Home
/स्पोर्ट्स
/17 वर्षांच्या मराठमोळ्या क्रिकेटरचं CSK कडून IPL मध्ये पदार्पण, कोण आहे आयुष म्हात्रे?

17 वर्षांच्या मराठमोळ्या क्रिकेटरचं CSK कडून IPL मध्ये पदार्पण, कोण आहे आयुष म्हात्रे?

MI VS CSK : चेन्नई सुपरकिंग्सने मुंबई विरुद्ध सामन्यात त्यांच्या प्लेईंग 11 मध्ये बदल केले आहेत. चेन्नई सुपरकिंग्सने अवघ्या 17 वर्षांच्या मराठमोळ्या आयुष म्हात्रे याला आयपीएलमध्ये पदार्पणाची संधी दिली आहे.

Published: Apr 20, 2025, 07:30 PM IST|Updated: Apr 20, 2025, 07:30 PM IST

17 वर्षांच्या मराठमोळ्या क्रिकेटरचं CSK कडून IPL मध्ये पदार्पण, कोण आहे आयुष म्हात्रे?

MI VS CSK : 20 एप्रिल रोजी वानखेडे स्टेडियमवर मुंबई इंडियन्स विरुद्ध चेन्नई सुपरकिंग्स (Mumbai Indians VS Chennai Superkings) यांच्यात सामना पार पडणार आहे. सामन्यापूर्वी दोन्ही संघांच्या कर्णधारांमध्ये झालेला टॉस मुंबई इंडियन्सचा कर्णधार हार्दिक पंड्या याने जिंकला आणि प्रथम गोलंदाजी निवडली. चेन्नई सुपरकिंग्सने मुंबई विरुद्ध सामन्यात त्यांच्या प्लेईंग 11 मध्ये बदल केले आहेत. चेन्नई सुपरकिंग्सने अवघ्या 17 वर्षांच्या मराठमोळ्या आयुष म्हात्रे याला आयपीएलमध्ये पदार्पणाची संधी दिली आहे.

वानखेडे स्टेडीयमवर रविवारी मुंबई इंडियन्स विरुद्ध चेन्नई सुपरकिंग्स यांच्यात टॉस पार पडला. हा टॉस मुंबई इंडियन्सचा कर्णधार हार्दिक पंड्या याने जिंकला आणि प्रथम गोलंदाजी निवडली. तर चेन्नईला प्रथम फलंदाजीचे आव्हान मिळाले. मुंबई इंडियन्सने चेन्नई विरुद्ध सामन्यासाठी त्यांच्या प्लेईंग 11 मध्ये कोणतेही बदल केले नाहीत. तर चेन्नई सुपरकिंग्सने मात्र त्यांच्या बॅटिंग लाईनअपमध्ये बदल केला असून त्यांनी आयुष म्हात्रे याला पदार्पणाची संधी दिली आहे. आयुष म्हात्रेला राहुल त्रिपाठीच्या जागी प्लेईंग 11 मध्ये संधी देण्यात आली आहे.

हेही वाचा : IPL 2025 दरम्यान भारताच्या माजी कर्णधारावर मोठी कारवाई, स्टेडियमधील स्टॅन्डला देण्यात आलेलं नाव काढलं

कोण आहे आयुष म्हात्रे?

युवा क्रिकेटर आयुष म्हात्रे हा मूळचा विरारचा रहिवासी असून तो सध्या 17 वर्षांचा आहे. गेल्यावर्षी नोव्हेंबर महिन्यात झालेल्या आयपीएल 2025 मेगा ऑक्शनमध्ये आयुष म्हात्रेने स्वतःला 30 लाखांच्या किंमतीवर लिस्ट केले होते. परंतु त्याला कोणत्याही संघाने खरेदी केली नाही. आयुष म्हात्रेने 9 फस्ट क्लास सामन्यांमध्ये खेळलेल्या 16 डावांत 504 धावा केल्या आहेत. आयुष म्हात्रेची सर्वोच्च धावसंख्या 176 धावा आहे. आयुष म्हात्रेने यामध्ये 2 शतके आणि 1 अर्धशतक झळकावले आहे. लिस्ट ए मध्ये त्याने 7 डावात 458 धावा केल्या आहेत, ज्यामध्ये त्याने 2 शतकं आणि 1 अर्धशतक झळकावले आहे.

Young MumBoy for the MI clash!
Roar on, Ayush MIvCSK WhistlePodu Yellove pic.twitter.com/mb90g3dkqJ
Chennai Super Kings (ChennaiIPL) April 20, 2025

मुंबई इंडियन्सची प्लेईंग 11 :

रायन रिकेल्टन (विकेटकिपर), विल जॅक्स, सूर्यकुमार यादव, तिलक वर्मा, हार्दिक पांड्या (कर्णधार), नमन धीर, मिचेल सँटनर, दीपक चहर, ट्रेंट बोल्ट, जसप्री

चेन्नई सुपरकिंग्सची प्लेईंग 11 :

शेख रशीद, रचिन रवींद्र, आयुष म्हात्रे, रवींद्र जडेजा, शिवम दुबे, विजय शंकर, जेमी ओव्हरटन, एमएस धोनी (कर्णधार), नूर अहमद, खलील अहमद, मथीशा पाथिराना

Add Zee News as a Preferred Source

TAGS:

About the Author

Pooja Pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना ५ वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. त्यांनी आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.

प्रिंट मीडिया ते डिजिटल पर्यंतची कारकीर्द:

पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.

पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.

शैक्षणिक पात्रता

पूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.