Home
/भारत
/भारतातील शाळांच्या फी संदर्भात केंद्राचा मोठा निर्णय; आता घरबसल्या एका क्लिकवर...

भारतातील शाळांच्या फी संदर्भात केंद्राचा मोठा निर्णय; 'आता घरबसल्या एका क्लिकवर...'

School Fee On UPI: पालकांना शुल्क भरण्याची प्रक्रिया सुलभ होणार आहे.

Written ByPravin Dabholkar

Published: Oct 14, 2025, 02:36 PM IST|Updated: Oct 14, 2025, 02:37 PM IST

join share

भारतातील शाळांच्या फी संदर्भात केंद्राचा मोठा निर्णय; 'आता घरबसल्या एका क्लिकवर...'

Image Credit: शाळेची फी

School Fee On UPI: तुमचा मुलगा किंवा मुलगी शाळेत असेल तर तुमच्यासाठी ही आनंदाची अपडेट आहे. फी भरण्यासाठी तुम्हाला दरवेळेला सुट्टी टाकून शाळेत जावं लागायचं. पण आता तसं होणार नाही. कारण केंद्र सरकारने शालेय शिक्षण क्षेत्रात डिजिटल क्रांतीला चालना देण्यासाठी महत्त्वपूर्ण पाऊल उचललंय. सर्व राज्ये आणि केंद्रशासित प्रदेशांना पत्र पाठवलंय. याद्वारे शिक्षण मंत्रालयाने शाळांना UPI द्वारे शुल्क स्वीकारण्याचे निर्देश दिले आहेत. यामुळे शालेय प्रशासन अधिक कार्यक्षम आणि पारदर्शक होईल, तसेच पालकांना शुल्क भरण्याची प्रक्रिया सुलभ होईल असा विश्वास व्य्कत करण्यात येतोय.

डिजिटल पेमेंटला प्रोत्साहन

शिक्षण मंत्रालयाने NCERT, CBSE, KVS आणि NVS यांसारख्या शैक्षणिक संस्थांना UPI स्वीकारण्यास सांगितले आहे. यामुळे रोखीच्या व्यवहारांना आळा बसेल आणि डिजिटल पेमेंटला चालना मिळेल. शुल्क भरण्यासाठी पालकांना शाळेत जाण्याची गरज भासणार नाही, तसेच लांबचलांब रांगा टाळता येतील.

पालकांसाठी सोय

पारंपरिक पद्धतीने शुल्क भरण्यासाठी पालकांना शाळेत जाऊन तासन्तास रांगेत उभे राहावे लागते. UPI मुळे पालकांना घरबसल्या एका क्लिकवर शुल्क भरता येईल. ही सुविधा विशेषतः प्रवेश आणि परीक्षा काळात उपयुक्त ठरेल, जिथे गर्दीमुळे अडचणी आल्याचा अनुभव प्रत्येक पालकाला येतो.

पारदर्शकता आणि सुरक्षितता

UPI पेमेंटमुळे शुल्काची नोंद डिजिटल स्वरूपात राहील, ज्यामुळे व्यवहार पूर्णपणे पारदर्शक राहतील. रोख रकमेच्या कमतरतेमुळे उद्भवणाऱ्या समस्यांना आळा बसेल आणि प्रत्येक व्यवहाराचा रेकॉर्ड कायमस्वरूपी सुरक्षित राहणार आहे.

डिजिटल इंडियाला चालना

हा उपक्रम डिजिटल इंडिया मोहिमेचा एक भाग आहे. यामुळे शाळांचे प्रशासन आधुनिक होईल आणि पालकांमध्ये डिजिटल साक्षरता वाढेल. 2047 पर्यंत विकसित भारताच्या दिशेने शिक्षण क्षेत्रात तंत्रज्ञानाचा वापर महत्त्वाचा ठरेल.

शिक्षण क्षेत्रात परिवर्तन

UPI चा वापर केवळ शुल्क भरण्यापुरता मर्यादित नसून, यामुळे शालेय व्यवस्थापन अधिक स्मार्ट होईल. स्मार्ट क्लासेसप्रमाणेच, UPI मुळे शाळांचे आर्थिक व्यवहारही आधुनिक आणि कार्यक्षम होतील.

FAQ

प्रश्न: शाळांमध्ये UPI पेमेंट लागू करण्याचा केंद्र सरकारचा उद्देश काय आहे?

उत्तर: केंद्र सरकारचा उद्देश शालेय प्रशासनाला अधिक पारदर्शक आणि कार्यक्षम बनवणे आहे. UPI द्वारे शुल्क भरण्याची सुविधा लागू केल्याने पालकांना घरबसल्या एका क्लिकवर शुल्क भरता येईल, लांब रांगा टाळता येतील आणि डिजिटल पेमेंटला प्रोत्साहन मिळेल. यामुळे शाळांचे कामकाज स्मार्ट होईल आणि डिजिटल इंडिया मोहिमेला चालना मिळेल.

प्रश्न: UPI पेमेंटमुळे पालकांना कसा फायदा होईल?

उत्तर: UPI मुळे पालकांना शुल्क भरण्यासाठी शाळेत जाऊन रांगेत उभे राहण्याची गरज भासणार नाही. ते घरूनच मोबाइलद्वारे त्वरित आणि सुरक्षितपणे शुल्क भरू शकतील. यामुळे वेळेची बचत होईल, विशेषतः प्रवेश आणि परीक्षा काळात, आणि व्यवहारांचा डिजिटल रेकॉर्ड कायमस्वरूपी सुरक्षित राहील.

प्रश्न: UPI पेमेंट शाळांच्या व्यवस्थापनाला कसे सुधारेल?

उत्तर: UPI मुळे शुल्क भरण्याची प्रक्रिया डिजिटल आणि पारदर्शक होईल. रोख रकमेच्या व्यवहारांमुळे निर्माण होणाऱ्या समस्या, जसे की पावती गहाळ होणे किंवा रकमेची चूक, टाळता येतील. यामुळे शाळांचे आर्थिक व्यवस्थापन अधिक आधुनिक आणि कार्यक्षम होईल, तसेच शिक्षण क्षेत्रात तंत्रज्ञानाचा वापर वाढेल.

Add Zee News as a Preferred Source

TAGS:

SCHOOL FEES

school fees on UPI

school fees deposited one click

About the Author

Pravin Dabholkar

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.

करियरची सुरुवात

वयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.

शैक्षणिक पार्श्वभूमी

शैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.

लेखन शैली आणि दृष्टीकोन

संशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.

विशेषज्ञानाची क्षेत्रे

ह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.