पुणेकरांसाठी महत्त्वाची माहिती, वाहतूक दंडाबाबत मोठी सवलत

हेल्मेट-सीटबेल्टशिवाय वाहन चालविणे, सिग्नल तोडणे, विना नंबरप्लेट गाडी चालविणे अशा अनेक छोट्या वाहतूक नियमभंगांचे प्रलंबित दंड जास्तीत जास्त सवलतीने भरण्याची संधी पुणेकरांना बुधवारपासून शनिवारपर्यंत होणाऱ्या राष्ट्रीय लोकअदालतीत मिळणार आहे. 

पुणे जिल्हा विधी सेवा प्राधिकरण आणि पुणे शहर वाहतूक पोलिसांच्या वतीने या लोकअदालतीत वाहतूक नियमभंगांच्या दंडांमध्ये तडजोडीने जास्तीत जास्त सवलत दिली जाणार आहे. १० ते १३ सप्टेंबर दरम्यान येरवडा पोस्ट ऑफिसशेजारी वाहतूक शाखेच्या कार्यालयात सकाळी दहा ते सायंकाळी पाच या वेळेत प्रलंबित दंड सवलतीच्या दरात भरून पुणेकरांना थकबाकीमुक्त होता येणार आहे.

खालील वाहतूक नियमभंगांचा दंड भरता येईल सवलतीत

- विनाहेल्मेट दुचाकी चालविणे
- सीटबेल्ट न लावता चारचाकी चालविणे
- सिग्नल तोडणे
- वेगमर्यादा ओलांडणे
- चुकीचे पार्किंग
- वाहन चालविताना मोबाइलचा वापर
- विनापरवाना, विना पीयूसी वाहन चालविणे
- फिटनेस प्रमाणपत्र नसणे
- चुकीच्या लेनमध्ये वाहन चालविणे
- नंबरप्लेट नसणे

खालील गंभीर स्वरुपाच्या वाहतूक नियमभंगांचा दंड माफ होणार नाही

- मद्यपान करून वाहन चालविणे
- अपघात करून पळ काढणे
- निष्काळजीपणे वाहन चालवून प्राणांतिक अपघातास कारणीभूत होणे
- अल्पवयीन मुलाने वाहन चालविणे
- अनधिकृत शर्यत
- गुन्ह्यांसाठी वाहनांचा वापर
- न्यायालयात सुनावणी प्रलंबित असलेली प्रकरणे
- अन्य राज्यातील वाहतूक नियमभंगांची चलने

FAQ 

पुणे राष्ट्रीय लोकअदालत 2025 कधी आणि कुठे आयोजित होत आहे?
पुणे राष्ट्रीय लोकअदालत 10 ते 13 सप्टेंबर 2025 दरम्यान येरवडा पोस्ट ऑफिसशेजारील पुणे शहर वाहतूक पोलिसांच्या कार्यालयात आयोजित होत आहे. ही लोकअदालत सकाळी 10:00 ते सायंकाळी 5:00 या वेळेत चालेल. 

या लोकअदालतीचा मुख्य उद्देश काय आहे?
पुणे जिल्हा विधी सेवा प्राधिकरण आणि पुणे शहर वाहतूक पोलिस यांच्या संयुक्त विद्यमाने आयोजित या लोकअदालतीचा उद्देश वाहतूक नियमभंगांच्या प्रलंबित दंडांवर तडजोडीद्वारे जास्तीत जास्त सवलत देऊन थकबाकीमुक्त करणे आहे.

कोणत्या वाहतूक नियमभंगांच्या दंडांवर सवलत मिळेल?
खालील वाहतूक नियमभंगांच्या दंडांवर सवलत मिळेल:  विनाहेल्मेट दुचाकी चालविणे  
सीटबेल्ट न लावता चारचाकी चालविणे  
सिग्नल तोडणे  
वेगमर्यादा ओलांडणे  
चुकीचे पार्किंग  
वाहन चालविताना मोबाइलचा वापर  
विनापरवाना किंवा विना पीयूसी वाहन चालविणे  
फिटनेस प्रमाणपत्र नसणे  
चुकीच्या लेनमध्ये वाहन चालविणे  
विना नंबरप्लेट वाहन चालविणे