Maharashtra Breaking News LIVE: दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : LIVE Updates on June 18 महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
'ठाकरेंच्या संपर्कात नाही', छगन भुजबळांची 'झी २४ तास'ला माहिती
Chhagan Bhujbal : ठाकरेंच्या संपर्कात असलेल्या बातम्यांचं छगन भुजबळांनी खंडण केलंय...झी 24 तासला फोनवरून भुजबळांनी ही माहिती दिलीये...शंभर टक्के असत्य बातमी असल्याचं भुजबळांनी म्हटलं असून पक्षात अजिबात नाराज नसल्याचंही भुजबळ म्हणालेत...त्याचबरोबर कुणालाही भेटलो नसल्याचंही त्यांनी सांगितलंय...तर भेट झाल्याचं त्यांनी शपथेवर सांगावं असंही ते झी 24 ताससोबत बोलताना म्हणालेत...
बातमीचा व्हिडीओ पाहा-
जालन्यात ओबीसी संघटना आक्रमक, धुळे-सोलापूर हायवेवर रास्ता रोको
Jalna OBC : हाकेंच्या समर्थनार्थ जालन्यात ओबीसी संघटना आक्रमक....ओबीसींचं धुळे-सोलापूर महामार्गावर आंदोलन...धुळे-सोलापूर हायवेवर रास्ता रोको....लक्ष्मण हाकेंच्या समर्थनार्थ रास्ता रोको
'छगन भुजबळांची पक्षात गळचेपी', जितेंद्र आव्हाडांचा भुजबळांबाबत दावा
Jitendra Awhad on Chhagan Bhujbal : छगन भुजबळ यांची घुसमट होत असेल तर ते थांबणार नाहीत....मनुस्मृती आणणा-या सरकारमध्ये ते राहणार नाहीत...असा दावा शरद पवार गटाचे नेते जितेंद्र आव्हाडांनी केलाय...छगन भुजबळांची त्यांच्या पक्षामध्ये गळचेपी होत असल्याचाही दावा आव्हाडांनी केलाय...
सांगोल्यात भीषण अपघात, 6 महिला ठार
Sangola Accident : सांगोल्यातील चिक महूदजवळील बंगरवाडी येथे भीषण अपघात झालाय...6 महिलांना एका ट्रकनं चिरडलं...सहाही महिला शेत काम उरकून घरी जात असताना हा अपघात झाला...ट्रकमधील एकजण पळून गेला तर एकाला पकडण्यात आलंय...दोन महिला गंभीर जखमी आहेत...
पालघर, ठाणे, रत्नागिरीत पावसाचा यलो अलर्ट
Rain Alert : पुढील 24 तासात मुंबईसह उपनगरात मेघगर्जनेसह पावसाची शक्यता...काही ठिकाणी मुसळधार पाऊस पडण्याची शक्यता...पालघर, ठाणे, रत्नागिरी, मुंबई मध्ये येलो अलर्ट...विदर्भात यलो अलर्ट
तुकाराम मुंढेंची पुन्हा एकदा बदली
Tukaram Mundhe Transfer : तुकाराम मुंढेंची पुन्हा एकदा बदली...पशुसंवर्धन व दुग्धविकास खात्याच्या सचिवपदावरून बदली...विकास आयुक्त असंघटित कामगार मुंबई इथं बदली
बातमीचा व्हिडीओ पाहा-
अजित पवार गटाला केंद्रात मंत्रिपद मिळणार?
Ramdas Athawale on Ajit Pawar Group : राष्ट्रवादी अजित पवार गटाला केंद्रात एक मंत्रीपद दिलं जाणार, असं मोठं विधान केंद्रीय राज्यमंत्री रामदास आठवलेंनी केलंय. अजित पवार गटाला केंद्रात मंत्रीपद देण्याचं मान्य केलेलं आहे. यावर लवकरच चर्चा करून मार्ग निघेल, असं आठवलेंनी सांगितलंय. लोणावळ्यातील खासगी कार्यक्रमात त्यांनी हे वक्तव्य केलं. तर यावरून अजित पवार गटाला खरंच केंद्रात मिळणार आहे का? अशी चर्चा होतेय.
महायुतीला अजितदादांमुळे फटका?
Sunil Tatkare on Ajit Pawar : अजितदादांना बदनाम करण्यासाठी हितशत्रूकडून जाणीवपूर्वक प्रयत्न...सुनील तटकरेंची महायुतीतील वादाच्या वृत्तावर प्रतिक्रिया भाजपकडून दादांमुळे फटका असा आरोप झालेला नाही...'महायुतीतील कुठल्याही नेत्याची भूमिका समोर आलेली नाही', सुनील तटकरेंचं वक्तव्य.
