Devendra Fadnavis : '...अजितदादांना 5 वर्षांसाठी मुख्यमंत्री करणार', उपमुख्यमंत्री देवेंद्र फडणवीसांचं मोठं विधान

10 खासदार पाठवा, बच्चू कडू पडणार- बच्चू कडू

 

Bacchu Kadu :  सरकारमधले मतभेद कमी होण्यास तयार नाहीत..शिंदे गटासह भाजपबरोबर हातमिळवणी कऱणारे आमदार बच्चू कडू सध्या मित्रांवर नाराज आहेत आणि ती नाराजी ते उघडपणे बोलून दाखवत आहेत आता तर त्यांनी थेट भाजप प्रदेशाध्यक्ष चंद्रशेखर बावनकुळेंना खुलं आव्हान दिलंय. अजून 10 खासदार पाठवा बच्चू कडूंना पाडण्यासाठी, मात्र बच्चू कडू पडणार नाही असा इशाराच त्यांनी बावनकुळेंना दिलाय. भाजप एकीकडे सत्तेत बोलवतात आणि दुसरीकडे मित्रत्व पाळत नाही. बावनकुळे अनिल बोंडेंना कडूंना पाडायला सांगतात असा आरोप बच्चू कडूंनी केलाय. ते वाशिममध्ये दिव्यांग कल्याण विभागाच्या कार्यक्रमात बोलत होते....
 

बातमीचा व्हिडीओ पाहा-

शिंदे गटाचा दसरा मेळावा क्रॉस मैदानावर?

 

Shinde Group on Dasra Melava : शिवसेनेच्या शिंदे गटाचा दसरा मेळावा चर्चगेटच्या क्रॉस मैदानात होणार असल्याची माहिती सूत्रांनी दिलीय. बीकेसी मैदानात बुलेट ट्रेनचं काम सुरू आहे. तर शिवतीर्थावर दसरा मेळावा घेण्यासाठी ठाकरे गटानं बीएमसीकडे अर्ज केलाय. त्यामुळे ऐनवेळी गोंधळ होऊ नये यासाठी शिंदे गटानं प्लान बी तयार ठेवल्याची माहिती सूत्रांनी दिलीय. क्रॉस मैदानासाठी शिंदे गटानं अर्जही दाखल केल्याचं समजतंय. 

बातमीचा व्हिडीओ पाहा-

नगर अर्बन बँकेचा परवाना रद्द

 

Nagar Urban Bank License cancelled : अहमदनगर येथील नगर अर्बन बँकेचा भारतीय रिझर्व बँकेने परवाना रद्द केलाय.. शंभरहून अधिक वर्षाची परंपरा असलेली अर्बन बँक बंद होणार असल्याच्या चर्चेमुळे नागरिक आणि व्यापा-यांचे धाबे दणाललेत. काही वर्षांपासून अनियमित कर्ज वाटप प्रकरणांमुळे बँक चर्चेत आली होती.. प्रशासक नेमूनदेखील बँक पूर्वपदावर आली नाही..अखेर सहकार कायदा 1949 च्या कलम 56 चं उल्लंघन केल्याचा ठपका ठेवत रिझर्व बँकेने बँक परवाना रद्द केलाय.. 

चंद्रकांत पाटील मुख्यमंत्री शिंदेंच्या भेटीला

 

Chandrakant Patil visiting CM Shinde : मराठा आरक्षणाच्या चर्चेच्या निमित्ताने उच्च शिक्षणमंत्री चंद्रकांत पाटील मुख्यमंत्र्यांच्या भेटीला वर्षावर गेले आहेत. पुण्याचं पालकमंत्रिपद गेल्यानंतर पाटलांनी लगेचच मुख्यमंत्र्यांची भेट घेतल्यामुळे चर्चेला उधाण आलंय. पुण्याचं पालकमंत्रिपद गेल्यामुळे चंद्रकांत पाटील नाराज असल्याची चर्चा आहे. अजित पवारांच्या वाढत्या हस्तक्षेपामुळे भाजप नेते नाराज असल्याचं समजतंय. 

