Maharashtra Breaking News Today LIVE : भगवानगड ट्रस्टला जमीन देण्याचा निर्णय, पंकजा मुंडेंनी मानले फडणवीसांचे आभार

जेजुरी गडावर उद्या होणार शारदीय नवरात्र उत्सवाची सांगता

अवघ्या महाराष्ट्राच कुलदैवत असलेल्या जेजुरी गडावर शारदिय नवरात्र उत्सवाची उद्या सांगता होतेय. यानिमित्त जेजुरी गडावर आकर्षक अशी विद्युत रोषणाई करण्यात आली असून जेजुरी गड उजळून निघाला आहे. उद्या दसऱ्यानिमित्त श्री मल्हारी मार्तंडाचा म्हणजेच जेजुरीच्या खंडोबाचा पालखी सोहळा सायंकाळी  रमण्यामध्ये जाण्यास निघतो तर  पहाटे रमण्यामध्ये कडेपठार या मूळ गडावरील पालखी आणि आताच्या मल्हार गडावरील पालखी या दोन्ही पालख्यांची प्रतिकात्मक भेट होते. यावेळी गडावर मोठी फटाक्यांची मोठी आतिषबाजी केली जाते. तर दसऱ्याच्या दुसऱ्या दिवशी जेजुरी गडावर खंडा स्पर्धा  म्हणजेच मर्दानी दसरा देखील पार पडते.

शिल्पा शेट्टी, राज कुंद्रा यांना दिलासा नाही, याचिका फेटाळली 

आर्थिक फसवणुकीच्या नव्या प्रकरणामुळे अडचणीत आलेल्या राज कुंद्रा आणि शिल्पा शेट्टीला तातडीचा दिलासा देण्यास हायकोर्टानं नकार दिलाय. आर्थिक गुन्हे शाखेनं या दोघांविरोधात लूकआऊट नोटीस बजावलीय, त्यामुळे 2 ते 5 ऑक्टोबरदरम्यान कौटुंबिक सहलीनिमित्त फुकेटला जाण्याची परवानगी मागत या दोघांनी हायकोर्टात याचिका दाखल केलीय. मात्र या दोघांविरोधात गंभीर आर्थिक गुन्हे प्रलंबित आहेत, त्यामुळे या याचिकेला राज्य सरकारच्या वतीनं विरोध करण्यात आलाय.

अजित पवारांनी घेतली शरद पवारांची भेट 

शरद पवार आणि अजित पवार यांची वाय बी चव्हाण सेंटर येथे भेट झाली. दोघांमध्ये  माळेगाव साखर कारखान्याची सर्वसाधारण वार्षिक सभेची तारीख आणि वेळ ठरवण्यासाठी भेट झाल्याची माहिती.

शिवसेना UBTच्या दसरा मेळाव्यावर पावसाचं सावट 

दरवर्षीप्रमाणे यंदाही उद्धव ठाकरेंचा दसरा मेळावा शिवाजी पार्कात पार पडणार आहे. मात्र गेल्या काही दिवसांपासूनच्या पावसामुळे सर्वत्र पाणी आणि चिखलाचं साम्राज्य आहे. सध्या पावसाने विश्रांती घेतली असली तरी पुन्हा पाऊस आल्यास मेळावा घेणं अवघड होणार आहे. 

विजयादशमीला झेंडू स्वस्त, शेतकरी मात्र हवालदिल

पावसामुळे मावळातील झेंडूच्या फुलांची मोठी हानी झाली होती. मात्र विजयादशमीच्या पार्श्वभूमीवर चाकण, खेड आणि मंचर येथून झेंडू फुलांची मोठ्या प्रमाणावर आवक मावळातील बाजारपेठांमध्ये झाली. त्यामुळे झेंडूच्या दरात मोठी घसरण झाली आहे. कालपर्यंत झेंडूचा दर किलोमागे 200 रुपये होता, तर आज तो केवळ 100 रुपयांवर आला आहे. या घसरणीमुळे ग्राहक आणि व्यापारी यांना जरी फायदा झाला असला, तरी झेंडू उत्पादक शेतकऱ्यांच्या हातात मात्र काहीच नफा पडलेला नाही.

एसटीची 10% हंगामी भाडे वाढ रद्द- एकनाथ शिंदे

एसटीची 10% हंगामी भाडे वाढ रद्द करण्यात येत आहे. उपमुख्यमंत्री एकनाथ शिंदे यांनी पत्रकार परिषद घेऊन ही मोठी घोषणा केली आहे. 

पुढच्या 6 महिन्याचे हप्ते लाडक्या बहि‍णींना आता द्या- उद्धव ठाकरे

राज्यातील शेतकऱ्यांना विम्याचे पैसे कधी मिळूच शकत नाहीत असे ते निकष आहेत. आताचं पीक गेलं, पुढच्या हंगामाची शेतकरी तयारी कधी करणार? सरकार शेतकऱ्यांना मदत करण्याच्या तयारीत दिसत नाही. शेतकऱ्यांची कर्जमाफी करा. पीएम केअर फंडातून पैसे द्या. पुढच्या 6 महिन्याचे हप्ते लाडक्या बहि‍णींना आता द्या. असं उद्धव ठाकरे यांनी म्हटलं आहे. 

