ना ऑफिसला जायची कटकट, ना आळसावलेले चेहरे; 2025 मध्ये हे आहेत मनाजोगा पगार देणारे Work From Home चे Job
Work From Home Job: कोरोना काळादरम्यान सुरक्षिततेचा एक पर्याय म्हणून घरी काम करण्याची मुभा विविध संस्थांकडून कर्मचाऱ्यांना देण्यात आली होती.
 "ना ऑफिसला जायची कटकट, ना आळसावलेले चेहरे; 2025 मध्ये हे आहेत मनाजोगा पगार देणारे Work From Home चे Job")
Top Work From Home Job Options of 2025: 2020 पासून कोरोनाच्या संसर्गामुळं वर्क फ्रॉम होम अर्थात घरातून काम करण्याची मुभा अनेक संस्थांनी कर्मचाऱ्यांना दिली. या पर्यायातून कर्मचाऱ्यांना हव्या त्या सुविधेसह कंपनीला अपेक्षित असणारं कामही मिळू लागलं. कर्मचाऱ्यांनी या पद्धतीनं कामाच्या Performance मध्ये बऱ्याचदा अपेक्षेपलीकडे जाऊनही काम केलं. वर्षभरामध्ये घरातून काम करण्याच्या या पद्धतीमध्ये मोठी वाढ झाली असून, आता अनेकांनीह या पर्यायाला प्राधान्य देत नोकरीच्या क्षेत्रामध्ये प्रगतीसाठी हा एक निकषच निर्धारित केला आहे.
नोकरी शोधतानाच हल्ली अनेक मंडळी WFH ला प्राधान्य देताना दिसतात. किंबहुना कैक कंपन्या याची पूर्तताही करतात. 2025 या वर्षात घरातून काम करण्यासाठी नेमक्या कोणत्या क्षेत्रांमध्ये नोकरीच्या संधी आहेत हे जाणूनच घ्या...
- डिजिटल मार्केटिंग
मागील दोन वर्षांपासून डिजीटल मार्केटिंगच्या क्षेत्राला लोकप्रियता मिळाली आहे. सोशल मीडिया मॅनेजमेंट, एसईओ, ईमेल मार्केटिंग अशी कामं इथं अपेक्षित असतात. या क्षेत्रात महिन्याला 30000 रुपये इतका पगार मिळतो. अनुभवासोबत पगाराचा आकडा वाढत जातो.
- ऑनलाईन ट्यूटर
हल्ली ऑनलाईन शिक्षणाची मागणी सातत्यानं वाढत असून, तुम्हाला एखाद्या गोष्टीमध्ये कौशल्य असल्यास तुम्ही ऑनलाईन ट्यूटर म्हणून काम करु शकता. यासाठी ताशी 500 ते 2000 रुपये इतकी रक्कम / मानधन मिळतं.
- वेब, अॅप डेव्हलपर
तंत्रज्ञान क्षेत्रातील पुरेसं ज्ञान असल्याल वेब डेव्हलपर म्हणून नोकरीचा एक उत्तम पर्याय उपलब्ध असतो. जगभरात अनेक स्टार्टअप कंपन्या आहेत ज्यांच्याकडून वरील जागांसाठी नोकरभरती सुरू असते. यामध्ये महिन्याला 1 लाख रुपयांपर्यंतचा पगारही मिळतो.
हेसुद्धा वाचा : कौतुक करावं तितकं कमी; मुकेश अंबानींच्या लेकीनं वडिलांच्या पावलावर पाऊल ठेवत रचला विक्रम
- ग्राफिक डिझायनिंग
तुमच्यामध्ये कलात्मक नजर आहे आणि डिझायनिंग टुल्सचा वापर तुम्ही योग्य पद्धतीनं करत असाल तर हे क्षेत्र तुमच्यासाठी योग्य आहे. यामध्ये महिन्याला 40000 रुपये मिळतात.
- फ्रिलांस कंटेंट रायटींग, कॉपी रायटींग
तुमच्याकडे लिखाणाची कला असेल तर, कंटेंट रायटिंग किंवा कॉपी रायटिंगचा पर्याय तुम्ही निवडू शकता. कैक कंपन्या जाणकार लेखकांच्या शोधात असतात. अनुभवी कंटेंट रायटर्सना महिना 50 हजार रुपये किंवा त्याहून अधिक मानधन मिळतं.
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More