Maharashtra Breaking News: राज ठाकरे यांनी बोलावली मनसे नेत्यांची बैठक​

खारघरमध्ये टॉवरला भीषण आग लागली 

खारघरमध्ये टॉवरला लागली आग लागली आहे. सेक्टर 34 येथील ट्राई सिटी सिंफनी इमारतीच्या 18 व्या मजल्यावर ही आग लागली, डक मद्ये ही आग पसरली असल्याने प्रचंड धूर झाला होता. यामुळे या आगीमध्ये चार जण किरकोळ जखमी झाले असून त्यांना रुग्णालयात दाखल केले आहेत, तर अग्निशमन दलाला आगीवर नियंत्रण मिळवण्यात यश आले आहे,अग्नीशमन दलाने सर्वप्रथम टेरिस वर अडकलेल्या लोकांना रेस्क्यू केलं आणि आगीवर नियंत्रण मिळवले. 

बारामतीत पवार कुटुंबियांकडे यंदा दिवाळी होणार नाही

प्रतापराव पवार यांच्या पत्नीचे निधन झाल्यामुळे यंदा दिवाळी साजरी न करण्याचा निर्णय पवार कुटुंबियांनी घेतला आहे. शरद पवारांच्या बारामतीतल्या गोविंदबाग निवासस्थानी यंदा दिवाळी सण साजरा होणार नाही. दरवर्षी बारामतीत पवार कुटुंबियांकडे मोठ्या उत्साहात दिवाळी सण साजरा केला जातो.  
दिवाळी पाडव्यानिमित्त राज्यभरातून कार्यकर्ते पवार कुटुंबियांची भेट घेण्यासाठी बारामती येत असतात. 

शरद पवार आणि अजित पवार आज पुन्हा एकाच मंचावर

वसंतदादा शुगर इन्स्टिटयूटमध्ये आयोजित राज्यातील कारखानदार आणि विश्वस्तंच्या बैठकीला पवार काका पुतणे एकत्र आले. यावेळी जयंत पाटील, बाळासाहेब थोरात, राजेश टोपे, बाळासाहेब पाटील उपस्थित होते. यापूर्वी देखील वसंतदादा इन्स्टिटयूटच्या बैठकीनिमित्त शरद पवार आणि अजितदादा एकत्र आले होते. शरद पवार आणि अजित पवार एकत्र आल्याने राजकीय वर्तुळात पुन्हा चर्चांना उधाण आलं. 

DGCA ने IndiGo वर ₹40 लाखांचा दंड ठोठावला 

DGCA ने IndiGo वर ₹40 लाखांचा दंड ठोठावला आहे. अयोग्य फ्लाइट सिम्युलेटरवर पायलट प्रशिक्षण केल्याचे आढळले. सुमारे 1,700 पायलटांना श्रेणी ‘क’ विमानतळांसाठी योग्य सिम्युलेटरवर प्रशिक्षण न देता उड्डाणासाठी तयार केले. फ्लाइट ऑपरेशन्स डायरेक्टर आणि प्रशिक्षण संचालक यांना प्रत्येकी ₹20 लाखांचा दंड ठोठावण्यात आला. 30 दिवसांत दंड भरावा लागणार, अन्यथा कठोर कारवाई केली जाणार आहे. DGCA च्या तपासात प्रशिक्षण नियमांचे उल्लंघन स्पष्ट दिसून येते. 

महाराष्ट्र प्रदेश काँग्रेस कमिटीची उद्या महत्वपूर्ण बैठक

महाराष्ट्र प्रदेश काँग्रेस कमिटीची उद्या महत्वपूर्ण बैठक पार पडणार आहे. प्रभारी रमेश चेन्नीथलांसह प्रदेशाध्यक्ष हर्षवर्धन सपकाळ व इतर महत्त्वाचे नेते उपस्थित राहणार आहेत. उद्या टिळक भवनात काँग्रेसकडून पीएसी बैठकीचे आयोजन करण्यात आले. मनसेच्या मविआतील सहभागाबाबत चर्चेची शक्यता आहे. 