शेतकऱ्यांना मदत करण्याऐवजी सरकार त्यांनाच खड्ड्यात घालत आहे- ठाकरे

महाराष्ट्रावर सध्या अतिवृष्टीचं संकट आहे. जनता सध्या वाऱ्यावर आहे. सरकार शेतकऱ्यांना मदत करण्याच्या तयारीत नाही. काही साखरसम्राट भाजपात गेले आणि थकहमी मिळवली. शेतकऱ्यांना मदत करण्याऐवजी सरकार त्यांच्याच धुंदीत. ऊस उत्पादक शेतकऱ्यांकडून 15 रुपये कपात करण्याचा निर्णय. शेतकऱ्याला आणखी खड्ड्यात घातलं तर गैर काय असं सरकारला वाटतं. पूरग्रस्तांच्या मदतीवरून उद्धव ठाकरेंनी सरकारवर निशाणा साधला आहे.  

ओबीसी समाजाच्या प्रश्नांवर राज्य सरकारच्या हालचाली

मुख्यमंत्री देवेंद्र फडणवीस यांनी बोलवली राज्यातील ओबीसी नेत्यांची बैठक. 4 ऑक्टोबर रोजी मुंबईत बैठकीचे आयोजन. मराठा समाजाच्या संदर्भात काढलेल्या जीआरमुळे ओबीसींमध्ये तीव्र नाराजी. जीआरमध्ये बदल करण्याची ओबीसी नेत्यांची मागणी. 

'उद्धव ठाकरेंच्या भाषणातून युतीबाबत उत्तर मिळेल'- संजय राऊत

ठाकरे बंधूंच्या संभाव्य युतीबाबत मागील काही दिवसांपासून जोरदार चर्चा सुरू आहे. युतीबाबत उद्याच्या दसरा मेळाव्यात घोषणा होणार की नाही याबाबत प्रचंड उत्सुकता आहे. याबाबत बोलताना संजय राऊतांनी मोठं विधान केलंय. मनसेसोबत युतीची घोषणा होईल तो साडेचारवा मुहूर्त असेल असं त्यांनी सांगितला आहे. तसेच उद्याच्या मेळाव्यात युतीबाबत उत्तर मिळेल असंही राऊतांनी सांगितलं आहे. दरम्यान राज ठाकरे शिवसेनेतून बाहेर पडले तो कुठला मुहूर्त होता असा सवाल भाजपच्या नवनाथ बन यांनी केला आहे. 

महिला अत्याचारात महाराष्ट्र दुसऱ्या स्थानी! सासू, बॉस, सासरा नाही तर 'ही' व्यक्ती करते सर्वाधिक छळ

महिला अत्याचारात महाराष्ट्र दुसऱ्या स्थानी! सासू, बॉस, सासरा नाही तर 'ही' व्यक्ती करते सर्वाधिक छळhttps://t.co/zUUkcXNlwM < येथे वाचा हादरवून टाकणारी आकडेवारी...#Crime #CrimeNews #Women #Maharashtra #harassment #intrestingfacts

— ZEE २४ तास (@zee24taasnews) October 1, 2025

ट्रम्प सरकारला मोठा धक्का! अमेरिकेत Government Shutdown... साडेसात लाख कर्मचाऱ्यांचं काय होणार?

ट्रम्प सरकारला मोठा धक्का! अमेरिकेत Government Shutdown... साडेसात लाख कर्मचाऱ्यांचं काय होणार?https://t.co/FZH8NlxDtk < येथे वाचा सविस्तर वृत्त...#explained #governmentshutdown2025 #shutdown #Govshutdown #shutdown2025 #trump #TrumpsGovernmentShutdown #TrumpsGovernment

— ZEE २४ तास (@zee24taasnews) October 1, 2025

Breaking News Today LIVE Updates : लातूर जिल्ह्यात भूकंपाचे सौम्य धक्के

लातूर जिल्ह्यातील काही भागांत नागरिकांना गेल्या काही महिन्यांपासून सौम्य भूकंपाचे धक्के आणि गूढ आवाज जाणवतोय. निलंगा, शिरूर अनंतपाळ, औसा, रेणापूर आणि लातूर तालुक्यांमध्ये हा गूढ आवाज येत असल्यामुळे नागरिकांमध्ये भीतीचे वातावरण पसरलंय. बोरवटी, हासोरी,औसा शहर आणि इतर गावांमध्येही नागरिकांनी सौम्य भूकंपाच्या धक्क्याची नोंद झाली आहे. राष्ट्रीय भूकंप विज्ञान केंद्राच्या नोंदीनुसार सप्टेंबरमध्ये २.२ ते २.४ रिश्टर स्केलचे काही धक्के नोंदले गेलेत. जिल्हा प्रशासन नागरिकांना अफवांवर विश्वास ठेवू नका आणि सतर्क राहा, असे आवाहन करत आहे.

