Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : LIVE Updates on June 27 महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
'महायुतीत तिसरा भिडू घेतल्यानं हरलो', सुरेश धस यांची अजित पवारांवर टीका
Suresh Dhas : महायुतीत तिसरा भिडू घेतल्यानं लोकसभेला हरलो, अशा शब्दांत भाजप नेते सुरेश धस यांनी अजित पवारांवर निशाणा साधलाय... अजित पवारांना सोबत घेतलं हे लोकांना आवडलं नाही, असं ते म्हणाले... तर भाजप नेते आणि प्रवक्ते बेलगाम झालेत, त्यांच्या तोंडाला आवर घाला, असा पलटवार राष्ट्रवादी अजित पवार गटाचे प्रवक्ते अमोल मिटकरी यांनी केलाय..
आईस्क्रीममधील मानवी बोटाचा अखेर उलगडा
Finger Found in Ice Cream : मुंबईमध्ये आईस्क्रीम सापडलेल्या मानवी बोटाचा अखेर उलगडा झाला आहे. मालाडमध्ये आईस्क्रीममध्ये सापडलेलं ते बोट कंपनीच्या असिस्टंट ऑपरेटरचं असल्याचं स्पष्ट झालंय. DNA रिपोर्टनंतर यावर शिक्कामोर्तब झाला. तर पॅकेजिंग करताना ही दुर्घटना घडली होती.
बातमीचा व्हिडीओ पाहा-
'लाडकी भाऊ योजनापण आणू, त्यांचे भाऊ कुठे गेले?',मुख्यमंत्र्यांची उद्धव ठाकरेंवर टीका
Eknath Shinde on Uddhav Thackeray : लाडकी बहीणप्रमाणेच लाडका भाऊ अशीही योजना आणा अशी मागणी उद्धव ठाकरेंनी केलीय...या योजनेत महिला पुरुषांमध्ये भेद करु नका...मात्र, ही योजना आणताना त्याची जबाबदारी मुनगंटीवार यांना देऊ नका, असा खोचक सल्लाही ठाकरेंनी दिलीय...लोकसभा निवडणुकीदरम्यान मुनगंटीवारांनी महिलांबद्दल केलेल्या विधानावरून ठाकरेंनी टोला लगावलाय...लाडका भाऊ योजनापण आणू मात्र, त्यांचे भाऊ कुठे गेले? अशा शब्दांत मुख्यमंत्री एकनाथ शिंदेंनी उद्धव ठाकरेंना प्रत्युत्तर दिलंय..
पंकजा मुंडेंचं भाजपकडून पुनर्वसन?
Pankaja Munde : विधान परिषदेवर पंकजा मुंडे यांची वर्णी लागण्याची शक्यता आहे...लोकसभेतील पराभवानंतर भाजप पंकजा मुंडेंचं पुनर्वसन करण्याच्या तयारीत असल्याची माहिती सूत्रांकडून मिळतेय...11 जागांसाठी विधानपरिषदेच्या निवडणुका होणार आहेत..त्यात भाजप पाच उमेदवार रिंगणात उतरवण्याच्या तयारीत आहे..आगामी विधानसभा निवडणुका डोळ्यासमोर ठेवून भाजप पंकजा मुंडेंचं पुनर्वसन करण्याच्या तयारीत असल्याचं सूत्रांकडून समजतंय...
बातमीचा व्हिडीओ पाहा-
बीडमध्ये कुंडलिक खांडेंचं ऑफिस फोडलं, व्हायरल ऑडिओ क्लिपनंतर ऑफिस फोडलं
Kundalik Khade : बीडमधील शिवसेना शिंदे गटाचे जिल्हाप्रमुख कुंडलिक खांडे यांचं ऑफिस अज्ञातांनी फोडलं. कुंडलिक खांडे यांची एक कथित ऑडिओ क्लिप व्हायरल झाली. त्यामुळे त्यांचं ऑफिस फोडण्यात आल्याचा अंदाज व्यक्त केला जातोय. लोकसभा निवडणुकीत पंकजा मुंडे यांचं आपण काम केलं नाही आणि पहिल्यांदाच पंकजा मुंडे यांना आपण धोका दिल्याचं कुंडलिक खांडे या ऑडिओ क्लिपमध्ये म्हंटलंय. मात्र झी २४ तास ऑडिओ क्लिपच्या सत्यतेची पुष्टी करत नाही.
