भारतीयांनी 2024 या वर्षभरात Google वर काय सर्च केलं? तुम्हीही यापैकी काहीतरी शोधलं होतं का?
Google Year in Search 2024: कोणत्याही प्रश्नाचं उत्तर हवं असेल, एखादी शंका असेल किंवा काहीही शोधायचं असेल तर अनेकांचच हक्काचं ठिकाण म्हणजे गुगल.
 "भारतीयांनी 2024 या वर्षभरात Google वर काय सर्च केलं? तुम्हीही यापैकी काहीतरी शोधलं होतं का?")
Google Year in Search 2024: अमुक एक गोष्ट कशी करावी इथपासून अमूक एका ठिकाणी कसं पोहोचायचं, आर्थिक नियोजन कसं करायचं इथपासून बहुसंख्य प्रश्न आणि बहुसंख्य व्यक्तींविषयी Google वर सर्च करण्यात येतं. दरवर्षी गुगलकडूनच यासंदर्भातील आकडेवारी जाहीर केली जाते. यंदाच्या वर्षीसुद्धा अशीच एक यादी जाहीर करण्यात आली असून, या यादीमध्ये भारतीयांनी 2024 या वर्षभरात गुगलवर नेमकं काय काय सर्च केलं, कोणते प्रश्न विचारले यासंदर्भातील माहिती समोर आली आहे.
भारतामध्ये आघाडीवर कोणता सर्च?
भारतामध्ये स्वाभाविकपणे यंदाच्या वर्षी सर्वाधिक आघाडीवरच्या सर्चमध्ये क्रिकेट आणि राजकारण हे मुद्दे पाहायला मिळाले. याशिवाय भारतातील उद्योगरत्न रतन टाटा यांच्याविषयीसुद्धा गुगलनं खूपकाही सर्च केलं. The Indian Premier League (IPL), T20 World Cup आणि BJP हे शब्द वापरत भारतीयांनी बऱ्याच गोष्टी गुगलवर सर्च केल्या.
12 ते 18 मे दरम्यानच्या काळात भारतीयांनी सर्वाधिक सर्च केलेला शब्द होता Indian Premier League आणि त्यामागोमाग होता T20 World Cup. तर, जून महिन्यात 2 ते 8 तारखेदरम्यान देशात सर्वाधिक सर्च झालेला शब्द ठरला, BJP. राजकीय वर्तुळात नेमकं काय सुरुय आणि भाजपची यात काय भूमिका हेच जाणून घेण्यासाठी इंटरनेटवर त्यासंदर्भातील माहिती शोधली जात होती.
हेसुद्धा वाचा : पुढच्या 5 वर्षात साध्य होणार हक्काच्या घराचं स्वप्न; MHADA ची परवडणाऱ्या घरांची योजना तुमच्यासाठीच
फक्त राजकारण, क्रिकेटच नव्हे तर पर्यावरणविषय मुद्दे आणि हवामान विषयक अनेक प्रश्नही गुगलवर सर्च करण्यात आले यामध्ये सर्वाधिक सर्च होणारा शब्द ठरला excessive heat. वयाच्या 86 व्या वर्षी जगाचा निरोप घेणाऱ्या रतन टाटा यांच्याविषयी भारतीयांनी बरंच काही सर्च केलं, त्यांच्या फोटोंपासून व्हिडीओ आणि इतर सर्व प्रकारच्या माहितीला नेटकऱ्यांची पसंती मिळाली.
2024 मध्ये भारतीयांनी Google वर काय शोधलं? पाहा एक दृष्टीक्षेपात...
- भारतीय जनता पक्ष (BJP)
- ऑलिम्पिक 2024 (Olympics 2024)
- तापमानवाढ (Excessive Heat)
- रतन टाटा (Ratan Tata)
- काँग्रेस (Indian National Congress)
- प्रो कबड्डी लीग (Pro Kabaddi League)
- इंडियन प्रिमीयर लीग (Indian Super League)
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More