बातमीचा व्हिडीओ पाहा-

मुंबई-पुणे एक्स्प्रेस-वे उद्या वाहतुकीसाठी बंद

 

Mumbai-Pune Expressway  Close​ : मुंबई-पुणे एक्स्प्रेस-वे उद्या दुपारी वाहतुकीसाठी बंद ठेवण्यात येणार आहे. पुण्याकडे जाणारी वाहतूक उद्या दुपारी १२ ते २ अशी दोन तास बंद ठेवण्यात येणार आहे. एक्स्प्रेस वेवरील बोरघाटजवळ कमान बसवण्याचं काम करण्यात येणार असल्यानं ही वाहतूक जुन्या हायवेवर वळवण्यात येणार आहे. 

बातमीचा व्हिडीओ पाहा- 

पालकमंत्रिपदासाठी ​छगन भुजबळांना डावललं?

 

Chhagan Bhujbal : राष्ट्रवादी काँग्रेसमध्ये सर्वात ज्येष्ठ मंत्री असलेल्या छगन भुजबळांना पालकमंत्रिपदासाठी डावलण्यात आलंय. नाशिकमध्ये अजित पवार गटातला पक्षांतर्गत विरोध त्यांना भोवल्याची चर्चा आहे. मात्र त्यांना दुस-या कोणत्यातरी जिल्ह्याचं पालकमंत्रिपद देता आलं असतं. मात्र तेदेखील त्यांना देण्यात आलेलं नाही. यासाठी मात्र त्यांना ओबीसींच्या बैठकीतला अजित पवारांशी घेतलेला पंगा महागात पडल्याची चर्चा रंगू लागलीय. अजितदादांशी त्यांचा वाद झाल्यामुळेच त्यांना पालकमंत्रिपदापासून दूर ठेवल्याची चर्चा आहे. 

बातमीचा व्हिडीओ पाहा- 

भालाफेकीत नीरज चोप्रानं पुन्हा जिंकलं सुवर्णपदक

 

Neeraj Chopra Won the Gold Medal : एशियन गेम्समध्ये नीरजची सुवर्ण कामगिरी केलीये. भालाफेकीत नीरजनं सुवर्णपदक पटकावलंय. चौथ्या राऊंडमध्ये 88.88 मीटरचा थ्रो करुन पुन्हा मिळवलं सुवर्ण पदक. भारताच्या किशोर जेनाला भालाफेकीत रौप्यपदक मिळालंय. तर भारताची आतापर्यंत 76 पदकांची कमाई झालीये.

 पालकमंत्रिपदाबाबत चंद्रकांत पाटलांचं मौन

 

Chandrakant Patil : पालकमंत्र्यांच्या नव्या जबाबदा-यांवर भाष्य करण्यास चंद्रकांत पाटलांनी नकार दिलाय... पुण्याच्या पालकमंत्रीपदावरून चंद्रकांत पाटील यांची उचलबांगडी करण्यात आलीय.. त्यांच्या जागी पुण्याचे नवे पालकमंत्री म्हणून अजित पवारांची नियुक्ती करण्यात आलीय.. या घडामोडींबाबत विचारणा केली असता चंद्रकांत पाटील यांनी हात जोडून नमस्कार केला.

बातमीचा व्हिडीओ पाहा-

आपचे खासदार संजय सिंह यांना ईडीकडून अटक

 

AAP MP Sanjay Singh Arrested by ED : आपचे खासदार संजय सिंह यांना ईडीकडून अटक करण्यात आली आहेत. दिल्ली मद्य घोटाळ्याच्या आरोपात सिंग यांना अटक करण्यात आली आहेत. मनीष सिसोदियानंतर आता संजय सिंह तुरूंगात. भाजप आणि आपमध्ये संघर्ष आणखी वाढतोय. सिंग यांच्या अटकेच्या निषेधार्थ आप कार्यकर्त्यांचा राडा.

