तुरुंगातून जॅकलिनला लव्हलेटर लिहिणाऱ्या सुकेशचं निर्मला सितारमण यांना पत्र; 'माझ्या 76400000000 रुपयांच्या उत्पन्नावर टॅक्स...'
Sukesh Chandrasekhar: फसवणूक करणारा सुकेश चंद्रशेखर याने केंद्रीय अर्थमंत्री निर्मला सीतारमण यांना एक पत्र पाठवले आहे.
 "तुरुंगातून जॅकलिनला लव्हलेटर लिहिणाऱ्या सुकेशचं निर्मला सितारमण यांना पत्र; 'माझ्या 76400000000 रुपयांच्या उत्पन्नावर टॅक्स...'")
Sukesh Chandrasekhar: कोट्यवधी रुपयांच्या फसवणुकीच्या आरोपाखाली सुकेश चंद्रशेखर याला 2015 मध्ये अटक करण्यात आली. दरम्यान अभिनेत्री जॅकलिन फर्णांडिससोबतच खासगी फोटो त्याने सोशल मीडियात व्हायरल केले. आमच्या दोघांचे प्रेम असून आपण कोट्यवधीच्या वस्तू तिला गिफ्ट केल्या असल्याचे त्याने सांगितले. तुरुंगात असूनही जॅकलिनला प्रेमपत्र पाठवणाऱ्या सुकेशने आता केंद्रीय अर्थमंत्री निर्मला सितारमण यांना पत्र लिहिले आहे. काय म्हटलंय या पत्रात? जाणून घेऊया.
फसवणुकीच्या गुन्ह्यात शिक्षा भोगत असणाऱ्या आरोपी सुकेश चंद्रशेखर याने केंद्रीय अर्थमंत्री निर्मला सीतारमण यांना एक पत्र पाठवले आहे. यामध्ये 2024 साठीचे त्यांचे घोषित 7640 कोटी रुपयांचे परकीय उत्पन्न संबंधित सरकारी कर योजनेअंतर्गत समाविष्ट करण्याचे आवाहन केले आहे. सुकेशने निर्मला सीतारमण यांना एका पत्राद्वारे विनंती केली आहे. नेवाडा आणि ब्रिटिश व्हर्जिन आयलंडमध्ये नोंदणीकृत माझे परदेशी व्यवसाय आहेत. एलएस होल्डिंग्ज इंटरनॅशनल आणि स्पीड गेमिंग कॉर्पोरेशन, ऑनलाइन आणि ऑफलाइन गेमिंग आणि बेटिंगमध्ये पैसे गुंतले असल्याचेही त्याने सांगितले.
अमेरिकेपासून दुबईपर्यंतचा व्यवसाय
सुकेशने दिलेल्या माहितीनुसार, त्याचा व्यवसाय अमेरिका, स्पेन, ब्रिटन, दुबई आणि हाँगकाँगमध्ये सुरु आहे. भारतातील सर्व प्रलंबित आयकर वसुलीच्या अॅक्शन आणि अपीलांचा निपटारा करण्यास आपण तयार असल्याचे सुकेश चंद्रशेखरने म्हंटलय. तसेच सुकेश चंद्रशेखर याने पंतप्रधान मोदींचे कौतुक केले आहे. मी माझ्या परकीय उत्पन्नावरील कर भरून आणि तो देशात गुंतवून भारताच्या विकासात योगदान देऊ इच्छितो, असे सुकेशने म्हटलंय.
मला कर भरायचाय
सुकेशने आपल्या पत्रात पुढे म्हटलंय की, आजपासून एक अभिमानी भारतीय म्हणून आपले पंतप्रधान मोदीजींच्या महान नेतृत्वाखाली मला या महान राष्ट्राच्या जागतिक दर्जाच्या विकासात योगदान द्यायचे आहे.आतापासून मी माझ्या परदेशी उत्पन्नावर स्वेच्छेने भारतीय कर भरेन. माझे परदेशातील उत्पन्न भारतात गुंतवेल, असेही तो पुढे म्हणाला. यासाठी मी 2024 सालासाठी माझे 7640 कोटी रुपयांचे कायदेशीर परकीय उत्पन्न जाहीर करत आहे, असे फसवणुकीचा आरोप असलेल्या सुकेशने लिहिले. तसेच मी भारतीय कर कायद्यांनुसार योग्य कर तात्काळ भरू इच्छितो, असेही सुकेशने आपल्या पत्रात लिहिलंय.
Pravin Dabholkar
"प्रवीण सुरेश दाभोळकर हे 'झी 24 तास' डिजिटलमध्ये चीफ सब एडीटर पदावर कार्यरत आहेत त्यांना मीडिया क्षेत्राचा 14 वर्षांचा अनुभव आहे. वयाच्या 21 व्या वर्षी त्यांनी प्रिंट मीडियातून आपल्या कारकिर्दीची सुरुवात केली. तिथे त्यांना लेखन आणि रिपोर्टिंगचा मौल्यवान अनुभव मिळाला. तेव्हापासून त्यांनी प्रिंट, टीव्ही आणि डिजिटल मीडियासह विविध माध्यमांमध्ये काम केले आहे. संशोधनात्मक अहवाल आणि फिचर रायटिंगकडे त्यांचा कल आहे. वाचकांना माहिती नसलेल्या कथा लोकांसमोर आणण्याची त्यांना आवड आहे. हे करीत असताना सविस्तर तपशील आणि अचूकतेकडे त्यांची कटाक्षाने नजर असते. फावल्या वेळात प्रविण आपल्या आनंदासाठी फिरणे, नवीन गोष्टी आत्मसात करणे आणि सामाजिक कार्यात गुंतलेले असतात. त्यांचे लेखन अनेकदा सामाजिक न्यायाच्या समस्यांबद्दलची त्यांची उत्कटता दर्शवते. तसेच आपल्या लेखणीच्या माध्यमातून समाजात सकारात्मक प्रभाव पाडण्यासाठी ते नेहमी प्रयत्नशील असतात."
...Read More
LIVE