'बीड लोकसभा निवडणुकीत पंकजा मुंडेंना धोका दिला', शिंदे गटाचे कुंडलिक खांडेंची कबुली
Pankaja Munde : बीड लोकसभा निवडणुकीत महाविकास आघाडीचे उमेदवार बजरंग सोनावणे उर्फ बाप्पा यांना मदत केल्याची कबुली, शिवसेना शिंदे गटाच्या बीड जिल्हाप्रमुख कुंडलिक खांडे यांनी दिली आहे. तसंच महायुतीच्या उमेदवार पंकजा मुंडे यांना आपण निवडणूक प्रचारात धोका दिल्याचंही जिल्हाप्रमुख कुंडलिक खांडे यांनी स्वतः मान्य केलंय. त्यांची ही ऑडिओ क्लिप व्हायरल झाल्यानं मोठी खळबळ उडाली आहे. मात्र झी २४ तास ऑडिओ क्लिपची पुष्टी करत नाही
बातमीचा व्हिडीओ पाहा-
'ठाकरे-भाजप युती होऊ शकत नाही', सुधीर मुनगंटीवारांचं स्पष्टीकरण
Sudhir Mungantiwar on Uddhav Thackeray : उध्दव ठाकरे आणि भाजप यांची युती कधीच होऊ शकत नाही. तसंच भाजपच्या कोअर टीममध्येही याबाबत एकमत असल्याची प्रतिक्रिया, भाजप नेते सुधीर मुनगंटीवार यांनी दिली. विधानभवनात उद्धव ठाकरे आणि देवेंद्र फडणवीस एकत्र दिसले. त्यावरुन पुन्हा ठाकरे-भापज एकत्र येणार अशा चर्चा सुरु झाल्या. त्यावर मुनगंटीवार यांनी हे स्पष्ट केलं.
'युतीबाबत बोलताना पक्षनेतृत्वाची मान्यता घेऊन बोला', सुनील तटकरेंची ताकीद
Sunil Tatkare : अजित पवार पक्षाच्या सर्व प्रवक्त्यांना प्रदेशाध्यक्ष सुनील तटकरे यांच्याकडून ताकीद देण्यात आली आहे. महायुतीबाबत बोलताना पक्षनेतृत्वाची मान्यता घेऊन बोलण्याची ताकीद सर्व प्रवक्त्यांना देण्यात आली आहे. जागावाटपाच्या आकड्यावरुन वाद झाल्यानं हे पाऊल उचलण्यात आलंय.
24 तासात मुंबईसह उपनगरात जोरदार पावसाची शक्यता
Mumbai Rain Alert : पुढील 24 तासात मुंबई शहर आणि उपनगरात मध्यम ते जोरदार पावसाची शक्यता वर्तवण्यात आलीय. हवामान खात्याने हा अंदाज वर्तवलाय. रायगड, रत्नागिरी जिल्ह्यासाठी हवामान खात्याने ऑरेंज अलर्ट दिलाय. ठाणे आणि मुंबईसाठी हवामान खात्याने यलो अलर्ट दिलाय...
बातमीचा व्हिडीओ पाहा-
'अजित पवारांना महायुतीतून बाहेर काढा', पुणे भाजप जिल्हा उपाध्यक्षांची खदखद
Pune BJP on Ajit Pawar : अजित पवारांना महायुतीतून बाहेर काढा...अजित पवारांनी भाजप कार्यकर्त्यांवर अन्याय केला...भाजप पुणे जिल्हा उपाध्यक्ष आणि पुणे बाजार समितीचे संचालक सुदर्शन चौधरी यांनी ही खदखद व्यक्त केलीये....शिरूर लोकसभा आढावा बैठकीमध्ये त्यांनी अजित पवारांविरोधात उघडपणे नाराजी व्यक्त केलीये...भाजप आमदार राहुल कुल यांच्यासमोरच हा सर्व प्रकार घडलाय...अजित पवार सत्तेत असतील तर आम्हाला सत्ता नको असंही ते यावेळी म्हणालेत...
बातमीचा व्हिडीओ पाहा-
अहमदनगरचे मनपा आयुक्त पंकज जावळे फरार, 8 लाखांची लाच मागितल्यानं फरार
Pankaj Jawale : अहमदनगर महापालिका आयुक्त डॉ. पंकज जावळे यांच्यावर एसीबीनं कारवाई केलीये...8 लाखांची लाच मागितल्याप्रकरणी ही कारवाई करण्यात आल्याचं समजतंय...बांधकाम परवानगी देण्यासाठी लाच मागितल्याचा त्यांच्यावर आरोप आहे...कन्स्ट्रक्शन फर्मच्या बांधकाम परवान्या संदर्भात लाच मागितल्याचा त्यांच्यावर आरोप असून....लिपीकामार्फत लाच मागितल्याचा त्यांच्यावर ठपका आहे...एसीबी पथकाच्या कारवाईची कुणकुण लागताच आयुक्तांसह लिपीक फरार आहे...19 आणि 20 जूनला ही लाच मागण्यात आल्याचं समोर येतंय...
