8 Jul 2023, 13:16 वाजता
अजितदादांनी राष्ट्रवादीत परत यावं- जितेंद्र आव्हाड
Jitendra Awhad on Ajit Pawar : राष्ट्रवादीत फूट पडल्यानंतर जितेंद्र आव्हाडांनी अजित पवारांना भावनिक साद घातलीय.. अजित पवारांनी परत यावं, पाहिजे तर मी सगळं सोडून जातो असं आवाहन जितेंद्र आव्हाडांनी केलंय.. तुम्ही परत या मात्र शरद पवारांना त्रास देऊ नका अशी भावनिक साद आव्हाडांनी घातलीय..
बातमी पाहा- मी, जयंत पाटील पक्ष सोडतो! अजित पवार तुम्ही परत या; आव्हाडांची भावनिक साद
8 Jul 2023, 12:46 वाजता
अमरावतीत झळकले उद्धव ठाकरेंचे 'भावी पंतप्रधान' आशयाचे बॅनर
Amravati Uddhav Thackeray Banner : अमरावतीमध्ये उद्धव ठाकरेंच्या स्वागतासाठी लावलेले पोस्टर्स चर्चेचा विषय ठरलेत. कारण उद्धव ठाकरेंचा उल्लेख भावी पंतप्रधान असा करण्यात आलाय. उद्धव ठाकरे येत्या 9 आणि 10 तारखेला विदर्भ दौ-यावर येतायत.. तर अमरावतीत ते 10 जुलैला येणार आहेत. त्याआधीच भावी पंतप्रधान असा मजकूर लिहून अमरावतीत पोस्टर्स लावण्यात आलेत.
बातमी पाहा- Uddhav Thackeray पंतप्रधान होणार? अमरावतीत झळकले बॅनर्स; पाहा व्हिडीओ
8 Jul 2023, 12:14 वाजता
विधानसभा अध्यक्ष राहुल नार्वेकरांनी शिवसेना आमदारांना नोटीस बजावली
Maharashtra Political Crisis : विधानसभा अध्यक्ष राहुल नार्वेकर यांनी शिवसेना आमदारांना नोटीस बजावली आहे. एकनाथ शिंदेंसह 40 आमदार तसंच ठाकरे गटाच्या 14 आमदारांना ही नोटीस बजावण्यात आली आहे.. अपात्रतेसंदर्भात आपली बाजू मांडण्यासाठी ही नोटीस आहे. येईल.. अपात्रतेविरोधातली कारवाई टाळण्यासाठी या सर्व आमदारांना पुरावे सादर करावे लागणार आहेत. तसंच आमदारांना आपली बाजू मांडण्यासाठी 7 दिवसांची मुदतही देण्यात आलीय... निवडणूक आयोगाने याआधी विधीमंडळाकडून शिवसेनेच्या घटनेची प्रत मागवली होती. तेव्हा विधानसभा अध्यक्षही शिवसेनेच्या घटनेचा अभ्यास करुन यासंदर्भात लवकरच निर्णय घेण्याची शक्यता आहे...
8 Jul 2023, 11:53 वाजता
तुळजाभवानीची अभिषेक पूजा महागली
Tuljabhavani Temple : तुळजाभवानी मातेच्या अभिषेक पुजेसाठी आता भक्तांना 500 रुपये मोजावे लागणार आहेत. पूजेसाठी पूर्वी 50 रुपये शुल्क आकारले जात होते... आता यात वाढ करून ती 10 पट करण्यात येणारेय. विश्वस्त आणि मंदीर संस्थानच्या कोट्यातील मोफत VIP थेट दर्शनासाठी 200 रुपये. तर नियमित VIP दर्शनासाठी 500 रुपये शुल्क आकारण्यात येणारेय. विश्वस्तांच्या कोट्यातील मोफत VIP दर्शनही बंद होणार आहे. 10 जुलैपासून या नव्या शुल्काची अंमलबजावणी होणारेय. मंदिर संस्थांच्या विश्वस्तांच्या बैठकीत हा महत्त्वपूर्ण निर्णय घेण्यात आलाय.
बातमी पाहा- तुळजाभवानीच्या पूजा झाली महाग; भाविकांना मोजावे लागणार इतके रुपये
8 Jul 2023, 11:06 वाजता
संजय राऊतांची एकनाथ शिंदेंसह 40 आमदारांना भावनिक साद
Sanjay Raut on Shinde Group MLA : संजय राऊतांनी एकनाथ शिंदेंसह 40 आमदारांना साद घातलीय. मी बाजूला होता, ठाकरेंकडे तुम्ही परत येताय का असा सवाल संजय राऊतांनी शिंदेंसह 40 आमदारांना विचारलाय. तर मुख्यमंत्री एकनाथ शिंदेंवरही राऊतांनी टीकास्त्र सोडलंय. उद्धव ठाकरेंनी शिंदेंना सर्व पदं दिली, आमदारकी दिली. मात्र शिंदेंनी गद्दारी केल्याचा आरोप राऊतांनी केलाय..
बातमी पाहा- परत येता का? संजय राऊत एकनाथ शिंदे यांना म्हणाले...
