Maharashtra Breaking News LIVE Updates: एकनाथ शिंदे राज ठाकरेंच्या भेटीसाठी दाखल

खड्डेमुक्‍त रस्‍त्‍यांसाठी 31 मे 2025 पर्यंत काँक्रिटीकरणाची कामे पूर्ण करावीत, शिंदेंचे आदेश

खड्डेमुक्त रस्ते प्रकल्प अंतर्गत संपूर्ण बृहन्मुंबई महानगरपालिका कार्यक्षेत्रात सुमारे 400  किलोमीटर लांबीच्या रस्त्यांची सिमेंट  काँक्रिटीकरणाची कामे प्रगतिपथावर आहेत. सद्यस्थितीत सुरू असलेली काँक्रिटीकरणाची कामे दिनांक 31 मे 2025 पर्यंत पूर्ण करण्याचे बृहन्मुंबई महानगरपालिकेचे नियोजन आहे.  काँक्रिटीकरणाची कामे दर्जेदार व्हावीत, गुणवत्तेशी तडजोड केल्‍याचे आढळल्‍यास संबंधितांवर कठोर कारवाई करावी. पावसाळ्यापूर्वी चौक ते चौक (जंक्शन टू जंक्शन) कामे पूर्ण करावीत, रस्ते वाहतूकयोग्य करावेत. मनुष्यप्रवेशिकांची (मॅनहोल), रस्‍त्‍यांलगतच्‍या सांडपाणी वाहिन्‍यांची प्राधान्याने स्वच्छता करावी, असे निर्देश उप मुख्यमंत्री तथा मुंबई शहर जिल्‍हा पालकमंत्री  एकनाथ शिंदे यांनी दिले आहेत.

ईडीचं उद्योजक रॉबर्ट वाड्रा यांना समन्स

गुरुग्राम जमीन प्रकरणासंदर्भात ईडीने उद्योजक रॉबर्ट वाड्रा यांना उद्या, 16 एप्रिल रोजी पुन्हा चौकशीसाठी समन्स बजावले असल्याची सूत्रांची माहिती आहे. गुरुग्राम जमीन प्रकरणात आज एजन्सीने त्यांची चौकशी केली.

नॅशनल हेरॉल्ड प्रकरणी ईडीचं राहुल गांधी आणि सोनिया गांधींविरोधात आरोपपत्र दाखल 

नॅशनल हेरॉल्ड प्रकरणात अंमलबजावणी संचालनालयाने (ईडी) मंगळवारी काँग्रेस नेत्या सोनिया गांधी आणि राहुल गांधी यांच्याविरुद्ध आरोपपत्र दाखल केले. आरोपपत्रात काँग्रेस नेते सॅम पित्रोदा आणि सुमन दुबे यांचीही नावे आरोपी म्हणून आहेत.

आरोपपत्र एप्रिलमध्ये सादर करण्यात आले आणि विशेष न्यायाधीश विशाल गोगणे यांनी या प्रकरणाची दखल घ्यावी की नाही यावर विचार करण्यासाठी त्याची पुनरावलोकन केली. पुढील पुढील सुनावणी २५ एप्रिल रोजी होणार आहे.

