खासदार इकरा हसन यांचा Deepfake व्हिडीओ व्हायरल; आरोपींनी सांगितलं असं करण्यामागचं कारण; ऐकून संताप होईल

खासदार इकरा हसन

MP Iqra Hasans Deepfake video: सोशल मीडियावर तंत्रज्ञानाचा धोकादायक वापर समोर आला आहे. समाजवादी पक्षाच्या खासदार इकरा हसन चौधरी यांचा एक डीप फेक व्हिडिओ सोमवारी रात्री उशिरा व्हायरल झाला. हा व्हिडिओ एआय तंत्रज्ञानाचा वापर करून बनवण्यात आला होता. जो दोन अल्पवयीन मुलांनी "इकरा हसन चौधरी एमपी" नावाच्या बनावट फेसबुक अकाउंटवर अपलोड केला होता. व्हिडिओ समोर येताच त्यांच्या समर्थकांमध्ये संताप पसरला.

Add Zee News as a Preferred Source

यूपी डीजीपींच्या आदेशानुसार कारवाई

समाजवादी सांसद इकरा हसन की घटना ने
सभी को सोच में डाल दिया है।

जब एक महिला सांसद AI Deapfake वीडियो के माध्यम से टारगेट की जा सकती हैं
तो सामान्य लड़कियों और महिलाओं का खुदा ही रहबर है।

Iqra Hasan तो एक सासंद थी जो तुरंत कार्यवाही हो गई लेकिन रोज बहुत बड़ी संख्या में महिलाएं… pic.twitter.com/Cuu5njOrmj

— Uzma Parveen (@UzmaParveen94) July 2, 2025

आरोपींनी खासदारांचे समर्थक इमरान नदवी यांनी ट्विटरवरील व्हिडिओमधून एक फोटो काढला आणि उत्तर प्रदेश पोलिसांना टॅग करून तक्रार केली. यानंतर डीजीपींच्या आदेशानुसार शामली पोलिसांनी या प्रकरणाची जबाबदारी सायबर सेलकडे सोपवली आहे. आता व्हिडिओ आणि फेक अकाउंटची चौकशी सुरू करण्यात आली आहे. आरोपींची ओळख पटताच त्यांना अटक केली जाईल आणि कठोर कारवाई केली जाईल, असे एसपी शामली रामसेवक गौतम यांनी सांगितले होते.

माफीचा व्हिडिओ जारी

AI ऐप से सांसद इकरा हसन की फर्जी वीडियो बनाकर वायरल की, पंचायत में युवकों ने मांगी माफी #AIhttps://t.co/IH0OqmTtqA

— Rupesh dubey  (@rupeshdubey8885) July 1, 2025

नूह जिल्ह्यातील फिरोजपूर झिरका येथील आमका गावातील दोन तरुणांनी एआय अॅपच्या मदतीने व्हिडिओ बनवला होता. दरम्यान घटनेचे गांभीर्य पाहून मेवात परिसरातील एका सरपंच पुढे आले आहेत. तिने स्वतः मुलांकडून माफी मागून एक माफीनामा व्हिडिओ जारी केला आहे. ज्यामध्ये संपूर्ण मेवातच्या वतीने खेद व्यक्त करण्यात आला आहे. तसेच सोशल मीडियावर व्हायरल झालेले जुने व्हिडिओ काढून टाकण्यात आले आहेत. 

बनावट अकाऊंट्स बनतायत डोकेदुखी

एआयचा दुरुपयोग करण्याची ही काही एकमेव आणि पहिली घटना नाही. फेसबुक, इंस्टाग्राम आणि इतर सोशल मीडिया प्लॅटफॉर्मवर इकरा हसन चौधरीच्या नावाने शेकडो बनावट खाती सक्रिय आहेत. यामध्ये खासदाराच्या फोटो आणि व्हिडिओ डाऊनलोड करुन ते एडीट केले जातात. काही दिवसांपूर्वी खासदार इकरा यांनी पोलीस अधिकाऱ्यांना बनावट अकाऊंट्सची यादी सोपवली होती. पण अद्याप यावर कोणतीही ठोस कारवाई झालेली नाही.