Pahalgam Terrorist Attack : पहलगाम दहशतवादी हल्ल्यावर पाकिस्तानी अभिनेता फवाद खानची पोस्ट; म्हणाला, 'त्या घटनेत प्राण गमावले त्यांच्या...'

Pakistani Actor Fawad Khan on Pahalgam Attack : पहलगाममध्ये झालेल्या दहशतवादी हल्ल्यानंतर संपूर्ण देशात आक्रोश पाहायला मिळत आहे आणि जनता ही संतप्त झाली आहे. एकीकडे लोकं या हल्ल्यानंतर पाकिस्तानला सडेतोड उत्तर देत बदला घेण्याबद्दल बोलत आहेत. तर दुसरीकडे पाकिस्तानी अभिनेता फवाज खानवर देखील त्यांचा राग व्यक्त करताना दिसत आहेत. फवाद खानचा 'अबीर गुलाल' हा चित्रपट लवकरच प्रेक्षकांच्या भेटीला येणार असून त्याच्यावर बॅन आणण्याची मागणी केली आहे. तर दुसरीकडे फवाद खाननं या दहशतवादी हल्लायवर संतात व्यक्त करत या हल्ल्यात ज्यांनी प्राण गमावले त्यांच्या कुटुंबाच्या दु:खात सहभागी असल्याचं म्हटलं आहे. 

पाकिस्तानी नागरिकांना भारतात येण्यापासून मनाई आणि आधी ज्यांना वीजा मिळाले होते ते रद्द  केल्यानंतर फवादनं त्याची प्रतिक्रिया दिली आहे. फवाद खाननं त्याच्या इन्स्टाग्राम अकाऊंटच्या स्टोरीवरून दहशतवादी हल्ल्यानंतर एक पोस्ट शेअर केली. या पोस्टमध्ये त्यानं लिहिलं की 'पहलगाममध्ये झालेल्या हल्ल्याची बातमी ऐकूण वाईट वाटलं. त्या घटनेत ज्यांनी प्राण गमावले त्यांच्या कुटुंबासोबत आम्ही आहोत. या कठीण काळात त्यांच्या कुटुंबाला दु: ख सहन करण्याची आणि या घटनेतून लवकर बाहेर येण्याची ताकद मिळो यासाठी आम्ही प्रार्थना करतोय.' 

दरम्यान, 2016 मध्ये झालेल्या हल्ल्यानंतर पाकिस्तानी कलाकारांना भारतात काम करण्यावर बंदी आणली होती. तर 2023 मध्ये हा बॅन काढून टाकण्यात आला. त्यानंतर आता फवाद खान हा 'अबीर गुलाल' मधून बॉलिवूडमध्ये कमबॅक करत आहे. आता त्याचं कमबॅक कसं होणार याकडे सगळ्यांचे लक्ष लागले आहे. त्यात फवादच्या 'अबीर गुलाल' या चित्रपटावर बंदी आणण्याची मागणी करण्यात आली आहे. सोशल मीडियावर नेटकरी बोलताना दिसत आहेत की हा चित्रपट कोणत्याही परिस्थितीत प्रदर्शित होऊ देणार नाही. अनेकांनी तर फवाद आणि इतर कोणतेही पाकिस्तानी कलाकार यांनी भारतात येण्याचा प्रयत्न केला तर धक्का मारून हकलवून लावणार असं म्हटलं आहे. 

हेही वाचा : पहलगाम दहशतवादी हल्ल्यात शहीद झालेल्या विनय नरवाल यांचा पत्नीसोबतचा अखेरचा VIDEO VIRAL

पहलगाममध्ये झालेल्या दहशतवादी हल्ल्यानंतर देशात पाकिस्तानी लोकां विरोधात असलेला आक्रोश पाहता 'अबीर गुलाल' चित्रपटाच्या प्रदर्शनाची तारिख पुढे ढकलण्यात आली आहे. कारण या सगळ्याचा थेट परिणाम हा चित्रपटाच्या कमाईवर पडणार आहे. या चित्रपटात फवादसोबत अभिनेत्री वाणी कपूर महत्त्वाच्या भूमिकेत दिसणार आहे.