Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर

मुंबई-गोवा महामार्गाच्या ठेकेदार कंपनीवर गुन्हा दाखल

Mumbai-Goa Express Way : मुंबई-गोवा महामार्गाच्या ठेकेदार कंपनीवर सदोष मनुष्यवधाचा गुन्हा दाखल करण्यात आला आहे. मुख्‍यमंत्री एकनाथ शिंदे यांच्या आदेशाची पोलिसांकडून अंमलबजावणी करण्यात आली असून, संबंधित कंपनीतील कर्मचा-यांना आरोपी करण्यात आलंय. महामार्ग कामात हलगर्जीपणा केल्याचा ठपका त्यांच्यावर ठेवण्यात आलाय. रायगडच्या माणगाव पोलीस ठाण्यात त्यांच्यावर गुन्हा नोंदवलाय. तर समन्वयक अभियंत्याला पोलिसांनी अटक केलीये. 2 दिवसांपूर्वीच मुख्यमंत्र्यांनी मुंबई-गोवा महामार्गाचा पाहणी दौरा केला होता. तेव्हा बेजबाबदार ठेकेदारांवर गुन्हे दाखल करण्याचे आदेश त्यांनी दिले होते.

बातमीचा व्हिडीओ पाहा - 

पंतप्रधान मोदी उद्या महाराष्ट्र दौऱ्यावर

Palghar : पंतप्रधान नरेंद्र मोदी उद्या महाराष्ट्राच्या दौ-यावर आहेत. मोदी उद्या पालघरमध्ये वाढवण बंदराचं भूमिपूजन करणार आहेत. सुमारे 76 हजार कोटी रुपयांचा वाढवण बंदर प्रकल्प आहे. समुद्रात खोल पाण्यातील बंदरांपैकी वाढवण हे भारतातील सर्वात मोठं बंदर असणार आहे. यामुळे भारताचा सागरी संपर्क वाढणार असून, जागतिक व्यापार केंद्र म्हणून भारताची भूमिका अधिक सक्षम होणार आहे. वाढवण बंदर प्रकल्प भूमिपूजनासोबतच मोदी 1,560 कोटी रुपयांच्या 218 मत्स्य प्रकल्पांचं उद्घाटन आणि पायाभरणीही करणार आहेत. तसंच ते मुंबईत ग्लोबल फिनटेक फेस्ट 2024ला संबोधित करतील. 

बातमीचा व्हिडीओ पाहा - 

मुख्यमंत्री एकनाथ शिंदेंनी मागितली माफी

Eknath Shinde : छत्रपती शिवाजी महाराज पुतळा कोसळल्याप्रकरणी मुख्यमंत्री एकनाथ शिंदे यांनी माफी मागितलीये...विरोधकांनाही त्यांनी राजकारण न करण्याचं आवाहन यावेळी केलंय...त्याचबरोबर सर्व परिस्थितीसह वातावरणाचा अभ्यास करून लवकरातलवकर भव्य दिव्य असा छत्रपती शिवाजी महाराजांचा पुतळा उभारण्यात येणार असल्याचं मुख्यमंत्र्यांनी सांगितलं....

बातमीचा व्हिडीओ पाहा - 

मनोज जरांगेंचा पुन्हा एकदा आमरण उपोषणाचा इशारा

Manoj Jarange : मनोज जरांगे पाटील यांनी पुन्हा एकदा एल्गार दिलाय...29 सप्टेंबरपासून अंतरवाली सराटी येथे मनोज जरांगे आमरण उपोषणाला सुरूवात करणारेत...मराठा आंदोलकांनी मनोज जरांगे यांच्या उपोषणाला विरोध केलाय...मनोज जरांगेंच्या आंदोलनाला एक वर्ष पूर्ण झालं...त्यानिमित्त अंतरवाली येथे गोदाकाठच्या 123 गावातील मराठा बांधवांची बैठक झाली...या बैठकीमध्ये मनोज जरांगे यांनी उपोषणाची घोषणा केली...तर उपस्थित आंदोलकांनी त्यांना उपोषण न करण्याची विनंती करत गोंधळ घातला...

जुन्नर विधानसभेत सांगली पॅटर्न?

