 "China hits back at US : അടിക്ക് തിരിച്ചടി: അമേരിക്കന് ഉത്പന്നങ്ങള്ക്ക് 34 ശതമാനം അധിക തീരുവ ഏര്പ്പെടുത്തി ചൈന")
ബെയ്ജിങ് : യുഎസിന് തിരിച്ചടിയായി ചൈനയുടെ പുതിയ പ്രഖ്യാപനം. ഇറക്കുമതി ചെയ്യുന്ന എല്ലാ അമേരിക്കന് ഉല്പ്പന്നങ്ങള്ക്കും 34 ശതമാനം അധിക തീരുവ ചുമത്തിക്കൊണ്ടാണ് ചൈനയുടെ പ്രഖ്യാപനം. ചൈനീസ് കയറ്റുമതികള്ക്ക് 34 ശതമാനം തീരുവ ചുമത്താനുള്ള യുഎസ് പ്രസിഡന്റ് ഡൊണാള്ഡ് ട്രംപിന്റെ തീരുമാനത്തിന് പ്രതികാരമായിട്ടാണിത്. ഏപ്രില് 10 മുതല് അമേരിക്കന് ഉല്പ്പന്നങ്ങള്ക്ക് തീരുവ ചുമത്തുമെന്ന് സര്ക്കാര് ഉടമസ്ഥതയിലുള്ള സിന്ഹുവ വാര്ത്താ ഏജന്സി റിപ്പോര്ട്ട് ചെയ്തു.
വ്യാപാര പങ്കാളികള്ക്ക് മേല് അമേരിക്ക പകരചുങ്കം ഏര്പ്പെടുത്തിയതിനെ തുടര്ന്ന് ചൈന ലോക വ്യാപാര സംഘടനയില് കേസ് ഫയല് ചെയ്തതായി റിപ്പോര്ട്ടുണ്ട്.
കഴിഞ്ഞ ദിവസം അന്യായമായി ഇറക്കുമതിതീരുവ ഈടാക്കുന്നുവെന്നാരോപിച്ച് യുഎസ് പകരചുങ്കം പ്രഖ്യാപിച്ചിരുന്നു. ഇന്ത്യ അടക്കമുള്ള രാജ്യങ്ങള്ക്കെതിരെ യുഎസ് പ്രസിഡന്റ് ഡോണള്ഡ് ട്രംപ് ആണ് പകരചുങ്കം പ്രഖ്യാപിച്ചത്. ഡിസ്ക്കൗണ്ടുള്ള പകരചുങ്കം എന്ന് പറഞ്ഞാണ് ഇന്ത്യക്ക് മേല് 26 ശതമാനം തീരുവ ചുമത്തിയിരിക്കുന്നത്. ചൈനയ്ക്ക് 34 ശതമാനവും ഇറക്കുമതി തീരുവ ഈടാക്കും. യൂറോപ്യന് യൂണിയന് 20 ശതമാനം തീരുവയും, യുകെയ്ക്ക് പത്ത് ശതമാനം തീരുവ, ജപ്പാന് 24 ശതമാനമാണ് തീരുവ.
അമേരിക്കയിലേക്ക് ഇറക്കുമതി ചെയ്യുന്ന എല്ലാ ഉല്പ്പന്നങ്ങള്ക്കുമുള്ള 10 ശതമാനം ഇറക്കുമതി തീരുവയ്ക്ക് പുറമേയാണ് ഈ നിരക്ക്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
