IND VS ENG 2nd Test : भारत विरुद्ध इंग्लंड दुसरा टेस्ट सामना 2 जुलै ते 6 जुलै दरम्यान खेळवण्यात येणार आहे. यापूर्वी लीड्स टेस्टमध्ये झालेल्या सामन्यात इंग्लंडने भारतावर 5 विकेटने विजय मिळवून सीरिजमध्ये 1-0 ने आघाडी घेतली.
IND VS ENG 2nd Test : भारत विरुद्ध इंग्लंड (India VS England) यांच्यात 5 सामन्यांची टेस्ट सीरिज खेळवण्यात आली असून यातील दुसरा सामना 2 जुलै ते 6 जुलै दरम्यान खेळवण्यात येणार आहे. यापूर्वी लीड्स टेस्टमध्ये झालेल्या सामन्यात इंग्लंडने भारतावर 5 विकेटने विजय मिळवून सीरिजमध्ये 1-0 ने आघाडी घेतली. आता एजबेस्टन क्रिकेट स्टेडियमवर पुढील सामना होणार असून यापूर्वी इंग्लंडला मोठा धक्का बसला आहे. संघात 4 वर्षांनी पुनरागमन केलेला वेगवान गोलंदाज प्लेईंग 11 मधून बाहेर पडला आहे.
इंग्लंडचा वेगवान गोलंदाज जोफ्रा आर्चर अचानक इंग्लंडचा संघ सोडून बाहेर पडला आहे. फॅमिली इमर्जन्सीमुळे इंग्लंडच्या संघासोबत सुरु झालेला सराव सोडून जोफ्रा आर्चर बाहेर पडला आहे. सोमवार, 30 जून रोजी एजबेस्टनमध्ये झालेल्या सराव सत्रामध्ये जोफ्रा आर्चर सामील झाला नव्हता. इंग्लंडने दुसऱ्या टेस्टसाठी प्लेईंग 11 ची घोषणा केली असून यात जोफ्रा आर्चरचं नाव नाहीये. इंग्लंड क्रिकेटने सांगितलं की 2 जुलै रोजी जोफ्रा आर्चर पुन्हा संघासोबत सामील होईल. तब्बल 4 वर्षांनी यंदा जोफ्रा आर्चरला भारत विरुद्ध सीरिजसाठी इंग्लंड टेस्ट संघात संधी मिळाली होती.
तब्बल 4 वर्षांनी इंग्लंड टेस्ट संघात वेगवान गोलंदाज जोफ्रा आर्चरला (Jofra Archer) संधी मिळाली. 2021 मध्ये इंग्लंडने भारत दौरा केला होता त्यावेळी जोफ्रा आर्चर इंग्लंड टेस्ट संघाचा भाग होता. मात्र त्यानंतर जोफ्रा आर्चरला कोपराला झालेल्या दुखापतीमुळे आणि कमरेला झालेल्या स्ट्रेस फ्रॅक्चरमुळे टेस्ट संघात संधी मिळाली नव्हती. मागच्या 4 वर्षांमध्ये त्याने व्हाईट बॉल क्रिकेटमध्ये सुद्धा इंग्लंडकडून केवळ 7 सामने खेळले आहेत. त्यामुळे मे 2021 नंतर जोफ्रा आर्चरचं रेड बॉल क्रिकेटमध्ये पुनरागमन होणार आहे.
जॅक क्राउली, बेन डकेट, ओली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ, क्रिस वोक्स, ब्रेडन कॉर्स, जोश टंग, शोएब बशीर.
भारत विरुद्ध इंग्लंड पहिला सामना : 20 ते 24 जून
भारत विरुद्ध इंग्लंड दुसरा सामना : 2 ते 6 जुलै
भारत विरुद्ध इंग्लंड तिसरा सामना : 10 ते 14 जुलै
भारत विरुद्ध इंग्लंड चौथा सामना : 23 ते 27 जुलै
भारत विरुद्ध इंग्लंड पाचवा सामना : 31 जुलै ते 4 ऑगस्ट
)