'माझी सासू लवकर मरु दे.... ' दानपेटीत मिळालेल्या नोटेवर सुनेची देवाकडे अजब प्रार्थना
Kalaburagi Bhagyavanti Devi Temple: कर्नाटकच्या कलबुर्गी येथील भाग्यवंती देवीच्या मंदिरातील दानपेटीत एक 20 रुपयांची नोट मिळाली आहे. ही नोट त्यावर लिहिलेल्या एका प्रार्थनेमुळे चर्चेत आली आहे.
 "'माझी सासू लवकर मरु दे.... ' दानपेटीत मिळालेल्या नोटेवर सुनेची देवाकडे अजब प्रार्थना")
सोशल मीडियाचा काळ आहे, काही ना काही गोष्टी व्हायरल होत आहे. आता सोशल मीडियावर अशीच एक नोट व्हायरल होत आहे. ज्यामागचं कारण आहे त्या नोटेवर लिहिलेला मजकुर. हा मजकुर म्हणजे एक प्रकारची प्रार्थनाच. सामान्यपणे लोक देवाकडे गेल्यावर सगळ्यांना सुखरुप ठेवण्याची मागणी करतात. पण या नोटेवर तर चक्क.....
कर्नाटकातील कलबुर्गी येथील एका मंदिरातील ही नोट सध्या सोशल मीडियावर चर्चेत आहे. अफजलपुर तालुक्याचीस कटाडारगी क्षेत्रात भाग्यवंती देवीचे मंदिर आहे. या मंदिरातील दानपेटीमध्ये एक नोट मिळाली आहे. यामध्ये एका व्यक्तीने चक्क सासूच्या निधनाची प्रार्थना केली आहे. मंदिरातील लोक या नोटेवरील मजकुर पाहून हैराण आहे.
काय आहे हा प्रकार?
हा प्रकार भाग्यवंती देवी मंदिरात घडला आहे. जिथे दानपेटी उघडल्यावर हा प्रकार लक्षात आला. एका 20 रुपयांच्या नोटेने सर्वांचे लक्ष वेधून घेतले. त्या चिठ्ठीवर लिहिले होते: "आई, माझ्या सासूबाई लवकर मरण पावोत." सहसा जेव्हा मंदिराची दानपेटी उघडली जाते तेव्हा लक्ष रोख रक्कम किंवा मौल्यवान भेटवस्तूंवर असते, परंतु यावेळी 20 रुपयांच्या नोटेने सर्वांचे लक्ष वेधून घेतले आणि या इच्छेने मंदिर व्यवस्थापनाला धक्का बसला आणि ही नोट सोशल मीडियावर व्हायरल होत आहे.
दानपेटीत आणखी काय काय मिळाले?
मिळालेल्या माहितीनुसार, दानपेटीत एकूण 60 लाख रुपये रोख, 1 किलो चांदी आणि 200 तोळे सोन्याचे दागिने सापडले, परंतु या सर्वांमध्ये 20 रुपयांच्या नोटेवर लिहिलेल्या प्रार्थनेची सर्वाधिक चर्चा झाली. ही विचित्र घटना सोशल मीडियावर चर्चेचा विषय बनली आहे. लोकांनी याबद्दल अनेक प्रश्न उपस्थित केले आहेत, जसे की पवित्र ठिकाणीही भावना इतक्या कठोर कशा असू शकतात.
Dakshata Thasale
दक्षता ठसाळे-घोसाळकर या 'झी 24 तास डिजिटल'मध्ये चीफ सब एडिटर म्हणून कार्यरत आहे. यांना पत्रकारिता या क्षेत्रातील 14 वर्षांचा अनुभव आहे. 'प्रहार' आणि 'लोकमत' या आघाडीच्या वृत्तसंस्था आणि 'टीव्ही 9' आणि 'न्यूज एक्सप्रेस मराठी' या आघाडीच्या वृत्तवाहिनीचा अनुभव घेतल्यानंतर डिजीटल क्षेत्रात काम करण्यास सुरुवात केली. 'India.com मराठी' या डिजीटल वेबसाईटमध्ये काम केल्यानंतर 'महाराष्ट्र टाईम्स' च्या ऑनलाईन वेबसाईटसाठी काम केलं. यानंतर 'झी 24 तास डिजीटल'मध्ये विविध विषयांवरील बातम्यांमध्ये योगदान दिलं आहे. यामध्ये Lifestyle, आरोग्य, मनोरंजन यामधील बातम्यांमध्ये हातखंडा असून राज्यस्तरीय घडामोडी, गुन्हे आणि राजकीय घडामोडींमध्ये सर्वात मोठं योगदान आहे. पालकत्व, गर्भधारणा आणि पाककृती यासंदर्भात लेख लिहण्यास विशेष रुची आहे.
...Read More