रामराजे गटाला फलटणमध्ये भाजपचा जोरदार धक्का

रणजितसिंह नाईक निंबाळकरांचा रामराजेंना धक्का

फलटणचे माजी नगराध्यक्ष दिलीप सिंह भोसले भाजपात प्रवेश करणार

माजी नगरसेविका मधुबाला भोसलेंचा शरद पवार गटाला रामराम

दिलीप सिंह भोसले व मधुबाला भोसले हाती कमळ घेणार

भाजप प्रदेशाध्यक्ष चंद्रशेखर बावनकुळे यांच्या उपस्थितीत थोड्याच वेळात प्रवेश

तुळजापूर ड्रग्ज तस्करी प्रकरणाचे दोषारोपपत्र न्यायालयात दाखल

तामलवाडी पोलिसांनी धाराशिव जिल्हा सत्र न्यायालयात दाखल केले दोषारोपपत्र

10 हजार पानाचे  दोषारोपपत्र. दोषारोप पत्रात अनेक गंभीर मुद्द्याचा उल्लेख

आरोपींचे जवाब, घटनास्थळ. पंचनामा. सिडीआर या सह इतर बाबींचा दोषारोप पत्रात उल्लेख

मुंबई, सोलापूर, पुणे येथील ड्रग्ज कनेक्शन असल्याचा ही उल्लेख

तपास अधिकारी गोकूळ ठाकूर यांनी दाखल केले दोषारोपपत्र

दोषारोपपत्र सादर केल्याने सुनावणीला येणार आता वेग

एकूण 35 जणांवर गुन्हे दाखल, 14 आरोपी अटक, 21 फरार, 80 जणांना नोटीस

गुन्हा घडल्या पाडुन 60 व्या दिवशी पोलिसांनी केले दोषारोपपत्र दाखल.

कुस्ती पंच नितीश काबलिये 3 वर्षांसाठी निलंबित

आंतरराष्ट्रीय कुस्ती पंच नितीश काबलिये यांना तीन वर्षांसाठी राज्य अजिंक्यपद कुस्ती स्पर्धा सहभागास बंदी घालण्यात आली आहे. महाराष्ट्र राज्य कुस्तीगीर संघाच्या वतीने ही कारवाई करण्यात आली. अहिल्यानगर येथे झालेल्या 67 व्या महाराष्ट्र केसरी कुस्ती स्पर्धेत अंतिम फेरीमध्ये पै. पृथ्वीराज मोहोळ व पै. शिवराज राक्षे यांच्या कुस्तीस मुख्य पंच म्हणुन काबलिये काम करत होते. कुस्ती दरम्यान त्यांनी दिलेल्या चितपटीच्या निकालावरून प्रचंड गोंधळ झाला नितीश काबलिये यांनी वादग्रस्त निर्णय घेतला होता. या निर्णयाबाबत एक समिती स्थापन करून चौकशी करण्यात आली होती. या चौकशीत काबलिये यांना दोषी ठरवण्यात आले. त्यामुळे त्यांना आता तीन वर्षासाठी निलंबित करण्यात आले आहे. याबाबत महाराष्ट्र राज्य कुस्तीगीर संघाने नितीश काबलिये यांना पत्र पाठवण्यात आले आहे.

कोल्हापूरमध्ये 56 लाखांचं बनावट मद्य जप्त; गुजरातमधील दोघांना अटक

कोल्हापूरात मध्य प्रदेश बनावटीचे मद्य जप्त करण्यात आले आहेत. कोल्हापूर राज्य उत्पादन शुल्क कोल्हापूर विभागाने 56 लाख 30 हजाराचे एकूण मुद्देमाल जप्त केले आहे. मद्य तस्करी करणाऱ्या गुजरात मधील 2 आरोपींना केली अटक आहे. करवीर तालुक्यातील आडूर इथं ही कारवाई करण्यात आली आहे. 43 लाख 20 हजार रुपयांची मद्य आणि चार चाकी ट्रक असा मिळून 56 लाख तीस हजारांचा मुद्देमाल केला जप्त

शरद पवार मुख्यमंत्री फडणवीसांना करणार फोन

एमपीएससी संयुक्त परीक्षेसदर्भात चर्चा करण्यासाठी शरद पवार मुख्यांत्रांना फोन करणार आहेत. 'एमपीएससी'च्या विद्यार्थ्यांनी शरद पवारांची भेट घेतली आहे. भेटीदरम्यान पवारांनी विद्यार्थ्यांना आश्वासन दिलं आहे. पीएसआय  पदासाठी 441 जागांची भरती काढण्यात यावी यासाठी मागणी पत्र सरकारकडे देण्यात आले होतं. मात्र फक्त 216 जागेची भरती निघाली. त्यामुळे 'एमपीएससी'चे विद्यार्थी गेल्या काही दिवसांपासून आंदोलन करत आहेत. या यासंदर्भात विद्यार्थ्यांनी पवारांची भेट घेतली असून पवार या संदर्भात मुख्यत्रांशी चर्चा करणार आहेत.

