चॅम्पियन्स ट्रॉफीच्या सेमी फायनलमधील 4 संघ ठरले, टीम इंडियाचा सामना कोणाशी?

(Photo Credit : Social Media)

Champions Trophy 2025 : चॅम्पियन्स ट्रॉफी 2025 (Champions Trophy 2025) ही स्पर्धा आता अखेरच्या टप्प्यात पोहोचली असून स्पर्धेतील सेमी फायनलमध्ये पोहोचणारे 4 संघ आता निश्चित झाले आहेत. ग्रुप ए मधून भारत आणि न्यूझीलंड (India and New Zealand) यांनी यापूर्वीच सेमी फायनलमध्ये स्थान मिळवलं होतं. तर ग्रुप बी मधून 4 पॉईंट्स घेऊन ऑस्ट्रेलियाने सुद्धा सेमी फायनल गाठलं होतं. तर शनिवारी साऊथ आफ्रिकेने इंग्लंड विरुद्ध 7 विकेट्स राखून विजय मिळवून सेमी फायनलमध्ये दणक्यात एंट्री घेतली. त्यामुळे सेमी फायनलमध्ये पोहोचणारे 4 संघ निश्चित झाले असून यांच्यात 4 आणि 5 मार्च रोजी सामना पार पडेल.

Add Zee News as a Preferred Source

भारताचा सामना कोणाशी? 

4 मार्च रोजी होणारा सेमी फायनल सामना हा दुबईत खेळवला जाणार आहे. तर 5 मार्च रोजी होणारा सामना हा पाकिस्तानात खेळवला जाईल. टीम इंडियाचा सेमी फायनल सामना हा 4 मार्च रोजी होईल. मात्र यात भारत कोणत्या संघाशी भिडणार हे रविवारी होणाऱ्या भारत - न्यूझीलंड या शेवटच्या ग्रुप स्टेज सामन्यानंतर ठरेल. ग्रुप बीमध्ये 5 पॉईंट्सने साऊथ आफ्रिका टॉपवर आहे, तर ऑस्ट्रेलिया 4 पॉईंट्स मिळवून दुसऱ्या क्रमांकावर आहे. तर ग्रुप ए मध्ये सध्या भारत अव्वल स्थानी आहे, तर न्यूझीलंड दुसऱ्या स्थानी आहे. परंतु रविवारी होणाऱ्या सामन्याच्या निर्णयानंतर ग्रुप ए च्या पॉईंट टेबलमध्ये बदल होऊ शकेल. त्यामुळे या सामन्यानंतरच भारत सेमी फायनल ऑस्ट्रेलिया विरुद्ध खेळणार की साऊथ आफ्रिके विरुद्ध हे निश्चित होईल. 

हेही वाचा : IND VS NZ : शमी ऐवजी 'या' गोलंदाजाला संधी, रोहितच्या खेळण्यावर शंका, अशी असेल भारताची प्लेईंग 11

कसं आहे समीकरण?

नियमांनुसार सेमी फायनलच्या ग्रुप ए मध्ये टॉपर संघ हा ग्रुप बी च्या क्रमांक दोनवर असलेल्या संघासोबत खेळेल. तर दुसऱ्या सेमी फायनलमध्ये ग्रुप बीमध्ये टॉपवर असणारा संघ हा सेमी फायनल सामना ग्रुप ए मध्ये दुसऱ्या क्रमांकावर असलेल्या संघाविरुद्ध खेळेल. 

भारत सामना जिंकला तर? 

रविवारी होणाऱ्या सामन्यात जर भारताने न्यूझीलंडवर विजय मिळवला तर सेमी फायनलमध्ये त्यांचा सामना हा ऑस्ट्रेलियाशी होईल. कारण विजयासह टीम इंडिया ग्रुप ए मध्ये टॉपवर असेल. 

न्यूझीलंड सामना जिंकला तर? 

रविवारी होणाऱ्या सामन्यात जर न्यूझीलंडने भारताचा पराभव केला तर सेमी फायनलमध्ये भारत आणि साऊथ आफ्रिका यांच्यात सामना होईल. कारण भारतावर विजय मिळवल्याने न्यूझीलंड ग्रुप ए मध्ये टॉपवर असेल आणि भारत दुसऱ्या क्रमांकावर असेल.