RBI Monetary Policy : महागाई, व्याजदरावर RBI नं काय म्हटलं? MPC बैठकीतील पाच महत्त्वाचे मुद्देhttps://t.co/3SuGxY4AaX
भारतीय रिझर्व्ह बँकेनं पुन्हा एकदा एक महत्त्वाचा निर्णय घेत काय मुद्दे मांडले पाहा...#news #rbi #latestupdate

— ZEE २४ तास (@zee24taasnews) October 1, 2025

Breaking News Today LIVE Updates : पूरग्रस्तांना इंडियन मेडिकल असोसिएशनची मदत

छत्रपती संभाजी नगर जिल्ह्यातील पूरग्रस्तांसाठी इंडियन मेडिकल असोसिएशननं मदतीचा हात दिलाय. थेट पूरग्रस्त गावात जाऊन शेतकरी आणि पूरग्रस्तांना मदत आणि वैद्यकीय तपासणी उपचार केले जात आहेत. ग्रामीण भागात IMAच्या डॉक्टरांकडून आरोग्य शिबिरं घेण्यात येत आहेत. सोबतच अन्नधान्य आणि औषधाची कीटही वाटप केलं जात आहे. पूरस्थितीनंतर निर्माण होणा-या संसर्गजन्य तसंच त्वचारोगांसह इतर आजारांवर वैद्यकीय सेवा उपलब्ध करून देण्यासाठी ही आरोग्य शिबिरं घेतली जात आहेत. यात पूरग्रस्तांवर मोफत उपचार करण्यात येतात. IMAच्या या मदतीमुळे पूरग्रस्तांना मोठा दिलासा मिळतोय.

Breaking News Today LIVE Updates : पूरग्रस्त शेतक-यांना मदतीचा ओघ

झी २४ तास वृत्तवाहिनीच्या वतीने शेतक-यांना, पूरग्रस्तांना मदत करा या आवाहनानंतर अनेकांचा मदतीचा ओघ सुरु झालाय. अद्वैत थिएटर निर्मित 'शिवाजी अंडरग्राउंड इन भीमनगर मोहल्ला ' हया  नाटकाचा प्रयोगावेळी निर्माते राहुल भंडारे आणि  नाटकाच्या टीमकडून अवकाळी पाऊस, पूरस्थितीमुळे हतबल शेतक-यांना मदत जाहीर करण्यात आलीय. 1 लाख रुपयांची ही मदत जाहीर करण्यात आली असून महाराष्ट्र शासनाकडे ही रक्कम सुपूर्द करण्यात येणार आहे. विशेष म्हणजे नाटकातील कलाकार हे शेतकरी असून त्यांनी ही रक्कम शेतक-यांसाठी दिलीय.

Breaking News Today LIVE Updates : पिंपरीमध्ये डबलडेकर बसची चाचणी सुरु

पिंपरी-चिंचवडमध्ये एसी डबलडेकर बसची चाचणी सुरु झालीये. पुणे आणि पिंपरी चिंचवड शहराच्या सार्वजनिक वाहतुकीत एक महत्त्वाचा आणि पर्यावरणपूरक बदल घडवण्याच्या दिशेने पुणे महानगर परिवहन महामंडळाने पहिले पाऊल टाकलंय. चिंचवडगाव-हिंजवडी मार्गावर ही बस पहिल्यांदा धावली. ही डबल डेक्कर बस पूर्णपणे इलेक्ट्रिक, वातानुकूलित आणि अत्याधुनिक सुविधांनी सुसज्ज आहे. सध्या सुरू असलेली प्रायोगिक चाचणी यशस्वी झाल्यास, पुढील दिवसांत आणखी प्रमुख मार्गांवर या बसची चाचणी घेण्यात येणार आहे. ही चाचणी यशस्वी झाल्यानंतर, डबल डेकर बस खरेदीचा प्रस्ताव पीएमपीएमएलच्या संचालक मंडळाकडून मंजूर होईल,वाढत्या लोकसंख्येमुळे पिंपरी चिंचवड शहरात वाहतूक कोंडी दिवसेंदिवस वाढत आहे. नागरिकांना सार्वजनिक वाहतुकीकडे वळविण्यासाठी अधिक क्षमतेच्या बसेसची मोठी गरज आहे.डबल डेक्कर बस एका फेरीत 70 हून अधिक प्रवासी घेऊन जाऊ शकते, ज्यामुळे वाहतूक कोंडीवर नियंत्रण मिळवण्यास मदत होणार आहे.

Breaking News Today LIVE Updates : पिंपरी-चिंचवडमध्ये अंमली पदार्थांचा मोठा साठा नष्ट

पिपरी चिंचवड पोलिसांच्या अंमली पदार्थ विरोधी पथकाने  23 कोटी 30 लाख रुपयांचे अंमली पदार्थ नष्ट केलेत. पिंपरी चिंचवड पोलीस आयुक्तालयाच्या हद्दीत वेगवेगळ्या 90 कारवयांमध्ये अंमली पदार्थ जप्त करण्यात आले होते. पिंपरी चिंचवड पोलिसांनी वेगवेगळ्या 90 कारवयांमध्ये तीन कोटी 31 लाख 22 हजार 750 रुपये किंमतीचा 662.455 किलो गांजा आणि 19 कोटी 99 लाख 70 हजार रुपये किमतीचे 19.997 मॅफेड्रॉन जप्त केले होते..अमली पदार्थ नाश समितीच्या संमतीने हे अमली पदार्थ नष्ट करण्याची प्रक्रिया राबविण्यात आली.