शरद पवार आणि अजित पवार आज पुन्हा एकाच मंचावर

शरद पवार आणि अजित पवार आज पुन्हा एकाच मंचावर दिसणार आहेत. वसंतदादा शुगर इन्स्टिटयूटमध्ये आयोजित राज्यातील कारखानदार आणि विश्वस्तंच्या बैठकीला पवार काका पुतणे एकत्र असतील. यावेळी जयंत पाटील, बाळासाहेब थोरात, राजेश टोपे, बाळासाहेब पाटील उपस्थित असतील. यापूर्वी देखील वसंतदादा इन्स्टिटयूटच्या बैठकीनिमित्त शरद पवार आणि अजितदादा एकत्र आले होते. शरद पवार आणि अजित पवार एकत्र आल्याने राजकीय वर्तुळात पुन्हा चर्चा सुरु आहे.

मेगा ब्लॉक नाही तरीही लोकल सेवा 20 ते 25 मिमिटे उशिराने..

आज मध्य रेल्वेच्या मेन लाईनवर मेगा ब्लॉक नाही तरीही लोकल सेवा 20 ते 25 मिमिटे उशिराने आहे. मेगा ब्लॉक नाही तरीही प्रवाशांना  मनस्ताप होतोय.दर रविवारी सिएस्टीएम ते कल्याण मेन लाईनवर मेगा ब्लॉक मुळे लोकलसेवेवर मोठा परिणाम होत असतो मात्र यंदा रविवारी मेगा ब्लॉक नसूनही लोकलसेवा मात्र उशीराने धावतायत.

https://t.co/YRTrTm8wUk
कसा पुढे गेला ठाकरे बंधूंच्या भेटीला सिलसिला? जाणून घ्या कधी, कुठे आणि कोणत्या कारणानं झाली भेट? #news #RajThackeray #uddhavthackeray

— ZEE २४ तास (@zee24taasnews) October 12, 2025

उद्धव ठाकरे यावर्षी मनसेच्या दीपोत्सवाला उपस्थित राहणार का?

दिवाळीनिमित्त मनसेच्या वतीने  शिवाजी पार्कवर दीपोत्सव केला जातो या कार्यक्रमाला उद्धव ठाकरे उपस्थित राहणार का? या अगोदर मनसेच्या दीपोत्सवाला अनेक राजकीय नेत्यांनी हजेरी लावली होती त्यामुळं यावर्षी उद्धव ठाकरे आणि ठाकरेंचे नेते दीपोत्सवाला उपस्थित राहणार चर्चाना उधाण. या अगोदर एकनाथ शिंदे, देवेंद्र फडणवीस इतर मराठी हिंदी सिनेकलाकार उपस्थित राहिले होते. यामुळे आजच्या कौटुंबिक भेटीत याचीही चर्चा होण्याची शक्यता

मातोश्रीवर गेलेल्या राज ठाकरेंकडून उद्धव ठाकरेंना विशेष भेट... 

रविवार 12 ऑक्टोबर रोजी ठाकरे बंधुंची पुन्हा भेट झाली. यावेळी उद्धव ठाकरे आणि कुटुंबियांसाठी राज ठाकरे यांनी भेटवस्तूही नेल्या. शिवरायांचा पुतळा आणि तुळशी वृंदावन भेट वस्तू घेऊन राज ठाकरे सहकुटुंब मातोश्रीवर आल्याची माहिती... 

 

ठाकरे बंधूंची गेल्या तीन महिन्यांतील सातवी भेट

स्थानिक स्वराज्य संस्थांच्या आगामी निवडणुकांसाठी मनसे आणि ठाकरे शिवसेना यांच्यात युतीच्या जोरदार चर्चा सुरू झाल्या आहेत. गेल्या अनेक वर्षांपासून दुरावा असलेल्या ठाकरे बंधूंमध्ये सौहार्द आणि जवळीक वाढत असून, आता थेट युतीच्या शक्यतांवर गंभीर विचारमंथन सुरू आहे.

 

रतनगड परिसर रानफुलांनी बहरला!

