Maharashtra Breaking News LIVE : पुणे मेट्रोच्या नव्या मार्गिकेचे रविवारी पंतप्रधान नरेंद्र मोदी यांच्या हस्ते ऑनलाईन उद्घाटन
Maharashtra Breaking News LIVE : महाराष्ट्रातील राजकारणात अनेक घडामोडींना वेग आलेला असताना इथं अचानकच पावसानं सर्वांचं लक्ष वेधलं आहे.
Maharashtra Breaking News LIVE : आजचा दिवसही पाऊस गाजवणार? जाणून घ्या राजकारणापासून पावसापर्यंतच्या सर्व अपडेट एका क्लिकवर... Live Blog मध्ये
Latest Updates
पुणे मेट्रोच्या शिवाजीनगर कोर्ट ते स्वारगेट भूमिगत मार्गिकेचे रविवारी उद्घाटन होणार आहे. पंतप्रधान नरेंद्र मोदी यांच्या हस्ते ऑनलाईन पद्धतीने उद्घाटन होणार आहे. पावसामुळे पंतप्रधानांचा दौरा रद्द झाल्याच्या पार्श्वभूमीवर कार्यक्रम पुढे ढकलण्यात आला होता होता.
खेडमध्ये जगबुडी नदीने इशारा पातळी ओलांडली
खेडमध्ये जगबुडी नदीने इशारा पातळी ओलांडली आहे. जगबुडी नदीची धोक्याच्या पातळीकडे वाटचाल सुरु आहे. नदीची धोका पातळी 7 मीटर इतकी आहे. सध्या जगबुडी नदी सहा मीटरवर वाहते आहे. एक मीटर पाण्याच्या पातळीत वाढ झाली तर शहराला पाण्याचा धोका निर्माण होण्याची शक्यता आहे. हवामान खात्यांने रत्नागिरी जिल्ह्याला रेड अलर्ट दिला आहे. गेल्या सात तासांपासून खेडमध्ये जोरदार पाऊस सुरू आहे
मंकीपॉक्स संदर्भात केंद्र सरकारच्या सर्व राज्य सरकारांना मार्गदर्शक सूचना
मंकीपॉक्ससंदर्भात केंद्र सरकारने सर्व राज्यांना मार्गदर्शक सूचना जारी केल्या आहेत. मंकी पॉक्सच्या संशयित रुग्णांचे विलगीकरण करावे, सर्व राज्य सरकारांनी नागरिकांमध्ये मंकी पॉक्सविषयी जागरूकता वाढवावी, मंकी पॉक्सविषयीची माहिती, संसर्गाची माध्यमे याविषयी लोकांना जागरूक करावे, प्रशासनातील वरिष्ठ अधिकाऱ्यांनी राज्य आणि जिल्हास्तरावरील आरोग्य यंत्रणेची समीक्षा करावी रुग्णालयात मंकी पॉक्सचे रुग्ण तसेच संशयित यांच्या विलगीकरणाराच्या, यातायात सुविधा आहेत का, याची खातरजमा करावी
छगन भुजबळ यांना एअर ॲम्बुलन्स ने पुण्याहून मुंबईला हलवले . 24 तासापासून होता भुजबळ यांना ताप आहे. ताप नियंत्रित होत नसल्याने तसंच घसा दुखणे सांधे दुखणे सारख्या समस्या आहेत. आजार अधिक तीव्र होऊ लागल्याने मुंबईतील बॉम्बे हॉस्पिटलला उपचारासाठी केले दाखल
आमदार रोहित पवार यांना अहमदनगरच्या जामखेडमध्ये पोलिसांनी अडवल्यानं वातावरण तापलं होतं. रोहित पवार यांनी SRPF केंद्राच्या लोकापर्णाचं कार्यक्रम आयोजित केला होता, पण याला प्रशासन आणि राज्य राखीव पोलीस दलाने मान्यता दिली नव्हती. त्यामुळे ज्यावेळी रोहित पवार जामखेडमध्ये पोहोचले त्यावेळी पोलिसांकडून त्यांना अडवण्यात आलं. यावेळी रोहित पवारांचे कार्यकर्ते आणि पोलिसात बाचाबाची झाली.
