12 व्या वर्षी गायकीने सुरु केलं करिअर; हिंदी सिनेमात बनली टॉपची अभिनेत्री, ब्रेकअप झाल्यामुळे आजन्म राहिली अविवाहित

बॉलिवूडच्या सुवर्णकाळात अनेक रोमँटिक कथा दडलेल्या आहेत. असे अनेक अष्टपैलू खेळाडू झाले आहेत ज्यांनी अभिनयासोबतच आपल्या गायनाने चाहत्यांना मंत्रमुग्ध केलं. ती अशीच एक अभिनेत्री कम गायिका होती जिने बालपणातच गाणे सुरू केले आणि नंतर लोक तिच्या अभिनयाचे वेडे झाले. ही अभिनेत्री तिच्या काळातील सर्वात रोमँटिक नायकाच्या प्रेमात पडली, परंतु या प्रेमाचं लग्नात रुपांतर झालं नाही आणि या दु:खामुळे ही अभिनेत्री आयुष्यभर अविवाहित राहिली.

Add Zee News as a Preferred Source

कोण आहे ही अभिनेत्री?

त्या काळातील प्रसिद्ध अभिनेत्री सुरैयाबद्दल बोलत आहोत. सुरैयाचा आवाज जितका मधुर होता तितकाच ती सुंदर होती. सुरैयाने वयाच्या अवघ्या 12 व्या वर्षी गायला सुरुवात केली. अगदी लहान वयातच ती खूप प्रसिद्ध झाली. यानंतर तिने चित्रपटांमध्ये प्रवेश केला आणि तिथेही तिने आपल्या अभिनयाने पडद्यावर अधिराज्य गाजवले. सुरैयाने तिच्या काळातील सर्व बड्या स्टार्ससोबत काम केले असले तरी देव आनंद साहबसोबत तिची जोडी खूप चांगली होती.

1948 मध्ये दोघांची पहिली भेट 'विद्या' चित्रपटाच्या सेटवर झाली होती. हळूहळू सुरैया आणि देव आनंद एकमेकांच्या प्रेमात पडले. देव आनंद आणि सुरैया एकमेकांच्या प्रेमात पडले पण त्यांच्या लग्नात धर्माचा अडथळा आला. देव साहेबांना सर्व काही बाजूला ठेवून सुरैयाशी लग्न करायचे होते पण सुरैयाच्या आजीला सुरैयाने दुसऱ्या धर्मात लग्न करावे असे वाटत नव्हते. अशा प्रकारे त्यांचे प्रेम अपूर्णच राहिले.

का होऊ शकलं नाही लग्न 

काही वर्षांनी देवानंदने कल्पना कार्तिकशी लग्न केले पण सुरैयाने आयुष्यभर देव साहेबांच्या आठवणीत लग्न केले नाही. सुरैया आणि देव आनंद यांनी सात चित्रपटांमध्ये एकत्र काम केले. असे म्हटले जाते की, दोघेही एकमेकांच्या प्रेमात इतके वेडे होते की चित्रपटाच्या सेटवरच लग्न करण्याचा प्लॅन तयार करण्यात आला होता. मात्र कोणीतरी सुरैयाच्या आजीला माहिती दिली आणि आजीने सुरैयाला ओढत घरी नेले. यानंतर सुरैया देव साहेबांना भेटण्यास बंदी घालण्यात आली. मात्र, देव साहेबांनी सुरैयाला हिऱ्याची अंगठी देऊन प्रपोज केले होते आणि ही अंगठी सुरैय्याच्या आजीने समुद्रात फेकून दिली होती. सुरैया जेव्हा देव साहेबांना शेवटच्या भेटीला आल्या तेव्हा तिने सांगितले की देव साहेबांना त्यांच्यामुळे मरू द्यायचे नाही. त्यानंतर देव साहेब आणि सुरैया यांची भेट झाली नाही आणि या प्रेमकथेचा दुःखद अंत झाला.