बातमीचा व्हिडीओ पाहा-

महायुतीत पालकमंत्री पदानंतर नवा पेच

 

Maharashtra Politics : पालकमंत्री पदाचा वाद मिटतो तोच महायुतीत नवा पेच निर्माण झालाय. अजित पवारांनी नवी अट घातल्याचं समजतंय. कॅबिनेट विस्तार आणि महामंडळ वाटपात राष्ट्रवादीला शिंदे गटाएवढाच वाटा द्या, अशी मागणी राष्ट्रवादीनी केल्याची सूत्रांची माहिती आहे. राष्ट्रवादीनं हा नवा प्रस्ताव भाजप आणि शिंदेंसमोर ठेवल्याची सूत्रांची माहिती आहे. 

बातमीचा व्हिडीओ पाहा-

 

पालकमंत्रिपदाच्या यादीतून आदिती तटकरेंचं नाव वगळलं, भरत गोगावलेही गॅसवर

 

Aditi Tatkare vs Bharat Gogawale : अजित पवार गटाच्या आदिती तटकरेंचंही नाव पालकमंत्रिपदाच्या यादीतून वगळलंय...गोगावले आणि तटकरेंमध्ये पालकमंत्रिपदासाठी वाद होते...गोगावले रायगडच्या पालकमंत्रिपदासाठी आग्रही आहेत...मात्र, त्यांना अजून मंत्रिपद मिळालेलं नाहीये...त्यामुळे हा वाद असल्याने रायगड पालकमंत्रिपदी शिंदे गटाचे उदय सामंत कायम आहेत...

आमचाच माणूस पालकमंत्री झाला - जितेंद्र आव्हाड

 

Jitendra Awhad : अजित पवार पालकमंत्री झाले, ही आनंदाची गोष्ट आहे... आमचाच माणूस पालकमंत्री झाला, अशी प्रतिक्रिया शरद पवार गटाच्या जितेंद्र आव्हाडांनी दिलीय. 

बातमीचा व्हिडीओ पाहा-

 

उज्ज्वला गॅस सिलेंडरवरील अनुदानात 100 रुपयांनी वाढ 

 

Ujjwala Gas Cylinder : उज्ज्वला गॅस सिलेंडरवरील अनुदानात 100 रुपयांनी वाढ करण्यात आलीय... यापूर्वी एका सिलेंडरवर 200 रुपये अनुदान मिळत होते. त्याऐवजी आता एका सिलेंडरवर 300 रुपये अनुदान मिळणाराय.. केंद्र सरकारच्या या निर्णयानं सामान्य जनतेला मोठा दिलासा मिळणाराय..

अभिनेता रणबीर कपूरला ईडीचं समन्स 

 

Actor Ranbir Kapoor Summoned by ED : अभिनेता रणबीर कपूरला ईडीचं समन्स दिलाय. रणबीरची महादेव अ‍ॅपप्रकरणी चौकशी होणार. 6 ऑक्टोबरला चौकशीसाठी रणबीरला समन्स बजावलाय. रणबीरला महादेव अ‍ॅपची जाहिरात महागात पडण्याची शक्यता.

चंद्रकांत पाटलांची पुण्याच्या पालकमंत्रिपदावरुन उचलबांगडी

 

Appointement Of Guardian Minister : अजित पवार अखेर पुण्याचे पालकमंत्री झालेत. पुण्याच्या पालकमंत्रिपदाचा तिढा सुटला
चंद्रकांत पाटलांची पुण्याच्या पालकमंत्रिपदावरुन उचलबांगडी करण्यात आलीय. 12 जिल्ह्यांच्या पालकमंत्र्यांची यादी जाहीर करण्यात आलीय. चंद्रकांत पाटील यांना सोलापूर आणि अमरावतीचं पालकमंत्रिपद देण्यात आलंय. पालकमंत्रिपदाचं वाटप होत नसल्यानं अजित पवारांसह राष्ट्रवादीच्या मंत्र्यांमध्ये प्रचंड नाराजी होती. दिल्लीत मुख्यमंत्री शिंदे आणि उपमुख्यमंत्री फडणवीसांनी अमित शाहांची भेट घेतल्यानंतर पालकमंत्री तातडीनं जाहीर करण्यात आलेत. 