अकोले तालुक्यातील रतनगड घाटमाथा सह्याद्रीच्या उंच डोंगररांगांमध्ये वसलेला हा प्रदेश सध्या रानफुलांनी बहरला आहे. नुकताच पाऊस ओसरल्यानंतर डोंगरांनी जणू हिरवळरूपी शाल पांघरली असून त्या हिरव्या गालिच्यावर निसर्गाने विविधरंगी फुलांची नक्षी उमटवली आहे.सोनकळीच्या फुलांनी रतनगडावर सोन्याचा रंग चढवला आहे, तर कारवी, तेरडा, कळलावी, दिवटा, बाफळी, आंबू, पलदा यांसारख्या रानफुलांनी डोंगरांच्या कुशीत रंगांची उधळण केली आहे.भंडारदरा पर्यटनाचा आनंद घेणारे अनेक पर्यटक आता रतनगड परिसरात या फुलोत्सवाचे दर्शन घेण्यासाठी गर्दी करू लागले आहेत. अलंग, कुलंग आणि मलंगगडाच्या परिसरातही या फुलांचा बहर पाहायला मिळतो आहे

 

सतीश उर्फ खोक्या भोसलेच्या कुटुंबावर प्राणघातक हल्ला, एका महिलेची प्रकृती चिंताजनक

सतीश उर्फ खोक्या भोसलेच्या कुटुंबावर मध्यरात्रीच्या सुमारास प्राणघातक हल्ला झाला आहे. घटना शिरूर तालुक्यातील तहसील कार्यालयाजवळील गायरान परिसरात घडली आहे. या प्राण घातक हल्ल्यामध्ये चार महिला गंभीर जखमी झाल्या असून एकीची प्रकृती चिंताजनक आहे. मध्यरात्री साडेअकरा वाजता 10 ते 15 जणांच्या टोळक्याने पारधी वस्तीवर हल्ला चढवला.

महाराष्ट्राच्या राजकारणातील मोठी बातमी; राज ठाकरे मातोश्रीवर दाखल; दोघांमध्ये काय चर्चा?

'

महाराष्ट्राच्या राजकारणातील मोठी बातमी; राज ठाकरे मातोश्रीवर दाखल; दोघांमध्ये काय चर्चा?#RajThackerayhttps://t.co/9xSdxJi2AK

— ZEE २४ तास (@zee24taasnews) October 12, 2025

रक्तरंजित इतिहास! 'ऑपरेशन ब्लू स्टार चुकलंच, इंदिरा गांधी यांना प्राण गमावून किंमत फेडावी लागली'https://t.co/ZLzpVKHnUE
इतक्या वर्षांनंतर काँग्रेस पक्षातूनच का केलं जातंय असं वक्तव्य? पाहा चिदंबरम असं का म्हणाले...#Congress #operationbluestar #news

— ZEE २४ तास (@zee24taasnews) October 12, 2025

महाराष्ट्राच्या राजकारणातील मोठी बातमी; ठाकरे बंधूंमध्ये...

राज ठाकरे मातोश्रीवर दाखल; ठाकरे कुटुंबीयांचा स्नेहभोजनाचा कार्यक्रम. ठाकरे बंधूंमध्ये राजकीय चर्चा होण्याची शक्यता. पुन्हा एकदा चर्चा ठाकरे बंधूंच्या भेटीची. 

माझं नाव घेतल्याशिवाय काही लोकांना जेवण जात नाही - अशोक चव्हाण

माझं नाव घेतल्याशिवाय काहो लोकांना जेवण जात नाही असा टोला माजी मुख्यमंत्री खासदार अशोक चव्हाण यांनी जिल्ह्यातील विरोधकांना लगावला. हदगाव तालुक्यातील वाळकी येथे आयोजित भाजपा पदाधिकारी मेळाव्यात चव्हानांनी हे वक्तव्य केले. क्षुल्लक राजकारण जाऊ द्या. मी त्याचा कधी विचार करत नाही असेही चव्हाण म्हणाले. मागील काही दिवसात आमदार प्रताप पाटील चिखलीकर, आमदार हेमंत पाटील, खासदार नागेश पाटील आष्टीकर यांनी अशोक चव्हाण यांच्यावर टीका केली होती. त्यावर चव्हानांनी हे वक्तव्य केले

एकाच बॅनर वर झळकले राज ठाकरे - उद्धव ठाकरे..