घाटात पेट्रोल टँकर पलटी, चालक गंभीर जखमी; स्थानिकांची मात्र पेट्रोल भरण्यासाठी झुंबड

अहिल्यानगरच्या करंजी घाटात वीस हजार लिटर क्षमतेचा पेट्रोलचा टँकर पलटी झाला. सकाळी 8:30 वाजण्याच्या सुमारास हा अपघात घडला. अपघातानंतर टँकरमधून बाहेर पडणारं पेट्रोल भरण्यासाठी नागरिकांनी गर्दी केल्याचं दिसून आलं. मुंबईहून परभणीकडे हा टँकर निघाला होता. टँकरचा ब्रेकफेल झाल्याने माणिकशहा पीरबाबा दर्ग्याजवळ हा टँकर पलटी झाला. पाथर्डी पोलीस स्टेशन आणि महामार्ग पोलीस घटनास्थळी दाखल झाले आहेत. अहिल्यानगर आणि पाथर्डीतून अग्निशमन दलाच्या दोन गाडया या ठिकाणी दाखल झाल्या आहेत. या अपघातामुळे सुमारे दोन तास वाहतूक ठप्प झाली होती. अपघातामध्ये मकबल पठाण हा टँकर चालक गंभीर जखमी झाला आहे. 

सेन्सेक्समध्ये 1,500 अंकांची उसळी, डोनाल्ड ट्रम्प यांच्या टॅरिफ सवलतीच्या संकेताने ऑटो शेअर्समध्ये तेजी

डोनाल्ड ट्रम्प यांनी टॅरिफ सवलतीचे संकेत दिल्याने भारतीय शेअर बाजारात मोठी उसळी पाहायला मिळाली. एस अॅण्ड पी बीएसई सेन्सेक्स 1,500 अंकांनी वधारून 76,737.27 वर पोहोचला आहे. ऑटो सेक्टरमध्ये  मजबूत पुनरागमन दिसले आहे, जे ट्रेंड रिव्हर्सलचे संकेत देत आहे. डोनाल्ड ट्रम्प यांनी टॅरिफ पॉलिसीमध्ये सवलतीचे संकेत दिले, ज्यामुळे जागतिक बाजारपेठांमध्ये सकारात्मक वातावरण निर्माण झाले. याचा फायदा भारतीय बाजाराला देखील झाला, विशेषतः ऑटो सेक्टरला, ज्याला टॅरिफ सवलतीमुळे निर्यातीच्या संधी वाढण्याची अपेक्षा आहे.

गर्भवती तनिषा भिसे मृत्यू प्रकरणामध्ये डॉक्टर घैसास यांच्यावर लवकरच गुन्हा दाखल होणार? 

गर्भवतीला तात्काळ उपचार मिळाले नसल्याचे पोलीस तपासात उघड झालं आहे. वरिष्ठ सूत्रांनी 'झी 24 तास'ला दिलेल्या माहितीनुसार या प्रकरणात डॉ. घैसास यांच्याविरोधात गुन्हा दाखल होऊ शकतो. डॉ. घैसास यांचा राजीनामा दिनानाथ रूग्णालयाने यापूर्वीच घेतला आहे. भिसे प्रकरणातला हलगर्जीपणा डॉ. घैसास यांना भोवणार असल्याची चिन्हं दिसत आहेत. 

मुख्यमंत्री माझी लाडकी बहीण योजनेतील 8 लाख लाभार्थ्यांचे स्टायपेंड कमी

राज्य सरकारने आपल्या मुख्यमंत्री माझी लाडकी बहीण योजनेच्या 8 लाख लाभार्थ्यांचे मासिक स्टायपेंड कमी केले आहे. याचे कारण म्हणजे या लाभार्थ्यांना नमो शेतकरी महासन्मान निधी योजनेअंतर्गत आधीच लाभ मिळत आहे. या 8 लाख महिलांना आता लाडकी बहीण योजनेअंतर्गत 1,500 रुपयांऐवजी 500 रुपये मासिक मिळतील, कारण त्यांना नमो शेतकरी योजनेतून 1,000 रुपये मिळत आहेत. लाडकी बहीण योजनेच्या नियमानुसार, लाभार्थ्यांना इतर सरकारी योजनांचा लाभ घेता येईल, परंतु एकूण मासिक लाभ 1,500 रुपयांपर्यंत मर्यादित आहे. राज्य सरकारने लाडकी बहीण योजनेच्या लाभार्थ्यांची कसून तपासणी सुरू केली आहे, जेणेकरून केवळ पात्र व्यक्तींनाच स्टायपेंड मिळेल. ऑक्टोबरमध्ये या योजनेसाठी 2.63 कोटी अर्ज आले होते. तपासणी प्रक्रियेनंतर ही संख्या 11 लाखांनी कमी होऊन फेब्रुवारीपर्यंत 2.52 कोटी लाभार्थ्यांपर्यंत आली. फेब्रुवारी आणि मार्चमध्ये अंतिम स्टायपेंड 2.46 लाख लाभार्थ्यांना वितरित करण्यात आले. 