नालासोपाऱ्यात डोंगराचा भाग कोसळला, सुदैवाने कोणतीही जीवित हानी नाही
नालासोपारा पूर्वेकडील बावशेत पाडा येथे रात्रीच्या सुमारास दरड कोसळल्याची घटना घडली असून सुदैवाने यात कोणतीही जीवितहानी झाली नाही मात्र येथील शेकडो घरांना धोका निर्माण झाला आहे वसई विरार महानगरपालिकेने पालिकेच्या क्षेत्रातील अनेक ठिकाणी दरडी कोसळण्याचा धोका असल्याचं जाहीर केलं होतं. नालासोपाराच्या पूर्वेकडील बावशेत पाडा येथे काल रात्रीच्या सुमारास धो धो कोसळणाऱ्या पावसामुळे डोंगराचा काही भाग खचला आहे. त्यामुळे येथील शेकडो झोपड्यांना धोका निर्माण झाला आहे.
Maharashtra Breaking News LIVE : मुसळधार पावसानं मुंबईकरांच्या अडचणी पाहून आदित्य ठाकरेंचा संताप अनावर; यंत्रणा कुठे होती? म्हणत खडा सवाल
मुसळधार पावसामुळं मुंबई ठप्पझाली तेव्हा आपातकालीन यंत्रणा कुठे होती? टोळ्यांनी सगळी कंत्राटं वाटून घेतली आहेत. मेट्रोची गर्दी, रेल्वेची गर्दी, वाहतूक कोंडी... मुंबईचं इतकं भयानक चित्र कधीही पाहिलं नव्हतं. आज मुंबई, ठाण्याकडे लक्ष देण्यासाठी कोणी नाही. आजुबाजूला जे गराडा घेऊन फिरतात तेच पोलीस बंदोबस्ताला लावले असते तर नागरिकांची गैरसोय झाली नसती. या सरकारचं प्राधान्य खोके आणि पैशांना.... म्हणत ओढले ताशेरे.
Maharashtra Breaking News LIVE : चुकीच्या वेल्डिंग कामामुळे छत्रपती शिवाजी महाऱाजांचा पुतळा कोसळला
सिंधुदुर्ग येथील राजकोट किल्ल्यावर असणारा शिवरायांचा पुतळा चुकीच्या वेल्डिंग कामामुळे कोसळला असं चौकशी समितीच्या अहवालात स्पष्ट करण्यात आलं. शिवरायांच्या पुतळ्याला गंज लागला, कमकुवत फ्रेममुळे पुतळा कोसळला असं समितीच्या 16 पानी अहवालात सांगण्यात आलं.
Maharashtra Breaking News LIVE : हॉटेलच्या महिला स्वच्छतागृहात छुपा मोबाईल ठेवून विडिओ काढण्याचा प्रयत्न
नवी मुंबईतील वाशी मधील विशियस सर्कल या हॉटेल मधील महिला स्वच्छतागृहात हॉटेल कर्मचाऱ्याने छुप्या पद्धतीने आपला मोबाईल फोन ठेऊन चित्रीकरण करण्याचा प्रयत्न केल्याचा धक्कादायक प्रकार उघडकीस आलाय. हॉटेल मध्ये आलेल्या महिला ग्राहकाच्या सदर बाब लक्षात आल्याने हे प्रकरण उघडकीस आले. याप्रकरणी वाशी पोलिसांनी हॉटेल मधील महिला स्वच्छतागृहात ठेवलेला मोबाईल ताब्यात घेतला. हे कृत्य करणाऱ्या हॉटेल कर्मचारी अजय सिंह याच्यावर गुन्हा दाखल करत अटक करण्यात आली असून वाशी पोलीस अधिक तपास करत आहेत.
Maharashtra Breaking News LIVE : वक्फ विधेयकावरील संसदिय संयुक्त समितीच्या बैठकीत राडा
वक्फ विधेयकावरील संसदिय संयुक्त समितीच्या बैठकीत राडा झाला असून, या राड्यामागोमाग विरोधी पक्षांनी केला सभात्याग. शिवसेनेचे नरेश म्हस्के आणि टीएमसीचे कल्याण बॅनर्जी यानंतर एकमेकांमध्ये भिडले. गुलशन फाऊंडेशनच्या वतीने समितीसमोर म्हणणं मांडले जात असताना कल्याण बॅनर्जी यांनी त्यांना थांबवण्याचा प्रयत्न केला.