NEET लातूरचा तपास CBI करणार?
Latur Neet Exam Paper Scam : NEET लातूर प्रकरणी आता सीबीआय तपास करणार असल्याची माहिती मिळतेय...महाराष्ट्र सरकारने हे प्रकरण सीबीआयकडे सोपवलंय....गृहमंत्रालयाच्या सूत्रांकडून याबाबत माहिती मिळतेय...तर दुसरीकडे नीट परीक्षा घोटाळाप्रकरणी सीबीआयनं पटनामधून एकाला अटक केलीये...मनीष प्रकाश असं संशयित आरोपीचं नाव असल्याची माहिती समोर येतेय...
राजकारणात कोणीही कोणाचा शत्रू नसतो - दरेकर
Pravin Darekar : राजकारणात कोणीही कोणाचा शत्रू नसतो असं विधान दरेकरांनी केलीय...फडणवीस-उद्धव ठाकरेंच्या भेटीवेळी दरेकर तिथे उपस्थित होते...त्यावेळी दरेकरांना आधी बाहेर काढा असं ठाकरे म्हणाले...तर तुम्ही एकत्र जाणार असाल तर मी बाहेर जातो असं दरेकर म्हणाले...
उद्धव ठाकरे आणि देवेंद्र फडणवीसांची भेट
Uddhav Thackeray & Devendra Fadanvis : देवेंद्र फडणवीस आणि उद्धव ठाकरेंचीही भेट झालीय...फडणवीस आणि उद्धव ठाकरेंनी विधिमंडळात एकाच लिफ्टमधून प्रवास केलाय...यावेळी दोन्ही नेत्यांमध्ये संवाद झालाय...या भेटीमुळे राजकीय वर्तुळात चर्चांना उधाण आलंय...
बातमीचा व्हिडीओ पाहा -
चंद्रकांत पाटील आणि उद्धव ठाकरेंची भेट
Chandrakant Patil & Uddhav Thackeray : चंद्रकांत पाटलांनी अनिल परबांना अ‍ॅडव्हान्स शुभेच्छा दिल्यायत...पदवीधर निवडणुकीच्या निकालाआधीच परबांना चंद्रकांत पाटलांनी शुभेच्छा दिल्यायत...तर असंच प्रेम असू द्या, अशी कोपरखळी ठाकरेंनी चंद्रकांत पाटलांना मारलीय...दानवेंना पुष्पगुच्छ देण्यासाठी चंद्रकांत पाटील आले होते...त्यावेळी पाटलांनी उद्धव ठाकरेंचीही भेट घेतली...यावेळी दोन्ही नेत्यांनी एकमेकांना कोपरखळ्या लगावल्या...
बातमीचा व्हिडीओ पाहा -
मविआत ठाकरे सीएमपदाचा चेहरा?
Jayant Patil, Vijay Wadettiwar & Ambadas Danve : सीएमपदासाठी ठाकरेंच्या चेह-याचे संकेत राऊतांनी दिल्यानंतर मविआत मुख्यमंत्रिपदावरून घमासान सुरू आहे...मुख्यमंत्री कोण? यावर भाष्य करणं टाळलं पाहिजे असं विधान जयंत पाटलांनी केलंय...तर बैठकीत सीएमपदाच्या चेह-यावर चर्चा होईल असं वडेट्टीवार म्हणालेत...तर यांना आधी यांना पराभूत करणं उद्दिष्ट असून, मुख्यमंत्री नंतर ठरवता येईल असं दानवेंनी म्हटलंय..
बातमीचा व्हिडीओ पाहा -
Breaking News LIVE : दुधाला किमान 35 रुपये दर देण्याच्या मागणीसाठी आंदोलन
दूध दरासाठी पुन्हा एकदा संघर्ष पेटण्याची शक्यता आहे.. दुधाला किमान 35 रुपये भाव मिळावा या मागणीसाठी राज्यभर दुध उत्पादक शेतकरी रस्त्यावर उतरणार आहेत. दुध उत्पादकांच्या विविध मागण्यांकडे राज्य सरकारचे लक्ष वेधण्यासाठी 28 जून पासून राज्यभर आंदोलन छेडण्यात येणार आहे.. दूध उत्पादक संघर्ष समितीच्या वतीने आंदोलनाची हाक देण्यात आली असून अधिवेशन काळात सरकारच्या अडचणी वाढण्याची चिन्हे आहेत.