Breaking News Today LIVE Updates : आरबीआयकडून रेपो दराबद्दल मोठी अपडेट! कर्ज आणि EMI बद्दल महत्त्वाचा निर्णय

रिझर्व्ह बँक ऑफ इंडियाने सलग दुसऱ्यांदा रेपो दरात जसेच्या तसे ठेवले आहेत. तो 5.5 टक्क्यांवर कायम ठेवण्यात आला आहे. याचा अर्थ असा की कर्जे अधिक महाग होणार नाहीत आणि तुमचे EMI वाढणार नाहीत. ऑगस्टमध्ये झालेल्या मागील बैठकीतही तो बदलण्यात आला नव्हता. देशाच्या GDP वाढीचा अंदाज 6.5 टक्क्ंयावरून 6.8 टक्क्यांपर्यंत वाढवण्यात आला आहे. RBI गव्हर्नर संजय मल्होत्रा ​​यांनी आज, 1 ऑक्टोबर रोजी याची घोषणा केली.

Breaking News Today LIVE Updates : अमित शाह 5 ऑक्टोबरला अहिल्यानगर दौ-यावर

देशाचे गृह व सहकार मंत्री अमित शहा 5 ऑक्टोबरला अहिल्यानगर जिल्ह्याच्या दौऱ्यावर येणार आहेत. सकाळी शिर्डीत साईबाबांच्या दर्शनानं ते दौ-याची सुरुवात करतील. त्यानंतर लोणी येथे डॉ. विठ्ठृलराव विखे आणि डॉ. बाळासाहेब विखे पाटील यांच्या पुतळ्याचं अनावरण करतील. तसंच साखर कारखान्याच्या विस्तारीत प्रकल्पाचं लोकार्पण त्यांच्या हस्ते होणार आहे.. कोपरगाव तालुक्यातील संजीवनी साखर कारखान्याच्या देशातील पहिल्या CNG नव्या प्रकल्पाचे उद्घाटनही यावेळी केलं जाणार आहे. या दौ-यादरम्यान लोणीसह कोपरगावात अमित शाहांची सभा होणार आहे.मात्र या दौ-या दरम्यान ते नुकसानग्रस्त शेतीपिकांची पाहणी करणार का. याकडे सा-यांचं लक्ष लागलंय. 

Breaking News Today LIVE Updates : दसरा मेळावा पार्श्वभूमीवर शिंदेंचं शक्तीप्रदर्शन 

शिवसेनेचा दसरा मेळावा होणार आहे त्याच अनुषंगाने मुंबईत वातावरण निर्मिती करण्यासाठी सर्वत्र धनुष्यबाण चिन्ह असलेला शिवसेनेचा भगवा झेंडा आणि बॅनर लावण्यात आलेत तसंच रस्त्याच्या दुतर्फा आणि दुभाजकावर बॅनर लावण्यात आलेत .ह्या बॅनर वर एकनाथ शिंदेंचा फोटो असून बाळासाहेब ठाकरेंचा भगवी शाल ओढलेला फोटो लावण्यात आलाय. 'सोनं विचारांचं देऊ घेऊ मनसोक्त' 'भगवे विचार आणि भगवंच रक्त' असा मजकूर लिहिण्यात आलाय. शिवसेनेचा हा दसरा मेळावा गोरेगावच्या नेस्कोमध्ये आयोजित करण्यात आलाय.

Breaking News Today LIVE Updates : 'दसरा मेळाव्याचा खर्च 63 कोटींच्या घरात'

शिवसेना UBT पक्षाचा दसरा मेळावा एका दिवसावर असताना, या मेळाव्याच्या कथित खर्चावरून भाजपचे प्रवक्ते केशव उपाध्ये यांनी ट्विटरच्या माध्यमातून जोरदार टीका केलीय. नऊ हा ‘आकडा’ लाभदायक असल्याचे कुणीतरी सांगितल्यापासून शिवसेना UBT पक्षाचे सगळे व्यवहार या आकड्यांवर अवलंबून असतात अशी टीका केशव उपाध्ये यांनी केलीय. दसरा मेळाव्याचे नियोजनही 63 कोटींच्या घरात असणार असा दावाही त्यांनी केलाय. 

Breaking News Today LIVE Updates : जळगावात भरधाव डंपरची कारला धडक 

जळगावातील विदगावच्या तापी नदी पुलावर भरधाव वाळूने भरलेल्या डंपरने कारला धडक दिल्याने भीषण अपघातात झालाय. या अपघातात आईसह मुलाचा मृत्यू झाला आहे. मीनाक्षी नीलेश चौधरी असे या महिलेचे नाव असून त्या शिक्षिका होत्या. तर पार्थ चौधरी हा 12 वर्षांचा होता. तर या अपघातात शिक्षिकेचे शिक्षक पती निलेश चौधरी आणि त्यांचा 4 वर्षांचा लहान मुलगा ध्रुव हे गंभीर जखमी झाले असून त्यांच्यावर रुग्णालयात उपचार सुरू आहेत.