ठाणे शहरातील पाणी समस्या, वाहतूक कोंडी समस्या व रस्त्यातील खड्यांच्या प्रश्नांना अनुसरून उद्या मनसेचा व ठाकरेंच्या शिवसेनेचा ठाण्यात मोर्चा  निघणार आहे. हा मोर्चा गडकरी रंगायतन ते थेट ठाणे  महानगर पालिकेवर धडकणार आहे.. या मोर्चाची दोन्ही पक्षांकडून  सध्या जय्यत तयारी पाहायला मिळते.. ठाणे महानगरपालिका मुख्यालयासमोर सध्या कार्यकर्त्यांकडून या मोर्चाची बॅनरबाजी करण्यात आली आहे या बॅनरवर राज ठाकरे व उद्धव ठाकरे यांचा एकत्र फोटो लावण्यात आला आहे सोबतच आदित्य ठाकरे व अमित ठाकरे यांचा देखील फोटो लावण्यात आलेला आहे शिवसेना व मनसेचा धडक मोर्चा  येतोय अन्यायाला गाढायला असा मजकूर देखील या बॅनरवर लिहिण्यात आला आहे.

WWE मध्ये प्रतिस्पर्ध्याला मारण्यासाठी घेऊन आला थेट क्रिकेट बॅट अन् रिंगणात येऊन...बघा Viral Video 

 

WWE मध्ये प्रतिस्पर्ध्याला मारण्यासाठी घेऊन आला थेट क्रिकेट बॅट अन् रिंगणात येऊन...बघा Viral Video https://t.co/plZURbczvx#wwc2025 #viralvideo #RomanReigns #cricketbat

— ZEE २४ तास (@zee24taasnews) October 12, 2025

युतीच्या चर्चांदरम्यान शिवसेना UBT ला मोठा धक्का

इथं उद्धव ठाकरेंचा शिवसेना पक्ष आणि राज ठाकरेंचा मनसे हे पक्ष युती करण्याच्या तयारीत असल्याचं म्हटलं जात असतानाच तिथं उद्धव ठाकरेंच्या पक्षाला धक्का बसला आहे. मनमाड शहरातील अनेक पदाधिकारी आणि कार्यकर्त्यांनी उद्धव बाळासाहेब ठाकरे शिवसेनेला जय महाराष्ट्र करून शिंदे शिवसेनेत प्रवेश केला आहे. ज्यानंतर आमदार सुहास कांदे यांनी त्यांचे पक्षात स्वागत केले. नगर परिषद निवडणुकीच्या तोंडावर कार्यकर्त्यानी पक्षाची साथ सोडल्यामुळे उबाठाला हा मोठा धक्का मानला जात आहे.

तुमच्या मुलांना पोलियो वॅक्सिन पाजणाऱ्या कर्मचाऱ्यांना किती मानधन मिळतं? जाणून वाटेल आश्चर्य!

तुमच्या मुलांना पोलियो वॅक्सिन पाजणाऱ्या कर्मचाऱ्यांना किती मानधन मिळतं? जाणून वाटेल आश्चर्य!#PolioDrops2025https://t.co/h3OeR8EX1m

— ZEE २४ तास (@zee24taasnews) October 12, 2025

Video: प्रिया मराठेविषयी बोलताना अभिजित खांडकेकरचा कंठ दाटला; अर्ध्यावरच थांबला... सारे क्षणात नि:शब्द!

Video: प्रिया मराठेविषयी बोलताना अभिजित खांडकेकरचा कंठ दाटला; अर्ध्यावरच थांबला... सारे क्षणात नि:शब्द!#Actress #priyamarathehttps://t.co/nqwIa9j5TA

— ZEE २४ तास (@zee24taasnews) October 12, 2025

मुख्यमंत्री युवा कार्यप्रशिक्षणार्थी विराट बेमुदत आंदोलन

मुख्यमंत्री युवा कार्य प्रशिक्षण घेतलेल्या विद्यार्थ्यांचा ठाणे जिल्हाधिकारी कार्यालयावर धडक मोर्चा. ठाण्यातील जिल्हाधिकारी कार्यालय बाहेर 36 जिल्ह्यातून तरुण आंदोलन करत आहेत. 
तत्कालीन मुख्यमंत्री एकनाथ शिंदे यांच्या काळात ही योजना राबवण्यात आली होती. मात्र आता या सर्व युवांचा हाताला रोजगार नसल्याने आंदोलन करत आहेत. चला मामाच्या गावाला जाऊया आणि हक्काचं रोजगार मिळू या ब्रीदवाक्यखाली 36 जिल्ह्यातून  बेरोजगार तरुण आंदोलनात सामील.