बातमीचा व्हिडिओ पाहा - 

मुंबईत घरभाडं वाढलं

 

Mumbai Home Rates : मुंबईत घरभाड्यामध्ये मोठी वाढ झालेली आहे... मुंबई शहर आणि उपनगरात भाड्याच्या दरात 15 ते 20 टक्क्यांची वाढ पाहायला मिळतेय.. भाड्यासह डिपॉझिटमध्येही मोठी वाढ झालीय.. मुंबईत अनेक ठिकाणी पुनर्विकास प्रक्रिया वेगाने सुरु आहेत.. त्यामुळे भाड्याच्या घरांच्या मागणीतही वाढ झालीय.. मागणी वाढत असल्याने घरमालकांनी आता भाड्याच्या रकमेतही वाढ केलीय. तर जास्त फायदा मिळण्यासाठी इस्टेट एजंटही ज्यादा भाडे रक्कम सांगत असल्याचा अनुभव अनेकांना येतोय. 

बातमीचा व्हिडीओ पाहा - 

बीआरएसची बारामतीमध्ये एंट्री

 

BRS In Baramati Loksabha : सुप्रिया सुळेंचा बालेकिल्ला असलेल्या बारामतीत आता बीआरएसची एन्ट्री झालीय...बारामती लोकसभा लढवण्यासाठी बीआरएसने ताकद पणाला लावलीय...बारामती लोकसभा लढवण्यासाठी एक मोठा नेता बीआरएसच्या संपर्कात असल्याचा दावा बाळासाहेब सानपांनी केलाय...बारामतीच्या खासदार सुप्रिया सुळे आहेत...त्यांच्यासमोर भाजपचं आव्हान आहे...त्यातच आता सुप्रिया सुळेंना टक्कर देण्यासाठी बीआरएसने मोठी खेळी केलीय...

बातमीचा व्हिडीओ पाहा - 

सरकारचा वाद, प्रतिमा खराब

 

Amit Shah To Ekanth Shinde & Devendra Fadanvis : शिंदे गट, अजित पवार गट आणि भाजपमधल्या वादामुळे राज्य सरकारची प्रतिमा खराब होतेय.. ती सुधारा अशी सूचना केंद्रीय गृहमंत्री अमित शाहांनी केल्याची माहिती सूत्रांनी दिलीय.. दिल्ली दौ-यात शिंदे आणि फडणवीसांना या सूचना दिल्याचं समजतंय.. तसंच पालकमंत्री पदाची नियुक्ती, मंत्रिमंडळाचा विस्तार यावर लवकरच निर्णय करा अशी सूचनाही अमित शाहांनी शिंदे-फडणवीसांना केल्याची माहिती सूत्रांनी दिलीय.. मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अमित शाहांमध्ये दिल्लीत साडेतीन तास बैठक झालीय...राज्यातील राजकीय घडामोडी, तसंच अजित पवारांच्या नाराजी नाट्याबाबत या बैठकीत चर्चा झाल्याची माहिती मिळतेय...यासोबतच मंत्रिमंडळ विस्तार, आरक्षण, आमदार अपात्रतेवर चर्चा झाल्याची माहिती सूत्रांनी दिलीय...

बातमीचा व्हिडीओ पाहा - 

भाजपची सोशल मीडिया आर्मी विरोधकांना उत्तर देणार

 

BJP Social Media Team : लोकसभा, विधानसभेसाठी भाजपकडून जोरदार तयारी सुरू आहे...भाजपने विरोधकांच्या आरोपांना प्रत्युत्तर देण्यासाठी नवी खेळी केलीय...भाजपने सोशल मीडिया आर्मी तयारी केलीय...राज्यात तब्बल 30 लाख सोशल मीडिया कार्यकर्ते तयार करून त्यांच्या माध्यमातून विरोधकांच्या आरोपांना उत्तर दिलं जाणाराय...प्रत्येक विधानसभेत 5 हजार, तर लोकसभेत 50 हजार फॉलोअर्स तयार करण्याचा भाजपचा प्लान आहे...सध्या केंद्र आणि राज्य सरकारचे महाराष्ट्रात 6 कोटींहून अधिक लाभार्थी आहेत...या लाभार्थ्यांना कॉल करण्यासाठी 25 कॉल सेंटरही भाजप सुरु करणार आहे...