विद्यार्थ्यांनी कपाळावर टिळा - टिकली, हातात धागा अथवा बांगड्या घातल्यास...; मुंबईतील प्रसिद्ध शाळेतील अजब फतवा

विद्यार्थ्यांनी कपाळावर टिळा - टिकली, हातात धागा अथवा बांगड्या घातल्यास...; मुंबईतील प्रसिद्ध शाळेतील अजब फतवा#mumabi #schoolhttps://t.co/yMcVtStGMi

— ZEE २४ तास (@zee24taasnews) October 1, 2025

Breaking News Today LIVE Updates : लेकीसाठी आई गायीशी भिडली

आता एक धक्कादायक बातमी नाशिकच्या कळवणमधून. आई आपल्या लेकरांसाठी काहीही करायला तयार असते. अगदी मृत्यूशीही दोन हात करण्याची आईची तयारी असते. महाअष्टमीच्या दिवशी कळवण शहरातील गांधी चौकात एका मोकाट गायीनं मोटारसायकलवरुन जाणा-या महिलेवर आणि तिच्या मुलीवर अचानक हल्ला केला. मुलगी गाडीवरुन खाली पडताच गायी तिच्यावर वारंवार हल्ला करु लागली. मात्र मुलीच्या आईनं जीवाची पर्वा न करता लेकीची गायीच्या तावडीतून सुटका केली. पोटच्या मुलीसाठी मातेचा सुरु असलेला जीवघेणा संघर्ष पाहून स्थानिक दोघींच्या मदतीला धावले आणि त्यांनी गायीला हाकलून दिलं. मात्र लेकीसाठी आईनं दाखवलेल्या धाडसाचं सर्वत्र कौतुक होतंय. 

'भारतातील हुकूमशहा घाबरले, लटपटू लागले व त्यांनी...', ठाकरे सेनेचा मोदींना टोला; 'भाजपची फजिती..'

'भारतातील हुकूमशहा घाबरले, लटपटू लागले व त्यांनी...', ठाकरे सेनेचा मोदींना टोला; 'भाजपची फजिती..'https://t.co/69usE8kKeH < येथे वाचा सविस्तर...#PMModi #Modi #Ladakh #LadakhProtests #ladakhnews #UddhavThackeray #shivsena #sonamwangchuck #SonamWangchukArrested

— ZEE २४ तास (@zee24taasnews) October 1, 2025

भल्या पहाटे गौतमी पाटीलच्या कारचा पुण्यात भीषण अपघात; सर्व्हिस रोडवर भरधाव वेगात...

भल्या पहाटे गौतमी पाटीलच्या कारचा पुण्यात भीषण अपघात; सर्व्हिस रोडवर भरधाव वेगात...https://t.co/20VsrhUIN3 < येथे वाचा सविस्तर...#gautamipatil #caraccident #accident #pune #autoriksha #hospital

— ZEE २४ तास (@zee24taasnews) October 1, 2025

Breaking News Today LIVE Updates : अनिल अंबानींच्या कंपनीवर ईडीचे छापे

अनिल अंबानी समूहाची कंपनी रिलायन्स इन्फ्रास्ट्रक्चर विरुद्ध अंमलबजावणी संचालनालयाने (ईडी) मोठी कारवाई केली आहे. ईडीने मुंबई ते इंदूर अशा सहा ठिकाणी छापे टाकले. ही कारवाई परकीय चलन व्यवस्थापन कायदा (फेमा) अंतर्गत सुरू असलेल्या चौकशीचा एक भाग आहे, ज्यामध्ये कंपनीवर परदेशात बेकायदेशीरपणे पैसे पाठवल्याचा आरोप आहे.

भयानक! हे काय वडापावमध्ये आढळली पाल, प्रसिद्ध हॉटेलमधील धक्कादायक घटना 

भयानक! हे काय वडापावमध्ये आढळली पाल, प्रसिद्ध हॉटेलमधील धक्कादायक घटना#maharashtra #vadapavhttps://t.co/fbSAVhY35x

— ZEE २४ तास (@zee24taasnews) October 1, 2025

म्हाडाच्या घरांसाठी अर्ज करणाऱ्या नागरिकांसाठी मोठी बातमी, MHADA 'ती' अट काढून टाकणार?https://t.co/DLRa1XlCxl

— ZEE २४ तास (@zee24taasnews) October 1, 2025

Breaking News Today LIVE Updates : 1 ते 31 ऑक्टोबरदरम्या पीक पाहणी, महसूलमंत्र्यांचं सर्व जिल्हाधिका-यांना आदेश