 

'ही' व्यक्ती रातोरात मालामाल; घराच्या मागे किडेकिटक शोधताना सापडलं घबाड, 12 व्या शतकातील खजिना दिसतो कसा? https://t.co/y66UTWHZmh
बापरे! कोण इतक्या सहजासहजी कसं बरं श्रीमंत होतं? पाहा नशिब बलवत्तर असेल तर नेमकं काय घडतं... या व्यक्तीची जगभरात सुरुय चर्चा... #news #worldnews…

— ZEE २४ तास (@zee24taasnews) October 12, 2025

थिएटर मध्ये जाऊन राडा करणे उज्वला गौड यांना भोवलं

"मनाचे श्लोक" चित्रपट बंद पाडणे पडले महागात, उज्वला गौड यांच्यावर गुन्हा दाखल. शुक्रवारी थिएटर मध्ये जाऊन उज्वला गौड आणि त्यांच्या कार्यकर्त्यांनी बंद पाडला होता शो. पुण्यातील सिटीप्राइड थिएटर मध्ये जाऊन उज्वला गौड यांनी बंद पाडला होता शो. अलंकार पोलीस ठाण्यात आता उज्वला गौड यांच्या विरोधात गुन्हा दाखल. "मनाचे श्लोक" या नावाला हिंदू संघटनांकडून विरोध. समर्थ रामदास स्वामी यांच्या श्लोकाचा अवमान झाल्याचा आरोप. सरकारी कामात अडथळा आणणे आणि त्यासोबत गोंधळ घातल्याप्रकरणी गुन्हा दाखल. 

निलेश घायवळचं काऊंटडाऊन सुरू; पोलिसांनी उचललं मोठं पाऊल 

निलेश घायवळचं काऊंटडाऊन सुरू; पुणे पोलिसांचा मोठा निर्णय.  पोलिसांनी निलेश घायवळ विरोधात ब्लू कॉर्नर  नोटीस जारी केली. 
यामुळे आता घायवळच्या परदेशातून मुसक्या आवळून भारतात आणणं शक्य होणार आहे.

नाशिक जिल्हा कायद्याचा बालेकिल्ला ठरला

पोलिसांना आवाहन देत तसेच हातात कोयता हातात घेऊन सोशल मीडियावर रील बनवणाऱ्या टवाळखोरांवर नाशिक ग्रामीण पोलीस अधीक्षक यांचे विशेष पथक व लासलगाव पोलिसांनी धडक कारवाई केली आहे. नाशिक ग्रामीणचे पोलीस अधीक्षक बाळासाहेब पाटील यांच्या मार्गदर्शनाखाली विशेष पथकाने लासलगाव पोलीस ठाण्याच्या हद्दीत विंचूर येथे कामानिमित्त आलेल्या दिंडोरी तालुक्यातील पाच जणांना ताब्यात घेतले या कारवाईमुळे “नाशिक जिल्हा कायद्याचा बालेकिल्ला” ही संकल्पना अधिक बळकट झाली असून पोलिसांच्या तत्परतेचे सर्वत्र कौतुक होत आहे. या प्रकरणी लासलगाव पोलिसांकडून पुढील तपास सुरू.

 

Exclusive : 'तो काय ओरडत गेला?', विधानभवनाच्या दाराशी झालेल्या बाचाबाचीवर पडळकरांची सारवासारव; कोणाचा एकेरी उल्लेख? https://t.co/XbrD19124a
विधानभवन प्रांगणात नेमकं काय घडलेलं? हाणामारी? बाचाबाची? पडळकरांकडून कोणाचा एकेरी उल्लेख? #news #GopichandPadalkar #tothepoint

— ZEE २४ तास (@zee24taasnews) October 12, 2025

राज ठाकरेंची महाविकास आघाडीतही एंट्री? चर्चेला उधाण 

आगामी महापालिका आणि झेडपी निवडणुकांच्या तोंडावर ठाकरे बंधूंच्या युतीची चर्चा आहे. उद्धव ठाकरे आणि राज ठाकरेंच्या गाठीभेटीही वाढल्यात. अशातच आता राज ठाकरेंची महाविकास आघाडीतही एंट्री झालीय का अशी चर्चा सुरु झालीय. कारण महाविकास आघाडीचं शिष्टमंडळ निवडणूक आयुक्तांना भेटणार आहे. विशेष म्हणजे राज ठाकरेही या शिष्टमंडळात सहभागी होणार आहेत. 

