टीम इंडियाची सेमी फायनल मॅच कोणासोबत होणार? ऑस्ट्रेलिया की साऊथ आफ्रिका; पाहा समीकरण

(Photo Credit : Social Media)

Champions Trophy 2025 : चॅम्पियन्स ट्रॉफी 2025 ही स्पर्धा जस जशी शेवटाकडे वाटचाल करू लागलीये तस तशी ती अधिक रोमांचक होऊ लागली आहे. ग्रुप ए मधून भारत आणि न्यूझीलंड (India VS New Zealand) हे दोन संघ सेमी फायनलसाठी क्वालिफाय झालेत. तर शुक्रवारी अफगाणिस्तान विरुद्ध ऑस्ट्रेलिया सामन्यात पावसाने कहर केल्याने ऑस्ट्रेलियाचा संघ चार पॉईंट्स सह सेमी फायनलमध्ये पोहोचणारा ग्रुप बी मधील पहिला संघ ठरला आहे. तर ग्रुप बी मधून दुसऱ्या क्रमांकावर कोणता संघ सेमी फायनलमध्ये क्वालिफाय करेल हे शनिवारी साऊथ आफ्रिका विरुद्ध इंग्लंड (South Africa VS England) सामन्यानंतर स्पष्ट होईल. तेव्हा सेमी फायनलचं समीकरण कसं असेल टीम इंडिया (Team India) कोणासोबत नॉक आऊट सामना खेळेल याविषयी जाणून घेऊयात. 

Add Zee News as a Preferred Source

भारताचा सेमी फायनल सामना कोणाशी? 

ग्रुप ए मधून भारत आणि न्यूझीलंड हे दोन संघ सेमी फायनलमध्ये पोहोचले आहेत. आता भारताचा सेमीफायनल सामना कोणाशी होईल हे 2 मार्च रोजी होणाऱ्या सामन्यानंतर स्पष्ट होईल. समजा तर टीम इंडियाने 2 मार्च रोजी न्यूझीलंडला हरवले तर ते ग्रुप ए च्या पॉईंट टेबलमध्ये प्रथम स्थानी असतील. असं झाल्यास भारताचा सेमी फायनल मुकाबला हा ग्रुप बीच्या पॉईंट टेबलमध्ये दुसऱ्या स्थानी असलेल्या संघाशी होईल. भारताचा न्यूझीलंड विरुद्धच्या सामन्यात पराभव झाला तर ते सेमी फायनल सामना हा ग्रुप बी च्या पॉईंट्स टेबलमध्ये पहिल्या स्थानावर असलेल्या संघाशी खेळतील. 

हेही वाचा : Fact Check : अफगाणिस्तानच्या मुस्लिम खेळाडूने महाशिवरात्रिच्या दिवशी शतक ठोकून वाजवला डमरू? जाणून घ्या Video चं सत्य

ग्रुप बीचं पॉईंट्स टेबल अजून निश्चित झालेलं नाही. शनिवारी साऊथ आफ्रिका विरुद्ध इंग्लंड सामन्यानंतर ते निश्चित होईल. जर साऊथ आफ्रिकेचा संघ आज सामना जिंकला तर तो पॉईंट्स टेबलमध्ये पहिल्या क्रमांकावर येईल. तर ऑस्ट्रेलिया दुसऱ्या क्रमांकावर येईल. याप्रकारे जर टीम इंडिया ग्रुप ए मध्ये पहिल्या स्थानावर राहिली तर त्यांचा सामना सेमी फायनलमध्ये ऑस्ट्रेलिया सोबत होईल. तसेच जर भारत दुसऱ्या क्रमांकावर राहिला तर ते साऊथ आफ्रिके विरुद्ध सेमी फायनल सामना खेळतील. 

भारताने आतापर्यंत सर्व सामने जिंकले : 

प्रत्येक संघाला ग्रुप स्टेजचे तीन सामने खेळावे लागणार आहेत. आतापर्यंत भारताने बांगलादेश आणि पाकिस्तान विरुद्ध सामना खेळून दोन्ही सामन्यात विजय मिळवलाय. बांगलादेश विरुद्ध पहिल्या सामन्यात भारताने त्यांचा 60 धावांनी पराभव केला. तर दुसऱ्या सामन्यात पाकिस्तानवर 6 विकेट्सने विजय मिळवला. पाकिस्तान विरुद्ध भारताचा स्टार फलंदाज विराट कोहलीने शतकीय कामगिरी केली. तर बांग्लादेश विरुद्ध उपकर्णधार शुभमन गिलने देखील फलंदाजी करताना शतक ठोकले.