Pakistan Train Hijack: പാകിസ്ഥാനിലെ ട്രെയിൻ റാഞ്ചി ബന്ദികളാക്കപ്പെട്ടവരെ രക്ഷപ്പെടുത്തിയതായി അധികൃതർ; 50 അക്രമികളെ വധിച്ചു

Pakistan Train Hijack Latest Updates: ട്രെയിൻ റാഞ്ചി യാത്രക്കാരെ ബന്ദികളാക്കിയ വിഘടനവാദികൾക്കെതിരായ ഏറ്റുമുട്ടൽ അവസാനിച്ചതായി റിപ്പോർട്ടുകൾ വ്യക്തമാക്കുന്നു.

പാകിസ്ഥാൻ: വിഘടനവാദികളെ വധിച്ച് ബന്ദികളെ രക്ഷിച്ചതായി പാകിസ്ഥാൻ അധികൃതർ. പാകിസ്ഥാനിലെ ട്രെയിൻ റാഞ്ചിയ വിഘടനവാദികളെ വധിച്ചതായാണ് അധികൃതർ വ്യക്തമാക്കുന്നത്. അസോസിയേറ്റ് പ്രസ് ആണ് ഇത് സംബന്ധിച്ച ആദ്യ റിപ്പോർട്ടുകൾ പുറത്ത് വിട്ടിരിക്കുന്നത്. ട്രെയിൻ റാഞ്ചി യാത്രക്കാരെ ബന്ദികളാക്കിയ വിഘടനവാദികൾക്കെതിരായ ഏറ്റുമുട്ടൽ അവസാനിച്ചതായി റിപ്പോർട്ടുകൾ വ്യക്തമാക്കുന്നു.

Add Zee News as a Preferred Source

അക്രമികളും ബന്ദികളിൽ ചിലരും കൊല്ലപ്പെട്ടെന്നാണ് റിപ്പോർട്ട്. സൈനികരും ഏറ്റുമുട്ടലിൽ കൊല്ലപ്പെട്ടിട്ടുണ്ട്. എന്നാൽ ഇത് സംബന്ധിച്ച കൃത്യമായ വിവരങ്ങൾ പുറത്തുവിട്ടിട്ടില്ല. ബന്ദികളിൽ എത്ര പേർ കൊല്ലപ്പെട്ടെന്ന് വ്യക്തത വന്നിട്ടില്ല. 50 അക്രമികൾ കൊല്ലപ്പെട്ടെന്നാണ് വിവരം. ബന്ദികളാക്കപ്പെട്ട മുന്നൂറിലേറെ പേരെ രക്ഷപ്പെടുത്തി.

450 യാത്രക്കാരുമായി ക്വറ്റയിൽ നിന്ന് പുറപ്പെട്ട ജാഫർ എക്സ്പ്രസ് ചൊവ്വാഴ്ചയാണ് ബലൂചിസ്ഥാൻ ലിബറേഷൻ ആർമി റാഞ്ചിയത്. ബലൂചിസ്ഥാൻ പ്രവിശ്യയിലെ ബോലാനിലെ ഒരു തുരങ്കത്തിന് സമീപം റെയിൽപാളം തകർത്താണ് വിഘടനവാദികൾ ട്രെയിൻ റാഞ്ചിയത്. ജയിലിൽ അടയ്ക്കപ്പെട്ട ബലൂചിസ്ഥാൻ ലിബറേഷൻ ആർമി പ്രവർത്തകരെ വിട്ടയക്കണമെന്നായിരുന്നു വിഘടനവാദികളുടെ ആവശ്യം.

ബന്ദികൾക്കൊപ്പം ശരീരത്തിൽ സ്ഫോടക വസ്തുക്കൾ ഘടിപ്പിച്ച ചാവേറുകളുണ്ടായിരുന്നു. ട്രെയിൻ റാഞ്ചപ്പെട്ട ഭൂപ്രദേശത്തിന്റെ പ്രത്യേകതയും രക്ഷാപ്രവർത്തനത്തിന് വെല്ലുവിളിയാണെന്ന് അധികൃതർ വ്യക്തമാക്കിയിരുന്നു.