अखेर विरोधी पक्षांच्या सगळ्या प्रतिनिधींनी बैठकीतून बाहेर पाडण्याचा निर्णय घेतलाMaharashtra Breaking News LIVE : पावसामुळे एपीएमसी मार्केट मद्ये भाजीपाला पडून, भाजीपाला सडला
मुंबई आणि उपनगरात झालेल्या पावसामुळे नवी मुंबई कृषी उत्पन्न बाजार समिती मद्ये भाजीपाला पडून आहे, ग्राहक नसल्याने हा भाजीपाला पडून असून पावसामुळे हा भाजीपाला फेकून देण्याची वेळ व्यापाऱ्यांवर आली आहे , यामुळे भाजीपाला दर हे 50 टक्के नी खाली उतरले असून, जी भाजी 50 ते 60 रुपये किलो एपीएमसी मार्केट मद्ये विकली जात होती ती भाजी आज 20 ते30 रुपये किलो विकली जात आहे , यात चवळी, कारले, गवार, वांगी, कोबी, दुधी, भाज्या पडून आहेत , आज मार्केट मद्ये 450 गाड्याची आवाक झाली असून, अतिवृष्टी चा इशारा दिल्याने ग्राहकांनी पाठ फिरवल्याचं चित्र आहे.
Maharashtra Breaking News LIVE : ऐन निवडणुकीच्या तोंडावर ठाकरे गटात नाराजी
पालघर जिल्ह्यातील ठाकरे गटाच्या पदाधिकाऱ्यांकडून आणि शिवसैनिकांकडून स्वतःच्याच पदाधिकाऱ्यांविरोधात आक्रोश सभा.
पालघर जिल्ह्यातील विविध विधानसभा क्षेत्रातील अनेक स्थानिक पदाधिकारी, सहसंपर्कप्रमुख आणि उपनेत्या ज्योती ठाकरे यांच्या विरोधात नाराजी. ठाकरे गटातील स्थानिक शिवसैनिक आणि पदाधिकाऱ्यांकडून वरिष्ठ नेत्यांविरोधात आक्रोश सभा. स्थानिक शिवसैनिकांमध्ये ज्योती ठाकरे भांडण लावत असल्याचा शिवसैनिकांचा आरोप.Maharashtra Breaking News LIVE : 4 ऑक्टोबरपर्यंत पूजा खेडकरला दिलासा कायम
4 ऑक्टोबरपर्यंत पूजा खेडकरला दिलासा कायम असून पूजा खेडकरला तोपर्यंत अटक करता येणार नाही. पूजा खेडकरच्या वकिलांनी कोर्टात 15 दिवसांची वेळ मागितली होती. मात्र UPSC chya वकिलांनी विरोध केल्याने कोर्टाने तो वेळ कमी करत आठवड्याचा वेळ दिला. आता इथून पुढं सुनावणी 4 ऑक्टोबरला होणार आहे.
Maharashtra Breaking News LIVE : काँग्रेसच्या आमदाराला, अजितदादांचं बळ!
आमदार झिशान सिद्धिकी यांच्या मतदारसंघाला शासनाकडून निधीची खैरात. काँग्रेसचे आमदार झिशान सिद्दीकी यांच्या मतदारसंघाला अजित पवारांकडून निधीचा वर्षाव करण्यात आला आहे. निधीच्या माध्यमातून झिशान सिद्दिकी यांना ताकत मिळाली असून, यातून वांद्रे पूर्व विधानसभा मतदार संघात शासनाकडून निवडणुकीपुर्वी 100 कोटींच्या निधींची कामं मार्गी लागणार आहेत. नुकतीच त्यांनी अजित पवार यांची जनसन्मान यात्रा त्यांच्या भागात फिरवली त्यामुळे ते अजित पवारांच्या राष्ट्रवादीच्या वाटेवर आहेत हया स्पष्ट चर्चा आहे.
