 "Russia Earthquake: 4 മീറ്റർ ഉയരത്തിൽ തിരമാലകൾ, ആഞ്ഞടിച്ച് സുനാമി; ജപ്പാനിലും യുഎസിലും ആളുകളെ ഒഴിപ്പിച്ചു, അടിയന്തരാവസ്ഥ പ്രഖ്യാപിച്ച് റഷ്യ")
മോസ്കോ: റഷ്യയിൽ പുലർച്ചെയുണ്ടായ ഭൂചലനത്തിന് പിന്നാലെ റഷ്യയിലും ജപ്പാനിലും സുനാമി തിരമാലകൾ ആഞ്ഞടിച്ചു. 8.8 തീവ്രത രേഖപ്പെടുത്തിയ ഭൂചലനമാണുണ്ടായത്. ലോകത്തിലെ ഏറ്റവും ശക്തമായ ഭൂകമ്പങ്ങളിൽ ഒന്നായിരുന്നു ഇതെന്നാണ് റിപ്പോർട്ട്. ഇതിന് പിന്നാലെയാണ് വടക്കൻ പസഫിക് മേഖലയിൽ സുനാമിയുണ്ടായത്.
Videos are pouring in showing VIOLENT SHAKING from the MASSIVE M8.8 Earthquake off Kamchatka, RUSSIA! pic.twitter.com/zwx1jbhx0y
— RT (@RT_com) July 30, 2025
പസഫിക് സമുദ്രത്തിലെ പെട്രോപാവ്ലോവ്സ്-കംചാറ്റ്സ്കി നഗരത്തിന് തെക്കുകിഴക്കായി 126 കിലോമീറ്റർ അകലെയാണ് ഭൂകമ്പത്തിന്റെ പ്രഭവ കേന്ദ്രമെന്ന് യുഎസ് ജിയോളജിക്കൽ സർവേ അറിയിച്ചു.
4 മീറ്റർ (13 അടി) വരെ ഉയരത്തിലാണ് തിരമാലകൾ ആഞ്ഞടിച്ചത്. അലാസ്ക, ഹവായ്, ന്യൂസിലൻഡിന് തെക്ക് തീരപ്രദേശങ്ങളിലും സുനാമി മുന്നറിയിപ്പ് നൽകിയിട്ടുണ്ട്. ഇക്വഡോറിന്റെ ചില തീരപ്രദേശങ്ങളിൽ 3 മീറ്ററിൽ കൂടുതൽ (യാർഡ്) ഉയരത്തിൽ തിരമാലകൾ ഉണ്ടാകാനുള്ള സാധ്യതയുമുണ്ട്. നിരവധി കെട്ടിടങ്ങൾക്ക് കേടുപാടുകൾ സംഭവിച്ചു.
A video shows the tsunami already reaching Petropavlovsk-Kamchatsky, Kamchatka, Russia, following the massive earthquake pic.twitter.com/G3mLFUk5dn
— Faytuks Network (@FaytuksNetwork) July 30, 2025
ജപ്പാനിലെയും അമേരിക്കയിലെയും നിരവധി പ്രദേശങ്ങളിൽ നിന്ന് ആളുകളെ ഒഴിപ്പിക്കുകയാണ്. കൂടുതൽ പേരെ ഒഴിപ്പിക്കാനുള്ള നിർദ്ദേശവും നൽകിയിട്ടുണ്ട്. റഷ്യയിലെ കുറിൽ ദ്വീപുകളിലെ പ്രധാന ജനവാസ കേന്ദ്രമായ സെവേറോ-കുറിൽസ്കിന്റെ തീരപ്രദേശത്താണ് ആദ്യ സുനാമി തിരമാല ആഞ്ഞടിച്ചത്.
ഹോണോലുലുവിൽ സുനാമി മുന്നറിയിപ്പ് സൈറണുകൾ മുഴങ്ങി. ഇതോടെ ആളുകൾ ഉയർന്ന പ്രദേശങ്ങളിലേക്ക് മാറി. ജപ്പാനിലെ ഫുക്കുഷിമ ആണവ നിലയവും ഒഴിപ്പിച്ചു. എന്നാൽ നാശനഷ്ടം എത്രത്തോളം ഉണ്ടായിട്ടുണ്ടെന്നത് ഇപ്പോൾ വ്യക്തമല്ല. അതേസമയം സുനാമി ബാധിത ദ്വീപുകളിൽ മോസ്കോ അടിയന്തരാവസ്ഥ പ്രഖ്യാപിച്ച് കഴിഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)