CM फडणवीस Action मोडमध्ये! 'त्या' 580 शिक्षकांच्या नोकऱ्या जाणार?

नागपूर शिक्षक भरती घोटाळ्याची मुख्यमंत्र्यांनी गंभीर दखल घेतली आहे. 580 अपात्र शिक्षकांच्या नियुक्त्या रद्द होण्याची शक्यता व्यक्त केली जात आहे. 580 शिक्षक, शिक्षकेत्तर कर्मचाऱ्यांच्या नियुक्त्यांची चौकशी सुरु करण्यात आली आहे. दोषी आढळल्यास या सर्वांच्या नियुक्त्या रद्द होऊ शकतात.

गेटवे ऑफ इंडिया येथून प्रवासी वाहतूक बंद होणार?

गेटवे ऑफ इंडिया येथील प्रवासी जलवाहतुकीचा ताण कमी करण्यासाठी अपोलो बंदर येथे नवीन प्रवासी धक्क्याचे (जेट्टी) काम सुरू करण्यात आले आहे. मात्र, त्याला सुरुवातीपासून कुलाबावासींनी विरोध केला असून तो दुसरीकडे स्थलांतरित करावा अशी मागणी केली होती. आता त्याला शिवसेना (शिंदे गट) राज्यसभा खासदार मिलिंद देवरा यांनीही पाठिंबा दिला असून उपमुख्यमंत्री एकनाथ शिंदे यांच्याकडे पत्राद्वारे मागणी केली आहे. गेट वे ऑफ इंडिया येथून जलप्रवास करणाऱ्या प्रवाशांची संख्या दिवसेंदिवस वाढत असून भविष्यात या प्रवासी संख्येत आणखी वाढ होण्याचा अंदाज महाराष्ट्र सागरी मंडळाने वर्तवला होता. ही बाब लक्षात घेत सागरी मंडळाने गेट वे ऑफ इंडिया येथील प्रवाशांचा ताण कमी करण्यासाठी अपोलो बंदर परिसरातील रेडिओ क्लबजवळ एक मोठा धक्का बांधण्याचा निर्णय 2022 मध्ये घेतला होता. तो बांधण्याचा प्रस्ताव केंद्र सरकारने मंजूर केला

पश्चिम बंगालमध्ये पुन्हा आंदोलनाचा भडका मुर्शिदाबादमध्ये शांतता, भांगरमध्ये तणाव

पश्चिम बंगालमधील  मुर्शिदाबादच्या हिंसाग्रस्त भागातील परिस्थिती नियंत्रणात आली असताना, दक्षिण 24 परगणा जिल्ह्यातील भांगर परिसरात आंदोलनाचे लोण पसरले आहे. या ठिकाणी सोमवारी 'इंडियन सेक्युलर फ्रंट'च्या (आयएसएफ) समर्थकांची भांगर येथे पोलिसांशी चकमक उडाली. यामध्ये अनेक जण जखमी झाले असून, सार्वजनिक मालमत्तेची तोडफोड तसेच अनेक पोलीस वाहने आंदोलकांनी पेटवून दिली.  'आयएसएफ'चे नेते आणि भांगरचे आमदार नौशाद सिद्दीकी यांच्या नेतृत्वाखालील वक्फ कायद्याला विरोध दर्शवण्यासाठी कोलकाता येथील रामलीला मैदानाच्या दिशेने मोर्चा नेण्यात येत होता.