प्रियकराकडून प्रेयसीची भररस्त्यात हत्या
Vasai Murder : वसईतल्या चिंचपाडा भागात एका तरुणानं प्रेयसीची भर रस्त्यात हत्या केलीये.... सकाळी साडेआठच्या सुमारास हा प्रकार घडलाय.. यावेळी रस्त्यावर गर्दी होती मात्र तरुणीच्या मदतीला कुणीही आलं नाही.. या तरुणानं डोक्यात पान्हा घालून तरुणीचा खून केला.. रोहीत यादव असं आरोपीचं नाव असून त्याला पोलिसांनी ताब्यात घेतलंय. दरम्यान काँग्रेस प्रदेशाध्यक्ष नाना पटोलेंनी या घटनेवर प्रतिक्रिया व्यक्त केलीय. या गंभीर प्रश्नाकडे सरकार मुद्दामून दुर्लक्ष करत असल्याचा आरोप त्यांनी केलाय.
बातमी पाहा - वसईत दिवसाढवळ्या भयंकर हत्याकांड; भररस्त्यात लोखंडी पाना डोक्यात घालून प्रेयसीची हत्या
विधानपरिषदेच्या 11 जागांसाठी निवडणूक जाहीर
Vidhan Parishad Election : विधानसभा सदस्यांकडून निवडून द्यायच्या विधान परिषद सदस्यांची निवडणूक जाहीर करण्यात आलीये...12 जुलै रोजी 11 विधानपरिषदेच्या जागांसाठी मतदान होणारे...तर 25 जून ते 5 जुलै पर्यंत अर्ज भरता येणार असून 5 जुलै रोजी अर्ज मागे घेता येणारेत...12 जुलै रोजी सकाळी 9 ते संध्याकाळी 4 वाजेपर्यंत मतदान होऊन त्याच दिवशी सायंकाळी मतमोजणी होणारे...
बातमी पाहा - महाराष्ट्रात पुन्हा राजकीय घमासान! विधान परिषदेच्या 11 जागांची निवडणूक जाहीर
'हिट अँड रन'चे आरोपी अटकेत
Nagpur Hit & Run Update : नागपुरातील 'हिट अँड रन'च्या आरोपींना पोलिसांनी अखेर बेड्या ठोकल्यात. दिघोरी टोलनाक्यावर फुटपाथर झोपलेल्या 8 जणांना चिरडल्याची घटना काल घडली होती. पोलिसांनी तुटलेल्या नंबर प्लेटवरून कार मालकाचा शोध लावला त्यानंतर विविध ठिकाणावरून आरोपींना अटक केली. अटकेत असलेले सर्व आरोपी हे कॉलेजचे विद्यार्थी आहेत. या अपघातात 2 मृत्यू झालाय.
बातमीचा व्हिडीओ पाहा -
मुघलांनंतर मोदी-शाहांचं महाराष्ट्रावर आक्रमण - संजय राऊत
Sanjay Raut : महाराष्ट्राच्या इतिहासात मुघलांनंतर मोदी शहांनी महाराष्ट्रावर सर्वात मोठं आक्रमक केल्याचा आरोप खासदार संजय राऊतांनी केलाय.. शिवसेना फोडणं हे महाराष्ट्रावरील सर्वात मोठं आक्रमण असल्याचा दावा त्यांनी केलाय.. उद्या उद्धव बाळासाहेब ठाकरेंच्या ख-या शिवसेनेचा वर्धापनदिन होणार असून शिंदेंनी स्वताला आरश्यात पाहावं असा टोला त्यांनी लगावलाय..
बातमीचा व्हिडीओ पाहा -
पुण्यात महाविकासआघाडीत संघर्ष?
Pune MVA : पुण्यातील विधानसभांच्या जागांवरून मविआत संघर्ष होण्याची शक्यताय. शरद पवार गटानंतर आता उद्धव ठाकरे गटानंही पुण्यातील सहा मतदारसंघावर दावा केलाय. पुण्यातील 8 पैकी 6 मतदारसंघ स्वतःकडे ठेवण्याची मागणी पवार आणि ठाकरे गटानं वरिष्ठांकडे केलीय. तर पुणे काँग्रेसचा बालेकिल्ला आहे असं सांगत काँग्रेसही पुढे सरसावलीय.
