Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूजचा आढावा एका क्लिकवर

रत्नागिरी जिल्ह्यात मुसळधार पावसाची हजेरी 

Ratnagiri Rain : रत्नागिरी जिल्ह्यातील अनेक भागात विजांच्या कडकडाटासह जोरदार पाऊस सुरुये...रत्नागिरी, लांजा राजापूर, देवरुख, संगमेश्वर भागात गेल्या वीस मिनिटांपासून पावसाच्या दमदार सरी कोसळत आहे...पुढील दोन दिवस दुपारनंतर असाच पावसाचा जोर कायम राहणार असल्याचा अंदाच हवामान विभागाने वर्तवला आहे...

मुंबई एसटी बँकेत तुफान हाणामारी

Mumbai : मुंबई एसटी बँकेत तुफान राडा...सदावर्ते समर्थक आणि शिवसेना समर्थकांत हाणामारी...सदावर्ते समर्थक आणि शिवसेनेच्या संचालकांमध्ये तुफान राडा... मुंबई एसटी बँकेत संचालकांमध्ये राडा... एसटी को-ऑपरेटिव्ह बँकेच्या मिटिंगमध्ये तुफान राडा...फ्री स्टाईल हाणामारीनंतर पोलीस केस....अडसूळ गटातील संचालकांनी सदावर्ते गटातील संचालकांनी बँकेत चालवलेला भ्रष्टाचार बाहेर काढल्याने या मीटिंगमध्ये अक्षरशा फ्रीस्टाइल मारामारी बघायला मिळाली. संचालक मंडळाच्या सदावर्ते गटाने अक्षरशः बाहेरून बाया बोलवून त्यांच्या हातून संचालक मंडळाच्या अडसूळ गटाला तुफान मारहाण केली, शिव्यांचा अक्षरशः पाऊसच पडला,कपडे फाडले,लाथा बुक्क्यांनी तुडवले. संचालकांचा हा राडा आता पोलीस स्टेशन पर्यंत गेला असून पुढील कारवाई चालू आहे... 

बाबासाहेब पाटलांचा गोंदियाच्या पालकमंत्रिपदाचा राजीनामा

Babasaheb Patil : गोंदियाचे पालकमंत्री बाबासाहेब पाटील यांनी आपल्या पालकमंत्रीपदाचा राजीनामा दिलाय. तब्येतीच्या कारणावरून आपण राजीनामा देत आहोत असा मत बाबासाहेब पाटील यांनी व्यक्त केलंय. आता गोंदिया जिल्ह्याच्या पालकमंत्रिपदाची जबाबदारी राज्यमंत्री इंद्रनील नाईक यांच्याकडे सोपवण्यात आली आहे. तब्येतीच्या कारणावरून की प्रफुल्ल पटेल यांच्या हस्तक्षेपामुळे पालकमंत्री पदाचा राजीनामा दिला यासंदर्भात चर्चेला उधाण आलंय. पक्षाच्या अधिवेशनात प्रफुल्ल पटेल यांनी विदर्भातील पक्षातील पालकमंत्री यांच्यावर टीका केली होती. पालकमंत्री फक्त सहलीला येतात अशी टीका पटेल यांनी केली होती..

ठाकरे बंधूंची युती, सत्ताधा-यांना धडकी?

BMC : आगामी मुंबई महापालिका निवडणुकीसाठी भाजपसह सर्वच राजकीय पक्षांनी मोर्चेबांधणी सुरू केली आहे. विधानसभा निवडणुकीत प्रचंड यश मिळवलेल्या महायुतीसमोर बीएमसी निवडणुकीत तगडं आव्हान निर्माण करण्यासाठी ठाकरे बंधू एकत्र येण्याची शक्यता आहे. उद्धव ठाकरे आणि मनसे अध्यक्ष राज ठाकरे यांनी 20 वर्षांपासूनचं राजकीय शत्रुत्व संपवत एकत्र येण्याचे संकेत दिले आहेत. मुंबई महापालिकेत मनसेची जोड मिळाली तर ठाकरे बंधूंचं पारडं महायुतीवर वरचढ ठरण्याची शक्यता वर्तवली जात आहे. महायुतीला मुंबई महापालिकेत सत्तेपासून दूर ठेवण्यासाठी उद्धव ठाकरेंनी राज ठाकरेंशी जुळवून घेण्याचं ठरवलंय.. त्यांचं मनसेला सोबत घेण्यापाठीमागचं महत्व कारण म्हणजे मनसेचा मुंबई महापालिकेच्या जवळपास 70 वॉर्डमध्ये दरारा असल्याचं समोर आलं आहे. विधानसभा निवडणुकांमधील मतदानाच्या आकडेवारीवरुन ठाकरेंच्या युतीची मनपा निवडणुकीत जादू चालण्याची शक्यता आहे... 