शिष्टमंडळात कोणाचा सहभाग?

हर्षवर्धन सपकाळ, काँग्रेस
उद्धव ठाकरे,  ठाकरेंची शिवसेना
राज ठाकरे, मनसे
शरद पवार, राष्ट्रवादी काँग्रेस (SP)
अजित नवले, शेतकरी नेते
प्रकाश रेड्डी,
जयंत पाटील, शेकाप

शरद पवार, अजित पवार आज एकत्र बैठकीला उपस्थित राहणार

 

शरद पवार, अजित पवार आज एकत्र बैठकीला उपस्थित राहणार... पुण्यातील वसंतदादा शुगर इन्स्टिट्यूटमध्ये दुपारी महत्त्वाची बैठक. बैठकीत साखर कारखान्यासंदर्भात महत्त्वाची चर्चा होणार. 

सांगलीतले साखर कारखाने जयंत पाटलांनी हडपले- पडळकर 

सांगलीतले साखर कारखाने जयंत पाटलांनी हडपले..टू द पॉईंटमधील कार्यक्रमातून पडळकरांचा जयंत पाटलांवर खळबळजनक आरोप... चौकशीची मागणी... 

अतिवृष्टीमुळे झालेल्या नुकसानीचे पंचनामे पूर्ण होण्यासाठी दिवाळी उजाडण्याची शक्यता 

 

राज्यात अतिवृष्टीमुळे तब्बल ४७ लाख हेक्टरवरील शेतीचे नुकसान झाले असून याचे पंचनामे करण्याचे काम सध्या सुरू आहे. मात्र, आतापर्यंत केवळ 5 जिल्ह्यांमधील सुमारे 6 लाख हेक्टरवरील नुकसानीचे पंचनामे पूर्ण झाले आहेत... त्यामुळे उर्वरित 41 लाख हेक्टरवरील पंचनामे पूर्ण करण्यासाठी दिवाळीच उजाडणार आहे... पंचनाम्यांचा अहवाल प्राप्त झाल्यानंतर पुन्हा शासन निर्णय जारी होईल... त्यानंतरच ही मदत शेतकऱ्यांच्या खात्यावर जमा होणार आहे. तरीदेखील शेतकऱ्यांना दिवाळीपूर्वीच मदत देण्यात येईल, असे स्पष्टीकरण कृषिमंत्री दत्तात्रय भरणे यांनी दिले आहे....

Rinku Singh birthday: झाडू मारण्याची जॉब ऑफर ते IPL स्टार पर्यंत! रिंकू सिंगचा प्रवास आहे प्रेरणादायी 

 

Rinku Singh birthday: झाडू मारण्याची जॉब ऑफर ते IPL स्टार पर्यंत! रिंकू सिंगचा प्रवास आहे प्रेरणादायी https://t.co/guQlnJ6sd3#rinkusingh #HappyBirthday #RinkuSinghBirthday #biography #HappyBirthdayRinku

— ZEE २४ तास (@zee24taasnews) October 12, 2025

गोपीचंद पडळकरांचे जयंत पाटलांवर जमिनी हडपल्याचे खळबळजनक आरोप

गोपीचंद पडळकरांनी जयंत पाटलांवर जमिनी हडपल्याचे खळबळजनक आरोप केले आहेत.. टू द पॉईंटमधून गोपीचंद पडळकरांनी जमीन हडपल्याच्या यादीचा थेट पाढाच वाचून दाखवला.. नगरपालिकेत 30 वर्ष सत्ता असताना जयंत पाटलांनी अनेक लोकांच्या जमिनी बळकावल्याचा आरोप पडळकरांनी केलाय.. कुलकर्णी एस.के नावाच्या एका व्यक्तीची 6 एकर जमीन जयंत पाटलांनी हडपली.. तसंच स्वत:च्या इंग्रजी हायस्कूलसाठीही जयंत पाटलांनी 10 एकर जमीन बळकावल्याचा गंभीर आरोपही गोपीचंद पडळकरांनी केलाय.

