Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर

मुंबईत एकनाथ शिंदे, भूषण गगराणींकडून रस्ते कामांची पाहणी

Eknath Shinde on Road Works : उपमुख्यमंत्री एकनाथ शिंदे आणि मुंबई महापालिका आयुक्त भूषण गगराणी यांचा मुंबईतील रस्ते कामांचा पाहणी दौरा......बॉम्बे हॉस्पिटलपासून हा पाहणी दौरा सुरु झाला.. मुंबईकरांना चांगले रस्ते मिळणार, भविष्यात रस्ते खोदण्याचं काम पडणार नाही असं उपमुख्यमंत्री एकनाथ शिंदेंनी आश्वासन दिलंय.. मुंबईत 100 टक्के कॉंक्रिटीकरणाचे रस्ते होतील असं विधान उपमुख्यमंत्री एकनाथ शिंदेंनी केलंय.

मुंबईत पाण्यासाठी शिवसेना UBT आक्रमक

Mumbai UBT Morcha : मुंबईत पाण्यासाठी ठाकरेंची शिवसेना आक्रमक.. शिवसेना UBTचा शिवसेना भवन परिसर ते वॉर्ड ऑफिसवर हंडा मोर्चा.. स्थानिक आमदार महेश सावंत यांच्या नेतृत्वात हंडा मोर्चा.. पोलिसांसोबत कार्यकर्त्यांची बाचाबाची.. पोलिसांकडून आंदोलक शिवसैनिकांची धरपकड.

बातमीचा व्हिडीओ पाहा -

राज्यात कॉंग्रेस कार्यकारिणीचं चित्र पालटणार

Congress Changes : महाराष्ट्र कॉग्रेस कार्यकारिणीचं चित्र लवकरच पालटणार.. गुरुवारी महाराष्ट्र काँग्रेसची नवी कार्यकारिणी नियुक्त होणार.. तरुण आणि लोकांमधून निवडून येणाऱ्या व्यक्तींना प्रदेश कार्यकारिणीत प्राधान्य देणार.. काँग्रेसच्या नव्या कार्यकारिणीसाठी प्रभारींच्या उपस्थितीत बैठक.. 17 एप्रिलला टिळक भवनात होणार बैठक.. काँग्रेस कार्यकारिणीचं चित्र पालटणार.

पुण्यातील उद्योजकाचा बिहारमध्ये खून

Pune Businessman Murder in Bihar : पुण्यातील उद्योजक लक्ष्मण शिंदे यांचा बिहारमध्ये खून झाल्याचं समोर आलंय.. व्यवसायानिमित्त लक्ष्मण शिंदे बिहार राज्यात गेले तिकडेच गुंडांनी त्यांचा खून केला.. पुण्यातील कोथरूड पोलिसांत ते हरवल्याची तक्रार दाखल होती.

बातमीचा व्हिडीओ पाहा -

कुस्ती पंच नितीश काबलिये 3 वर्षांसाठी निलंबित

Maharashtra Kusti Punch : आंतरराष्ट्रीय कुस्ती पंच नितीश काबलिये यांना तीन वर्षांसाठी राज्य अजिंक्यपद कुस्ती स्पर्धा सहभागास बंदी घालण्यात आली आहे. महाराष्ट्र राज्य कुस्तीगीर संघाच्या वतीने ही कारवाई करण्यात आली. अहिल्यानगर येथे झालेल्या 67 व्या महाराष्ट्र केसरी कुस्ती स्पर्धेत अंतिम फेरीमध्ये पै. पृथ्वीराज मोहोळ व पै. शिवराज राक्षे यांच्या कुस्तीस मुख्य पंच म्हणुन काबलिये काम करत होते. कुस्ती दरम्यान त्यांनी दिलेल्या चितपटीच्या निकालावरून प्रचंड गोंधळ झाला नितीश काबलिये यांनी वादग्रस्त निर्णय घेतला होता. या निर्णयाबाबत एक समिती स्थापन करून चौकशी करण्यात आली होती. या चौकशीत काबलिये यांना दोषी ठरवण्यात आले. त्यामुळे त्यांना आता तीन वर्षासाठी निलंबित करण्यात आले आहे. याबाबत महाराष्ट्र राज्य कुस्तीगीर संघाने नितीश काबलिये यांना पत्र पाठवण्यात आले आहे.