संभाजी भिडेंवर कुत्र्याचा हल्ला; घेतला पायाचा चावा

सांगलीमध्ये शिवप्रतिष्ठानचे संस्थापक संभाजी भिडे गुरुजी यांच्यावर कुत्र्याने हल्ला केला. संभाजी भिडे गुरुजींच्यावर कुत्र्याने हल्ला करत त्यांच्या पायाचा चावा घेतला. रात्री अकराच्या सुमारास एका धारकऱ्याच्या घरी जेवणाचा कार्यक्रम आटपून घरी जात असताना कुत्र्याने चावा घेतला. शहरातील माळी गल्लीमध्ये हा प्रकार घडला. शासकीय रुग्णालयात संभाजी भिडे गुरुजींवर उपचार करण्यात आले.

पुण्यात मध्यरात्री बुलेटस्वारांचा धिंगाणा

बुलेटच्या सायलेन्सरमधून फटाक्याचा आवाज काढत तरुणांचा मध्यरात्री धिंगाणा. पुण्यातील बंडगार्डन मेट्रो स्टेशन परिसरातील रोडवर हा प्रकार घडला. वाहतूक पोलिसांकडून बुलेटमधून कर्कश आवाज काढणाऱ्या वाहनांवर कारवाई सुरू असून देखील पुणे शहरात असे प्रकार दिसून येत आहे. कारवाई सुरू असून देखील असा बेशिस्तपणे तरुणांचा धिंगाणा सुरूच आहे.

पोटात दडवले होते 7.85 कोटींचे कोकेन; मुंबई विमानतळावर एकाला अटक

छोट्या कॅप्सूलमध्ये कोकेन दडवून त्या गोळ्या गिळून त्याची तस्करी करणाऱ्या एका परदेशी प्रवाशाला मुंबई विमानतळावरील सीमा शुल्क विभागाच्या अधिकाऱ्यांनी अटक केली आहे. युगांडा येथून मुंबईत हा प्रवासी दाखल झाला तेव्हा त्याची तब्येत बरी नसल्याचे अधिकाऱ्यांना जाणवले. अधिकाऱ्यांनी त्याची चौकशी केली असता चौकशीदरम्यान त्याने पोटात कोकेन दडवले असल्याची कबुली अधिकाऱ्यांना दिली. त्याने सुमारे 785 ग्रॅम कोकेन पोटात दडवले होते. या कोकेनची आंतरराष्ट्रीय बाजारातील किंमत सात कोटी 85 लाख रुपये इतकी आहे. 

वक्फ बोर्डच्या विरोधातील याचिकांवर एकत्र सुनावणी

वक्फ बोर्डच्या विरोधातील सर्व याचिकांवर 16 एप्रिलला एकत्र सुनावणी होणार आहे.

शिवसेना कोणाची आज सुप्रीम कोर्टात निकाल लागणार?

शिवसेना पक्षाच्या नाव आणि चिन्ह प्रकरणाची आज सुप्रीम कोर्टात सुनावणी होणार आहे.

तरुणांच्या रीलमुळे नवी मुंबईतील पोलीस यंत्रणा मात्र कामाला 

नवी मुंबईतील वाशी रेल्वे स्टेशन ते सानपाडा रेल्वे स्टेशनदरम्यान असणाऱ्या सर्विस रोडवर एका चालत्या इनोव्हा गाडीच्या डिक्कीतून हात बाहेर लटकलेल्या अवस्थेत दिसल्याने खळबळ उडाली होती. मात्र हे एक प्रँक रील होत हे तपासाअंती समोर आले.

मस्साजोगच्या आवादा कंपनीमध्ये चोरी; 12 लाखांचा माल लंपास

मस्साजोगच्या आवादा कंपनीतील साहित्य चोरीला गेलं आहे. या प्रकरणामध्ये चार आरोपींना पोलिसांकडून अटक करण्यात आली आहे. कंपनीमधील 12 लाख 68 हजारांचं साहित्य लंपास झालं आहे. उर्वरित आरोपींना पकडण्यासाठी पोलिसांचं पथक रवाना झालं आहे, आरोपींवर मकोका लावण्याच्या पोलिसांच्या हालचाली सुरु आहेत.