Junnar : विधानसभा निवडणुकीच्या तोंडावर राजकीय घडामोडींना वेग आला असून, जुन्नर विधानसभा निवडणुकीत महाविकास आघाडीकडून अनेक जण इच्छुक आहेत. तर महायुतीतही अनेकांची नाव चर्चेत आहेत. अशात काँग्रेस नेते विश्वजीत कदम यांनी जुन्नरमधील काँग्रेसचे सत्यशील शेरकर मविआकडून जुन्नर विधानसभेची निवडणूक लढवण्यासाठी इच्छुक असल्याचे संकेत दिले. विशेष म्हणजे काही दिवसांपासून शेरकर यांची शरद पवार पक्षाशी जवळीक वाढत आहे. त्यामुळे जुन्नर विधानसभा निवडणुकीसाठी महाविकास आघाडीकडून शेरकर प्रबळ दावेदार मानले जातात. 

बातमीचा व्हिडीओ पाहा - 

पुण्यात बनावट टेलिफोन एक्सचेंजवर छापा

Pune ATS : गणेशोत्सवाच्या पार्श्वभमीवर दहशतवादविरोधी पथकानं पुण्यात बनावट टेलिफोन एक्सचेंजवर छापा टाकलाय. या छाप्यात तब्बल 3788 सिम कार्ड सात सिम बॉक्स  वाय फाय आणि सिम्बॉक्स चालविण्याकरता वापरण्यात येणारे अँटिना, लॅपटॉप सह मोठा मुद्देमाल दहशतवाद विरोधी पथकानं जप्त केलाय. या कारवाईत नौशाद अहमद सिद्धी या 22 वर्ष तरुणाला पोलिसांनी ताब्यात घेतलं आहे 

बातमीचा व्हिडीओ पाहा - 

देशातील ऑनलाईन पासपोर्ट सेवा 5 दिवस बंद

Passport : देशभरातील ऑनलाईन पासपोर्ट सेवा 5 दिवसांसाठी बंद राहणार आहे... पासपोर्ट विभागाने याबाबत माहिती दिलीये.. तांत्रिक देखभालीमुळे पासपोर्ट सेवा पोर्टल आज रात्री 8 वाजल्यापासून ते 2 सप्टेंबरच्या सकाळपर्यंत बंद राहणार आहे... या कालावधीत पासपोर्ट केंद्रांवर कोणत्याही नवीन पासपोर्ट दिले जाणार नाही. .. त्यामुळे जर तुम्हाला नवीन पासपोर्ट काढायचा असेल तर त्यासाठी 15 दिवस वाट पाहावी लागणार आहे...तसंच जर तुम्ही आधीच नवीन पासपोर्टसाठी अर्ज केला असेल आणि तुम्हाला त्यासाठी 30 ऑगस्ट ते 2 सप्टेंबर दरम्यान तारीख मिळाली असेल, तर ती देखील रद्द केली जाईल आणि वाढवली जाईल.

'अत्याचार होऊ न देणे समाजाचे कर्तव्य', महिला अत्याचारामुळे राष्ट्रपती संतप्त

Draupadi Murmu : देशात महिलांवरील वाढत्या अत्याचाराच्या घटनांवरुन राष्ट्रपती द्रौपती मुर्मू संतप्त झाल्यात... आता बस झालं असं म्हणत त्यांनी कोलकाता बलात्कार, हत्या प्रकणी त्यांनी परखड प्रतिक्रिया दिलीये... कोलकात्यामधील घटनेनं आपण भयभीत आणि हाताश झाल्याची प्रतिक्रीया त्यांनी दिलीये.. महिलांवर अत्याचार करण्याची फोफावलेली विकृती आणि महिलांना कमी लेखण्याच्या मानसिकतेचा प्रतिकार करा असं आवाहन त्यांनी केलंय... सुसंस्कृत समाजात अत्याचाराला जागा नाही.. समाज म्हणून आपण कुठे चाललोय असा सवालही त्यांनी उपस्थीत केलाय.. दरम्यान त्यांच्या या वक्तव्यावरुन खासदार संजय राऊतांनी टीका केलीये. राष्ट्रपतींना पश्चिम बंगालची चिंता आहे महाराष्ट्राची नाही असा टोला राऊतांनी लगावलाय तर राष्ट्रपती संपूर्ण देशाच्या आहेत त्यामुळे बदलापूरमधील घटनेबाबतही त्यांनी मत व्यक्त करायला हवं अशी टाका महाराष्ट्र काँग्रेस प्रभारी रमेश चेन्नीथला यांनी केलीये.