जालन्यात अतिवृष्टी अनुदानात घोटाळा

Jalana : जालना जिल्ह्यात अतिवृष्टी अनुदान वाटपात कोट्यवधींचा घोटाळा झाल्याचं समोर आलंय.. बोगस शेतक-यांची नावं दाखवून त्यांच्या खात्यावर अनुदानाची रक्कम जमा करण्यात आलीये.. तलाठी, ग्रामसेवक आणि कृषी सहाय्यकांकडून हा कोट्यवधींचा घोटाळा झाल्याचा आरोप स्वाभिमानी शेतकरी संघटनेनं केलाय.. अतिवृष्टी अनुदान वाटपात घोटाळा झाल्याच्या तक्रारीनंतर जिल्हाधिका-यांनी त्रिस्तरीय चौकशी समिती गठीत केली असून अंबड आणि घनसावंगी तालुक्यात चौकशी करण्यात येतंय.. लवकरच चौकशीचा अहवाल समोर येणार असल्याची माहिती आहे...

भंडारा जिल्हात 45 उष्माघात कक्षाची उभारणी

Bhandara : भंडारा जिल्ह्यातील तापमान सध्या 42 अंश सेल्सिअसवर पोहोचले आहे....पुढील काही दिवसांत पारा 46 ते 48 अंशांपर्यंत जाण्याची शक्यता हवामान विभागाने वर्तवली आहे... उष्माघाताचा संभाव्य धोका लक्षात घेता जिल्हा आरोग्य यंत्रणेद्वारे 45 उष्माघात कक्षांची उभारणी करण्यात आली आहे...या कक्षांमध्ये 33 प्राथमिक आरोग्य केंद्र, 7 ग्रामीण रुग्णालये, 2 उपजिल्हा रुग्णालये, 1 जिल्हा रुग्णालय आणि 2 नागरी आरोग्य केंद्रांचा समावेश आहे.

बुलढाण्यात एसटी आणि टेम्पोची धडक, 4 मृत्यू, 15 जखमी

Buldhana Accident :  बुलढाणा जिल्ह्यातून जाणाऱ्या मुंबई ते नागपूर राष्ट्रीय महामार्ग क्रमांक 53 वर भीषण अपघात झाला आहे.. विटा वाहून नेणारा मेटाडोर आणि मध्यप्रदेश परिवहन ची एसटी मध्ये समोरासमोर धडक झाली आहे.. झालेल्या या अपघातात विटा वाहून नेणाऱ्या मेटाडोर मधील तीन जण जागीच ठार झाले आहेत.. तर एसटी बसमधील एक जण ठार झाला  एसटीतील दहा ते पंधरा प्रवासी जखमी झाले आहेत.. जखमींना तातडीने स्थानिक रुग्णालयात तसेच खामगावा चे रुग्णालयात हलवण्यात आल आहे.. पोलीस आणि स्थानिकांच्या सहाय्याने मदत कार्य या ठिकाणी सुरू आहे..

पूजा खेडकरला सुप्रीम कोर्टाचा दिलासा कायम

Pooja Khedkar : वादग्रस्त ठरलेल्या माजी आयएएस प्रशिक्षणार्थी पूजा खेडकरला सुप्रीम कोर्टाचा दिलासा मिळालाय...पुढील सुनावणीपर्यंत पूजा खेडकरला अटक करता येणार नाहीये...याप्रकरणी कोर्टाने 7 दिवसांची मुदत वाढवलीये....आता पूजा खेडकरप्रकरणी पुढील सुनावणी 21 एप्रिल रोजी होणार आहे....

धनंजय मुंडेंची अनेक सरकारी कार्यक्रमांना हजेरी

Dhananjay Munde : मंत्रिपदाच्या राजीनाम्यानंतर सक्रिय राजकारणापासून दूर असलेल्या आमदार धनंजय मुंडे यांनी पुन्हा एकदा सार्वत्रिक कार्यक्रमांना हजेरी लावायला सुरुवात केली आहे.... त्यामुळे धनंजय मुंडे पुन्हा एकदा सार्वत्रिक राजकारणात सक्रिय झाल्याची चर्चा आहे... माजी मंत्री आमदार धनंजय मुंडे यांनी आज पाचवे ज्योतिर्लिंग प्रभू वैद्यनाथ तीर्थक्षेत्र विकास आराखड्याच्या माध्यमातून सुरू असलेल्या प्रवेशद्वार, दगडी पायऱ्या, दर्शन मंडप आदी कामांची अधिकारी व कंत्राटदारांच्या समवेत पाहणी केली. मंदिराचे पुरातन महत्त्व जपून दर्जेदार पद्धतीने कामे वेळेत पूर्ण करण्याबाबत त्यांनी संबंधितांना सूचना केल्या...