बातमीचा व्हिडीओ पाहा - 

गाडीची काच फोडून लाखोंची चोरी

Kolhapur : कोल्हापूर शहरातील व्हिनस कॉर्नर परिसरात गाडीची काच फोडून एका चोरट्यानं लाखोंचा मुद्देमाल चोरलाय. चोरीची ही घटना सीसीटीव्हीत चित्रित झालीये. गौरव चांडोले मित्रासोबत व्हिनस कॉर्नर परिसरातील एका सराफ दुकानात खरेदीसाठी गेले होते. दुकानात एक तासभर ते थांबले होते. परत आल्यानंतर त्यांना चोरी झाल्याचं आढळून आलं.. या प्रकरणी पोलिसांनी सीसीटीव्ही फुटेज ताब्यात घेतलं असून त्या आधारे चोरट्याचा शोध सुरु केलाय. दरम्यान कोल्हापूर शहरांमध्ये दिवसेंदवस चोरीच्या घटना वाढल्यानं नागरिकांनी चिंता व्यक्त केलीये.

बातमीचा व्हिडीओ पाहा - 

कांद्यानं शेतकऱ्यांना पुन्हा रडवलं

Onion Rate : ऐन दिवाळीत कांद्यानं शेतक-यांच्या डोळ्यांत पाणी आणलंय..  बाजारपेठेत आवक वाढल्याने कांद्याच्या भावात मोठी घसरण झालीये.. शेतकऱ्यांकडे अद्याप मोठ्या प्रमाणात जुना रब्बी कांद्याचा साठा आहे. त्यात कर्नाटकातील खरीप कांद्याची काढणी सुरू झाली असून, लवकरच राजस्थान आणि गुजरातमधूनही नवीन कांद्याचा पुरवठा वाढेल. या सर्व घटकांमुळे बाजारात कांद्याचा बंपर स्टॉक उपलब्ध होणार असून, त्यामुळे भाव आणखी कोसळू शकतात, असा इशारा कांदा निर्यातदारांनी दिला आहे.. शिवाय परदेशी  बाजारपेठेत भारतीय कांद्याची मागणीही घटलीये.. त्यामुळे तातडीने अनुदान देण्याची मागणी शेतक-यांनी केलीये.. तसंच कांद्याच्या या परिस्थितीला सरकार जबाबदार असल्याचं खासदार अमोल कोल्हेंनी म्हटलंय.. केंद्र सरकारची 'भावांतर भुक्तान योजना' आहे.. मात्र या साठी राज्य सरकार अपयशी ठरले असून राज्य सरकारने केंद्राकडे तशी मागणीच केली नसल्याचं खासदार कोल्हे म्हणाले..

बातमीचा व्हिडीओ पाहा - 

आवक घटल्यानं भाजीपाला दरात वाढ

Vegetabel Price Hike : पावसामुळे राज्यातील भाजीपाला उत्पादकांचं मोठे नुकसान झालं. शेतात पाणी साचल्याने पालेभाज्या सडल्या, फळभाज्या जमिनीसकट वाहून गेल्या. परिणामी मुंबईतील बाजारपेठांमध्ये आवक घटल्याने टंचाई निर्माण झाली असून, दर वाढले आहेत. ऐन दिवाळीच्या तोंडावर गृहिणींचे बजेट कोलमडलं

बातमीचा व्हिडीओ पाहा - 

जालन्यात 30 एकर ऊस जळून खाक

Jalana : जालन्यात 8 शेतक-यांचा अंदाजे 30 एकरावरील ऊस जळून खाक झालाय... घनसावंगी तालुक्यातील तनवाडी राहेरा येथे ही घटना घडलीये.. या घटनेनंतर अग्निशमन दलाला पाचारण करण्यात आलं...मात्र तोपर्यंत 30 एकर ऊस पूर्णपणे जळाला होता..या आगीचं नेमकं कारण समोर आलं नसलं, तरी शॉर्टसर्किटमुळे ही आग लागल्याचा प्राथमिक अंदाज वर्तवण्यात आलाय...शेतक-यांनी नुकसान भरपाईची मागणी केलीये.. 

निलेश घायवळ पासपोर्ट प्रकरणात अहमदनगरच्या दोन पोलिसांना नोटीस

Nilesh Ghaywal : निलेश घायवळ पासपोर्ट प्रकरणात अहमदनगरच्या दोन पोलिसांना पुणे पोलिसांनी नोटीस बजावलीय. गुंड निलेश घायवळल याने खोटी कागदपत्रे सादर करून पासपोर्ट मिळविल्याप्रकरणी अहमदनगर पोलिसांच्या दोन अधिकाऱ्यांना पुणे पोलिसांकडून  चौकशीची नोटीस बजावण्यात आलीय. २०१९ मध्ये पासपोर्ट पडताळणीदरम्यान गंभीर गुन्हे नोंद असूनही अहवाल ‘क्लीअर’ दाखविण्यात आला होता.यात डिएसबी विभागातील तत्कालीन पोलीस निरीक्षकांचा सहभाग संशयाच्या भोवऱ्यात आहे. घायवळ सध्या फरार असून, त्याचा तपासही सुरू आहे. चौकशीदरम्यान कागदपत्रांत विसंगती उघड झाली आहे.

बातमीचा व्हिडीओ पाहा -