बातमीचा व्हिडीओ पाहा-

'शिवरायांच्या डाव्या डोळ्यावर खोप का?',अमोल मिटकरींचा सवाल

Amol Mitkari : मालवणमधील राजकोट किल्ल्यावर शिवाजी महाराजांचा पुतळा उभारणार्‍या कंत्राटदार जयदीप आपटेवर देशद्रोहाचा गुन्हा दाखल करण्यात यावा अशी मागणी राष्ट्रवादी काँग्रेसचे आमदार अमोल मिटकरी यांनी केली आहेय.. महाराजांच्या डाव्या डोळ्यावर खोप आपटे यांनी जाणीवपूर्वक दाखवल्या आरोप यावेळी मिटकरींनी केला आहेय...

बातमीचा व्हिडीओ पाहा-

पूजा खेडकरला दिल्ली हायकोर्टाचा दिलासा, 5 सप्टेंबरपर्यंत अटकेपासून सुरक्षा

Pooja Khedkar : पूजा खेडकरला ५ सप्टेंबरपर्यंत दिलासा... ⁠दिल्ली उच्च न्यायालयाकडून ५ सप्टेंबरपर्यंत अटकेपासून संरक्षण...⁠पूजा खेडकर अटकपूर्व जामीनावर दिल्ली उच्च न्यायालयात आज सुनावणी झाली

राजकोट किल्ल्यावरच्या राड्याप्रकरणी 42 जणांवर गुन्हे दाखल

Rajkot Fort Rada Case : राजकोट किल्ल्यावर काल घातलेल्या राड्याप्रकरणी मालवण पोलिसांनी गुन्हे दाखल केलेत. राडा करणाऱ्या ठाकरे आणि राणे या दोन्ही गटातल्या कार्यकर्त्यांपैंकी एकूण 42 जणांवर गुन्हे दाखल करण्यात आलेत. विशेष म्हणजे 42 जणांसह शेकडो अज्ञातांवरही गुन्हे दाखल झालेत. 

सरपंचांचं मानधन वाढणार

Maharashtra Sarpanch Salary : गावगाडा हाकणा-या सरपंचांच्या मानधनात वाढ होणार आहे.. मानधन वाढीसह इतर मागण्यांसाठी सरपंच परिषदेकडून आझाद मैदानात आंदोलन पुकारण्यात आलं होतं.. ग्रामविकास मंत्री गिरीश महाजनांनी या आंदोलनाची दखल घेत मानधन वाढीचा प्रस्ताव आठवड्याभरात मान्य करण्यात येईल असं आश्वासन दिलं.. कॅबिनेट बैठकीत मानधन वाढीच निर्णय घेणार असल्याचं आश्वासन दिलं.. तसंच ग्रामपंचायतींना अधिक निधी देण्याबाबतही सरकार सकारात्मक असल्याची माहिती यावेळी गिरीश महाजनांनी दिली... यानंतर सरपंच परिषदेनं आपलं आंदोलन मागे घेतलं.. 

बातमीचा व्हिडीओ पाहा-

मुंबई हायकोर्टाचा पोलिसांना सज्जड दम

Mumbai High Court on Police : मिसिंगची तक्रार न नोंदवणा-या पोलिसांवर कारवाई करण्याचे आदेश मुंबई हायकोर्टानं दिलेत... कोर्टानं वरीष्ठ पोलीस अधि-यांना तशा सूचना दिल्यात.... तपास करावा लागेल म्हणून काही पोलीस मिसिंगची तक्रार नोंदवून घेत नाहीत.. असं निरीक्षण कोर्टानं नोंदवलंय.. पोलीस अधिकारी नुसते पोलीस ठाण्यात बसून असतात..त्यामुळे प्रलंबित गुन्ह्यांचा आलेख वाढत असतो असे खडेबोलही न्यायायलानं पोलिसांना सुनावलेत... कफ परेड येथील एका मिसिंग तक्रारीवरुन दाखल केलेल्या याचिकेवर हायकोर्टात सुनावणी झाली.. त्यावेळी कोर्टानं मुंबई पोलिसांची चांगलीच कानउघडणी केलीये..