मेट्रो 2 अ आणि मेट्रो 7च्या वेळापत्रकात बदल 

 मेट्रो 2 अ म्हणजेच दहिसर पूर्व ते डीएननगर आणि मेट्रो 7 म्हणजेच गुंदवली ते ओवरीपाडा मार्गावरील गाड्यांच्या वेळापत्रकात बदल करण्यात आला आहे... त्यानुसार आता पहिली मेट्रो दीड तास उशिराने सुरू होणार आहे... 18 ऑक्टोबरपर्यंत हे बदल असणार आहेत..आता सकाळी 5 वाजून 25 मिनिटांऐवजी 7 वाजता पहिली मेट्रो सुरू होईल...  गुंदवली ते ओवरीपाडा मेट्रो ७ला दहिसर पूर्व ते काशिगाव मेट्रो मार्गाशी जोडण्याच्या कामासाठी आवश्यक प्रणाली एकत्रीकरण आणि सुरक्षा चाचण्या हाती घेण्यात येत आहेत... त्यामुळे हा निर्णय घेण्यात आला आहे.

पाकिस्तान-अफगाणिस्तान सीमेवर चकमक

-सीमा भागातील गावांमध्ये तुफान गोळीबार
-पाकिस्तानच्या हल्ल्याला तालिबानचं उत्तर
-पाकिस्तानच्या दोन चौक्यांवर तालिबानचा ताबा

मंडणगड न्यायालय इमारतीचं आज उदघाटन

मंडणगड इथे दिवाणी आणि फौजदारी न्यायालयाच्या नूतन इमारतीचं उदघाटन करण्यात येणार आहे. हे उद्घाटन आज सर्वोच्च न्यायालयाचे सरन्यायाधीश भूषण गवई यांच्या हस्ते करण्यात येणार आहे. 
यावेळी मुख्यमंत्री देवेंद्र फडणवीस उपस्थित राहणार आहेत.उच्च न्यायालयाचे मुख्य न्यायमूर्ती चंद्रशेखर यांच्या अध्यक्षतेखाली होणाऱ्या या कार्यक्रमाला उपमुख्यमंत्री एकनाथ शिंदे,उद्योग व मराठी भाषा मंत्री तसेच पालकमंत्री उदय सामंत,जिल्हा न्यायमूर्ती मकरंद कर्णिक,उच्च न्यायालयाचे न्यायमूर्ती माधव जामदार आणि गृहराज्यमंत्री योगेश कदम उपस्थित राहणार आहेत. मंडणगड आणि संपूर्ण रत्नागिरी जिल्ह्यातील न्यायालयीन यंत्रणेच्या दृष्टीने हा एक ऐतिहासिक दिवस ठरणार आहे..

'निष्ठेचा मुखवटा लावलेली आजू बाजूला असतात'-  उद्धव ठाकरे

हेलिकॉप्टरनं शेतात जातो, भाजी की रेडा कापतो माहीत नाही...हाच माणूस दगा देणार असं अनंत तरेंनी सांगितलं होतं...असा हल्लाबोल उद्धव ठाकरे यांनी ठाण्यात एकनाथ शिंदेंवर केलाय...निष्ठेचा मुखवटा लावलेली माणसं आपल्या आजूबाजूला असतात... आता मात्र आपल्याला पश्चाताप होतोय.. तेव्हाच अनंत तरे यांचं ऐकायला हवं होतं... आपल्यात हा राजहंस असता तर हे कावळे आता फडफडले नसते असही उद्धव ठाकरे यांनी म्हटलंयय..शिवसेनेचे दिवंगत नेते अनंत तरे यांच्या पुस्तक प्रकाशन सोहळ्यानिमित्त आयोजित कार्यक्रमात उद्धव ठाकरे बोलत होते..

ठाण्यातील भ्रष्टाचाराविरोधात सोमवारी मोर्चा

मनसेसोबतच्या युतीचे उद्धव ठाकरेंनी पुन्हा एकदा सूचक संकेत दिले आहेत. ठाण्यातील भ्रष्टाचाराविरोधात सोमवारी मोर्चा काढण्यात येणार आहे. या मोर्चात मनसेही आपल्यासोबत असल्याचं उद्धव ठाकरे यांनी ठाण्यात सांगितलं. आता शत्रूंना उखडून फेकायचं आहे असा इशाराही उद्धव ठाकरेंनी यावेळी दिला. 