राज्य आपत्कालीन परिस्थितीतून जात असून या परिस्थितीत 100 टक्के पीक पाहणी अत्यंत महत्त्वाची असल्याने जिल्हाधिकाऱ्यांनी शेतकरी हिताची काळजी घेऊन  पाहणी करावी,असे आदेश महसूल मंत्री चंद्रशेखर बावनकुळे यांनी राज्यातील सर्व जिल्हाधिकाऱ्यांना दिले आहेत.. राज्यात मोठ्या प्रमाणात झालेली अतिवृष्टी आणि दुबार पेरणी यांसारख्या नैसर्गिक आपत्तींमुळे यापूर्वी शेतकऱ्यांच्या पीक पाहणीसाठीचा कालावधी दोन आठवड्यांनी वाढवण्यात आला होता. त्यानुसार, शेतकऱ्यांची पीक पाहणीची मुदत ३० सप्टेंबर २०२५ रोजी संपत आहे. ​आगामी एका महिन्यात १ ऑक्टोबर ते ३१ ऑक्टोबर या कालावधीत राहिलेल्या प्रत्येक गावातील पीक पाहणी न झालेल्या शेतांची पीक पाहणी सहायकांमार्फत पूर्ण करण्याचे आदेश बावनकुळे यांनी दिले आहेत..

Breaking News Today LIVE Updates : दसरा, दिवाळीत फुलांच्या किंमती गगनाला

ऐन दसरा दिवाळीत फुलांच्या किंमती गगनाला भिडल्यात.. मुसळधार पावसामुळे फुलशेतीचं मोठं नुकसान झालंय.. त्यामुळे बाजारात फुलांची आवक घडलीये. दुसरीकडे फुलांची मागणी वाढल्यानं फुलांच्या दरात कमालीची वाढ झालीये.. घाऊक बाजारात झेंडू 200 रुपये तर गुलाब 500 रुपये प्रतिकिलो दरानं विकला जातोय.. इतर फुलांच्या किंमतीतही मोठी वाढ झालीये.. मुंबई, नवी मुंबई, तसेच ठाणे येथील फुल बाजारांमध्ये नाशिक, पुणे, सोलापूर या भागांतून फुलांची मोठ्या प्रमाणात आवक होते. काही दिवसांपूर्वी सोलापुरात झालेल्या अतिवृष्टीमुळे जनजीवन विस्कळीत झाले होते. पूरस्थिती निर्माण झाली होती. अनेकांची शेती वाहून गेली, पिकांचेही नुकसान झाले. परिणामी फुलांची आवक कमी झालीये..त्यामुळे फुलांचे दर वाढलेत.

Breaking News Today LIVE Updates : दस-याच्या मुहूर्तावर वाहन खरेदीला पसंती

पुणेकरांनी यंदा दसऱ्याच्या शुभमुहूर्तावर वाहन खरेदीत मोठी उत्सुकता दाखवत तब्बल ९,५३१ वाहनांची खरेदी केलीय. यामध्ये सर्वाधिक ५,४३८ दुचाकी, तर २,५५४ चारचाकींचा समावेश आहे. विशेष म्हणजे, इलेक्ट्रिक वाहनांना यंदा पुणेकरांची चांगली पसंती मिळालीय. तब्बल ८१४ ई-वाहनांची नोंद झालीय.  आरटीओच्या आकडेवारीनुसार रिक्षा, गुड्स, बस आणि टॅक्सींचीही खरेदी झालीय. पुणेकरांनी दसऱ्याच्या मुहूर्तावर नव्या वाहनांची पूजा करून ती घरी नेण्याची परंपरा यंदाही कायम ठेवलीय.

ऐन दिवाळीत एसटीचा प्रवास महागणार, या दिवसापासून भाडेवाढ लागू; आता इतके महागले तिकीट https://t.co/3wd1a3FeMG

— ZEE २४ तास (@zee24taasnews) October 1, 2025

Breaking News Today LIVE Updates : पूरग्रस्त शेतकऱ्यांना मनसे देणार नवसंजीवनी

राज्यात अतिवृष्टीमुळे नुकसानग्रस्त शेतकऱ्यांच्या मदतीसाठी मनसे अध्यक्ष राज ठाकरे पुढे सरसावले आहेत. या शेतकऱ्यांना अन्नधान्य, कपडे व जीवनावश्यक वस्तूंचे वाटप सुरू असताना, मनसेकडून थेट शेतीसाठी आवश्यक बी-बियाणे, खते व अवजारे मदत म्हणून देण्यात येणार आहेत. राज ठाकरे यांनी पक्षाच्यावतीने नुकसानग्रस्त गावांची पाहणी करून तेथील शेतकऱ्यांना मदत करण्याचे आदेश पदाधिकाऱ्यांना दिले आहेत, अशी माहिती सूत्रांनी दिली.