 

'सिंधुदुर्ग जिल्ह्यात तरुणाला नग्न करुन खून?' 'शिवसेनेचा तो आका कोण?' माजी आमदाराचा सवाल

सिंधुदुर्ग जिल्ह्यातील परिस्थिती बीडपेक्षा गंभीर आहे असा आरोप माजी आमदार वैभव नाईक यांनी केला आहे. वैभव नाईकांनी एक व्हिडिओ फेसबुकवर शेअर केला आहे.  कुडाळमधील बिडवाडकर नामक तरुणाला तो फक्त 22 हजार रुपये द्यायचे होता म्हणून त्याचा खून करण्यात आल्याचा आरोपही नाईक यांनी केला. या प्रकरणातील मुख्य आरोपीसह त्याच्या तीन साथीदारांना सिंधुदुर्ग पोलिसांनी अटक केली असून ते न्यायालयीन कोठाडीत आहेत. ही घटना 9 तारखेची आहे.

सलमान खानला पुन्हा धमकी! वडोद-यातील 26 वर्षीय तरुणाला पोलीसांची नोटीस

सलमान खानला त्याच्या घरी मारले जाईल आणि त्याच्या गाडीत स्फोट घडवून आणला जाईल अशी धमकी देण्यात आली होती. वरळी पोलिसांनी अज्ञात व्यक्तीविरुद्ध एफआयआर नोंदवला आहे आणि तपास सुरू केला आहे. ज्या नंबरवरुन धमकीचा फोन आला तो गुजरातमधील वडोदराजवळील एका गावातील एका 26 वर्षीय तरुणाचा असल्याचे आढळून आले आहे. त्या व्यक्तीला चौकशीसाठी नोटीस पाठवण्यात आली आहे. त्याला 2-3 दिवसांत वरळी पोलिसांसमोर हजर राहण्यास सांगण्यात आले आहे. असाही दावा केला जात आहे की तो माणूस मानसिकदृष्ट्या अस्थिर आहे आणि त्याच्यावर उपचार सुरू आहेत. वरळी पोलिस या प्रकरणाची चौकशी करत आहेत.

कोल्हापूर जिल्ह्यातील राजकीय समीकरणे बदलणारा पक्षप्रवेश

ठाकरे गटाचे नेते संजयबाबा घाटगे, अंबरीश घाटगे आज उद्या मंगळवारी मुंबईत भाजप प्रवेश होण्याची शक्यता आहे. घाटगे यांच्या भाजप पक्ष प्रवेशामुळे कोल्हापूर जिल्ह्यातील शिवसेना ठाकरे गटाची राजकीय समीकरणे बदलू शकतात.

भाजपकडून जयंत पाटलांना मोठा धक्का! रायगडमध्ये शेतकरी कामगार पक्षाला हादरा

माजी मंत्री मीनाक्षी पाटील यांचे पुत्र आस्वाद पाटील आणि माजी आमदार विवेक पाटील आज भाजपात प्रवेश करणार आहेत. महाराष्ट्र भाजपचे कार्यकारी अध्यक्ष रविंद्र चव्हाणांच्या नेतृत्वात आज पक्षप्रवेश पार पडणार आहे. प्रदेशाध्यक्ष तथा महसूलमंत्री चंद्रशेखर बावनकुळे देखील प्रवेशाला उपस्थित राहणार आहेत.

ससून रुग्णालयाच्या उच्चस्तरीय समितीचा म्हणजेच तिसरा अहवाल प्राप्त होणार

पुण्यातील तनिषा भिसे हिच्या मृत्यू प्रकरणी दीनानाथ मंगेशकर रुग्णालयावर आरोप केले जात आहे. या प्रकरणात दोन अहवाला प्राप्त झाल असून आज ससून रुग्णालयाच्या उच्चस्तरीय समितीच अहवाल प्राप्त होणार आहे.

राज्य मंत्रिमंडळ दुपारी 12 वाजता मंत्रालयात बैठक 

दीनानाथ मंगेशकर रुग्णालयातील मृत्यु प्रकरण चौकशी समितीच्या अहवालावर आज राज्य मंत्रिमंडळाच्या बैठकीत चर्चा होणार आहे. मंगेशकर रुग्णालयाच्या कारभाराबाबत शासनासमोर 2 अहवाल सादर राज्य मंत्रिमंडळाला दोन्ही अहवालाची माहिती दिली जाणार आहे. तिसऱ्या अहवालानंतर एक अंतिम अहवाल मुख्यमंत्र्यांना सादर केला जाईल. मुख्यमंत्री देवेंद्र फडणवीस रुग्णालयाच्या गलथान कारभारावर काय कारवाई करणार याकडे लक्ष लागलेलं आहे.