Breaking News LIVE : दुधाला किमान 35 रुपये दर देण्याच्या मागणीसाठी आंदोलन
दूध दरासाठी पुन्हा एकदा संघर्ष पेटण्याची शक्यता आहे.. दुधाला किमान 35 रुपये भाव मिळावा या मागणीसाठी राज्यभर दुध उत्पादक शेतकरी रस्त्यावर उतरणार आहेत. दुध उत्पादकांच्या विविध मागण्यांकडे राज्य सरकारचे लक्ष वेधण्यासाठी 28 जून पासून राज्यभर आंदोलन छेडण्यात येणार आहे.. दूध उत्पादक संघर्ष समितीच्या वतीने आंदोलनाची हाक देण्यात आली असून अधिवेशन काळात सरकारच्या अडचणी वाढण्याची चिन्हे आहेत.
मविआत ठाकरे सीएमपदाचा चेहरा?
Sanjay Raut : सीएमपदासाठी ठाकरेंच्या चेह-याचे राऊतांनी स्पष्ट संकेत दिलेयत... सीएमपदाच्या चेह-याशिवाय निवडणुकीला सामोरं जाणं धोक्याचं आहे असं राऊतांनी म्हटलंय...लोकांनी ठाकरेंचं काम पाहिलंय, लोकसभेला ठाकरेंकडे पाहून मतदान केलंय...मविआला लोकसभेतील यश हे ठाकरेंच्या नेतृत्वाचा परिणाम असल्याचं राऊतांनी म्हटलंय...त्यामुळे ठाकरेंना मुख्यमंत्रिपदाचा चेहरा जाहीर करा अशी अप्रत्यक्ष मागणी राऊतांनी केलीय...
बातमीचा व्हिडीओ पाहा -
डॉक्टर पतीनं पत्नीला गर्भपातास पाडलं भाग
Solapur Doctor : गर्भात मुलगी आहे हे कळताच डॉक्टर पतीनेच पत्नीला गर्भपात करण्यासाठी प्रवृत्त केल्याचा आरोप करण्यात आलाय...ही धक्कादायक घटना सोलापुरात घडलीय...डॉक्टर श्रीनिवास पिंडीपोल असे गर्भपात करायला भाग पाडणाऱ्या डॉक्टर पतीचे नाव आहे...खुद्द पत्नीनेच जेलरोड पोलीस ठाण्यात तक्रार दाखल केल्यानंतर डॉक्टर पतीविरुद्ध गुन्हा दाखल करण्यात आलाय...पतीकडून शिवीगाळ करून शारीरिक आणि मानसिक त्रास देऊन छळ केल्याचे देखील तक्रारीत नमूद करण्यात आलंय...डॉ. पिंडीपोल हा 2023 पासून पत्नीचा छळ करत होता...तसंच तिच्या आई-वडिलांनाही खल्लास करण्याची धमकी देत होता अशी तक्रार पत्नीने दिलीय...या घटनेनं सोलापुरात खळबळ उडाली असून, जेलरोड पोलीस पुढील तपास करतायत...
बातमीचा व्हिडीओ पाहा -
मविआत ठाकरे सीएमपदाचा चेहरा?
Sanjay Raut : सीएमपदासाठी ठाकरेंच्या चेह-याचे राऊतांनी स्पष्ट संकेत दिलेयत... सीएमपदाच्या चेह-याशिवाय निवडणुकीला सामोरं जाणं धोक्याचं आहे असं राऊतांनी म्हटलंय...लोकांनी ठाकरेंचं काम पाहिलंय, लोकसभेला ठाकरेंकडे पाहून मतदान केलंय...मविआला लोकसभेतील यश हे ठाकरेंच्या नेतृत्वाचा परिणाम असल्याचं राऊतांनी म्हटलंय...त्यामुळे ठाकरेंना मुख्यमंत्रिपदाचा चेहरा जाहीर करा अशी अप्रत्यक्ष मागणी राऊतांनी केलीय...
बातमीचा व्हिडीओ पाहा -
लोकसभेच्या चुका विधानसभेला नको - देवेंद्र फडणवीस
Devendra Fadanvis : लोकसभा निवडणुकीत पराभूत झालेल्या भाजप नेत्यांची काल उपमुख्यमंत्री देवेंद्र फडणवीसांनी भेट घेतली. पराभूत उमेदवारांशी चर्चा करुन त्यांना नव्या ताकदीनं कामाला लागण्याचे आदेश दिलेत. या बैठकीला रावसाहेब दानवे, पंकजा मुंडे, कपिल पाटील, चंद्रशेखर बावनकुळे उपस्थित होते. लोकसभा निवडणुकीत भाजपनं 28 जागांवर उमेदवार उभे केले होते. मात्र, त्यापैकी केवळ 9 उमेदवार निवडून आलेत. 2019च्या तुलनेत भाजपच्या खासदारांची संख्या 23 वरुन 9 पर्यंत खाली घसरलीय. या निराशाजनक कामगिरीनंतर महाराष्ट्र भाजपकडून पराभवाच्या कारणांचा आढावा घ्यायला सुरुवात केली होती. याचाच एक भाग म्हणून देवेंद्र फडणवीसांनी काल भाजपच्या पराभूत उमेदवारांशी संवाद साधून अपयशाची कारणं जाणून घेतली.
