गुलीगत सूरज चव्हाणच्या पहिला मराठी चित्रपटाच 'झापुक झुपूक'चा टीझर प्रदर्शित!

(Photo Credit : Social Media)

Suraj Chavan Zhapuk Zhupuk Movie : 'बिग बॉस मराठी सिझन 5' च्या विनर ट्रॉफीवर सूरज चव्हाणनं त्याचं नाव कोरलं. सूरजनं लाखो चाहत्यांची मनं जिंकली आणि आता पुन्हा एकदा तो आपला जलवा दाखवायला सज्ज आहे. सूरज चव्हाण लवकरच 'झापुक झुपूक' यी त्याच्या पहिल्या मराठी चित्रपटात दिसणार आहे. केदार शिंदे दिग्दर्शित 'झापुक झुपूक' चा धमाकेदार टीझर प्रदर्शित झाला आहे.. 

सूरजचा एक प्रसिद्ध डायलॉग आहे ज्यात तो 'म्हणतो मार्केट गाजवायला आणि पोरीला लाजवायला सूरज चव्हाणच्या नजरेतच दम आहे', असाच त्याच्या 'झापुक झुपूक' चित्रपटाचा टिझर हा दमदार आणि गाजवणारा आहे. टीझरमध्ये चित्रपटाची थोडीशी झलक पाहायला मिळते, सूरजची कॉमेडी, हटके स्टाईल  त्याचा भन्नाट अभिनय आणि फुल्ल ऑन मनोरंजन चित्रपटांमध्ये अनुभवायला मिळणार आहे. हालाखीच्या परिस्थितीतून वर येऊन सूरजनं प्रसिद्धी मिळवत माणुसकी जपली. त्याची  अकल्पनीय आणि प्रशंसनीय मेहनत आता मोठ्या पद्यावर पाहायला मिळणार आहे. एका ग्रामीण भागातील हा मुलगा  त्याच्या चित्रपटासाठी सध्या भरपूर चर्चेत आहे, मराठी मातीतल्या या साध्या भोळ्या सूरजसाठी प्रेक्षकांमध्ये कमालीची क्रेझ निर्माण झाली आहे. 

View this post on Instagram

A post shared by Suraj Chavan (@official_suraj_chavan1151)

सूरज चव्हाणसोबत या चित्रपटात अनेक मराठी कलाकार जसे जुई भागवत, इंद्रनील कामत, हेमंत फरांदे, पायल जाधव, पुष्कराज चिरपुटकर, मिलिंद गवळी आणि दीपाली पानसरे हे मुख्य भूमिकेत झळकणार आहेत. हल्लीच सूरजनं जेजुरीच्या खंडोबाचे, आईमरी मातेचे आणि मोरगावच्या गणपती बाप्पाचे दर्शन घेत चित्रपटाच्या प्रमोशनची जोरदार सुरुवात केली आहे. 

हेही वाचा : वडील आमिर खानला भेटल्यानंतर इरा खानला अश्रू अनावर; VIRAL VIDEO नं वेधलं सगळ्यांचं लक्ष

जिओ स्टुडिओज् प्रस्तुत, केदार शिंदे प्रोडक्शन्स निर्मित आणि दिग्दर्शित 'झापुक झुपूक' हा चित्रपट येत्या 25 एप्रिल 2025 रोजी महाराष्ट्रतील चित्रपटगृहात प्रेक्षकांच्या भेटीला येणार आहे. केदार शिंदे दिग्दर्शित झापुक झुपूक चित्रपट कौटुंबीक आणि मनोरंजन ने भरपूर अशी एक धमाल लव्हस्टोरी आहे. त्यामुळे आता सूरज चव्हाणला कोणत्या भूमिकेत पाहायला मिळणार याकडे सगळ्यांचे लक्ष लागले आहे. तर त्याच्या पोस्टपाहून सगळ्यांमध्ये असलेली उत्सुकता आणखी वाढली आहे.