Maharashtra Breaking News LIVE : अक्षय शिंदेच्या दफनविधीसाठी जमीन उपलब्ध करून द्या! वडिलांचा बदलापूर पूर्व पोलिसांना अर्ज
अक्षय शिंदे यांच्या कुटुंबाने अक्षय शिंदे च्या दफनविधीसाठी जागा उपलब्ध करून द्या यासाठी बदलापूर पूर्व पोलीस ठाण्यात अर्ज केला आहे, मुंबई हायकोर्टात झालेल्या सुनावणीत सरकारी वकिलांनी स्थानिक उपायुक्तांच्या मार्फत स्थानिक प्रशासनाच्या साहाय्याने जमीन उपलब्ध करून दिली जाईल असं सांगितलं होतं ,मात्र अजूनही जमीन न मिळाल्याने मृतदेहाची हेळसांड होत असल्याचा अक्षयच्या वडिलांचा आरोप केला आहे.
Maharashtra Breaking News LIVE : मुसळधार पावसाच्या शक्यतेमुळं मोदींचा दौरा रद्द
पुण्यात मुसळधार पावसाच्या शक्यतेमुळं पंतप्रधान नरेंद्र मोदी यांचा पुणे दौरा अखेरच्या क्षणी रद्द करण्यात आला आहे. प्राथमिक स्वरुपात मिळालेल्या माहितीनुसार या दौऱ्यासाठी पर्यायी व्यवस्थाही तयार ठेवण्यात येत होती. पण, आता मात्र हा दौराच रद्द करण्यात आला आहे. व्हिडीओ कॉन्फरन्सिंगद्वारे पार पडणार नियोजित कार्यक्रम.
Maharashtra Breaking News LIVE : मायणी भागात ढगफुटी सदृश मुसळधार पाऊस...जनजीवन विस्कळीत
सातारा जिल्ह्यातील अनेक भागात मुसळधार पाऊस झाला आहे.खटाव या दुष्काळी भागातील मायणी गावाला पावसाचा जोरदार तडाखा बसला आहे.ढगफुटी सदृश पावसाने जनजीवन विस्कळीत झाले आहे.काही ठिकाणी वस्तीत आणि दुकानात पावसाचे पाणी शिरले आहे.शेती पिकाचे देखील मोठे नुकसान झाले आहे.अनेक ठिकाणी पुलावरून पाणी गेल्याने वाहतूक काही काळासाठी ठप्प झाली होती.तर अनेक भागात वीजपुरवठा देखील खंडित झाला होता.
Maharashtra Breaking News LIVE : अमित देशमुख यांच्या वक्तव्यामुळे महाविकास आघाडीमध्ये ठिणगी
काँग्रेसने लातूरच्या सहा विधानसभांवर आपला दावा केल्याचे काँग्रेसचे माजी मंत्री आमदार अमित देशमुख यांनी काँग्रेसच्या एका बैठकीत हे स्पष्ट केले आहे. काही दिवसापूर्वी अमित देशमुख यांनी निलंगा आणि औसा या जागेवर दावा केला होता आता त्यांनी अहमदपूर आणि उदगीर या दोन जागेवर हि त्यांनी दावा केला आहे. अहमदपूर आणि उदगीर या जागा राष्ट्रवादी शरद पवार गटाकडे आहेत. उदगीर मध्ये 90% ग्रामपंचायत आणि सोसायटी ह्या काँग्रेसच्या ताब्यात आहेत. त्यामुळे मिरीट वर या सर्व जागांवर आमचा अधिकार आहे. या जागेवर सुद्धा काँग्रेसची ताकद आहे. त्यामुळे या जागा सुद्धा काँग्रेसला दिला पाहिजे अशी मागणी अमित देशमुख यांनी केली आहे. यांच्या या विधानामुळे महाविकास आघाडीमध्ये ठिणगी पडण्याची शक्यता आहे.
