मुंबई हादरली! आधी जन्मदाता आणि नंतर भावोजी, 16 वर्षीय मुलीवर बलात्कार; चेहरा कापडाने झाकून...

Mumbai Crime : गेल्या काही दिवसांमध्ये मुंबईला हादरुन सोडणाऱ्या घटना समोर येत आहे. बापासह दोन भावांसह चौघांनी तब्बल 11 महिने लैंगिक अत्याचार केला. ही घटना ताजी असताना मुंबईतील शिवडी परिसरातून अजून एक धक्कादायक घटना समोर आली आहे. 16 वर्षीय मुलीवर तिच्या जन्मदात्याने बलात्कार केला. एवढंच नाही तर बहिणीच्या नवऱ्याने तिच्यावर लैंगिक अत्याचार केलाचा आरोप करण्यात आला आहे. पोलिसांनी या प्रकरणात भाऊजीला अटक केली असून वडील मात्र फरार आहे. 

Add Zee News as a Preferred Source

संपूर्ण प्रकरण काय आहे?

मुंबईतील शिवडी परिसरात एका 16 वर्षीय अल्पवयीन मुलीवर तिच्या वडिलांनी बलात्कार केला. पीडितेच्या तक्रारीवरून मुंबईतील शिवडी पोलीस ठाण्यात आरोपी वडील आणि भावोजीविरुद्ध गुन्हा दाखल करण्यात आला. गुन्हा दाखल झाल्यानंतर शिवडी पोलिसांनी मेहुण्याला अटक केली आणि वडिलांचा शोध सुरू केला.

पीडितेने पोलिसांना दिलेल्या तक्रारीत असं म्हटलं आहे की, पीडिता घरी झोपली असताना तिच्या वडिलांनी तिचा चेहरा कापडाने झाकून तिच्यावर बलात्कार केला. तसंच तिने घटनेची माहिती दिल्यास तिच्या आईला जीवे मारण्याची धमकी दिली. त्यामुळे पीडिता इतकी घाबरली होती की ती काहीही बोलू शकली नाही.

या घटनेच्या काही दिवसांनंतर, या वर्षी मार्चमध्ये, पीडिता घरी एकटी झोपली असताना, तिच्या भावोजीने तिच्यावर बलात्कार केल्याचा आरोप आहे. या घटनेनंतर, पीडितेने काल जवळच्या पोलीस स्टेशनमध्ये पोहोचून तक्रार दाखल केली. त्यानंतर पोलिसांनी बलात्कार आणि पॉक्सो कायद्यांतर्गत गुन्हा दाखल केला आणि भावोजीला अटक केली. फरार वडिलांचा शोध सुरू आहे.

हेसुद्धा वाचा - 14 वर्षांच्या मुलीवर शेजाऱ्याकडून बलात्कार, समुपदेशन करताच समोर आलं आणखी भयानक सत्य, बाप-भावानेही...

महिला, तरुणी या देशातील खरोखरच सुरक्षित आहे का? असे अनेकांनी प्रश्न उपस्थितीत होत आहेत. महिला, तरुणी समाजातच नाही, तर आता आपल्याच कुटुंबात सुरक्षित आहे का? असा प्रश्न मनाला भेडसावून सोडत आहे.