8 Jul 2023, 10:23 वाजता
विधानसभा अध्यक्ष शिवसेना आमदारांना नोटीस बजावणार
Maharashtra Political Crisis : विधानसभा अध्यक्ष राहुल नार्वेकर शिवसेना आमदारांना नोटीस बजावणार आहेत.. एकनाथ शिंदेंसह 40 आमदार तसंच ठाकरे गटाच्या 14 आमदारांना ही नोटीस बजावण्यात येणार आहे.. अपात्रतेसंदर्भात आपलं म्हणणं मांडण्यासाठी ही नोटीस बजावण्यात येईल.. अपात्रतेविरोधातली कारवाई टाळण्यासाठी या सर्व आमदारांना पुरावे सादर करावे लागणार आहेत. तसंच आमदारांना आपली बाजू मांडण्यासाठी 7 दिवसांची मुदतही देण्यात येणार आहे.. निवडणूक आयोगाने याआधी विधीमंडळाकडून शिवसेनेच्या घटनेची प्रत मागवली होती. तेव्हा विधानसभा अध्यक्षही शिवसेनेच्या घटनेचा अभ्यास करुन यासंदर्भात लवकरच निर्णय घेण्याची शक्यता आहे.
बातमी पाहा- शिंदे गटाचे 16 आमदार अपात्र होणार? विधानसभा अध्यक्ष बजावणार नोटीस
8 Jul 2023, 10:15 वाजता
लोणावळ्यात हुल्लडबाज पर्यटकांवर पोलिसांची करडी नजर
Maval Stunt : लोणावळ्यात पर्यटनासाठी आलेल्या हुल्लडबाज पर्यटकांवर आता पोलिसांची करडी नजर असणाराय. पर्यटनस्थळी साध्या वेशात पोलीस गस्त घालणार आहेत. त्यामुळे हुल्लडबाजी, स्टटंबाजी करताना कोणी आढळल्यास त्यांना थेट तुरुंगात जावं लागणाराय. भुशी डॅमसह परिसरातील धबधब्यांवर मोठ्या प्रमाणात पर्यटक येत असतात. काही हुल्लडबाजांमुळे इतर पर्यटकांना नाहक त्रास होत असतो. तर स्टंटबाजीमुळे अनेक जण जीव गमावतात. अशा पर्यटकांवर आता पोलीस कारवाई करणार आहे.
8 Jul 2023, 09:18 वाजता
येवल्यात छगन भुजबळांच्या बॅनरवरून शरद पवारांचा फोटो गायब
Chhagan Bhujbal Banner : येवला विधानसभा मतदारसंघाचे आमदार छगन भुजबळ यांची कॅबिनेट मंत्रीपदी वर्णी लागल्यानंतर त्यांच्या येवल्यातील संपर्क कार्यालयावर शुभेच्छा देणारे बॅनर लागले होते. माझा फोटो लावू नये असे सांगून देखील या बॅनर पवारांचे फोटो लावण्यात आले होते. मात्र सकाळी लावलेल्या बॅनरवरील फोटोसंध्याकाळी अचानक काढण्यात आले..
8 Jul 2023, 08:38 वाजता
मुख्यमंत्री, 2 उपमुख्यमंत्री गडचिरोली दौऱ्यावर
Maharashtra Politics : मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार हे तिघेही आज एकत्र गडचिरोलीच्या दौऱ्यावर आहेत. 'शासन आपल्या दारी’ उपक्रमासाठी हे तिघेही गडचिरोली येथे उपस्थित राहणार आहेत. कोटगल एमआयडीसीच्या क्रीडांगणावर हा कार्यक्रम होणार आहे...उपमुख्यमंत्रीपदाची शपथ घेतल्यानंतर अजित पवारांचा हा पहिला शासकीय दौरा असरणार आहे. अजित पवार यांची शिंदे फडणवीस सरकारमध्ये एन्ट्री केल्यानंतर राज्याच्या सर्वात दुर्गम अशा गडचिरोली जिल्ह्यात हे तिन्ही नेते पोहोचणार आहेत. या कार्यक्रमात गडचिरोली जिल्ह्यातील लाभार्थ्यांना विविध योजनांचे लाभ आणि दाखल्यांचे वितरण केले जाणाराय...
8 Jul 2023, 08:04 वाजता
पुण्यात दरोडेखोरांचा पोलिसांवर कोयत्यानं हल्ला
Pune Crime : पुण्यात दरोड्याच्या तयारीत असलेल्या टोळक्यानं पोलिसांवरच हल्ला केलाय. वारजे परिसरात ही घडना घडलीये. कोंबिंग ऑपरेशनदरम्यान पोलिसांना 8 ते 10 संशयित फिरताना आढळून आले. पोलिसांनी त्यांना पकडण्याचा प्रयत्न केला असता त्यांनी पोलिसांवरच हल्ला केला. दरोडेखोरांच्या कोयता हल्ल्यात एक पोलीस कर्मचारी जखमी झालाय. अखेर या दरोडेखोरांना पकडण्यासाठी पोलिसांना गोळीबार करावा लागला. दरम्यान या टोळीतील 5 जणांना अटक करण्यात पोलिसांना यश आलंय. तर इतरांचा शोध पोलीस घेत आहेत.
बातमी पाहा- 10 दरोडेखोरांकडून पोलिसांवर कोयत्याने हल्ला! पोलिसांचा गोळीबार; 5 अटकेत