बातमीचा व्हिडीओ पाहा -
राज्यपाल नियुक्त 12 आमदारांची निवड होणार?
MLA Appointed By Governor : विधानपरिषद निवडणुकीनंतर आता राज्यपाल नियुक्त आमदारांच्या निवडीबाबत देखील सरकारच्या हालचाली सुरू झाल्याची माहिती सूत्रांनी दिलीय...महायुतीत राज्यपाल नियुक्त आमदारांच्या निवडीबाबत चर्चा सुरू आहे...12 आमदारांमध्ये भाजप स्वतःसाठी जास्त वाटा घेण्याच्या तयारीत असल्याची माहिती सूत्रांनी दिलीय...मविआ सरकारच्या काळात मित्र पक्षांच्या वाट्याला प्रत्येकी 4 जागा आल्या होत्या...त्यामुळे आता महायुतीचा फॉर्म्युला काय असेल...हे लवकरच कळेल...मात्र, 4 जुलैला राज्यपाल नियुक्त आमदारांबाबत हायकोर्टात सुनावणी होणाराय...त्या सुनावणीत काय होणार याकडे लक्ष लागलंय...
बातमीचा व्हिडीओ पाहा -
कोकण रेल्वेवर 30 दिवसांचा मेगाब्लॉक
Konkan Railway Megablock : कोकण रेल्वेवर तब्बल 30 दिवसांचा मेगाब्लॉक घेतला जाणारेय...मुंबईतील लोकमान्य टिळक टर्मिनलच्या देखभाल दुरूस्तीसाठी मध्य रेल्वेने 30 जून ते 30 जुलैदरम्यान मेगाब्लॉक जाहीर केलाय...त्यामुळे कोकण रेल्वेच्या नेत्रावती, मत्स्यगंधा एक्सप्रेसच्या वेळापत्रकात बदल केललाय.... पनवेल ते लोकमान्य टिळक टर्मिनल यादरम्यान कोणत्याही गाड्या धावणार नाहीत....सर्व एक्सप्रेस पनवेलपर्यंतच प्रवास करतील...
बातमीचा व्हिडीओ पाहा -
चोरीच्या संशयावरुन परप्रांतीय तरुणाला मारहाण
Ahmednagar : अहमदनगर जिल्ह्यात चोरी करण्यासाठी घरात घुसल्याच्या संशयावरुन एका तरुणाला बेदम मारहाण करण्यात आलीये. शहरातील सारस नगर भागात ही घटना घडलीये.. 5 जणांनी या तरुणाला झाडाला बांधून बेदम मारलं.. या मारहाणीत जखमी झालेल्या तरुणाला उपचारासाठी जिल्हा रुग्णालयात दाखल करण्यात आलंय. तर मारहाण करणा-या 5 जणांवर गुन्हा दाखल करण्यात आला असून पोलिसांनी चौघांना ताब्यात घेतलंय.
बातमीचा व्हिडीओ पाहा -
मुंबई मेट्रो 3 लवकरच सुरू होणार
Mumbai Metro 3 : मुंबई मेट्रो-3 लवकरच सुरु होणार असल्याची माहिती समोर आलीय...प्रकल्पाचे काम 98 टक्के पूर्ण झाले असून, सीप्झ ते बीकेसी पहिला टप्पा सप्टेंबर 2024 पर्यंत आणि डिसेंबर 2024 अखेरीपर्यंत पूर्ण प्रकल्प सुरु करण्याचे नियोजन आहे...मेट्रो-3 लवकर सुरु करण्याच्या दृष्टीने राज्य शासनाच्या हिश्शाची 1163 कोटी एवढी रक्कम एमएमआरडीएला देण्याऐवजी मुंबई मेट्रो रेल कॉर्पोरेशनला देण्यास मंत्रिमंडळ बैठकीत मान्यता देण्यात आली...त्यामुळे राहिलेल्या कामाला आता गती मिळणाराय...
बातमीचा व्हिडीओ पाहा -
बेस्ट बसच्या तिकिटाची दरवाढ टळली
Best Tickert Rate : बेस्ट बसची तिकीट दरवाढ टळलीये. त्यामुळे 'बेस्ट'चा तिकीटदर आता जैसे थेच राहणारेय. बेस्ट प्रशासनाकडून हा महत्त्वाचा निर्णय घेण्यात आलाय. लोकलनंतर मुंबईकरांची दुसरी जीवनवाहिनी बेस्ट बस समजली जाते. मात्र बेस्ट बस आर्थिक संकटात असताना मुंबई महानगरपालिकेकडून मदत करण्यास नकार देण्यात आला होता. याबाबत आदित्य ठाकरेंनी राज्य सरकारवर टीका केली होती.
