VIDEO: जळगावात मराठी कामगारांचे थकवले पगार; मनसे स्टाइलने जाब विचारल्यावर काही तासातच...
Jalgaon Crime: कंपनीचा परप्रांतीय व्यवस्थापक 2 महिन्यांपासून पगार देत नव्हता.
 "VIDEO: जळगावात मराठी कामगारांचे थकवले पगार; मनसे स्टाइलने जाब विचारल्यावर काही तासातच...")
Jalgaon Crime: महाराष्ट्रातल्या विविध भागात मराठी माणसांवर अन्याय होण्याच्या घटना वारंवार समोर येत आहेत. कुठे मराठी कर्मचाऱ्यांना कामावरुन काढलं जातंय तर कुठे मराठी बोलल्यामुळे मारहाण केली जातेय. वारंवार घडणाऱ्या अशा घटनांमुळे मराठीजनांमधून संताप व्यक्त केला जातोय. त्यात आता आणखी एका घटनेची भर पडली आहे. जळगावमधील एमआयडीसीतील एका कंपनीत मराठी कामगारांवर अन्याय केला जात असल्याच्या प्रकार समोर आलाय. महाराष्ट्र नवनिर्माण सेनेने या घटनेची गांभीर्याने दखल घेतलीय.
जळगावच्या एमआयडीसी कंपनीतील परप्रांतीय व्यवस्थापक जाणूनबुजून मराठी कामगारांना तब्बल 2 महिन्यांपासूनचा पगार देत नसल्याचा प्रकार समोर आला होता. महाराष्ट्र नवनिर्माण सेनेकडे यासंदर्भात तक्रार आल्यानंतर स्थानिक मनसे पदाधिकारी आक्रमक झाले.मनसे महानगराध्यक्ष विनोद शिंदे यांनी थेट कंपनीचे मॅनेजर यांच्या कानाखाली लगावल्याचा प्रकाराचा व्हिडिओ सध्या सोशल मीडियावर जोरदार व्हायरल झाला आहे. आक्रमक झालेल्या महाराष्ट्र नवनिर्माण सेनेच्या पदाधिकाऱ्यांनी थेट कंपनीत जाऊन परप्रांती व्यवस्थापकाला जाब विचारत त्याचा कानशिलात लगावली.
कंपनीचा परप्रांतीय व्यवस्थापक 2 महिन्यांपासून पगार देत नाही. तसेच पार्सल पॅकिंगमध्ये मराठी मुलांवर चोरीचा आरोप करत असल्याची तक्रार कामगारांनी मनसे पदाधिकाऱ्यांकडे केली होती.
यानंतर मनेसे पदाधिकारींनी आपल्या स्टाईलमध्ये व्यवस्थापकाला जाब विचारला. या आक्रमक आंदोलनानंतर काही तासातच परप्रांतीय व्यवस्थापकाने मराठी कामगारांचा पगार खात्यावर जमा केल्याची माहिती मिळाली आहे.
Pravin Dabholkar
"प्रवीण सुरेश दाभोळकर हे 'झी 24 तास' डिजिटलमध्ये चीफ सब एडीटर पदावर कार्यरत आहेत त्यांना मीडिया क्षेत्राचा 14 वर्षांचा अनुभव आहे. वयाच्या 21 व्या वर्षी त्यांनी प्रिंट मीडियातून आपल्या कारकिर्दीची सुरुवात केली. तिथे त्यांना लेखन आणि रिपोर्टिंगचा मौल्यवान अनुभव मिळाला. तेव्हापासून त्यांनी प्रिंट, टीव्ही आणि डिजिटल मीडियासह विविध माध्यमांमध्ये काम केले आहे. संशोधनात्मक अहवाल आणि फिचर रायटिंगकडे त्यांचा कल आहे. वाचकांना माहिती नसलेल्या कथा लोकांसमोर आणण्याची त्यांना आवड आहे. हे करीत असताना सविस्तर तपशील आणि अचूकतेकडे त्यांची कटाक्षाने नजर असते. फावल्या वेळात प्रविण आपल्या आनंदासाठी फिरणे, नवीन गोष्टी आत्मसात करणे आणि सामाजिक कार्यात गुंतलेले असतात. त्यांचे लेखन अनेकदा सामाजिक न्यायाच्या समस्यांबद्दलची त्यांची उत्कटता दर्शवते. तसेच आपल्या लेखणीच्या माध्यमातून समाजात सकारात्मक प्रभाव पाडण्यासाठी ते नेहमी प्रयत्नशील असतात."
...Read More