 "अकरावीची ऑनलाइन प्रवेश प्रक्रिया सुरू, संपूर्ण Schedule विद्यार्थी व पालकांना माहिती असायलाच हवं!")
Maharashtra FYJC Admission 2025: इयत्ता अकरावीच्या वर्गात प्रवेशासाठी यंदाच्या शैक्षणिक वर्षापासून संपूर्ण राज्यभर ऑनलाईन केंद्रीभूत प्रवेश प्रक्रिया राबविली जाणार आहे. गेल्या वर्षीच्या शैक्षणिक वर्षापर्यंत केवळ महानगरांमध्येच ही प्रवेश प्रक्रिया राबविली जात होती. या प्रवेश प्रक्रियेतून अल्पसंख्याक कनिष्ठ महाविद्यालये वगळण्यात आली आहेत. राज्यात यंदा अकरावीच्या प्रवेशांची एकूण क्षमता ही 20 लाख 43 हजार 254 इतकी आहे. यामध्ये विज्ञान शाखेच्या सर्वाधिक 8 लाख 52 हजार 206 जागांचा समावेश आहे. दरम्यान, अकरावी प्रवेश प्रक्रियेची पहिली फेरी ही येत्या सोमवारपासून (दि.19 मे) सुरू होणार आहे. या फेरीतील पहिले दोन दिवस म्हणजेच 19 व 20 मे हे प्रवेश नोंदणी सरावासाठी राखीव ठेवण्यात आले आहेत. विद्यार्थ्यांना प्रत्यक्षात येत्या बुधवारपासून (दि.21 मे) प्रवेशासाठी नोंदणी (रजिस्ट्रेशन) करता येणार आहे
राज्याच्या शिक्षण विभागाने महाराष्ट्रातील इयत्ता अकरावीच्या सन 2025-26 या शैक्षणिक वर्षातील प्रवेशाच्या पहिल्या फेरीचे सविस्तर वेळापत्रक जाहीर केले आहे. या वेळापत्रकानुसार दि.19 मे सकाळी 11 वाजल्यापासून दि. 20 मे 2025 रोजी सायंकाळी 6 वाजेपर्यंत विद्यार्थ्यांसाठी सराव सत्र (Practice Session) ठेवण्यात आले आहे. हे सराव सत्र केवळ सरावासाठी असणार आहे. यामध्ये भरलेली माहिती 20 मे रोजी मध्यरात्री पोर्टलवरून हटविली जाणार आहे. दि. 21 मे रोजी सकाळी 11वाजल्यापासून प्रत्यक्षात नोंदणी सुरू केली जाणार आहे. ही नोंदणी येत्या 28 मे 2025 सायंकाळी 6 वाजेपर्यंत करता येणार आहे. या नोंदणीनंतर विद्यार्थ्यांना किमान 1 ते कमाल 10 कनिष्ठ महाविद्यालयांचे पसंतीक्रम नोंदविता येणार आहेत. व्यवस्थापन, इन-हाऊस व अल्पसंख्याक कोट्यातील प्रवेशासाठी प्रत्येक फेरीपूर्वी "Consent" आवश्यक आहे
- तात्पुरती गुणवत्ता यादी जाहीर करणे --- दि. 30 मे, सकाळी 11 वाजता
- हरकती व दुरूस्ती करणे --- दि. 30 मे ते 1 जून 2025 सायंकाळी 4 वाजेपर्यंत
- हरकती व दुरुस्ती प्रक्रिया लॉगीनद्वारे --- दि. 3 जून 2025 सायंकाळी वाजेपर्यंत
- अंतिम गुणवत्ता यादी जाहीर करणे --- दि. 5 जून 2025
- गुणवत्ता यादीवर आधारित प्रवेश वाटप करणे (शून्य फेरी) --- दि. 6 जून 2025 सकाळी 10 वाजता
- वाटप केलेल्या महाविद्यालयांची यादी पोर्टलवर टाकणे --- दि. 6 जून सकाळी 11 वाजता
- प्रवेश प्रक्रिया पूर्ण करणे व आवश्यक कागदपत्रे अपलोड व प्रत्यक्ष तपासणी करणे (पहिली पसंती मिळाल्यास प्रवेश घेणे अनिवार्य) --- दि. 6 जून सकाळी 11 वाजल्यापासून 12 जून रोजी सायंकाळी 6 वाजेपर्यंत
दुसऱ्या फेरीतील रिक्त जागांची यादी जाहीर करणे ---- दि. 14 जून रोजी रात्री 10 वाजेपर्यंत
पुणे विभाग
एकूण जागा --- 3,74,846
कला --- 1,03,7005
वाणिज्य --- 1,01,971
विज्ञान --- 1,70,170
अमरावती विभाग
एकूण जागा --- 1,86,475
कला शाखा --- 80,740
वाणिज्य --- 24,340
विज्ञान ---81,395
छत्रपती संभाजीनगर
एकूण जागा --- 2,66,750
कला --- 1,11,165
वाणिज्य --- 42,615
विज्ञान --- 1,12,870
कोल्हापूर
एकूण जागा --- 1,93,287
कला --- 64,572
वाणिज्य ---48,466
विज्ञान --- 80,240
लातूर विभाग
एकूण जागा --- 1,36,550
कला --- 52,860
वाणिज्य --- 21,260
विज्ञान --- 63,470
मुंबई विभाग
एकूण जागा --- 4,61,640
कला --- 22,955
वाणिज्य --- 2,72,930
विज्ञान --- 1,60,715
नागपूर
एकूण जागा --- 2,14,395
कला --- 76,395
वाणिज्य --- 38,830
विज्ञान --- 99,870
नाशिक विभाग
एकूण जागा --- 2,07,320
कला --- 83,000
वाणिज्य ---37,020
विज्ञान ---86,730
एकूण प्रवेश क्षमता ---- 20,43,754
विज्ञान शाखा --- 8,52,206
वाणिज्य शाखा --- 5,40,312
कला शाखा --- 6,50,682
- कॅप (CAP) किंवा कोटामार्फत प्रवेश निश्चित केलेल्या विद्यार्थ्यांची प्रवेश प्रक्रिया पूर्ण झाली असे समजले जाणार
- एकदा विद्यार्थ्यांने संबंधित महाविद्यालयात प्रवेश घेतल्यास, त्याचा प्रवेश निश्चित मानण्यात येणार
- प्रवेश नोंदणी शुल्क डिजिटलमाध्यमातूनच स्विकारला जाणार
- सर्वानी प्रवेशाच्या वेळापत्रकाचे काटेकोर पालन करणे आवश्यक
- व्यवस्थापन कोटा इन-हाऊस किंवा अल्पसंख्याक कोट्यांतील प्रवेश 6 जून 2025 पासून सुरू होणार
अकरावी प्रवेशाच्या अधिक माहितीसाठी येथे संपर्क साधावा
www.mahafyjcadmissions.in किंवा support@mahafyjcadmissions.in
)