विना कपडे झोपनं कितपत योग्य? याचा आरोग्यावर नक्की कसां परिणाम होतो?

 रात्री कपड्यांशिवाय झोपणे आपल्या आरोग्यासाठी अनेक प्रकारे फायदेशीर आहे.

Updated: Aug 1, 2021, 04:47 PM IST
विना कपडे झोपनं कितपत योग्य? याचा आरोग्यावर नक्की कसां परिणाम होतो?

मुंबई : तुम्ही इंटरनेट वर हे बऱ्याच वेळा वाचले असेल की, विना कपडे झोपण्याचे अनेक फायदे आहेत. परंतु हे कितपत योग्य आहे, हे कोणालाच माहित नाही. तसेच बरेच लोकं हे चुकीचे देखील मानतात. त्यामुळे बऱ्याच लोकांच्या मनात हा संभ्रम निर्माण झाला असेल की, नक्की झोपताना कपडे घालावेत की, नाही? तर आज आम्ही तुम्हाला याबद्दल काही गोष्टी सांगणार आहोत.

अहवाल आणि संशोधनात असे दिसून आले आहे की, रात्री कपड्यांशिवाय झोपणे आपल्या आरोग्यासाठी अनेक प्रकारे फायदेशीर आहे. यामध्ये असे सांगितले गेले आहे की, जर तुम्ही झोपताना कोणतेही कपडे घातले नाहीत, तर तुम्हाला चांगली झोप येते आणि तुम्ही पुन्हा पुन्हा उठत नाही. असेही म्हटले गेले आहे की, जेव्हा एखाद्या व्यक्तीला झोप लागत नाही किंवा अस्वस्थ वाटते, तेव्हा ही पद्धत फार उपयुक्त ठरते. म्हणून असे म्हटले जाते की, व्यक्तीने कपडे न घालता झोपायचा प्रयत्न केला पाहिजे.

कपड्यांशिवाय झोपण्याचे काय फायदे आहेत?

एका मीडिया अहवालानुसार, University of Rochester demonstrates च्या रिसर्चच्या आधारे असे म्हटले आहे की, जेव्हा तुम्ही झोपता तेव्हा तुमचा मेंदू विषारी प्रथिने सोडतो, जे तुमच्या मेंदूसाठी खूप चांगला असते.

तसेच, जर तुम्ही कपड्यांशिवाय झोपलात, तर तुम्हाला खूप चांगली झोप येते आणि यामुळे मेंदूला विषारी पदार्थ बाहेर पडण्यास खूप मदत होते. या व्यतिरिक्त, माणसाचा ताण हा फक्त चांगल्या झोपेने संपतो आणि कपड्यांशिवाय झोपल्याने माणसाला ताण दूर करण्यास मदत होते.

याशिवाय, जेव्हा तुम्ही कपड्यांशिवाय झोपता तेव्हा माणसाचा आत्मविश्वास वाढतो. आणि जर आत्मविश्वास वाढला तर ते माणसासाठी ऊर्जा म्हणून काम करते.

यासह, विद्यापीठाच्या संशोधनात हे देखील उघड झाले आहे की, जेव्हा तुम्ही कपड्यांशिवाय झोपता, तेव्हा एक प्रकारे तुमची त्वचा श्वास घेते, जी दिवसभर कपड्यांनी झाकलेली असते आणि त्वचेच्या तापमानामुळे तुम्हाला झोप लागत नाही.

असेही म्हटले जाते की, जर तुम्ही अपूर्ण आणि कमी वेळ झोप घेतली तर तुमचा लठ्ठपणा वाढण्याची समस्या देखील वाढते, पण पूर्ण झोप घेतल्याने तुमचे वजन कमी होण्यास मदत होते. यासाठी कपड्यांशिवाय झोपणे खूप प्रभावी आहे.

कपड्यांशिवाय झोपणे चुकीचे का मानले जाते?

बरेच लोक याच्या विरोधात आहेत आणि ते म्हणतात की, रात्री काहीतरी कपडे घालून झोपले पाहिजे. यामागचे कारण असे आहे की, असे केल्याने रात्रीच्या वेळी आणीबाणीच्या वेळी कोणतीही समस्या निर्माण होऊ शकते. त्याचप्रमाणे जेव्हा रात्री पाणी वगैरेची गरज भासते तेव्हा देखील कपडे न घातल्याने अडचण येते. याशिवाय एकत्र कुटुंबात राहताना देखील लोकांना असे करणे शक्य होत नाही किंवा असे करणे चुकीचे असु शकते.