बातमीचा व्हिडीओ पाहा

8 लाख लाडक्या बहिणींना 1500 ऐवजी 500 रुपयेच मिळणार

Namo Shetkari Yojana : राज्य सरकारने मुख्यमंत्री माझी लाडकी बहीण योजनेच्या 8 लाख महिलांचा मासिक हप्ता कमी केलाय. याचे कारण म्हणजे या लाभार्थ्यांना नमो शेतकरी महासन्मान निधी योजनेअंतर्गत आधीच लाभ मिळत आहे. या 8 लाख महिलांना आता लाडकी बहीण योजनेअंतर्गत 1,500 रुपयांऐवजी 500 रुपये मासिक मिळतील, कारण त्यांना नमो शेतकरी योजनेतून 1,000 रुपये मिळत आहेत. लाडकी बहीण योजनेच्या नियमानुसार, लाभार्थ्यांना इतर सरकारी योजनांचा लाभ घेता येईल, परंतु एकूण मासिक लाभ 1,500 रुपयांपर्यंत मर्यादित आहे.

बातमीचा व्हिडीओ पाहा - 

अमरावती विमानतळाचं नामांतर नाही 

Amravati Airport : अमरावती विमानतळाच्या नावा संदर्भात मोठी अपडेट समोर आली आहे... अलायन्स एअरने अमरावती विमानतळाच्या नावासंदर्भात मुख्यमंत्री देवेंद्र फडणीसांकडे खुलासा सादर केला आहे...अमरावती विमानतळाचे नाव डॉ. पंजाबराव देशमुख विमानतळ हे १० एप्रिल रोजीच्या पात्रता लिहिले गेले होते मात्र विमानतळाचे नाव अमरावती विमानतळच असल्याचे म्हटलंय.... डॉ. पंजाबराव देशमुख अमरावती विमानतळ हे नाव नाव गुगल सर्च वरून घेतल्याचे अलायन्स एअरने मुख्यमंत्र्यांकडे स्पष्टीकरण दिले आहे... त्यामुळे अलायन्स एअरचा कारभार गुगलवरून चालतोय का असा सवाल उपस्थित केल्या जात आहे... महाराष्ट्र विमानतळ विकास प्राधिकरणाच्या आक्षेपानंतर अलायन्स एअरकडून तडकाफडकी खुलासा देण्यात आला आहे... 

मेहुल चोक्सीला फरार घोषित करण्यास विलंब

Mehul Choksi : पंजाब नॅशनल बँक कर्ज घोटाळ्याती मुख्य आरोपी आणि फरार हिरे व्यापारी मेहुल चोक्सीला अद्याप फरार घोषित करण्यात आलं नाही. चोक्सीला फरार घोषित करण्यास विलंब होतोय.. कारण ईडीचा याबाबकता अर्ज गेल्या 7 वर्षांपासून कोर्टात प्रलंबित आहे... चोक्सीला फरार घोषित करण्यात आले असते तर कायद्यानुसार त्याच्या भारतातील मालमत्तांवर ईडीला टाच आणता आली असती. मात्र, ईडीच्या याचिकेत प्रक्रियात्मक त्रुटी असल्याचा आक्षेप घेत चोक्सीच्या वकिलांनी पीएमएलए न्यायालय आणि उच्च न्यायालयात याचिका दाखल करत ईडीच्या याचिकेवरील सुनावणी विलंबाने होईल, अशी तजवीज केली.

बातमीचा व्हिडीओ पाहा - 

तहव्वूर राणाची दररोज 8-10 तास चौकशी

Tahawwur Rana : मुंबई दहशतवादी हल्ल्याच्या कटाचा मुख्य सूत्रधार तहव्ळूर राणाला अमेरिकेतून भारतात आणल्यानंतर NIA कोठडीत त्याची रोज ८ ते १० तास कसून चौकशी केली जातेय.... २००८ मधील २६/११च्या या हल्ल्याचा कट नेमका कुणी, कुठे आणि कसा आखला ही माहिती मिळवण्यासाठी ही चौकशी सुरू आहे. अधिकृत सूत्रांनी दिलेल्या माहितीनुसार, ही चौकशी सुरू असताना राणाची वैद्यकीय तपासणी केली जातेय. तसंच त्याला वकिलांची भेट घेण्याची परवानगी दिली जातेय. दिल्लीतील न्यायालयाने राणाला १८ दिवसांची एनआयए कोठडी सुनावल्यानंतर राणाची वैद्यकीय तपासणी तसेच वकिलांची भेट घेण्यासंदर्भात न्यायालयाने निर्देश दिले. आतापर्यंत राणाने कोठडीत पेन, 3 कागद आणि कुराण या तीनच वस्तूंची मागणी केली असून त्या त्याला पुरवण्यात आल्यात.

