Mohammad Asim Malik: വിനോദസഞ്ചാരികളടക്കം 26 പേരുടെ മരണത്തിനിടയാക്കിയ പഹൽഗാം ഭീകരാക്രമണത്തെ തുടർന്ന് ഇന്ത്യയുമായുള്ള സംഘർഷം വർദ്ധിച്ച സാഹചര്യത്തിലാണ് മുഹമ്മദ് അസിം മാലിക്കിന്റെ നിയമനം.
ഇസ്ലാമബാദ്: പാകിസ്ഥാന്റെ രഹസ്യാന്വേഷണ ഏജന്സിയായ ഐഎസ്ഐയുടെ മേധാവി ലെഫ്റ്റനന്റ് ജനറല് മുഹമ്മദ് അസിം മാലികിനെ രാജയത്തിന്റെ ദേശീയ സുരക്ഷാ ഉപദേഷ്ടാവായി നിമയിച്ചതായി റിപ്പോർട്ട്. പഹല്ഗാം ഭീകരാക്രമണത്തിന് പിന്നാലെ ഇന്ത്യ സൈനിക നടപടികള്ക്ക് നീക്കം തുടങ്ങിയതായി പാകിസ്ഥാന് ആശങ്കയുണ്ട്. ഇതിന് പിന്നാലെ ഇന്ത്യയും പാകിസ്ഥാനും തമ്മിലുള്ള സംഘർഷങ്ങൾ വർധിച്ചുവരുന്ന സാഹചര്യത്തിലാണ് ഈ നിയമനം.
ആദ്യമായാണ് ഒരു ഐഎസ്ഐ മേധാവി പാകിസ്ഥാന്റെ ദേശീയ സുരക്ഷാ ഉപദേഷ്ടാവായി വരുന്നത്. ലെഫ്റ്റനന്റ് ജനറല് മുഹമ്മദ് അസിം മാലികിന് അധിക ചുമതലയാണ് നല്കിയിരിക്കുന്നത്. 2022 ല് ഇമ്രാന് ഖാന് സര്ക്കാര് പുറത്താക്കപ്പെട്ട ശേഷം പാകിസ്ഥാന് ദേശീയ സുരക്ഷാ ഉപദേഷ്ടാവ് ഇല്ലെന്നാണ് റിപ്പോര്ട്ട്. കഴിഞ്ഞ വര്ഷം സെപ്റ്റംബറിലാണ് അസിം മാലിക് പാക് രഹസ്യാന്വേഷണ ഏജന്സിയുടെ ചുമതലയിലെത്തിയത്.
ദേശീയ സുരക്ഷ, വിദേശനയം, തന്ത്രപരമായ കാര്യങ്ങള് തുടങ്ങിയ വിഷയങ്ങളില് പാക് പ്രധാനമന്ത്രിയുടെ പ്രധാന ഉപദേഷ്ടാവായി പ്രവര്ത്തിക്കുക എന്നതാണ് അസിം മാലികിന്റെ അധിക ചുമതല എന്നാണ് റിപ്പോർട്ട്. ഒരു ഫെഡറല് മന്ത്രിക്ക് തുല്യമായ പദവിയാണ് എന്എസ്എ വഹിക്കുന്നത്. ഇസ്ലാമാബാദിലെ പ്രധാനമന്ത്രിയുടെ സെക്രട്ടേറിയറ്റില് പ്രവര്ത്തിക്കുന്ന ദേശീയ സുരക്ഷാ വിഭാഗത്തിന്റെ തലവനാണ് ഉപദേഷ്ടാവ്.
ഐഎസ്ഐ ഡയറക്ടര് ജനറലാകുന്നതിന് മുമ്പ് അസിം മാലിക് പാക് സൈന്യത്തിന്റെ ജനറല് ഹെഡ്ക്വാര്ട്ടേഴ്സില് അഡ്ജറ്റന്റ് ജനറലായി സേവനമനുഷ്ഠിച്ചിരുന്നു. നിയമപരവും അച്ചടക്കപരവുമായ കാര്യങ്ങള് ഉള്പ്പെടെയുള്ള സൈനിക ഭരണപരമായ കാര്യങ്ങളുടെ മേല്നോട്ടമായിരുന്നു ചുമതല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും
)