Maharashtra Breaking News Today LIVE Updates: राज्यात सत्तास्थापनेच्या हालचालींना वेग आला आहे. एकनाथ शिंदे यांनी मुख्यमंत्रीपदाचा राजीनामा दिला आहे. तर आता पुढील मुख्यमंत्री कोण, हा प्रश्न सध्या चर्चेत आहे. राज्यातील सत्तास्थापनेच्या हालचालींचा धावता आढावा, एका क्लिकवर
27 Nov 2024, 06:42 वाजता
Maharashtra Breaking News Today LIVE Updates: मुंबईतील २९९ उमेदवारांचे डिपॉझिट झाले जप्त
मुंबईतील ३६ मतदारसंघांतून निवडणूक रिंगणात असलेल्या एकूण ४२० उमेदवारांपैकी २९९ उमेदवारांचे डिपॉझिट जप्त झाल्याचे आता स्पष्ट झाले आहे. निवडणूक आयोगाच्या निकषानुसार वैध मतांच्या एक षष्ठांश मते मिळवू न शकणाऱ्या उमेदवाराचे डिपॉझिट जप्त करण्यात येते. डिपॉझिट जप्त झालेल्यांमध्ये बसपाचे सर्वच्या सर्व २९ उमेदवार आणि वंचितच्या २२ पैकी १२ उमेदवारांचा समावेश आहे
27 Nov 2024, 06:41 वाजता
Maharashtra Breaking News Today LIVE Updates: काँग्रेसच्या आमदारांची बैठक, गटनेता निवडला जाणार
काँग्रेस आमदारांची आज आणि उद्या बैठक पार पडणार आहे. जे आमदार निवडून आले आहेत त्यांना बोलावण्यात आलेलं आहे. बैठकीत महाराष्ट्र प्रभारी रमेश चेन्नीथला आणि प्रदेशाध्यक्ष नाना पटोले मार्गदर्शन करणार असून याच बैठकीत गटनेता निवड होणार आहे.