Maharashtra Breaking News LIVE : पालघर मुंबई अहमदाबाद राष्ट्रीय महामार्गावर अपघात
पालघर मुंबई अहमदाबाद राष्ट्रीय महामार्गावरील चारोटी एशियन पेट्रोलपंपा जवळ टँकरचा अपघात झालाय. मुंबई कडून गुजरात कडे जाणाऱ्या वाहिनीवर टँकर पलटी होऊन हा अपघात झाला आहे. कच्च्या तेलाची वाहतूक करणारा टँकर चा अपघात झाल्याने रस्त्यावर तेलाची मोठ्या प्रमाणत गळती झाली आहे. त्यामुळे गुजरात कडे जाणाऱ्या वाहिनीवरील वाहतूक धीम्या गतीने सुरू आहे. सुदैवाने कुठलीही जीवितहानी झालेली नाही. तर वाहतूक पोलीस घटनास्थळी दाखल झाले आहेत.
Maharashtra Breaking News LIVE : पालघर मुंबई अहमदाबाद राष्ट्रीय महामार्गावर अपघात
पालघर मुंबई अहमदाबाद राष्ट्रीय महामार्गावरील चारोटी एशियन पेट्रोलपंपा जवळ टँकरचा अपघात झालाय. मुंबई कडून गुजरात कडे जाणाऱ्या वाहिनीवर टँकर पलटी होऊन हा अपघात झाला आहे. कच्च्या तेलाची वाहतूक करणारा टँकर चा अपघात झाल्याने रस्त्यावर तेलाची मोठ्या प्रमाणत गळती झाली आहे. त्यामुळे गुजरात कडे जाणाऱ्या वाहिनीवरील वाहतूक धीम्या गतीने सुरू आहे. सुदैवाने कुठलीही जीवितहानी झालेली नाही. तर वाहतूक पोलीस घटनास्थळी दाखल झाले आहेत.
Maharashtra Breaking News LIVE : लाल मसाल्यामध्ये हानिकारक रंग
धुळे एलसीबी ने midc मोहाडी येथिल लाल मसाल्या मधे हानिकारक रंग आणि केमिकल्स च्या भेसळी चे मोठे रैकेट पकडले आहे. या प्रकरणी पोलीस सविस्तर चौकशी करीत आहेत. इम्रान अहमद आणि मोहोम्मद असीम हे दोघे हानिकारक रंग आणि केमिकल्स मस्जिद बंदर येथून आणायचे आणि मुख्तार अन्सारी याच्या midc मधल्या कंपनी मधे भाड्याच्या गाळ्यात हे काम करायचे अशी चौकशी मध्ये माहिती समोर आली आहे. या कारवाई पोलिसांनी हानिकारक मुद्देमाल जप्त केला आहे. हे रॅकेट, १२० किलो लाल मसाला त्यात ८ किलो भेसळयुक्त तेल आणि ४० किलो अत्यंत हानिकारक आणि टॉक्सिक रंग आणि बाकीचे केमिकल्स टाकतात आणि ११० रुपये प्रती किलो माल विकतात असल्याची माहिती समोर आली आहे. पोलिसांचे या कारवाईनंतर अन्न व औषध प्रशासनाच्या पथकालाही यात चौकशीसाठी समावेश करण्यात आले आहे. या कारवाईमध्ये जप्त केलेल्या मालाची प्रयोगशाळेत तपासणी केली जाणार असून, त्यानंतर आलेल्या अहवालनंतर त्या प्रमाणे पुढील कायदेशीर कारवाही होईल
Maharashtra Breaking News LIVE : कळवाडी फाट्यावर काटेरी झुडपात सापडले अर्भक
वंशाला दिवा म्हणून मुलगाच हवा, अशी अनेकांची इच्छा असते. त्यामुळे काही ठिकाणी मुलगी जन्माला आल्यानंतर निर्दयीपणे त्या लहानशा नकोशीला टाकून देण्यात येत असल्याच्या धक्कादायक घटना समोर येत आहे. मात्र मालेगाव तालुक्यातील कळवाडी फाटा परिसरात नुकतेच जन्माला आलेले पुरुष जातीचे अर्भक कापडात लपेटून काटेरी झुडपात टाकून देण्यात आल्याची घटना समोर आली. स्थानिक दांम्पत्याने प्रसंगवधान राखत त्या बालकाला कळवाडी ग्रामीण रुग्णालयात दाखल केल्याने त्याचे प्राण वाचले असून जन्मताच आईच्या दूधाच्या दोन थेंबांसाठी टाहो फोडून फोडून हे बाळ कासावीस झाल्याने ग्रामस्थांचे डोळे पाणावले.