मुंबईतील प्रभादेवी पुलाचे पाडकाम लांबणीवर

Mumbai Prabhadevi Bridge : नागरिकांच्या हरकती- सूचनांमुळे प्रभादेवी पुलाचं पाडकाम लांबणीवर पडलं आहे... हा पूल पाडून त्या ठिकाणी नवीन डबलडेकर पूल बांधला जाणार होता... त्यामुळे आजपासून हा पूल वाहतुकीसाठी बंद केला जाणार होता... मात्र मुंबई वाहतूक पोलिसांच्या आवाहनानुसार, पूल बंद करण्यासंबंधी मोठ्या प्रमाणावर नागरिकांच्या सूचना-हरकती आल्या आहेत. या सूचना-हरकतींचा विचार करून, त्यानुसार पर्यायी वाहतूक मार्गात बदल केला जाईल त्यानंतर पूल बंद करण्याचा निर्णय घेतला जाणार आहे. चार-पाच दिवसांमध्ये याबाबत निर्णय घेऊन पुलाचं पाडकाम केलं जाणार आहे....

हिल स्टेशनच्या कमाल तापमानात मोठी वाढ

Hill Station Temprature : राज्यातील थंड हवेची ठिकाणे म्हटले की, महाबळेश्वर, पाचगणी, माथेरान, चिखलदरा अशा हिल स्टेशनकडे पावले वळतात... मात्र थंड वातावरणासाठी प्रसिद्ध असलेली ही स्थळेही उकाड्याने हैराण झाली आहेत...एप्रिलच्या दुसऱ्याच आठवड्यात येथील पारा वाढायला लागला आहे. लोणावळ्याचे सोमवारी 38 अंश सेल्सिअस एवढ्या कमाल तापमानाची नोंद झाली... तर इगतपुरी, तोरणमाळ येथे 39 अंश सेल्सिअसची नोंद झाली आहे..

राज्यातील धरणात फक्त 41 टक्के पाणीसाठा

State Water Tension : राज्यात सर्वत्र तापमानात वाढ झाली असताना, पाणीपुरवठा करणाऱ्या जलाशयांमधील साठाही आटू लागल्याचे चिंतेचे ढग निर्माण झाले आहेत. जलाशयांमध्ये सध्या एकूण क्षमतेच्या 41 टक्के पाणी साठा शिल्लक आहे. यामध्ये पुणे विभागात सर्वांत कमी, तर कोकणात जवळपास 50  टक्के साठा शिल्लक आहे. सध्याच्या साठ्यावर पुढील दोन महिन्यांहून अधिक काळ काढायचा असल्याने पाणी जपून वापरण्याचे आवाहन जलसंपदा विभागाने केले आहे.

नवी मुंबईत कारमधील लटकलेल्या हाताचं सत्य समोर

Navi Mumbai : नवी मुंबईतील वाशी रेल्वे स्टेशन ते सानपाडा रेल्वे स्टेशन दरम्यान असणाऱ्या सर्विस रोडवर एका चालत्या इनोव्हा गाडीच्या डिक्कीतून हात बाहेर लटकलेल्या अवस्थेत दिसल्याने खळबळ उडाली होती. हा हात कुठल्या मृत शरीराचा किंवा कोणा व्यक्तीच्या अपहरणाचा नसून हे कृत्य एक रील बनवण्याच्या नादात काही अतिउत्साही तरुणांनी केल्याचे समोर आलेय. सदर विडिओ पोलिसांना मिळताच पोलिसांनी गाडीचा शोध घेत रील बनविणाऱ्या तरुणांना ताब्यात घेत पोलीस ठाण्यात आणले. यावेळी रील बनवण्यासाठी डिकीत बसलो असल्याचे मुलांनी सांगितले तसे विडिओ देखील त्यांनी पोलिसांनी दाखवले मात्र रील बनवण्याच्या नादात समाजात भीती निर्माण करण्याचे काम तरुणांनी केले असून या तरुणांवर पोलीस काय कारवाई करतात हे पाहणे महत्वाचे ठरणार आहे.

बातमीचा व्हिडीओ पाहा  -