बातमीचा व्हिडीओ पाहा - 

नवजात बाळांची विक्री करणारी टोळी सक्रिय

 

Mumbai Crime : मुंबईत नवजात बालकांची विक्री करणारी टोळी सक्रिय असल्याची धक्कादायक माहिती समोर आलीय...अशाच एकाच टोळीचा ट्रॉम्बे पोलिसांनी पर्दाफाश केलाय...मुंबईच्या गोवंडी-शिवाजी नगर परिसरात अनधिकृतपणे नर्सिंग होम थाटून गर्भवतींना पैशांचं आमिष दाखवून बाळांची विक्री केली जात होती...याची माहिती पोलिसांना मिळताच पोलिसांनी सापळा रचला आणि एजंट महिलांसह बोगस डॉक्टरला अटक केलीय...5 लाखांत बाळाला विकण्यासाठी सौदा ठरला होता...पोलिसांनी रंगेहात पकडून नवजात बालकाची यांच्या तावडीतून सुटका केलीय...एजंट गोरीबी उस्मान शेख, बोगस डॉक्टर सायराबानो शेखशबाना झाकिर शेख, गुलाबशा मतीन शेख, ज्युलिया लॉरेन्स फर्नांडिस आणि रिना नितीन चव्हाण यांना अटक केलीय...या टोळीने अशा प्रकारे किती बाळांची विक्री केलीय...? याचा तपास सुरू आहे...

बातमीचा व्हिडीओ पाहा - 

वरळीत शिंदे आणि ठाकरे गटात वाद

 

Thackeray Vs Shinde : वरळीत शिंदे विरुद्ध ठाकरे गटात वाद पेटण्याची शक्यता आहे...वरळीत गणपती निमित्ताने मुख्यमंत्री शिंदेंचे बॅनर लावण्यात आले होते...ते बॅनर कुणीतर फाडलेयत...त्यामुळे आता शिंदे गट आक्रमक झाला असून, त्याची तक्रार वरळी पोलिसांत करणार आहेत...वरळीत ठाकरे गटाचे आदित्य ठाकरे, सचिन अहिर आणि सुनील शिंदे असे तीन आमदार आहेत...त्यामुळे ठाकरे गटाने बॅनर फाडल्याचा संशय शिंदे गटाला आहे...आता पोलीस सीसीटीव्हीच्या माध्यमातून बॅनर फाडणा-याचा शोध घेणार आहेत...

बातमीचा व्हिडीओ पाहा - 

विठ्ठलाची महापूजा कोण करणार?

 

Pandharpur Kartiki Ekadashi Mahapooja : मोठी बातमी पंढरपूरमधून... कारण विठ्ठल रुक्मिणीची शासकीय महापूजा कोण करणार असा मोठा प्रश्न मंदिर समितीला पडलाय... कार्तिकी एकादशीला पंढरपुरात उपमुख्यमंत्र्यांच्या हस्ते महापूजा संपन्न होते.. मात्र आता राज्यात दोन उपमुख्यमंत्री आहेत.. तेव्हा महापूजा देवेंद्र फडणवीस की अजित पवार करणार असा पेच निर्माण झालाय. तेव्हा विठ्ठल रुक्मिणी मंदिर समिती विधी आणि न्याय विभागाचा सल्ला घेणार आहे...