बातमीचा व्हिडीओ पाहा -
अमरावतीत 5 दिवसांत सापडले 6 डेंग्यूचे रुग्ण
Amravati Dengue : पावसाळा सुरू होताच अमरावती जिल्ह्यात आजारांनी डोकं वर काढलंय. जिल्ह्यात गेल्या 5 दिवसात 6 डेंग्यू रुग्णांची नोंद झाल्यानं खळबळ उडालीय. यामध्ये 21 जून रोजी 2 तर 25 जून रोजी 4 डेंग्यूचे रुग्ण आढळल्याची माहिती आरोग्य विभागात दिलीय. डेंग्यूच्या प्रादुर्भाव रोखण्यासाठी आवश्यक प्रतिबंधात्मक उपाय योजना आरोग्य विभागाकडून राबविण्यात येत असून नागरिकांनी सुद्धा सतर्क राहावं असं आव्हान प्रशासनाकडून कररण्यात आलंय. वारंवार ताप येणं, थंडी भरून येणं, डोके दुखणं, हाडांचं दुखणं, उलट्या होणं इत्यादी आजार असल्यास डॉक्टरांचा सल्ला घ्यावा असं आव्हान जिल्हा शल्य चिकित्सकांनी केलंय.
बातमीचा व्हिडीओ पाहा -
पुण्यात झिकाचा व्हायरसचा आणखी एक रुग्ण
Pune Zika Virus : पुणे शहरात झिका व्हायरसचा आणखी एक नावा रुग्ण आढळून आलाय. हडपसर भागातील एका व्यक्तिला झिका व्हायरसची लागण झालीये. त्यामुळे पुण्यात झिका व्हायरसच्या रुग्णांची संख्या तीनवर गेलीये. गंभीर बाब म्हणजे आषाढ वारी सोहळा काही दिवसांवर आलाय. त्यामुळे पुण्यात पालखी सोहळ्यासाठी मोठ्या संख्येनं वारकरी दाखल होणार आहेत. अशात झिका व्हायरसचा फैलाव प्रशासनाची डोकेदुखी ठरणार आहे.. या पार्श्वभूमीवर महानगर पालिकेनं प्रतिबंधात्मक उपाय सुरु केलेत.
बातमीचा व्हिडीओ पाहा -
संभाजीनगरात पालकमंत्रिपदासाठी सामंत आणि देसाईंची नावं?
Sambhajinagar Guardian Minister : संभाजीनगर जिल्ह्याच्या पालकमंत्रिपदासाठी उदय सामंत आणि शंभूराजे देसाई अशी 2 नावं आता चर्चेत आलीयत. सध्याचे पालकमंत्री संदीपान भुमरे हे आता शहराचे खासदार झालेत. त्यामुळे रिक्त झालेल्या पालकमंत्रिपदासाठी शिवसेनेत सामंत, देसाईंची नावं चर्चेत आहे. महत्त्वाचं म्हणजे पालकमंत्री पदासाठी भाजपनं जोरदार मोर्च बांधणी केलीय. मंत्री अतुल सावे यांच्या गळ्यात पालकमंत्रिपदाची माळ पडावी यासाठी भाजपचे पदाधिकारी उपमुख्यमंत्री फडणवीस यांना आणि मुख्यमंत्र्यांनाही भेटले. आजही पुन्हा भेट घेण्याची शक्यताय. मात्र शिवसेनेला पालकमंत्रिपद सोडायचं नाहीये. संजय शिरसाठ या पदासाठी इच्छुक आहेत. मात्र ते मंत्री नसल्यानं त्यांना संधी मिळण्याची शक्यता नाहीय आणि त्यामुळेच सामंत किंवा शंभूराजे देसाई या दोघांपैकी एकाचा विचार पक्ष करणार असल्याचं समजतंय. याबाबत दोन दिवसांत घोषणा होण्याची शक्यताय.
