമാർ, മാക്സിമലിസ്റ്റ് സെറ്റുകൾ, മൽഹോത്രയുടെ കോസ്റ്റ്യൂംസ് എന്നിവ അടങ്ങിയതാണ് ഇത്.

ഈ പരിപാടി എങ്ങനെ ആളുകളിലേക്ക് എത്തിക്കാമന്നതും എങ്ങനെ ആസ്വാദ്യകരമാക്കാം എന്നതും ആയിരുന്നു നിത അംബാനിയുടെ മനസ്സിലെ ചോദ്യം. വാരാന്ത്യം മുഴുവൻ, ലിങ്കൺ സ്ക്വയറിലെ ഡാംറോഷ് പാർക്ക് ഒരു ഗ്രാൻഡ് ബസാറായി രൂപാന്തരപ്പെടും. വെൽനസ് വിദഗ്ദ്ധൻ എഡ്ഡി സ്റ്റെർണിന്റെ ദൈനംദിന യോഗ സെഷനുകൾ, ക്രിക്കറ്റിനെക്കുറിച്ചുള്ള പാനൽ ചർച്ച, പ്രശസ്ത നൃത്തസംവിധായകൻ ഷിയാമാക് ദാവറിന്റെ ബോളിവുഡ് നൃത്ത വർക്ക്‌ഷോപ്പുകൾ, ഇന്ത്യൻ ഫാഷനും കരകൗശല വസ്തുക്കളും വിൽക്കുന്ന സ്വദേശ് പോപ്പ്-അപ്പ് അവരുടെ സൃഷ്ടികൾ പ്രദർശിപ്പിക്കാൻ ഇന്ത്യയിൽ നിന്ന് കരകൗശല വിദഗ്ധരേയും കൊണ്ടുവരും. " ഈ സ്ഥലത്ത് ഉൾക്കൊള്ളാൻ കഴിയുന്നത്ര ആളുകളെ ഞങ്ങൾ സ്വാഗതം ചെയ്യും," എന്നാണ് നിത അംബാനി പറഞ്ഞത്.

ആഘോഷപരിപാടികൾ എന്തൊക്കെ എന്നത് ഇപ്പോൾ അന്തിമ രൂപത്തിൽ എത്തിക്കൊണ്ടിരിക്കുകയാണ്. " ഇന്ത്യയുടെ 5,000 വർഷത്തെ കഥാകഥനത്തിന്റെ ഒരു ഭാഗം ഇവിട കൊണ്ടുവരാൻ ഞാൻ ശരിക്കും ആഗ്രഹിക്കുന്നു," നിത അംബാനി പറഞ്ഞു. “ഞങ്ങളുടെ ആത്മാവിൽ നിന്നുള്ള കഥകളാണ് ഞങ്ങൾ പറഞ്ഞ്.”- അവ‍ പറഞ്ഞു.  ഉദ്ഘാടനപരിപാടികളെ കുറിച്ചുളള ഒരു രഹസ്യവും നിത അംബാനി വെളിപ്പെടുത്തി- പരിപാടിയുടെ ആദ്യ ദിവസത്തെ രാത്രിയിൽ താൻ നൃത്തം ചെയ്യാൻ പോകുന്നു എന്നതായിരുന്നു അത്.

ന്യൂയോ‍ർക്കിലെ എൻഎംഎസിസി വീക്കെൻഡിന്റെ ടിക്കറ്റുകൾ ജൂൺ അവസാനത്തോടെ വിൽപന തുടങ്ങും. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.