ഊഷ്മളം ഈ ബന്ധം;``നന്ദി സുഹൃത്തേ, അമേരിക്ക ഇന്ത്യയെ സ്നേഹിക്കുന്നു``

വാഷിങ്ടൺ:അമേരിക്കയുടെ 244ാം സ്വാതന്ത്ര്യദിനത്തിൽ ആശംസയറിയിച്ച പ്രധാനമന്ത്രി നരേന്ദ്രമോദിക്ക് നന്ദിയർപ്പിച്ച് യുഎസ് പ്രസിഡന്റ് 
ഡൊണാൾഡ് ട്രംപ് ട്വീറ്റ് ചെയ്തു.

"യുഎസ്സിന്റെ 244ാം സ്വാതന്ത്ര്യദിനത്തിൽ രാജ്യത്തെ ജനങ്ങൾക്കും പ്രസിഡന്റ് ഡൊണാൾഡ് ട്രംപിനും ആശംസയറിയിക്കുന്നു. 
ഈ ദിനം ആഘോഷിക്കുന്ന വേളയിൽ ലോകത്തെ ഏറ്റവും വലിയ ജനാധിപത്യ രാജ്യമെന്ന നിലയിൽ ഞങ്ങൾ സ്വാതന്ത്ര്യത്തെ വിലമതിക്കുന്നു"
എന്നായിരുന്നു വൈറ്റ് ഹൗസിനെ ടാഗ് ചെയ്ത് പ്രധാനമന്ത്രി നരേന്ദ്ര മോദി ട്വീറ്റ് ചെയ്തത്.

ഇതിനുള്ള മറുപടി ട്വീറ്റിലാണ് ട്രംപ് ഇന്ത്യയോടുള്ള സ്നേഹം പ്രകടിപ്പിച്ചത്. "നന്ദി സുഹൃത്തെ, അമേരിക്ക ഇന്ത്യയെ സ്നേഹിക്കുന്നു" എന്നായിരുന്നു 
ട്രംപിന്റെ മറുപടി ട്വീറ്റ്,ഇരു രാജ്യങ്ങളും തമ്മിലുള്ള ഊഷ്മള ബന്ധം വ്യക്തമാക്കുന്നതായിരുന്നു ഇരു നേതാക്കളുടെയും ട്വീറ്റ്.

ഇന്ത്യ -ചൈന അതിര്‍ത്തി സംഘര്‍ഷത്തിന്‍റെ പശ്ചാത്തലത്തില്‍ ഈ ട്വീറ്റ് അന്തരാഷ്ട്ര തലത്തില്‍ ഏറെ ചര്‍ച്ചയാവുകയാണ്.അമേരിക്കയുടെ ഏറ്റവും അടുത്ത 
സുഹൃത്ത് എന്ന നിലയില്‍ ഇന്ത്യ മാറുകയാണ്.അമേരിക്ക ചൈനയ്ക്കെതിരെ കടുത്ത നടപടികള്‍ സ്വീകരിക്കാന്‍ തയ്യാറെടുക്കുകയാണ്.

ഇന്ത്യ ആകട്ടെ അതിര്‍ത്തി സുരക്ഷയുടെ കാര്യത്തില്‍ ചൈനയോട് യാതൊരു വിട്ട് വീഴ്ച്ചയും ഇല്ലെന്ന നിലപാടിലാണ്.