बातमीचा व्हिडीओ पाहा -
नीट पेपरफुटी प्रकरणात धक्कादायक माहिती
Neet Paper Leak Update : NEET ची सोडवलेली प्रश्नपत्रिका 5 मे रोजीच मोबाईलवर आली होती अशी धक्कादायक माहिती समोर आलीय...तर NTAची वेबसाईट 18 जूनपर्यंत हॅक असल्याची आणि टेलीग्राम ग्रुपवर परदेशी हॅकर चर्चा करत असल्याचा खुलासा झी मीडियाच्या रिपोर्टमधून झालाय...NEET पेपरफुटी प्रकरणी झी मीडियाने डार्कवेबवर याची चौकशी केली असता ही धक्कादायक बाब समोर आलीय...सायबर एक्सपर्टच्या माहितीनुसार डॅशबोर्डवर असलेलं लॉगिन फक्त NTAचे लोक उघडू शकतात...मात्र, डार्कवेबवर ते उघडं होतं...त्यामुळे NTA चा डेटा, उमेदवारांच्या प्रवेशपत्रापासून ते केंद्रात बसण्यापर्यंतची माहिती मिळवल्याची माहिती मिळतेय...याप्रकरणी सीबीआयने संबंधित आरोपींना कोठडी सुनावलीय...सध्या सीबीआयचा तपास सुरू असून याप्रकरणी अनेक नवीन खुलासे होण्याची शक्यताय...
बातमीचा व्हिडीओ पाहा -
हायकोर्टानं रेल्वे प्रशासनाला फटकारलं
Mumbai High Court On Railway Administration : लोकल प्रवासातील वाढत्या गर्दीवरुन मुंबई हायकोर्टानं रेल्वे प्रशासनाला चांगलंच फटकारलंय.. लोकलमधून प्रवाशांची गुरांप्रमाणे वाहतूक करणं हे लज्जास्पद आहे, असं हायकोर्टानं म्हटलंय. दररोज लाखो लोक लोकलने प्रवास करतात. लोकलमधील होणा-या गर्दीमुळे आतापर्यंत अनेकांनी जीव गमावलाय. या जीवघेण्या लोकल प्रवासावरून मुंबई हायकोर्टानं संताप व्यक्त करत रेल्वे प्रशासनाचे ताशेरे ओढलेत. लोकल प्रवासाची स्थिती अत्यंत दयनीय असून त्यासाठी रेल्वे प्रशासनाच्या वरिष्ठ अधिका-यांना हायकोर्टानं जबाबदार धरलंय. पश्चिम आणि मध्य रेल्वेच्या महाव्यवस्थापकांना संपूर्ण प्रकरणाकडे लक्ष देण्याचं आणि सहा आठवड्यांत प्रतिज्ञापत्र दाखल करण्याचे आदेश दिलेत. याशिवाय यावर उपाययोजना सूचवण्याचेही आदेश देण्यात आलेत.
बातमीचा व्हिडीओ पाहा -
मुंबईसह उपनगरात जोरदार पावसाची शक्यता
Rain Alert : पुढील 24 तासात मुंबई शहर आणि उपनगरात मध्यम ते जोरदार पावसाची शक्यता वर्तवण्यात आलीय. हवामान खात्याने हा अंदाज वर्तवलाय. रायगड, रत्नागिरी जिल्ह्यासाठी हवामान खात्याने ऑरेंज अलर्ट दिलाय. ठाणे आणि मुंबईसाठी हवामान खात्याने यलो अलर्ट दिलाय...
बातमीचा व्हिडीओ पाहा -
लातूरमध्ये 28 जणांची नावं समोर-सूत्र
Neet Paper Leak Update : संजय जाधव आणि जलील पठाणसारखे सब एजंट लातूर जिल्ह्यात अनेक असल्याची माहिती विश्वसनीय सुत्रांनी दिलीय...केवळ 28 जणांपर्यंत पोहोचण्यात पोलिसांना यश आलंय...मात्र, पोलिसांकडून कमालीची गुप्तता बाळगण्यात आलीय...आज यातील काही जणांना चौकशीसाठी बोलावण्यात येणार आहे. पोलीस यावर कोणतीही प्रतिक्रिया द्यायला तयार नाहीयेत...त्यामुळे या प्रकरणातील गुंतागुंती वाढलीय...दोन दिवसांपासून पोलीस कोठडीत असलेला जलील पठाण आणि संजय जाधव यांनी नीट परीक्षेतील गैरव्यवहाराची अनेक माहिती पोलिसांना दिल्याचेही कळतंय..तर दिल्लीचा गंगाधर मराठवाड्यातीलच रहिवासी असल्याचा अंदाज आहे...त्यामुळे उत्तराखंडला गेलेल्या पोलिसांच्या पथकाला ‘वेट अँड वॉच’ च्या सूचना देण्यात आल्यायत...
बातमीचा व्हिडीओ पाहा -
मुंबईकरांनो, पाणी जपून वापरा!
