ऑपरेशन सिंदूरनंतर IPL 2025 वर हल्ल्याचं संकट, 'हे' स्टेडियम बॉम्बने उडवण्याची धमकी

(Photo Credit : Social Media)

IPL 2025 : 7 मे रोजी भारतीय लष्कराच्या वतीनं सैन्यदल आणि वायुदलानं संयुक्तरित्या ऑपरेशन सिंदूर ही मोहिम हाती घेत यशस्वीरित्या पाकिस्तानातील दहशतवादी तळ उध्वस्त केले. यावेळी अतिशय नियोजित आणि केंद्रीत असे हल्ले पाकिस्तानी तळांवर करण्यात आले. या ऑपेरेशन सिंदूरमध्ये (Operation Sindoor) भारतीय सैन्याने पाकिस्तानातील 4 आणि जम्मू काश्मीरमधील 5 म्हणजेच एकूण 9 आतंकवादी ठेक्यांना लक्ष केलं गेलं. ऑपरेशन सिंदूरनंतर पाकिस्तान हादरला असून पाकिस्तानकडून नरेंद्र मोदी स्टेडियमला (Narendra Modi Stadium) बॉम्बने उडवण्याची धमकी देण्यात आली आहे.  

Add Zee News as a Preferred Source

पाकिस्तानकडून ईमेल द्वारे अहमदाबादच्या नरेंद्र मोदी स्टेडियमला बॉम्बने उडवण्याची धमकी देण्यात आली आहे. यानंतर अधिकाऱ्यांनी लगेचच सुरक्षेची कारवाई केली असून गुजरात क्रिकेट असोसिएशनने त्यांना ही धमकी मिळाल्यावर लगेचच अहमदाबाद पोलिसांना याची माहिती देण्यात आली आहे. 14 मे  रोजी गुजरात टायटन्स विरुद्ध लखनऊ सुपर जाएंट्स यांच्यात सामना खेळवला जाणार आहे. तेव्हा या सामन्याची सुरक्षिततेत कोणतीही कसर केली जाणार नाही आणि यासाठी कडक सुरक्षा व्यवस्था तैनात केली जाईल असे वरिष्ठ पोलीस अधिकाऱ्यांनी सांगितले. अधिकाऱ्यांनी याबाबत आश्वस्त केले आहे की खेळाडूंच्या आणि प्रेक्षकांच्या सुरक्षिततेबाबत योग्यती सावधगिरी बाळगली जाईल. 

हेही वाचा : रोहित शर्माने तडकाफडकी का घेतला टेस्टमधून निवृत्तीचा निर्णय? मोठं कारण आलं समोर

पोलिसांच्या माहितीनुसार, पाकिस्तानकडून पाठवण्यात आलेल्या ईमेलमध्ये एक धमकीचा संदेश होता की, 'आम्ही तुमच्या स्टेडियमला उडवून देऊ'. हा संदेश पाकिस्तान जेके या नावावरून पाठवण्यात आला होता. या ईमेलनंतर स्टेडियमच्या आत आणि बाहेर सुरक्षा वाढवण्यात आली असून या धमकीचा योग्य तपास आणि कारवाई केली जाईल असे पोलिसांकडून सांगण्यात आले आहे. ऑपरेशन सिंदूर यशस्वी झाल्यावर गुजरातमध्ये सुरक्षा व्यवस्था वाढवण्यात आली असून अहमदाबाद, गांधीनगर, सूरत आणि वडोदरा सहित अनेक प्रमुख शहरांवर अधिक लक्ष दिलं जात आहे. रेल्वे स्टेशन, एअरपोर्ट आणि धार्मिक स्थळ इत्यादी सार्वजनिक स्थळांवर सुरक्षा वाढवण्यात आली आहे.