बातमीचा व्हिडीओ पाहा-

गुजरातमध्ये पुरामुळे हाहाकार, 30 नागरिकांचा मृत्यू

Gujarat Floods : गुजरातमध्ये पुरामुळे हाहाकार माजलाय...अतिवृष्टीमुळे गुजरातमध्ये आणखी 19 जणांचा मृत्यू झाला आहे. त्यामुळे गेल्या तीन दिवसांतील मृतांची संख्या 30 वर गेलीये... गुजरातच्या पूरस्थितीबाबत मुख्यमंत्री भूपेंद्र पटेल यांनी पंतप्रधान नरेंद्र मोदींना माहिती दिली.. पंतप्रधानांनीही पूरग्रस्तांना तातडीनं मदत पुरवण्याचा आश्वासन दिलंय.. गुजरातच्या द्वारकेतही पूरपरिस्थीती गंभीर आहे.. ल धुमथल गावात मुसळधार पाऊस आणि पाण्याच्या प्रवाहामुळे 30 तासांहून अधिक काळ गच्चीवर अडकलेल्या मजुराच्या कुटुंबातील चार जणांना हेलिकॉप्टरने बाहेर काढण्यात आले... तर द्वारकेत पुरात अडकलेल्या 95 नागरिकांची पुराच्या पाण्यातून सुटका करण्यात NDRFला यश आलंय... दरम्यान आज गुजरातनंतर दिल्ली-एनसीआरमध्येही मुसळधार पावसाचा इशारा देण्यात आलाय. 

बातमीचा व्हिडीओ पाहा-

पुण्यातील अरण्येश्वर भागात गुंडाकडून गाड्यांची तोडफोड

Pune Todfod : पुण्यातील अरण्येश्वर भागात गुंडाकडून गाड्यांची तोडफोड...सात ते आठ चारचाकी गाड्यांची तोडफोड करण्यात आली....रात्रीच्या वेळी तोडफोड झाल्याची माहिती मिळतेय...दहशत निर्माण करण्याच्या हेतूने तोडफोड केल्याची माहितीय...पोलिसांकडून अरण्येश्वरमधील संतनगर भागातील अनेक सीसीटीव्ही तपासण्याचं काम सुरू आहे

बातमीचा व्हिडीओ पाहा-

3 सप्टेंबरला राष्ट्रपती द्रौपदी मुर्मू पुणे दौऱ्यावर

Draupadi Murmu : राष्ट्रपती द्रौपदी मुर्मू पुणे 3 सप्टेंबरला पुणे दौऱ्यावर येणार आहेत.. त्यांच्या दौ-याच्या पार्श्वभूमीवर कायदा व सुव्यवस्थेच्यादृष्टीने पुण्यातील काही शाळांना सुट्टी देण्यात आलीये. सिम्बायोसिस विद्यापीठ परिसरातील शाळा 3 सप्टेंबरला सकाळी 7 ते दुपारी 1वाजेपर्यंत बंद ठेवण्याचे आदेश जिल्हाधिकारी डॉ. सुहास दिवसे यांनी जारी केले आहेत.. या दौ-यादरम्यान द्रौपदी मुर्मू या माजी राष्ट्रपती प्रतिभाताई पाटील यांची ही भेट घेणार आहेत.

