'तुझ्या डोक्यात हवा गेलीय', म्हणणाऱ्या शरद उपाध्येंना निलेश साबळेने दिलं उत्तर,'तुम्ही गुरुतुल्य... पण'
Nilesh Sable on Sharad Upadhye: डॉ. निलेश साबळेने राशीचक्रकार शरद उपाध्ये यांना 14 मिनिटांचा व्हिडीओ पोस्ट करुन प्रत्युत्तर दिलं आहे.
 "'तुझ्या डोक्यात हवा गेलीय', म्हणणाऱ्या शरद उपाध्येंना निलेश साबळेने दिलं उत्तर,'तुम्ही गुरुतुल्य... पण'")
Nilesh Sable on Sharad Upadhye: झी मराठीवरील 'चला हवा येऊ द्या' या लोकप्रिय कार्यक्रमाचे दुसरे पर्व लवकरच प्रेक्षकांच्या भेटीला येणार आहे. पण या पर्वात अनेक बदल झाले आहेत. ज्यातील सर्वात मोठा बदल म्हणजे सूत्रसंचलन डॉ. निलेश साबळेच्या ऐवजी अभिनेता अभिजीत खांडकेकर दिसणार आहे. याबाबत सगळीकडेच चर्चा असताना राशीचक्रकार शरद उपाध्ये यांनी पोस्ट करुन कार्यक्रमात आपला अपमान केला होता. असे अनेक आरोप केले आहेत. या आरोपांवर निलेश साबळेने तब्बल 14 मिनिटांचा व्हिडीओ सोशल मीडियावर पोस्ट केला आहे. या व्हिडीओतून त्याने शरद उपाध्येंना प्रत्युत्तर दिलं आहे.
निलेश साबळे काय म्हणाला?
शरद उपाध्येंनी केलेल्या आरोपांवर डॉ. निलेश साबळेने मुद्देसूद उत्तर दिलं आहे. निलेश साबळेने सर्वात अगोदर म्हटलं आहे की, त्याला झी मराठीवरील कार्यक्रमातून डच्चू दिलेला नाही असं त्याने म्हटलं आहे. तसेच शरद उपाध्ये यांनी आपल्या पोस्टमधून
'चला हवा येऊ द्या' च्या सेटवर अपमान झाल्याचा आणि निलेश साबळेच्या डोक्यात हवा गेल्याचा आरोप केला होता. यावर उत्तर देताना निलेश साबळे म्हणाला, "शरद उपाध्ये सर, खरं तर तुमचा फोन नंबर माझ्याकडे होता आणि माझाही तुमच्याकडे आहे. पण तुम्हाला सोशल मीडियावरच व्यक्त व्हायचं होतं."
त्यामुळे मी देखील सोशल मीडियावर व्यक्त झाल्याच निलेश साबळे म्हणाला आहे. तुम्ही माझ्यासाठी गुरुतुल्य आहात. पण तुम्ही खातरजमा करुन मुद्दा मांडणे अपेक्षित होते. या व्हिडीओत बोलताना निलेश साबळेने अभिनेत्री निर्मिती सावंत यांच्या मुलाच्या लग्नातही आपण भेटल्याचा उल्लेख केला आहे. तब्बल 2 ते अडीच तास गप्पा मारल्या. ही घटना 2017 मधील आहे. तेव्हा तुम्ही 2014 मध्ये घडलेल्या या घटनेचा उल्लेख का केला नाहीत? असा सवालही निलेश साबळेने यावेळी विचारला?
तसेच शरद उपाध्ये यांनी निलेश साबळेचा उल्लेख हा भंगारवाला, अहंकारी, हीन दर्जाचा, सर्वनाश, अधःपतन, खालच्या दर्जाचा अशापद्धतीने उल्लेख केला आहे. यावरही निलेश साबळेने आक्षेप नोंदवला आहे.
Dakshata Thasale
दक्षता ठसाळे-घोसाळकर या 'झी 24 तास डिजिटल'मध्ये चीफ सब एडिटर म्हणून कार्यरत आहे. यांना पत्रकारिता या क्षेत्रातील 14 वर्षांचा अनुभव आहे. 'प्रहार' आणि 'लोकमत' या आघाडीच्या वृत्तसंस्था आणि 'टीव्ही 9' आणि 'न्यूज एक्सप्रेस मराठी' या आघाडीच्या वृत्तवाहिनीचा अनुभव घेतल्यानंतर डिजीटल क्षेत्रात काम करण्यास सुरुवात केली. 'India.com मराठी' या डिजीटल वेबसाईटमध्ये काम केल्यानंतर 'महाराष्ट्र टाईम्स' च्या ऑनलाईन वेबसाईटसाठी काम केलं. यानंतर 'झी 24 तास डिजीटल'मध्ये विविध विषयांवरील बातम्यांमध्ये योगदान दिलं आहे. यामध्ये Lifestyle, आरोग्य, मनोरंजन यामधील बातम्यांमध्ये हातखंडा असून राज्यस्तरीय घडामोडी, गुन्हे आणि राजकीय घडामोडींमध्ये सर्वात मोठं योगदान आहे. पालकत्व, गर्भधारणा आणि पाककृती यासंदर्भात लेख लिहण्यास विशेष रुची आहे.
...Read More