टीका करताना युतीत असल्याचं भान ठेवा- मुख्यमंत्री 

स्वबळावर की महायुतीत लढायचं याचा निर्णय जिल्हा पातळीवर घेतला जाणार असल्याचं मुख्यमंत्री देवेंद्र फडणवीस यांनी सांगितलं. महायुतीत आहोत याचं भान ठेवून लढा, असे आदेश देवेंद्र फडणवीस आणि भाजप प्रदेशाध्यक्ष रविंद्र चव्हाण यांनी दिलेत. कोकण आणि ठाणे विभागाची बैठक पार पडली. या बैठकीत त्यांनी हे आदेश दिले. मित्र पक्षांना त्रास होणार नाही, याची काळजी घ्या. टीका करताना युतीत असल्याचं भान ठेवा, अशा सूचनाही त्यांनी केलाय. 

गोपीचंद पडळकर-जयंत पाटील वाद आणि टीका

गोपीचंद पडळकर आणि जयंत पाटील  यांच्यातील वैयक्तिक टीकेला आपला देखील आक्षेप आहे. कुणावरही वैयक्तिक टीका कोणी करू नये. आपण त्याबाबत पडळकरांना सांगितलं असल्याचं मुख्यमंत्री देवेंद्र फडणवीस म्हणाले. 

जयंत पाटलांच्या 'करेक्ट कार्यक्रम'ला पडळकरांचे उत्तर

जयंत पाटील हे कोणीही टप्प्यात आल्यावर कार्यक्रम करतात पण आपण समोरच्याला टप्प्यात आणून कार्यक्रम करत असल्याचा टोला गोपीचंद पडळकरांनी लगावलाय. टू द पॉईंट या मुलाखतीत पडळकरांनी त्यांच्या कामाच्या पद्धतीचा पॅटर्न सांगितला. जयंत पाटील टप्प्यात आल्यावर करेक्ट कार्यक्रम करतात, पण आपण एखाद्याचा करेक्ट कार्यक्रम करणार असल्यावर त्याला टप्प्यात आणतो आणि मग करेक्ट कार्यक्रम करतो असं पडळकरांनी सांगितलं.

जयंत पाटलांनी कवितेतून दिलेल्या आव्हानाला पडळकरांनी दिलं प्रतिआव्हान

जयंत पाटलांनी कवितेतून दिलेल्या आव्हानाला पडळकरांनी टू द पॉईंटमधून कवितेतूनच प्रतिआव्हान दिलंय....काही दिवसांपूर्वी गोपीचंद पडळकरांनी जयंत पाटलांवर जहरी टीका केली होती.. दरम्यान यानंतर जयंत पाटलांनीही त्यांच्या खास शैलीतून पडळकरांचा समाचार घेतला होता.. मात्र, झी 24 तासच्या टू द पॉईंट मुलाखतीमधून पडळकरांनी कवितेच्या माध्यमातून जयतं पाटलांवर पलटवार केलाय.... 

गोपीचंद पडळकरांचे  जयंत पाटील यांच्यावर गंभीर आरोप

भाजप नेते गोपीचंद पडळकरांनी राष्ट्रवादी शरद पवार पक्षाचे नेते जयंत पाटील यांच्यावर गंभीर आरोप केलेत. जयंत पाटलांनी मंत्री असताना अनेकांच्या जमिनी हडपल्याचा आरोप आमदार गोपीचंद पडळकर यांनी टू द पॉईंट या विशेष मुलाखतीत केलाय. या मुलाखतीत त्यांनी जयंत पाटलांनी हडप केलेल्या जमिनींच्या यादीचा पाढाच वाचला... सांगली जिल्ह्यातले व्यापारी रमेश पोरवाल यांचा मृत्यू बेळगावच्या रुग्णालयात झाला तेव्हा जयंत पाटील हेलिकॉप्टरनं बेळगावला गेले. तिथं त्यांनी रमेश पोरवालचे अंगठे घेऊन जमीन आणि शॉपिंग कॉम्लेक्स त्यांच्याकडून हडपल्याचा आरोप गोपिचंद पडळकरांनी केलाय. या प्रकरणाची चौकशी करण्यासाठी आपण मुख्यमंत्री देवेंद्र फडणवीस यांच्याकडं तक्रार करणार असल्याचंही त्यांनी सांगितलंय.