बातमीचा व्हिडीओ पाहा - 

सिक्कीममध्ये 23 जवान बेपत्ता

 

Sikkim Cloud Burst : सिक्कीमच्या ल्होनाक सरोवरावर ढगफुटी झालीये.. या ढगफुटीमुळे उत्तर सिक्किममधील तिस्ता नदीला पूर आला.. या भागात तैनात करण्यात आलेले भारतीय सैन्याचे 23 जवान पुरात बेपत्ता झालेत.. त्यांना शोधण्यासाठी बचावकार्य सुरू करण्यात आलंय. लष्कराची अनेक वाहनंही गाळात दाबली गेलीत.. ढगफुटीमुळे चुंगथांग धरणातून पाणी सोडण्यात आलं.. त्यामुळे नदीची पाणीपातळी अचानक 15 ते 20 फुटांनी वाढली. या घटनेनंतर सिक्कीममध्ये प्रशासनानं हाय अलर्ट जारी केलाय. 

बातमीचा व्हिडीओ पाहा - 

पालकमंत्रिपदाचा तिढा लवकरच सुटणार?

 

Palakmantri News : शिंदे-फडणवीसांच्या दिल्ली दौ-यानंतर राज्यात मोठ्या घडामोडी शक्यता आहे.. अजित पवार गटाला आता लवकरच पालकमंत्रीपदाची जबाबदारी दिली जाणार असल्याची माहिती विश्वसनीय सूत्रांनी दिलीय..पालकमंत्रीपदाची नियुक्ती न झाल्याने अजित पवार गट नाराज होता अशा चर्चा आहेत.. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस दिल्लीत गेले होते.. दिल्ली दौ-यात यासंदर्भात चर्चा झाल्याची माहिती सूत्रांनी दिलीय.. अजित पवार गटाला पालकमंत्रीपद देत नाराजी दूर करण्याचा प्रयत्न असल्याची माहिती आहे...

बातमीचा व्हिडीओ पाहा - 

नागपूरच्या 2 रुग्णालयांत 24 तासांत 25 मृत्यू

 

Nagpur Hospital Death : नागपूर शहरातल्या मेडिकल आणि मेयो या दोन रुग्णालयांमध्ये गेल्या 24 तासांत 25 मृत्यूची नोंद झालीय. मेडिकलमध्ये 16 तर मेयो रुग्णालयात 9 रुग्णांच्या मृत्यूची नोंद झालीय.. हे रुग्ण विविध वयोगटातील आहेत. मेडिकलला दगावलेल्या एकूण रुग्णांपैकी बहुतांश रुग्ण हे खाजगी रुग्णालयातून अत्यावस्थ अवस्थेत या ठिकाणी आणण्यात आले होते.. मेडिकल आणि मेयो या दोन्ही रुग्णालयात विदर्भासह मध्य प्रदेश,  छत्तीसगड आणि तेलंगणा या राज्यातील अत्यावस्थ रुग्णांचा भार आहे..

बातमीचा व्हिडीओ पाहा - 

सचिन तेंडुलकर वर्ल्ड कपचा ब्रँड अ‍ॅम्बॅसेडर

 

Sachin Tendulkar : भारतरत्न आणि मास्टर ब्लास्टर सचिन तेंडुलकर भारतात होणा-या वर्ल्ड कपचा ब्रॅण्ड अॅम्बेसेडर बनलाय... आयसीसीने ही नियुक्तीची घोषणा केलीय.. गुरुवारी म्हणजे उद्या इंग्लंड आणि न्यूझीलंडमधल्या मॅचने वर्ल्ड कपचं बिगुल वाजणार आहे.. अहमदाबादच्या नरेंद्र मोदी स्टेडियमवर ही मॅच होणार आहे.  याच सलामीच्या मॅचआधी सचिन तेंडुलकर वर्ल्ड कप ट्रॉफीसह मैदानात उतरेल आणि वर्ल्ड कपचं उद्घाटन झाल्याचं जाहीर करेल.. 

