Home
/स्पोर्ट्स
/छावा आणि गुलाबजाम मुळे गौतम गंभीर ट्रोल; सोशल मीडिया पोस्टवर कमेंट करत नेटकऱ्यांनी फटकारलं

'छावा' आणि 'गुलाबजाम' मुळे गौतम गंभीर ट्रोल; सोशल मीडिया पोस्टवर कमेंट करत नेटकऱ्यांनी फटकारलं

Champions Trophy 2025 : दुबईमधील त्याचे काही फोटो व्हायरल होत असून त्यात गंभीरचा अंदाज पाहून नेटकरी संतापले आणि त्यांनी त्याला ट्रोल करण्यास सुरुवात केली.

Published: Feb 19, 2025, 05:37 PM IST|Updated: Feb 19, 2025, 05:42 PM IST

'छावा' आणि 'गुलाबजाम' मुळे गौतम गंभीर ट्रोल; सोशल मीडिया पोस्टवर कमेंट करत नेटकऱ्यांनी फटकारलं

Champions Trophy 2025 : बहुचर्चित चॅम्पियन्स ट्रॉफी 2025 ला सुरुवात झाली असून टीम इंडिया त्यांचा स्पर्धेतील पहिला सामना हा 20 फेब्रुवारी रोजी खेळणार आहे. भारताचा पहिला सामना हा बांगलादेश सोबत होणार असून हेड कोच गौतम गंभीरसाठी (Gautam Gambhir) ही टूर्नामेंट सोपी नसेल. परंतु तरीही चॅम्पियन्स ट्रॉफीबाबत (Champions Trophy 2025) गंभीर टेन्शन फ्री दिसतोय, दुबईमधील त्याचे काही फोटो व्हायरल होत असून त्यात गंभीरचा अंदाज पाहून नेटकरी संतापले आणि त्यांनी त्याला ट्रोल करण्यास सुरुवात केली.

गंभीरने पाहिला छावा चित्रपट :

इंग्लंड विरुद्ध वनडे सीरिज जिंकल्यावर टीम इंडिया दुबईत चँपियन्स ट्रॉफी खेळण्यासाठी रवाना झाली. सध्या खेळाडू सराव मैदानात घाम गाळताना दिसतायत. गंभीरने इंस्टाग्रामवर एक फोटो पोस्ट केला ज्यात तो गुलाबजामचा आनंद घेताना दिसला. याला त्याने कॅप्शन दिले की, 'आयुष्य थोडं आहे त्याला गोड बनवा'. तर 18 जानेवारी रोजी गंभीरने त्याच्या एक्स अकाउंटवर छावा चित्रपटाविषयी पोस्ट केली. यात त्याने लिहिले 'छत्रपती संभाजी महाराज, यांचं मातृभूमीसाठी समर्पण'. या दोन पोस्टनंतर नेटकरी गंभीरला ट्रोल करत आहेत.

नेटकऱ्यांनी गंभीरला सुनावलं :

'छावा' आणि 'गुलाबजाम' वर केलेल्या पोस्टमुळे गंभीर ट्रोल आर्मीच्या निशाण्यावर आला. फॅन्स त्याच्यावर बॉर्डर गावस्कर ट्रॉफीमध्ये झालेल्या पराभवाचं खापर फोडताना दिसत आहे. एका यूजरने लिहिले, 'बहू आता चॅम्पियन्स ट्रॉफी नको हरवू'. तर एकाने लिहिले, 'कोचिंग कर भाऊ काय सिनेमा बघतोयस'.

हेही वाचा : Champions Trophy 2025: आज पाकिस्तान हरला तर सेमी फायनलमध्ये पोहोचणार भारत? असं आहे संपूर्ण समीकरण

gautam gambhir

चॅम्पियन्स ट्रॉफीचे दोन ग्रुप :

ग्रुप ए - पाकिस्तान, भारत, न्यूझीलंड, बांग्लादेश
ग्रुप बी - दक्षिण अफ्रीका, ऑस्ट्रेलिया, अफगानिस्तान, इंग्लंड

टीम इंडिया ग्रुप स्टेज सामने :

20 फेब्रुवारी : गुरुवार - भारत विरुद्ध बांगलादेश - ठिकाण : दुबई
23 फेब्रुवारी : रविवार - भारत विरुद्ध पाकिस्तान - ठिकाण : दुबई
2 मार्च : रविवार - भारत विरुद्ध न्यूझीलंड - ठिकाण : दुबई

चॅम्पियन्स ट्रॉफीसाठी भारतीय संघ:

रोहित शर्मा (कर्णधार), शुभमन गिल (उप-कर्णधार), विराट कोहली, श्रेयस अय्यर, केएल राहुल (विकेटकीपर), ऋषभ पंत (विकेटकीपर), हार्दिक पंड्या, रवींद्र जडेजा, अक्षर पटेल, कुलदीप यादव, वरुण चक्रवर्ती, हर्षित राणा, मोहम्मद शमी, अर्शदीप सिंह, वॉशिंगटन सुंदर.

नॉन-ट्रॅवलिंग सब्स्टीट्यूट: यशस्वी जयस्वाल, मोहम्मद सिराज आणि शिवम दुबे

Add Zee News as a Preferred Source

TAGS:

gautam gambhir

marathi news

Cricket News

Champions Trophy 2025

Chhaava

About the Author

Pooja Pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना ५ वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. त्यांनी आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.

प्रिंट मीडिया ते डिजिटल पर्यंतची कारकीर्द:

पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.

पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.

शैक्षणिक पात्रता

पूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.