बातमीचा व्हिडीओ पाहा -
मराठा आरक्षणाबाबत मुख्यमंत्र्यांनी बोलावली बैठक
Maratha Reservation : मुख्यमंत्री एकनाथ शिंदे मराठा आरक्षणाबाबत आज महत्वाची बैठक घेणारेत. संध्याकाळी 5 वाजता वर्षा बंगल्यावर या बैठकीचं आयोजन करण्यात आलंय. या बैठकीला मराठा आरक्षण समिती संबंधितील सर्व आमदार उपस्थित राहणारेत. तसंच संबंधित अधिका-यांचीही उपस्थिती असणारेय. या येणा-या कॅबिनेटमध्ये मराठा आरक्षणाबाबत एक महत्वाचा प्रस्ताव आणणार असल्याची सूत्रांची माहिती आहे. जरांगेंनी दिलेल्या एक महिन्याचा वेळेनुसार या सर्व हालचाली सुरू झाल्यात.
बातमीचा व्हिडीओ पाहा -
लक्ष्मण हाके आपल्या मागणीवर ठाम
Laxman Hake : ओबीसी नेते लक्ष्मण हाके आपल्या मागण्यांवर ठाम आहेत. सरकार जोपर्यंत आमच्या मागण्यांवर विचार करत नाही तोपर्यंत माघार घेणार नाही, असा पवित्रा हाकेंनी घेतलाय. राज्यपालांच्या सहीसह आम्हाला लेखी उत्तर सरकारनं द्यावं, अशी मागणी हाकेंनी पत्रकार परिषद घेऊन केलीय. दरम्यान हाकेंनी जरांगे पाटलांवरही टीका केलीय. खोडा आणि झोडा ही जरांगेंची राजनीती आहे. भुजबळांना टार्गेट करून धनगरांना भाऊ म्हणायचं ही त्यांची पद्धत आहे, अशी टीका हाकेंनी केलीय.
बातमीचा व्हिडीओ पाहा -
मनोज जरांगेंचा सरकारवर खळबळजनक आरोप
Manoj Jarange : सरकारलाही घातपात व्हावा असं वाटत असल्याचा खळबळजनक आरोप जरांगे पाटलांनी केलाय. जरांगेंच्या मृत्यूच्या बातम्या व्हायरल होत असल्याप्रकरणी जरांगेंना प्रश्न विचारलं असता त्यांनी सरकारवर टीकास्त्र सोडलंय. तसंच मराठा आंदोलनाबाबत सरकारला काही देणंघेणं नसल्याचंही म्हटलंय.
बातमीचा व्हिडीओ पाहा -
मनोज जरांगेंची ओबीसी नेत्यांवर टीका
Manoj Jarange : ओबीसी नेते मराठा समाजाबाबत विष ओकत आहेत, असा आरोप मनोज जरांगे पाटील यांनी केलाय. पंकजा मुंडे आणि धनंजय मुंडेंनी काल ओबीसी नेते लक्ष्मण हाकेंची भेट घेतली. त्यावरून त्यांनी टीकास्त्र सोडलंय. तसंच भुजबळांचं आयुष्य आरक्षण हिसकावण्यात गेल्याचीही टीका केलीय.
बातमीचा व्हिडीओ पाहा -
तुळजाभवानी मंदिर संस्थान कार्यालयातून संचिका गायब
Tuljabhawani Temple : तुळजाभवानी मंदिर संस्थान कार्यालयातून महत्त्वाच्या संचिका गायब झाल्याचा धक्कादायक प्रकार समोर आलाय...मंदिरातील सुरक्षेच्या आणि गैरव्यवहाराच्या महत्त्वाच्या 50 पेक्षा अधिक फाईल्स गायब झाल्याचं उघड झालंय. गेल्या दोन वर्षापासून संचिका गायब झाल्याचा अहवाल दडवून ठेवल्याचं समोर आलंय... दागिन्यांवर डल्ला मारणाऱ्या दिलीप नाईकवाडी संदर्भातील फाईल गायब झालीय. चौकशी करण्यासाठी मंदिर संस्थांचे अध्यक्ष जिल्हाधिका-यांनी नेमलेल्या समितीने दिलेल्या या अहवालातून ही बाब समोर आलीय..मंदिर संस्थान नेमकं कोणाला पाठीशी घालतयं? भाविकांच्या भावनांशी खेळत असल्याचा आरोप पुजारी मंडळाचे माजी अध्यक्ष किशोर गंगने यांनी केलाय.दोषींवर कारवाईची मागणीही त्यांनी केलीय
बातमीचा व्हिडीओ पाहा -
माढ्यातील पराभवानंतर महायुतीत धुसफूस
Madha : माढ्यातील पराभवानंतर महायुतीतील धुसफूस समोर आलीय. 'भाजप आमदार रणजितसिंह मोहितेंची आमदारकी रद्द करा' अशी मागणी करण्यात आलीय.निंबाळकरांच्या पराभवाच्या अहवालात ही मागणी करण्यात आलीय.तर माढा लोकसभा मतदारसंघातील राष्ट्रवादीच्या कोणत्याही नेत्याने सहकार्य केलं नाही असा ठपका सुद्धा ठेवण्यात आलाय.