Breaking News Today LIVE Updates : छत्रपती संभाजीनगर म्हाडाच्या 1408 घरांसाठी आज सोडत

म्हाडाच्या छत्रपती संभाजी नगर मंडळाच्या 1408 घरांसह भूखंडांच्या सोडतीचा निकाल आज जाहीर करण्यात येणार आहे. या सोडतीसाठी 7 हजार 881 अर्जदार स्पर्धेत असून यापैकी कोणाचे हक्काच्या घराचे स्वप्न पूर्ण होणार हे आज स्पष्ट होईल. छत्रपती संभाजीनगर मंडळाने नक्षत्रवाडी, आंबेजोगाई, चिखलठाणा, सातारा, देवळाई आणि अन्य ठिकाणच्या एक हजार 341 घरांसह 67 भूखंडांसाठी जूनपासून नोंदणी, अर्ज विक्री-स्वीकृती प्रक्रिया सुरू केली होती. यात 20 टक्के सर्वसमावेशक योजनेतील 193 घरांचा, तर पंतप्रधान आवास योजनेतील एक हजार 148 घरांचा समावेश आहे. या सोडतीच्या नोंदणी, अर्ज विक्री-स्वीकृती प्रक्रियेला मुदतवाढ देण्यात आली होती. त्यामुळे 26 सप्टेंबरची सोडतीची तारीख पुढे गेली.

Breaking News Today LIVE Updates : मनोरमा खेडकर यांना तात्पुरता जामीन मंजूर

ऐरोलीतील रोड रेंज प्रकरणात बेलापूर न्यायालयाने माजी प्रशासकीय अधिकारी पूजा खेडकर यांची आई मनोरमा खेडकर यांना तात्पुरता जामिन मंजूर केलाय. मनोरमा खेडकर यांनी बेलापूर न्यायालयात अटकपूर्व जामिनासाठी अर्ज दाखल केला होता. न्यायालयाने सुनावणीदरम्यान त्यांना  13 ऑक्टोबरपर्यंत तात्पुरता जामिन देत दिलासा दिलाय.. या अटकपूर्व जामिनावर पुढील सुनावणीदरम्यान अंतिम निर्णय होणार आहे, अशी माहिती वरिष्ठ पोलीस निरीक्षक बाळकृष्ण सावंत यांनी दिली. 13 सफ्टेंबरला ऐरोलीतील मॅकडोनाल्डजवळ ट्रान्झिट मिक्सर ट्रकची  दिलीप खेडकर यांच्या लॅन्ड क्रुझर कारला धडक लागल्यानंतर हा वाद सुरु झाला होता. या किरकोळ अपघातात खेडकर यांच्या कारचे नुकसान झाल्याने त्यांनी ट्रकवरील हेल्पर प्रल्हाद चौहान याला जबरदस्तीने आपल्या कारमध्ये बसवून थेट पुण्यातील बावधनच्या बंगल्यावर नेलं होते. रबाळे पोलिसांनी 14 सफ्टेंबरला पुण्यातील पूजा खेडकर यांच्या बंगल्यावर धाड टाकून चौहान याची सुटका केली होती. 

Breaking News Today LIVE Updates : धाराशिवमध्ये राष्ट्रवादीची पूरग्रस्तांना मदत

झी 24 तासच्या बातमीनंतर पूरग्रस्त महिलांना मदतीचा ओघ सुरू झालाय. राष्ट्रवादी काँग्रेसकडून धाराशिवमधील पूरग्रस्त महिलांसाठी सॅनिटरी पॅड आणि साड्यांचं वाटप करण्यात आलंय. पूरग्रस्त भागातील महिलांच्या व्यथा झी २४तासनं माडल्या होत्या. त्याची दखल घेत राष्ट्रवादीच्या नेत्या रुपाली ठोंबरेंनी तातडीनं मदत करण्याचं आश्वासन दिलं होतं. त्यानंतर पूरग्रस्त भागात सॅनिटरी पॅड आणि साड्यांचं वाटप करण्यात आलं. 

Breaking News Today LIVE Updates : शिर्डीतील साईबाबा संस्थेची शेतक-यांना मदत

नुकसानग्रस्त भागातील शेतक-यांना आता मदतीचा ओघ सुरु झालाय. शिर्डीतील साईबाबा संस्थांकडून नुकसानग्रस्त शेतक-यांसाठी 5 कोटींची मदत जाहीर करण्यात आलीय. मुंबई हायकोर्टाकडे मदतीसाठीचा प्रस्ताव पाठवण्यात आलाय. कोर्टाकडून परवानगी आल्यानंतर मुख्मयंत्री साहय्यता निधीत  5 कोटी दिले जाणार आहे. तर महाराष्ट्र राज्य बँकेकडूनही शेतक-यांना 10 कोटींची मदत देण्यात आलीय. बँकेच्या नफ्यातून शेतक-यांना मदत देण्यात आलीय.

Breaking News Today LIVE Updates : 'शेतक-यांकडून कर्जवसुली नको, बँकांना निर्देश' - मुख्यमंत्री

शेतक-यांकडून कर्जवसुली नको या संदर्भात बँकांना आदेश दिल्याची माहिती मुख्यमंत्री देवेंद्र फडणवीस यांनी दिलीय.. धाराशिवच्या संचितपूर गावातील 27 शेतकऱ्यांना कर्ज वसुलीसाठी SBI बँकेने नोटीसा पाठवल्या होत्या. या संदर्भात झी 24 तासनं बातमी दाखवली होती. या बातमीनंतर राज्य मंत्रिमंडळ बैठकीत चर्चा होऊन या संदर्भात बँकांना आदेश दिल्याचं फडणवीसांनी सांगितलंय.