Mumbai Water : पावसाच्या अनियमिततेमुळे मुंबईला पाणीपुरवठा करणा-या 7 धरणांत मिळून केवळ 5.28 टक्के पाणीसाठी उरलाय. त्यामुळे मुंबईसमोर पाणीसंकट उभं ठाकलंय. मुंबई आणि आजूबाजूच्या परिसरात 10 टक्के पाणीकपात लागू असताना पुढे पाण्याचं कसं नियोजन करायचं असा प्रश्न महापालिका प्रशासनापुढे आहे. पावसाची अनियमितता कायम राहिल्यास तरण तलाव, मॉल्स, तारांकित हॉटेल्स, बाटलीबंद पाण्याचे कारखाने, रेसकोर्स आदींच्या पाणीपुरवठ्यात काही टक्क्यांची कपात करण्याचा विचार सुरू असल्याचं समजतंय.
बातमीचा व्हिडीओ पाहा -
टी-20 वर्ल्डकपमध्ये आज भारताची इंग्लंडशी गाठ
T-20 World Cup - India Vs England Match : टी - 20 वर्ल्डकपमध्ये भारताचा आज इंग्लंडशी सामना होणारेय. सेमीफायनलमध्ये गतविजेत्या इंग्लंडला नमवत फायनल गाठण्याचं टीम इंडियासमोर आव्हान असेल. 2022मध्ये झालेल्या टी-20 वर्ल्डकपमध्ये हेच 2 संघ सेमीफायनलमध्येच समोरासमोर आले होते. त्यावेळी इंग्लंडनं भारताला 10 गडी राखून धूळ चारली होती. आता त्या पराभवाची परतफेड करत अंतिम फेरी गाठण्यासाठी भारतीय संघ सज्ज झालाय.
बातमीचा व्हिडीओ पाहा -
कोकणात जाणाऱ्यांचा प्रवास सुखकर होणार
Raigad Kashedi Tunnel : कोकणात जाणारी कशेडी बोगद्याची दुहेरी लेन ऑगस्टअखेरपर्यंत सुरू होणारेय. त्यामुळे लवकरच कशेडी बोगद्यातून कोकणवासियांचा प्रवास आणखी सुखकर होणारेय. मुंबई गोवा महामार्गावर कशेडी बोगद्यात ये-जा करण्यासाठी दोन स्वतंत्र बोगदे तयार करण्यात आलेत. मात्र सध्या बोगद्यात एकच लेन दुहेरी वाहुतकीसाठी वापरली जातेय. तर दुस-या लेनचं काम युद्ध पातळीवर सुरूये. काही कामं शिल्लक आहे. ते पूर्ण झाल्यानंतर संपूर्ण बोगदा ऑगस्ट महिन्यापर्यंत सुरू होईल.
बातमीचा व्हिडीओ पाहा -
राज्य विधिमंडळाचं पावसाळी अधिवेशन वादळी ठरणार?
Vidhansabha Session : विधानसभेचं पावसाळी अधिवेशन आजपासून सुरू होतंय. आगामी विधानसभा निवडणुकांपूर्वीचं हे शेवटचं अधिवेशन असल्यामुळे हे अधिवेशन वादळी ठरण्याची शक्यताय. या अधिवेशनाच्या माध्यमातून जास्तीत जास्त निर्णय घेण्याचा सरकारचा प्रयत्न असेल तर सरकारला कोंडीत पकडण्याचा प्रयत्न विरोधक करतील. लोकसभा निवडणुकीत महाराष्ट्रात घवघवीत यश मिळाल्यामुळे मविआचा आत्मविश्वास वाढलाय. तर अनेक मुद्द्यांवरून सरकारी पक्षांमध्ये असलेला विसंवाद गेले काही दिवस समोर येतोय. सध्या असलेली विरोधकांची एकी अधिवेशनात कायम ठेवणं हे विरोधकांसमोरील आव्हान असेल तर विसंवादाचा धागा दूर करून एकत्र येणं हे महायुतीसाठी गरजेचं असेल. अनेक मुद्द्यांवरून विरोधक सत्ताधारी पक्षाला कोंडीत पकडण्याचा प्रयत्न करतील.
बातमीचा व्हिडीओ पाहा -
Breaking News LIVE : अधिवेशनासाठी पूर्णवेळ उपस्थित राहा, उद्धव ठाकरेंच्या आमदारांना सूचना
आजपासून सुरु होणा-या अधिवेशनात पूर्णवेळ उपस्थित राहण्याच्या सूचना, उद्धव ठाकरेंनी आपल्या आमदारांना केल्यात. तसंच ड्रग्ज, होर्डिंग आणि सत्ताधारी आमदारांना अधिकचा निधी यावरुन सरकारला घेरण्याचे आदेश त्यांनी आमदारांना दिलेत. तर शेतकरी आणि विद्यार्थ्यांच्या प्रश्नावर दररोज प्रश्न विचारण्याच्या सूचनाही त्यांनी केल्या.