सैफच्या हल्लेखोराचं बांगलादेश कनेक्शन? घुसखोरांची नाका बंदी कधी करणार?
Saif Attacker Bangladesh Connection: सैफवर चाकू हल्ला कऱणारा मोहम्मद शहजाद हा बांगलादेशी असल्याची मोठी माहिती पोलिस तपासात समोर आलीय.
 "सैफच्या हल्लेखोराचं बांगलादेश कनेक्शन? घुसखोरांची नाका बंदी कधी करणार?")
Saif Attacker Bangladesh Connection: सैफ अली खानवर चाकू हल्ला कऱणाऱ्या आरोपीचं बांगलादेश कनेक्शन समोर आलंय. आरोपी मोहम्मद शहजाद बांगालादेशी नागरिक असल्याचा दावा करण्यात आलाय. त्यामुळे यातून देशात अवैध घुसखोरीचा मुद्दा पुन्हा ऐरणीवर आलाय.काय आहे आरोपीचं बांगलादेश कनेक्शन? जाणून घेऊया.
सैफवर चाकू हल्ला कऱणारा मोहम्मद शहजाद हा बांगलादेशी असल्याची मोठी माहिती पोलिस तपासात समोर आलीय. पोलिसांनी त्याला अटक केल्यानंतर त्याची चौकशी केली असता त्याच्याकडे भारतीय असल्याचे कोणतेही पुरावे नसल्याचं पोलिसांनी म्हटलंय.तो बांगलादेशातून भारतात अवैधरित्या आला आणि ओळख पटू नये म्हणून त्यानं विजय दास असं नाव बदलल्याचा दावाही पोलिसांनी केलाय.
पोलिसांनी जरी आरोपी बांगलादेशी असल्याचा दावा केला असला तरी मात्र आरोपीच्या वकिलांनी कोर्टात पोलिसांचा दावा फेटाळलाय.. मोहम्मद शहजाद हा भारताचाच रहिवाशी असल्याचं वकिलांचं म्हणणं आहे.
आरोपी शहजाद हा बांगलादेशी असल्याचा दावा पोलिसांनी केल्यानंतर त्यावरून आता राजकारण सुरू झालंय.. किरीट सोमय्या तर थेट ठाण्यातील कासारवडवली इथल्या लेबर कॅम्पमध्ये गेलेत.. बिल्डरांकडून कामासाठी बांगलादेशी नागरिक अवैधरित्या आणले जात असल्याचा आरोप सोमय्यांनी केलाय.तर मुंबई पालिकेच्या निवडणुका जवळ आल्यानं विषय दुसरीकडे वळवण्यात येत असल्याचं रोहित पवारांचं म्हणणं आहे.
दरम्यान सैफवर झालेल्या हल्ल्याला जातीय रंग देण्याचा प्रयत्न करण्यात आला.कट्टर पंथियांकडून सैफवर हल्ला तर झाला नाही ना अशी शंका जितेंद्रा आव्हाड यांनी उपस्थित केली होती. आता आरोपीला बेड्या ठोकल्यानंतर जितेंद्र आव्हाड यांनी हिंदूंची माफी मागावी अशी मागणी खासदार नरेश म्हस्केंनी केलीय.
गेल्या काही वर्षा हजारो बांगलादेशी अवैधरित्या देशात शिरल्याचा आरोप मंत्री नितेश राणे यांनी केलाय. कुणाच्या आशीर्वादानं बांगलादेशी भारतात येतात असा सवाल राणेंनी उपस्थित केलाय.. त्यामुळे बांगलादेशींना मदत कऱणा-यांपर्यंत आमचं सरकार पोहोचणार असल्याचा इशारा त्यांनी दिलाय.
मोहम्मद शहजाद हा बांगालदेशातून भारतात आले असेल तर नक्कीच देशासाठी चिंतेची बाब आहे. त्यामुळे अशा घुसखोरांची नाका बंदी करण्याची नितांत गरज आहे. या घटनेवरून महाराष्ट्रात अवैध घुसखोरांचा मुद्दा पुन्हा अधोरेखित झालाय. सरकार यावर कठोर पावलं उचलले अशी अपेक्षा करायला सैफवरील चाकू हल्ल्याची घटना पुरेशी आहे.
Pravin Dabholkar
"प्रवीण सुरेश दाभोळकर हे 'झी 24 तास' डिजिटलमध्ये चीफ सब एडीटर पदावर कार्यरत आहेत त्यांना मीडिया क्षेत्राचा 14 वर्षांचा अनुभव आहे. वयाच्या 21 व्या वर्षी त्यांनी प्रिंट मीडियातून आपल्या कारकिर्दीची सुरुवात केली. तिथे त्यांना लेखन आणि रिपोर्टिंगचा मौल्यवान अनुभव मिळाला. तेव्हापासून त्यांनी प्रिंट, टीव्ही आणि डिजिटल मीडियासह विविध माध्यमांमध्ये काम केले आहे. संशोधनात्मक अहवाल आणि फिचर रायटिंगकडे त्यांचा कल आहे. वाचकांना माहिती नसलेल्या कथा लोकांसमोर आणण्याची त्यांना आवड आहे. हे करीत असताना सविस्तर तपशील आणि अचूकतेकडे त्यांची कटाक्षाने नजर असते. फावल्या वेळात प्रविण आपल्या आनंदासाठी फिरणे, नवीन गोष्टी आत्मसात करणे आणि सामाजिक कार्यात गुंतलेले असतात. त्यांचे लेखन अनेकदा सामाजिक न्यायाच्या समस्यांबद्दलची त्यांची उत्कटता दर्शवते. तसेच आपल्या लेखणीच्या माध्यमातून समाजात सकारात्मक प्रभाव पाडण्यासाठी ते नेहमी प्रयत्नशील असतात."
...Read More