Maharashtra Breaking News LIVE : संजय राऊत आज दिल्लीला जाणार
शिवसेनेच्या ठाकरे गटाचे नेते संजय राऊत आज दिल्लीला जाणार असून तिथं ते काँग्रेसच्या वरिष्ठ नेत्यांची घेणार भेट. राज्यातील तिढ्याच्या जागावाटपाबाबत चर्चा होणार असून, राज्यातील काँग्रेस नेत्यांमध्ये मुख्यमंत्री पदावरून लागलेली चढाओढ हे योग्य नसल्याचेही वरिष्ठांच्या कानावर घालणार असल्याची माहिती.
Maharashtra Breaking News LIVE : गरज भासल्यास मोदींच्या सभेचं ठिकाण बदलणार
पुण्यात एसपी कॉलेज मैदानावर पंतप्रधान नरेंद्र मोदींची आज सभा असली तरीही पावसाची चिन्हं पाहता गरज भासल्यास मोदींच्या सभेचं ठिकाण बदलणार असल्याची शक्यता आहे. यासाठी गणेश कला क्रीडा मंचामध्ये तयारी सुरू करण्यात आली असून, पावसाच्या पार्श्वभूमीवर पर्यायी व्यवस्था सज्ज ठेवण्यात आली आहे.
Maharashtra Breaking News LIVE : फेसबुक वर जावून किंवा रिल्स काढून आमदार होता येत नाही- पंडित पाटील
फेसबुकवर जावून किंवा रील काढून आमदार होता येत नाही. त्यासाठी जनतेत जावून त्यांची कामं करायला पाहिजेत. असा टोला शेकापचे माजी आमदार पंडित पाटील यांनी आपल्याच पक्षातील इच्छुकांना लगावला. विधानसभेसाठी पंडित पाटील अलिबाग मधून इच्छुक आहेत. आपली पक्ष नेतृत्वावर कुठलीही नाराजी नसल्याचे त्यांनी स्पष्ट केलं. पक्ष नेतृत्वाला सगळ्यांना सोबत घेवून काम करायला लागतं. पक्षात अनेकजण इच्छुक आहेत. प्रत्येक कार्यकर्त्याला उमेदवारी मागण्याचा अधिकार आहे. परंतु नेतृत्वाने कार्यकर्त्यांच्या भावना जाणून उमेदवाराची निवड करावी अशी अपेक्षा त्यांनी व्यक्त केली
Maharashtra Breaking News LIVE : फेसबुक वर जावून किंवा रिल्स काढून आमदार होता येत नाही- पंडित पाटील
फेसबुकवर जावून किंवा रील काढून आमदार होता येत नाही. त्यासाठी जनतेत जावून त्यांची कामं करायला पाहिजेत. असा टोला शेकापचे माजी आमदार पंडित पाटील यांनी आपल्याच पक्षातील इच्छुकांना लगावला. विधानसभेसाठी पंडित पाटील अलिबाग मधून इच्छुक आहेत. आपली पक्ष नेतृत्वावर कुठलीही नाराजी नसल्याचे त्यांनी स्पष्ट केलं. पक्ष नेतृत्वाला सगळ्यांना सोबत घेवून काम करायला लागतं. पक्षात अनेकजण इच्छुक आहेत. प्रत्येक कार्यकर्त्याला उमेदवारी मागण्याचा अधिकार आहे. परंतु नेतृत्वाने कार्यकर्त्यांच्या भावना जाणून उमेदवाराची निवड करावी अशी अपेक्षा त्यांनी व्यक्त केली.
Maharashtra Breaking News LIVE : मुंबईत पुन्हा मॅनहोल्सचा प्रश्न ऐरणीवर
काल रात्री मुंबईत जोरदार पाऊस पडला आणि यामुळे मुंबईत अनेक ठिकाणी सकाळ भागात पाणी साचले होते तर रस्त्याला नदीचे स्वरूप प्राप्त झाले होते यातच अंधेरी या ठिकाणी पाण्याचा अंदाज आल्याने एका महिलेचा मेन हॉलमध्ये पडून दुर्दैवी मृत्यू झाला चिप्स कंपनीच्या गेट क्रमांक तीन समोर चेंबर मध्ये पडून विमल अप्पाशा गायकवाड या महिलेचा दुर्दैवी मृत्यू झाला का रात्री नऊ वाजेच्या सुमारास ही दुर्घटना झाली याची माहिती अग्निशामक दलाला देण्यात आल्यानंतर अग्निशामक दलाने महिलेचा शोध घेतला तिचा मृतदेह मिळून आला.