बातमीचा व्हिडीओ पाहा -
स्वस्त घरांच्या विक्रीत घट
Flat Price : मोठ्या शहरांमध्ये स्वस्त घरांच्या विक्रीत घट झालीय. मार्च तिमाहीत या विक्रीत 4 टक्के घसरण झालीय. दिल्ली, मुंबई, पुणे, बंगळुरू, हैदराबाद, चेन्नई, कोलकाता, अहमदाबाद या आठ शहरांमध्ये ही घट झालीय. 60 लाख रुपयांपर्यंतच्या नवीन घरांचा पुरवठा जानेवारी ते मार्च या कालावधीत 33,420 युनिटवर घसरला जो एका वर्षापूर्वी 53,818 युनिट्सवर होता. रिअल इस्टेट डेटाचे विश्लेषण करणा-या प्रॉपइक्वीटी कंपनीच्या मते लक्झरी अपार्टमेंटसाठी कमी पुरवठा आणि जास्त मागणी असल्यामुळे हे घडलंय.
बातमीचा व्हिडीओ पाहा -
राज्यात भाजीपाल्यांचे दर कडाडले
Vegitable Price Hike : राज्यात मान्सूनचं आगमन झालं असलं तरी अपेक्षित पाऊस अजून पडलेला नाही. त्यामुळे अजूनही महाराष्ट्रात उकाडा जाणवतोय. तसंच पाण्याची कमतरता असल्यानं पिकांचं मोठ्या प्रमाणात नुकसान होतंय. पाण्याच्या कमतरतेमुळे भाजीपाल्याच्या पिकांना मुबलक पाणीपुरवठा झालेला नाही. त्यामुळे भाज्यांची आवक कमी झालीय. परिणामी भाज्यांचे दर गगनाला भिडलेत. भाज्यांचे दर वाढल्यानं सर्वसामान्य नागरिकांच्या खिशाला फटका बसतोय.
बातमीचा व्हिडीओ पाहा -
पावसाचा जोर नसल्यानं पेरण्या खोळंबल्या
Maharashtra Monsoon Update : यंदा राज्यात मान्सूनचं आगमन वेळेआधीच झालं. त्यामुळे पेरणी करुन जोमात पीक येईल असा विचार करणा-या शेतक-यांची चिंता वाढलीय. पावसाचा जोर नसल्यामुळे पेरणीची कामं रखडलीयत. बळीराजा आकाशाकडे डोळे लावून बसलाय. त्यामुळे आता पेरणी करायची की नाही अशा मनस्थिती मध्ये शेतकरी अडकलाय. मात्र जोपर्यंत पुरेसा पाऊस होत नाही, तोपर्यंत पेरणी करू नये, असा सल्ला हवामान खात्यानं दिलाय.
बातमीचा व्हिडीओ पाहा -
खानापूर-विटा जागेवरुन महायुतीत चढाओढ
Sangali Mahayuti : सांगलीच्या खानापूर-विटा मतदारसंघासाठी महायुतीत वाद पेटण्याची शक्यता आहे. या जागेवर अजित पवार गटानं दावा केलाय. शिवसेना शिंदे गटाचे दिवंगत आमदार अनिल बाबर यांचा हा मतदार संघ आहे. या मतदारसंघातून राष्ट्रवादी अजित पवार गटाचे सांगलीचे जिल्हाध्यक्ष वैभव पाटील निवडणूक लढण्यास इच्छुक आहेत. दरम्यान, वैभव पाटलांना ठाकरे गटाकडून पक्षात येण्याची ऑफर आहे. त्यामुळे ते अजित पवार गटात बंडखोरी करतात की ठाकरे गटात जातात हे पाहणं औत्सुक्याचे ठरणारेय.
बातमीचा व्हिडीओ पाहा -
लक्ष्मण हाकेंच्या उपोषणाचा सहावा दिवस
Laxman Hake : ओबीसी नेते लक्ष्मण हाके यांच्या उपोषणाचा आज सहावा दिवस आहे. अंतरवाली फाट्यावर वडीगोद्री या ठिकाणी हाकेंचं उपोषण सुरुच आहे. आमरण उपोषणाचा सहावा दिवस असल्यानं त्यांची प्रकृती खालावत चाललीय. पंकजा मुंडे आणि धनंजय मुंडे यांनी काल रात्री हाकेंची भेट घेऊन त्यांच्याशी चर्चा केली. आता सरकार हाकेंच्या मागण्यांबाबत काय तोडगा काढतं याकडे सर्वांचं लक्ष लागलंय.
