Crime News : नाशिकमधील खासगी शिकवणीमधील एक संतापजनक घटना समोर आली आहे.10 वीतील विद्यार्थींना शिक्षिकेने बेडरूममध्ये पाठवलं. तिथे भाच्याने त्या अल्पवयीन मुलीवर बलात्कार केल्याच समोर आलं आहे.
)
Nashik Coaching Class Rape Case : नाशिकमधील भोंदूबाबा अशोक खरात महिला लैंगिक प्रकरण आणि आयटी कंपनीतील धर्मांतर प्रकरण महाराष्ट्रात गाजत आहे. अशात नाशिकमधील अजून एक संतापजनक घटना समोर आली आहे. नाशिकमधील खासगी कोचिंग क्लासमध्ये 10 वीच्या अल्पवयीन विद्यार्थिनीव लैंगिक अत्याचार झाला आहे. धक्कादायक म्हणजे शिक्षिकेच्या मदतीने तिच्या भाच्याने या मुलीवर वारंवार लैंगिक अत्याचार केल्याच समोर आलं आहे. ही घटना नाशिकमधील पखालरोड परिसरातील असून पालक आणि नागरिकांमध्ये संतापाची लाट पसरली आहे. महाराष्ट्रात नसरापूरमधील साडेतीन वर्षांच्या मुलीवरील लैंगिक अत्याचार आणि हत्या प्रकरणामुळे महाराष्ट्रात आधीच आक्रोश पसरला आहे. अशात नाशिकमधील या घटनेमुळे महाराष्ट्र सुन्न झाला आहे.
मुंबई नाका पोलिसांनी सांगितलं की, त्यांनी क्लासचालक शिक्षिकेसह तिच्या भाच्याविरोधात बलात्कारासह पोक्सोअंतर्गत गुन्हा दाखल करण्यात आला आहे. पण शिक्षिका आणि तिचा भाचा हे दोन्ही संशयित पसार असून पोलिसांचं एक विशेष पथक त्यांच्या मागावर आहे. पोलीस उपनिरीक्षक मुस्तफा शेख हे या प्रकरणाची सखोल तपासणी करत आहे.
मिळालेल्या माहितीनुसार, पीडित अल्पवयीन विद्यार्थिनी पखाल रोडवरील 'कसक पार्क' येथे राशेदा शेख हिच्याकडे शिकवणीसाठी जात होती. इथे ती नियमतपणे दहावीच्या क्लाससाठी जायची. जुलै 2024 ते नोव्हेंबर 2025 या दरम्यान तिच्यावर शिक्षिकेच्या भाच्याने वारंवार लैंगिक अत्याचार केला असं पीडित मुलीने सांगितलं आहे. तिने सांगितलं की, क्लासचालक राशेदा शेख हिने पीडित तरुणीवर नजर ठेवली होती. राशेदा शेख तिला वेगवेगळ्या बहाण्याने घरातील बेडरूममध्ये पाठवत होती. तिथे तिचा भाचा सिबतेन याने पीडितेवर अनेक वेळा वारंवार लैंगिक अत्याचार केला. एवढंच नाहीतर ही बाब कोणालाही सांगितल्यास गंभीर परिणाम भोगावे लागतील अशी धमकी तिला देण्यात आली होती. या दोघ संशयितांनी पीडितेवर सतत दबाव टाकला होता. पीडित मुलीने सांगितलं की, संशयितांकडून तिला कधी धमकावून, तर कधी प्रलोभने दाखवून तिला कायम भीतीखाली ठेवलं होतं. मात्र, सततच्या त्रासाला कंटाळून अखेर पीडितेने मुंबई नाका पोलीस ठाण्यात आपल्यासोबत झालेल्या घटनेबद्दल आपबीती सांगितली.
मुलीच्या या धडसानंतर हे संपूर्ण प्रकरण समोर आलं. दरम्यान शहराच्या मध्यवर्ती भागात घडलेल्या या घटनेमुळे पालकांमध्ये भीतीचे वातावरण आहे. तर पोलिसांनी आरोपींवर कडक कारवाई करणार असं आश्वासन पालकांना दिलं आहे.
