महादेवी हत्तीणीला नेण्यात आलेल्या वनताराचे संचालक अनंत अंबानी कितवी शिकलेयत?

Anant Ambani Education: अनंत अंबानी हे सध्या वनातारा प्रकल्पामुळे चर्चेत आहेत. वनतारा हा अनंत अंबानी यांचा एक महत्वाकांक्षी वन्यजीव संरक्षण आणि पुनर्वसन प्रकल्प आहे, जो रिलायंस इंडस्ट्रीज आणि रिलायंस फाउंडेशनच्या माध्यमातून चालवला जातो. हा प्रकल्प गुजरातमधील जामनगर येथील रिलायंस रिफायनरी कॉम्प्लेक्सच्या ग्रीन बेल्टमध्ये 3 हजार एकरांवर पसरलेलाय. ज्यापैकी 650 एकरांवर रेस्क्यू आणि रिहॅबिलिटेशन सेंटर आहे. या प्रकल्पाचे उद्दीष्ट घायल, प्रताडित, आणि लुप्तप्राय प्राण्यांना, विशेषतः हत्ती, शेर, बिबटे, गेंडे, आणि पक्षी यांना संरक्षण, उपचार, आणि पुनर्वसन करण्यात येतंय. कोल्हापूर जिल्ह्यातील नांदणी मठात असणा-या महादेवी हत्तीणीला वैद्यकीय गरजांमुळे वनतारामध्ये हलवण्यात आलंय. या सर्वामुळे चर्चेत आलेल्या वनताराच्या अनंत अंबानी यांच्या शिक्षणाविषयी जाणून घेऊया. 

शालेय शिक्षण कुठून घेतले?

रिलायंस इंडस्ट्रीजचे अध्यक्ष मुकेश अंबानी यांचा सर्वात धाकटा मुलगा असलेल्या अनंत अंबानी यांनी आपले शालेय शिक्षण मुंबई येथून पूर्ण केले. त्यांनी धीरूभाई अंबानी इंटरनेशनल स्कूल या त्यांच्या स्वतःच्या शाळेतून शालेय शिक्षण घेतले. ही शाळा मुंबईतील प्रतिष्ठित शैक्षणिक संस्थांपैकी एक आहे, जी नीता अंबानी यांनी स्थापन केली आहे.

उच्च शिक्षण कुठून घेतलं?

शालेय शिक्षणानंतर अनंत यांनी उच्च शिक्षणासाठी अमेरिकेतील रोड आयलंड येथील ब्राउन यूनिवर्सिटी मध्ये प्रवेश घेतला. या प्रसिद्ध विद्यापीठातून त्यांनी आपले पदवीचे शिक्षण पूर्ण केले. ब्राउन यूनिवर्सिटी ही अमेरिकेतील आघाडीच्या आयव्ही लीग विद्यापीठांपैकी एक आहे, जी आपल्या उच्च दर्जाच्या शिक्षणासाठी ओळखली जाते. 

कौटुंबिक व्यवसायात प्रवेश

भारतात परतल्यानंतर अनंत यांनी कौटुंबिक व्यवसायात प्रवेश केला आणि आपल्या आई नीता अंबानी यांच्यासोबत सामाजिक कल्याणाच्या कार्यातही सक्रियपणे सहभाग घेतला. अनंत अंबानी हे एक यशस्वी उद्योजक आणि व्यवसायीक आहेत. त्यांनी रिलायंस समूहाच्या विविध कंपन्यांमध्ये महत्त्वाच्या जबाबदाऱ्या स्वीकारल्या आहेत. 

Inaugurated Vantara, a unique wildlife conservation, rescue and rehabilitation initiative, which provides a safe haven for animals while promoting ecological sustainability and wildlife welfare. I commend Anant Ambani and his entire team for this very compassionate effort. pic.twitter.com/NeNjy5LnkO

— Narendra Modi (@narendramodi) March 4, 2025

अनंत अंबानींकडे आणखी कोणत्या जबाबदाऱ्या?

अनंत अंबानी हे मार्च 2020 पासून ते जियो प्लॅटफॉर्म्स लिमिटेड च्या संचालक मंडळावर (बोर्ड ऑफ डायरेक्टर्स) आहेत. मे 2022 पासून रिलायंस रिटेल व्हेंचर्स लिमिटेड च्या संचालक मंडळावर कार्यरत आहेत.
जून 2021 पासून रिलायंस न्यू एनर्जी लिमिटेड आणि रिलायंस न्यू सोलर एनर्जी लिमिटेड च्या संचालक मंडळाचे सदस्य आहेत. याशिवाय ते रिलायंस फाउंडेशन च्या संचालक मंडळाचे सदस्य देखील आहेत, जिथे ते सामाजिक आणि परोपकारी उपक्रमांवर लक्ष केंद्रित करतात.

प्राणी कल्याणात कसं योगदान?

अनंत अंबानी हे केवळ व्यवसायातच सक्रिय नाहीत, तर ते सामाजिक कल्याण आणि प्राणी कल्याणाच्या कार्यातही महत्त्वाचे योगदान देतात. अनंत अंबानी यांना प्राण्यांबद्दल विशेष प्रेम आहे. त्यांनी वनतारा (Vantara) या जामनगर येथील वन्यजीव संरक्षण आणि पुनर्वसन प्रकल्पाची स्थापना केली आहे. या प्रकल्पात घायाळ, प्रताडित आणि लुप्तप्राय प्राण्यांना, विशेषतः हत्ती, शेर, बिबटे आणि पक्ष्यांना आश्रय, वैद्यकीय उपचार आणि पुनर्वसन प्रदान केले जाते. आतापर्यंत 200 हून अधिक हत्तींसह हजारो प्राण्यांना येथे वाचवण्यात आले आहे.

सामाजिक कार्यात योगदान? 

अनंत रिलायंसच्या कर्मचारी सहभाग उपक्रमांशी जोडलेले आहेत, जिथे ते कर्मचार्‍यांचे कल्याण आणि प्रेरणा यावर लक्ष देतात.आपल्या आई नीता अंबानी यांच्यासोबत मिळून ते रिलायंस फाउंडेशनच्या माध्यमातून शिक्षण, आरोग्य, आणि ग्रामीण विकास यासारख्या क्षेत्रांत कार्यरत आहेत. नीता अंबानी यांच्या प्रेरणेने अनंत यांनी सामाजिक जबाबदारी स्वीकारली आहे.