 "US Travel Advisory For India: ബലാത്സംഗവും ഭീകരവാദവും; ഇന്ത്യയിൽ ഒറ്റയ്ക്ക് യാത്ര ചെയ്യരുത്, പ്രത്യേകിച്ച് സ്ത്രീകൾ, പൗരന്മാർക്ക് നിർദേശം നൽകി യുഎസ്")
വാഷിങ്ടൺ: ഇന്ത്യയിലേക്ക് യാത്ര ചെയ്യുന്ന യുഎസ് പൗരന്മാർക്ക് അതീവ ജാഗ്രതാ നിർദേശം പുറത്തിറക്കി യുഎസ്. ഇന്ത്യയിലെ ചില പ്രദേശങ്ങളിൽ ഭീകരവാദവും അക്രമങ്ങളും കുറ്റകൃത്യങ്ങളും ബലാത്സംഗവും വർധിച്ചതായും അതീവ ജാഗ്രത പുലർത്തണമെന്നും യുഎസ് നിർദേശത്തിൽ പറയുന്നു. യുഎസ് സ്റ്റേറ്റ് ഡിപ്പാർട്ട്മെന്റ് ലെവൽ 2 നിർദേശമാണ് പുറപ്പെടുവിച്ചിരിക്കുന്നത്.
ഇന്ത്യയിൽ അതിവേഗം കുറ്റകൃത്യങ്ങൾ വർധിക്കുകയാണ്. വിനോദ സഞ്ചാര കേന്ദ്രങ്ങളിലും മറ്റും ലൈംഗികാതിക്രമങ്ങൾ ഉൾപ്പെടെയുള്ള അക്രമാസക്തമായ കുറ്റകൃത്യങ്ങൾ നടക്കുന്നു. സ്ത്രീകൾ ഒറ്റയ്ക്ക് യാത്ര ചെയ്യരുതെന്നാണ് നിർദേശത്തിൽ വ്യക്തമാക്കുന്നത്.
മുന്നറിയിപ്പോടെയോ മുന്നറിയിപ്പില്ലാതെയോ ഭീകരാക്രമണങ്ങൾക്ക് സാധ്യതയുണ്ടെന്നും ഭീകരർ വിനോദസഞ്ചാര കേന്ദ്രങ്ങൾ, സർക്കാർ സ്ഥാപനങ്ങൾ, മാർക്കറ്റുകൾ എന്നീ സ്ഥലങ്ങൾ ലക്ഷ്യമിടുന്നുവെന്നും നിർദേശത്തിൽ പറയുന്നു. ജമ്മുകശ്മീരിലേക്ക് യാത്ര ചെയ്യരുതെന്നും നിർദേശത്തിൽ വ്യക്തമാക്കുന്നു.
ചത്തീസ്ഗഢ്, ഒഡിഷ, ബംഗാൾ തുടങ്ങിയ സ്ഥലങ്ങളിലെ ഗ്രാമീണ പ്രദേശങ്ങളിലേക്ക് യാത്ര ചെയ്യുന്നതിന് യുഎസ് സർക്കാർ ജീവനക്കാർക്ക് പ്രത്യേക അനുമതി വേണം. ഇക്കാര്യം നിർബന്ധമാക്കി. ഇന്ത്യയിൽ ജോലി ചെയ്യുന്ന യുഎസ് സർക്കാർ ജീവനക്കാർ അനുമതി വാങ്ങണമെന്നാണ് നിർദേശം നൽകിയിരിക്കുന്നത്. ഒറ്റയ്ക്ക് യാത്ര ചെയ്യരുത്, പ്രത്യേകിച്ച് സ്ത്രീകൾ ഒറ്റയ്ക്ക് യാത്ര ചെയ്യരുതെന്നും യുഎസ് നിർദേശത്തിൽ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)