खळबळजनक! प्रसिद्ध न्युरोसर्जन डॉ. शिरीष वळसंगकर यांनी स्वत:वर गोळी झाडत संपवलं आयुष्य
Solapur Crime News : सोलापुरातून सर्वात मोठी बातमी समोर आली असून, या बातमीमुळं वैद्यकिय क्षेत्रातही एकच खळबळ माजली आहे.
 "खळबळजनक! प्रसिद्ध न्युरोसर्जन डॉ. शिरीष वळसंगकर यांनी स्वत:वर गोळी झाडत संपवलं आयुष्य")
अभिषेक आदेप्पा, झी मीडिया, सोलापूर : (Solapur Crime News) सोलापुरातील प्रसिद्ध न्युरोसर्जन डॉ. शिरीष वळसंगकर यांनी स्वतःवर गोळी झाडून घेत जीवन संपवलं. डॉ. शिरीष वळसंगकर यांनी अज्ञात कारणावरुन शुक्रवारी रात्री 8.30 च्या सुमारास स्वतःच्या घरात असताना डोक्यात गोळी झाडून घेतली. यानंतर गोळीचा आवाज येताच बेशुद्धवस्थेत असलेल्या डॉ. वळसंगकर यांना रुग्णालयात दाखल करण्यात आलं.
डॉ. शिरीष वळसंगकर हे अत्यंत गंभीररित्या जखमी असल्यानं यांचा मृत्यू झाल्याची प्राथमिक माहिती समोर आली. वळसंगकर हे अत्यंत प्रसिद्ध न्युरोसर्जन होते. फक्त सोलापूर, महाराष्ट्रचं नाही तर जगभरात त्यांनी विविध रुग्णालयात त्यांनी वैद्यकीय सेवा बजावली आहे. त्यांनी हे टोकाचं पाऊले का उचललं याचं कारण अद्याप समोर आलेलं नाही. ज्या हॉस्पिटलमध्ये डॉ. शिरीष वळसंगकर यांनी हजारो रुग्णांवर उपचार केलं त्यांच्या त्याचं रुग्णालयात त्यांनी शेवटचा श्वास घेतला.
डॉ. शिरीष वळसंगकर यांची ओळख...
वैद्यकिय क्षेत्रात नामवंत न्युरोसर्जन अशी डॉ. शिरीष वळसंगकर यांची ओळख. ते सोलापुरातील पहिले न्युरोलॉजिस्ट असून, मेंदूवरील विविध आणि अत्याधुनिक उपचारांसाठी त्यांनी इथं अत्याधुनिक सोयीसुविधांनी परिपूर्ण असं रुग्णालय सुरू केलं होतं. न्यूरोलॉजी क्षेत्रात त्यांनी दिलेलं भरीव योगदान अनेकांना जगण्याची नवी उर्जा देणारं ठरलं.
मात्र याच डॉ. शिरीष वळसंगकर यांच्या आत्महत्येमुळं अनेकांच्याच पायाखालची जमीन सरकली आहे. राहत्या घरी त्यांनी हे टोकाचं पाऊल उचलल्यानंतर कुटुंबीयांच्या ही बाब लक्षात येताच त्यांनी डॉक्टरांना ताडकीनं रुग्णालयात नेलं. पण, उपचारांदरम्यानच त्यांनी अखेरचा श्वास घेतला.