बातमीचा व्हिडीओ पाहा - 

मार्डचे डॉक्टर हेमंत पाटलांविरोधात आक्रमक

 

MARD On Hemant Patil : राज्यातल्या मार्डच्या डॉक्टर्सनी हेमंत पाटील यांच्याविरोधात आक्रमक भूमिका घेतलीय.. नांदेडच्या सरकारी रुग्णालयाचे डीन डॉ. श्याम वाकोडे यांना हेमंत पाटील यांनी शौचालयाची सफाई करायला लावली होती.. डीनसोबत गैरवर्तवणूक केल्यामुळे खासदार हेमंत पाटील यांनी माफी मागावी अशी मागणी मार्डने केलीय.. नाहीतर संपूर्ण राज्यात मार्डचे डॉक्टर्स आंदोलन पुकारणार आहेत...

बातमीचा व्हिडीओ पाहा - 

शिंदे गटाचे खा.हेमंत पाटलांवर अ‍ॅट्रॉसिटीचा गुन्हा

 

Hemant Patil : हिंगोलीचे शिंदे गटाचे खासदार हेमंत पाटील यांच्याविरोधात अॅट्रॉसिटीचा गुन्हा दाखल करण्यात आलाय.. नांदेड शासकीय रूग्णालयाचे डीन डॉ. श्याम वाकोडे यांना स्वच्छतागृह साफ करायला लावल्यानं  हेमंत पाटलांसह 10 ते 15 जणांवर अॅट्रॉसिटी तसं शासकीय कामात अडथळा आणल्याचा गुन्हा दाखल करण्यात आलाय.. 

बातमीचा व्हिडीओ पाहा - 

सुप्रीम कोर्टानं ईडीला सुनावलं

 

Delhi Supreme Court On ED : सुप्रीम कोर्टाने ईडीला खडेबोल सुनावलेयत...एखाद्या आरोपीला अटक करताना त्यामागील कारणे लेखी स्वरुपात त्याला सादर केलीच पाहिजेत असं सुप्रीम कोर्टाने ईडीला सुनावलंय...ईडीने सूडबुद्धीने काम करता कामा नये अशा शब्दांत न्यायमूर्ती बोपण्णा आणि न्यायमूर्ती संजय कुमार यांच्या खंडपीठाने ईडीची कानउघाडणी केली..

बातमीचा व्हिडीओ पाहा - .

राज्यातील मनपा निवडणुका आणखी लांबणीवर

 

Election News : स्थानिक स्वराज्य संस्था निवडणूक संदर्भातील सुनावणी पुन्हा एकदा लांबणीवर गेलीय...आता पुढील सुनावणी सुप्रीम कोर्टात 28 नोव्हेंबरला होणार आहे...ही सुनावणी लांबल्यामुळे यावर्षी स्थानिक स्वराज्य संस्था निवडणुका होण्याची शक्यता मावळलीय...स्थानिक स्वराज्य संस्थांमधील निवडणुकीत ओबीसी आरक्षणाच्या मुद्द्यावरील सुप्रीम कोर्टात प्रलंबित याचिकेवरील सुनावणी आहे...त्यामुळे आता चालू वर्षात मनपा निवडणूक होण्याची शक्यता कमीच आहे...

बातमीचा व्हिडीओ पाहा - 

16 आमदार अपात्रता सुनावणी लांबणीवर

 

Thackeray Vs Shinde : शिवसेनेच्या 16 आमदार अपात्रतेप्रकरणी सुप्रीम कोर्टात होणारी सुनावणी पुन्हा लांबणीवर गेलीय...6 ऑक्टोबरला होणारी सुनावणी आता 9 ऑक्टोबरला होण्याची शक्यता आहे....मुख्यमंत्री एकनाथ शिंदे यांच्यासह इतर आमदारांना लवकरात लवकर अपात्र करा अशी याचिका ठाकरे गटाचे आमदार सुनील प्रभू यांनी केलीय...या याचिकेवरील सुनावणीसाठी 2 वेळा तारीख देण्यात आली मात्र, त्यावेळीही सुनावणी झाली नाही...विधानसभा अध्यक्ष राहुल नार्वेकर हे सुनावणीचा रोडमॅप सादर करणार आहेत...त्यामुळे या सुनावणीला महत्त्व आहे..

बातमीचा व्हिडीओ पाहा -