बातमीचा व्हिडीओ पाहा-

बीड, आष्टीमध्ये अजित पवारांच्या आज सभा

Ajit Pawar : राष्ट्रवादी काँग्रेस अजित पवार गटाची जन सन्मान यात्रा आज बीड जिल्ह्यामध्ये असणार आहे.. बीड जिल्ह्यातील बीड आणि आष्टी विधानसभा मतदारसंघामधून ही यात्रा जाणार आहे.. या यात्रेदरम्यान बीड शहर आणि आष्टी शहरांमध्ये दोन ठिकाणी अजित पवारांच्या जाहीर सभा होणार आहेत.. या सभेची तयारी पूर्ण झाली असून या सभेतून अजित पवार बीडकरांशी संवाद साधणार आहेत

बातमीचा व्हिडीओ पाहा-

आज अंतरवाली सराटीत मनोज जरांगेंनी बोलावली बैठक

Manoj Jarange Patil : मराठा आंदोलक मनोज जरांगे यांच्या अंतरवाली सराटीतल्या आंदोलनाला आज एक वर्ष पूर्ण होतंय. गेल्यावर्षी 29 ऑगस्टला पैठण फाट्यापासून जरांगेंनी मराठा आरक्षण आंदोलन सुरु केलं होतं. वर्षपूर्तीनिमित्त आज जरांगेंनी अंतरवाली सराटीत गोदाकाठच्या 123 गावातील मराठा आंदोलकांची बैठक बोलावलीय. 10 ते 11 वाजण्याच्या सुमारास या बैठकीला सुरुवात होणारेय. या बैठकीत आंदोलनाची पुढची दिशा ठरवण्याची शक्यताय.

बातमीचा व्हिडीओ पाहा-

मुंबई म्हाडाची सोडत लांबणीवर, सोडतीची नवीन तारीख लवकरच जाहीर करणार

Mhada Mumbai Housing Lottery Draw Postponed : मुंबई म्हाडाच्या 2030 घरांसाठी काढण्यात येणारी सोडत पुढे ढकलण्यात आलीये. सोडतीतील अर्जविक्री-स्वीकृती प्रक्रियेसाठी किमान 45 दिवसांचा कालावधी देणे बंधनकारक आहे. मात्र विधानसभा निवडणुकीची आचारसंहितेचा धसका घेत मुंबई मंडळानं या प्रक्रियेसाठी केवळ 26 दिवसांचा कालावधी दिला होता. हा कालावधी कमी असल्यानं इच्छुक नागरिक सोडतीपासून वंचित राहणार होते.. त्यामुळे म्हाडानं मुंबई मंडळाच्या घरांच्या अर्जविक्री-स्वीकृतीला 15 दिवसांची मुदतवाढ दिलीये.. आता 4 सप्टेंबर ऐवजी इच्छुकांना 19 सप्टेंबरला अर्ज सादर करता येणार आहे. त्यामुळे 13 सप्टेंबरच्या सोडतीची तारीख लांबणीवर केली असून लवकच नवी तारीख जाहीर करण्यात येणार आहे.  

बातमीचा व्हिडीओ पाहा-

शिवरायांचा पुतळा कोसळल्याचं प्रकरण, समिती घेणार पुतळा पडण्यामागील कारणांचा शोध

Shivaji Maharaj Statue Collapsed Inquiry​ : राजकोट किल्ल्यावरील शिवरायांचा पुतळा कोसळल्यानं त्याबाबत आता राज्य सरकारनं तांत्रिक समिती स्थापन केलीय. तसे निर्देश मुख्यमंत्री एकनाथ शिंदे यांनी दिलेत.. शिवाजी महाराजांचा पुतळा का कोसळला या मागील कारणांचा शोध तांत्रिक समिती घेणार आहे.. नौदल आणि राज्य सरकारची संयुक्त समिती पुतळा पडण्यामागील कारणाचा शोध घेणार आहे.. या समितीत स्थापत्य अभियंते, तज्ञ, आयआयटीत काम करणारे तज्ञ असणार आहे.. ही समिती पुतळा कोसळण्यासाठी कोण जबाबदार आहे त्याची जबाबदारी निश्चित करणार आहे.. तसेच नवा भव्य पुतळा उभारण्यासाठी नव्या समितीचीही नियुक्ती केली जाणार आहे... वर्षा बंगल्यावर मुख्यमंत्री आणि दोन्ही उपमुख्यमंत्र्यांच्या उपस्थितीत बैठक पार पडली यावेळी मुख्यमंत्र्यांनी निर्देश दिलेत.. 

बातमीचा व्हिडीओ पाहा-