Breaking News Today LIVE Updates : दिवाळीपूर्वी शेतक-यांना मदत केली जाईल - मुख्यमंत्री

अतिवृष्टी आणि पुरामुळे 60 लाख हेक्टरवरील शेतीचं नुकसान झाल्याची माहिती मुख्यमंत्र्यांनी दिलीये..  दिवाळीपूर्वी शेतक-यांना मदत केली जाईल असं आश्वासन त्यांनी यावेळी दिलंय.. अतिवृष्टीमुळे राज्यात खरीप हंगामातील तब्बल सुमारे 40 टक्के पिकांचं नुकसान झाल्याची माहिती मंत्रिमंडळ बैठकीत देण्यात आली. राज्यात ओला दुष्काळ कुठेही नाही.. ओला दुष्काळ जाहीर झालेला नाही. मात्र दुष्काळातील सर्व सवलती लागू करणार असल्याची माहिती मुख्यमंत्र्यांनी दिली.. केंद्र सरकारनं मदतीची तयारी दाखवलीये. मात्र संपूर्ण माहिती आल्यावरच केंद्राकडे मदतीचा प्रस्ताव पाठवणार असल्याचंही ते म्हणालेत.. केंद्राच्या मदतीची वाट न बघता राज्य सरकारनं मदत सुरु केल्याची माहिती त्यांनी यावेळी दिली. कॅबिनेट बैठकीत याबाबत चर्चा झाल्याचं ते म्हणाले.. ओल्या दुष्काळाच्या मागणीबाबत मुख्यमंत्री देवेंद्र फडणवीस यांनी पुढाकार घेतला. राज्य मंत्रिमंडळाच्या बैठकीत मुख्यमंत्र्यांकडून ओल्या दुष्काळाच्या मागणीच्या अनुषंगाने भूमिका मांडण्यात आली. आपण दुष्काळाच्या सर्व सवलती लागू करू आणि तसा निर्णय जाहीर करू अशी भूमिका त्यांनी मांडली. त्याला संपुर्ण मंत्रिमंडळानं पाठिंबा दिला. 

Breaking News Today LIVE Updates : ऑक्टोबरची सुरुवातही पावसानेच, महाराष्ट्रातील 5 जिल्ह्यांना पावसाचा अलर्ट

गेल्या दोन दिवसांपासून राज्यात पावसाने उघडीप दिली. अशातच आता ऑक्टोबरची सुरुवातही पावसानंच होणार आहे.. राज्यात पुन्हा पावसाचा जोर काहीसा वाढण्याची शक्यता हवामान विभागाने वर्तवलीये..राज्यातील काही जिल्ह्यांत हलक्या ते मध्यम पावसाची शक्यता आहे. तर काही भागांत विजांच्या कडकडाटासह आणि वादळी वा-यासह पावसाचा इशारा देण्यात आला आहे. या पार्श्वभूमीवर शेतकरी आणि नागरिकांनी सावधगिरी बाळगावी, असे आवाहन करण्यात आले आहे.

बातमी सविस्तर वाचा - पावसाच्या सरी क्षणात बदलणार रुप; कधी घाबरवणार, कधी सूर्यकिरणं अन् इंद्रधनू थक्क करणार

पावसाच्या सरी क्षणात बदलणार रुप; कधी घाबरवणार, कधी सूर्यकिरणं अन् इंद्रधनू थक्क करणारhttps://t.co/azI2aqvd0o
पावसाच्या सरी क्षणात बदलणार रुप; रुसलेला पाऊस कधी रजा घेणार? इथपासून नेमकं घराबाहेर पडायचं तरी कधी? इथपर्यंतच्या प्रश्नांची उत्तरं...#maharashtra #weather #news

— ZEE २४ तास (@zee24taasnews) October 1, 2025

Breaking News Today LIVE Updates : आजपासून अनेक नियमांमध्ये बदल!रेल्वे तिकिटे, ऑनलाइन गेमिंग आणि UPI मोठे बदल लागू

आजपासून, 1 ऑक्टोबरपासून अनेक महत्त्वाचे नियम बदलणार आहेत. हे बदल ऑनलाइन गेमिंग, ट्रेन तिकिटे, व्याजदर, यूपीआय आणि पेन्शन योजनांसह अनेक क्षेत्रांवर थेट परिणाम करतील. आता गेमिंग कंपन्यांना वापरकर्त्यांच्या व्यवहारांचा आणि कर डेटाचा अहवाल देणे आवश्यक असेल. रेल्वे तिकीट बुकिंग आणि परतफेड नियमांमध्ये बदल करण्यात आले आहेत, ज्यामुळे प्रवाशांना तिकीट रद्द करण्यासाठी किंवा बदलण्यासाठी नवीन प्रक्रिया स्वीकाराव्या लागू शकतात. UPI व्यवहार आणि डिजिटल पेमेंटसाठीचे नियम देखील अपडेट करण्यात आले आहेत. नवीन नियमांनुसार, मोठ्या व्यवहारांना आणि मर्यादांना नवीन मार्गदर्शक तत्त्वे लागू होतील. शिवाय, पेन्शन योजना आणि सेवानिवृत्ती निधीमध्ये देखील बदल केले जातील.