धुक्याची चादर, मध्येच कडाक्याची थंडी तर कुठे सणसणीत ऊन; पुढील 24 तासांसाठीच्या हवामान अंदाजाकडे दुर्लक्ष नको
Maharashtra Weather News : राज्यासह देशातही सध्या हवामानात मोठे बदल होत असून, उत्तरेकडील राज्यांमध्ये पुन्हा एकदा थंडीचा कडाका वाढल्याचं स्पष्ट होत आहे.
 "धुक्याची चादर, मध्येच कडाक्याची थंडी तर कुठे सणसणीत ऊन; पुढील 24 तासांसाठीच्या हवामान अंदाजाकडे दुर्लक्ष नको")
Maharashtra Weather News : केंद्रीय हवामानशास्त्र विभागाच्या माहितीनुसार पश्चिमी झंझावात सक्रिय असल्यामुळं पश्चिमी हिमालय क्षेत्रामध्ये 23 जानेवारीपर्यंत पावसाचा अंदाज वर्तवण्यात आला आहे. तर, उत्तर पश्चिम भारतातील मैदानी क्षेत्रांमध्ये 22 - 23 जानेवारी रोजी पावसाच्या हलक्या सरींचा अंदाज वर्तवण्यात आला आहे.
पुढील 48 तासांमध्ये उत्तर पश्चिम आणि मध्य भारतातील मैदानी क्षेत्रांमध्ये तापमानात किमान 2 अंश सेल्सिअसची वाढ अपेक्षित असल्याचा इशारा दिला आहे. यानंतर मात्र तापमानात 2 ते 3 अंशांची घटही नाकारता येत नाही असंही हवामान विभागानं स्पष्ट केलं आहे.
महाराष्ट्रातही तापमानाचा आकडा कमीजास्त फरकानं बदलताना दिसेल असं हवामान विभागाकडून स्पष्ट करण्यात आलं आहे. असं असलं तरीही राज्यात पुन्हा एकदा थंडीसाठी पूरक वातावरण निर्माण होत असून, किमान तापमानात घट अपेक्षित असल्याचं सांगितलं जात आहे. सातत्यानं सक्रिय असणाऱ्या पश्चिमी झंझावातामुळं थंडीती तीव्रताही कमीजास्त दिसून येत असल्याचं या परिस्थितीत स्पष्ट होत आहे. महाराष्ट्रात सध्या पश्चिम घाट क्षेत्रात धुक्याची दुलई कायम राहणार असून, उत्तर महाराष्ट्र आणि मराठवाड्यात तुरळत ठिकाणी तापमान 10 अंशांहूनही कमी होणार असल्याचा इशारा हवामान विभागानं दिला आहे.
हेसुद्धा वाचा : महाराष्ट्राला बंपर गिफ्ट! फक्त तीन दिवसांत 3 लाख 82 हजार कोटींचे सामंजस्य करार, पहिला मान 'या' जिल्ह्याला
निफाड आणि धुळ्यात पुन्हा एकदा थंडीचा कडाका वाढणार असून, कोकण क्षेत्रात मात्र उन्हाचा दाह कायम राहणार आहे. पुढील 24 तासांत कोकण किनारपट्टी क्षेत्र, मुंबई शहर आणि उपनगर तसंच मध्य महाराष्ट्रामध्ये काही अंशी ढगाळ वातावरणही नाकारता येत नसल्याचं हवामान विभागानं सांगितलं आहे.
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More