बातमीचा व्हिडीओ पाहा -
मुंबईकरांचा कोस्टल रोडला प्रतिसाद
Mumbai Coastal Road : कोस्टल रोडला मुंबईकरांचा चांगला प्रतिसाद मिळतोय... पहिल्या चार दिवसांतच कोस्टल रोडवरून मुंबईकर सुसाट प्रवास करतायत. आतापर्यंत दक्षिण मार्गिकेवरून १२ लाखांहून अधिक वाहनांनी प्रवास केला. तर उत्तर मार्गिकेवरून ४ दिवसांत ८० हजारांहून अधिक वाहनं धावली. कोस्टल रोडमुळे मुंबईकरांच्या प्रवासाला गती मिळालीय.४० मिनिटांच्या प्रवासासाठी आठ ते दहा मिनिटे लागत असल्याने मुंबईकर कोस्टल रोडला पसंती देतायत
बातमीचा व्हिडीओ पाहा -
राज्य पोलीस दलातील 17 हजार रिक्त पदांसाठी भरती
Police Recruitment : राज्य पोलीस दलातील 17 हजार रिक्त पदांसाठी भरती सुरु करण्यात आलीये.. 17 हजार पदांसाठी तब्बल 17 लाख म्हणजेच एका पदासाठी 100 उमेदवारांनी अर्ज केलेत.. उद्यापासून या उमेदवारांची मैदानी चाचणी सुरु होणार आहे..कॉपी, डमी आणि चिप अदलाबदली करण्याच्या घटना घडू नयेत याची खबरदारी घेतली आहे. असे कृत्य करणा-यांवर कडक कारवाई केली जाणार आहे.2022-23 मध्ये पोलीस भरतीसाठी उमेदवारांकडून अर्ज मागवण्यात आले होते. पण लोकसभा निवडणुकीच्या कामाचा ताण असल्याने पोलीस भरती प्रक्रिया राबवणे शक्य नव्हते. निवडणुकीचा ताण कमी झाल्यावर भरतीची तयारी करण्यात आलीये....
बातमीचा व्हिडीओ पाहा -
आदित्य ठाकरेंनी बोलावली वरळीतील पदाधिकाऱ्यांची बैठक
Aaditya Thackeray : आदित्य ठाकरे विधानसभा निवडणुकीच्या कामाला लागलेत.. विधानसभा निवडणुकीसाठी आदित्य ठाकरेंनी वरळीतील पदाधिका-यांची बैठक बोलावलीये.. दुपारी सेना भवनात ही बैठक होणार आहे.. विधासभा निवडणुकीची रणनिती या बैठकीत ठरणार आहे.
बातमीचा व्हिडीओ पाहा -
शरद पवार आज बारामती दौऱ्यावर
Baramati Sharad Pawar : शरद पवार पुन्हा बारामती दौ-यावर जाणार आहेत. आजपासून पुढले 3 दिवस शरद पवार बारामती परिसरातील शेतक-यांच्या भेटी घेणार आहेत. गेल्या आठवड्यातही सलग 3 दिवस त्यांचा बारामतीत मुक्काम होता. दुष्काळ पाहणी दौरा निमित्ताने त्यांनी विधानसभेची तयारी सुरू केली आहे.
बातमीचा व्हिडीओ पाहा -
कोल्हापुरात शक्तिपीठ महामार्गाविरोधात महाएल्गार मोर्चा
Kolhapur : कोल्हापुरात आज शक्तिपीठ महामार्गाविरोधात महाएल्गार मोर्चा निघणारेय. शक्तिपीठ महामार्ग संघर्ष समितीने या महामोर्चाचं आयोजन केलंय. दसरा चौक ते जिल्हाधिकारी कार्यालयापर्यंत हा मोर्चा काढला जाणारेय. दरम्यान या मोर्चाच्या पार्श्वभूमीवर रात्री मोर्चाचे निमंत्रक गिरीश फोडें यांच्यासह अनेक आंदोलकांना पोलिसांनी नोटीसा बजावल्यात. मोर्चादरम्यान कायदा सुव्यवस्था अबाधित ठेवावी, असं नोटीसमध्ये नमूद करण्यात आलंय. दुसरीकडे अनेक गावात शेतक-यांनी रात्री मोर्चा काढत सरकारविरोधात जोरदार घोषणाबाजी केली.
बातमीचा व्हिडीओ पाहा