Sun Hole : सूर्यामध्ये लाखो किलोमीटर लांबीचा छिद्र! पृथ्वीवर धोका…; तुमच्यावर काय परिणाम होईल?

Hole in Sun : सूर्याच्या वातावरणात 10 लाख किलोमीटरपेक्षा जास्त रुंदीचा एक महाकाय असं छिद्र निर्माण झाला आहे. ज्यामुळे पृथ्वीकडे सौर वाऱ्याचा एक शक्तिशाली प्रवाह सोडला गेला आहे आणि त्यामुळे अवकाश हवामान अंदाज वर्तवणाऱ्यांना येत्या काही दिवसांसाठी भूचुंबकीय वादळाचा इशारा देण्यात आला आहे. सूर्यमालेचा मध्य तारा म्हटलं तर ते चुकीचं ठरणार नाही. त्याची शक्ती अमर्याद आहे. यामुळे अनेक वेळा सौरमालेत अनेक प्रकारच्या क्रियाकलाप घडतात, ज्याचा पृथ्वीवरही परिणाम होतो. कधीकधी सौर वादळांमुळे उपग्रह संप्रेषणातही समस्या निर्माण होतात. सूर्याच्या प्रत्येक हालचालीवर शास्त्रज्ञ लक्ष ठेवतात. (hole in the sun millions of kilometers long Danger to Earth What will be the impact on you)

तुमच्यावर काय परिणाम होईल?

आपल्याला असं वाटतं की सूर्य खूप दूर आहे आणि स्थिर आहे. त्याच्या स्फोटांचा केवळ पृथ्वीच्या आकाशावरच नव्हे तर तंत्रज्ञान, दळणवळण आणि पृथ्वीवरील पॉवर ग्रिडवरही दीर्घकालीन परिणाम होऊ शकतो. पण अलिकडेच, अवकाश हवामान निरीक्षकांनी एक मोठा इशारा दिला आहे. ते म्हणाले की, सुरतच्या वातावरणात लाखो किलोमीटर पसरलेले एक मोठे छिद्र निर्माण झाले आहे. येथून सूर्याकडून पृथ्वीकडे सौर वारा येत आहे. 

सूर्यातील या छिद्राचा अर्थ काय आहे?

कोरोनल होल ही अशी ठिकाणे आहेत जिथे सूर्याचे चुंबकीय क्षेत्र उघडतं. यातून, चार्ज केलेले कण प्रति सेकंद 700 किलोमीटर वेगाने जातात. या बुलेट स्पीड वाऱ्यांमुळे पृथ्वीवर भूचुंबकीय वादळे निर्माण होतात. सोमवारी, सूर्याच्या उत्तर गोलार्धातून एक चुंबकीय धागा उघडला, ज्यामुळे अवकाशातून पृथ्वीकडे अत्यंत धोकादायक वारे आले.

नॅशनल ओशनिक अँड अॅटमॉस्फेरिक अॅडमिनिस्ट्रेशन (NOAA) नुसार, 23 मे रोजी पृथ्वीच्या चुंबकीय क्षेत्रावर एक कोरोनल मास इजेक्शन येऊ शकते, ज्यामुळे G1-क्लास भूचुंबकीय वादळाचा धोका वाढू शकतो. इंडिया टुडेच्या मते, '20 ते 22 मे दरम्यान कमी-स्तरीय G1 वर्गाचे वादळ देखील शक्य आहे. नुकत्याच तयार झालेल्या कोरोनल होलमधून बुलेट वेगाने येणारा सौर वारा पृथ्वीवरून जाऊ शकतो. ही वादळे लहान असू शकतात पण रेडिओ संप्रेषण आणि उपग्रह ऑपरेशन्सवर गंभीर परिणाम करू शकतात.

पृथ्वीवर होणार परिणाम?

कोरोनल होलमधून येणाऱ्या सौर वाऱ्याचा पृथ्वीवर परिणाम होऊ लागला आहे.

वेगवान सौर वाऱ्यांमुळे लहान भूचुंबकीय वादळे निर्माण झाली आहेत, ज्यामुळे खूप कमी अक्षांशांवर नेत्रदीपक ऑरोरा दिसू लागले आहेत.

सध्या धोका मध्यम पातळीचा मानला जात असला तरी शास्त्रज्ञ परिस्थितीवर लक्ष ठेवून आहेत. कारण सूर्य सध्या अत्यंत क्रियाकलापांच्या काळात आहे, ज्याला सौर कमाल म्हणतात.

या काळात, सौर ज्वाला, सूर्याचे डाग आणि स्फोट वाढतात.