Maharashtra Breaking News LIVE : केंद्रीय निवडणूक आयोगाचा महाराष्ट्र दौरा
कसा असेल निवडणूक आयोगाचा दौराः
26 सप्टेंबरः
केंद्रीय निवडणूक आयोगाचे अधिकारी दिल्लीहून मुंबईकडे रवाना होणार.27 सप्टेंबर
सकाळी 10 वाजताः राजकीय पक्षांसोबत बैठक होईल
दुपारी 1 वाजताः सीईओ, नोडल अधिका-यांशी बैठक होईल.दुपारी 3 वाजताः निमलष्करी दलाचे अधिकारी, आयकर विभाग, गुप्तचर यंत्रणा, सीबीआय, ईडी अधिका-यांनी बैठक होईल.
संध्याकाळी 5 वाः मुख्य सचिव आणि पोलिस महासंचालक यांच्यासह प्रशासकीय आणि पोलिस यंत्रणेतील अधिका-यांशी महत्त्वाच्या बैठका
28 सप्टेंबर सकाळी 9.30 वाजता राज्यातील सर्व जिल्हाधिकारी आणि पोलिस अधीक्षकांची बैठक होणार आहे. त्यानंतर दुपारी 4 वाजता निवडणूक आयोगाचे अधिकारी पत्रकार परिषद घेतील.
त्यानंतर निवडणूक आयोगाचे अधिकारी दिल्लीकडे रवाना होणार.शरद पवारांची उद्या पुण्यात सभा
Pune Sharad Pawar : आगामी विधानसभा निवडणुकीच्या पार्श्वभूमीवर पंतप्रधान नरेंद्र मोदी आज पुण्यात सभा घेणार आहेत. तर मोदींच्या सभेनंतर उद्या शरद पवारही पुण्यात सभा घेणार आहेत. या सभेत पवारांच्या उपस्थितीमध्ये काही मोठ्या नेत्यांचा पक्षप्रवेश होणार आहे.. त्यामुळे शरद पवार कोणत्या पक्षाला धक्का देणार याची उत्सुकता निर्माण झालीये.. उद्या संध्याकाळी 6वाजता खराडी इथं झेन्सार कंपनीच्या मैदानात परावांची ही सभा होणार आहे.
पंतप्रधान नरेंद्र मोदींचा आज पुणे दौरा
Prime Minister Narendra Modi In Pune : पंतप्रधान नरेंद्र मोदी आज पुणे दौ-यावर आहेत. आज त्यांच्या हस्ते मेट्रो मार्गाचं भूमिपूजन होणार आहे. तसंच त्यांची सभाही होणार आहे. मोदींच्या या दौ-यावर पावसाचं सावट आहे. काल झालेल्या मुसळधार पावसामुळे सभास्थळी चिखल झालाय. तर दुसरीकडे या दौ-याच्या पार्श्वभूमीवर पुणे शहरातील वाहतुकीत आज बदल करण्यात आलाय. काही प्रमुख मार्गांवरील वाहतूक दुपारी तीन वाजल्यापासून वळवण्यात येणारेय
Maharashtra Breaking News LIVE : पाऊसपाण्याचा अलर्ट...
मुंबईला पावसाचा रेड अलर्ट देण्यात आला असून, सकाळी 8.30 वाजेपर्यंत पावसाचा रेड अलर्ट देण्यात आला आहे. मुंबईभर पावसाच्या जोरदार सरींचा अंदाज असून, मुंबईसह ठाणे, रायगडसाठी ऑरेंज अलर्ट जरी करण्यात आला आहे. तर पालघरसाठी देखील रेड अलर्ट जारी करण्यात आला आहे. मुंबईसह ठाणे रायगड आणि पालघर येथे मुसळधार ते अति मुसळधार पावसाची वर्तवण्यात आली आहे.