न्यूझीलंडने टॉस जिंकला! कॅप्टन रोहितने टीम इंडियाच्या प्लेईंग 11 मध्ये केले मोठे बदल

(Photo Credit : Social Media)

IND VS NZ Champions Trophy 2025 : रविवार 2 मार्च रोजी आयसीसी चॅम्पियन्स ट्रॉफी 2025 चा शेवटचा सामना हा भारत विरुद्ध न्यूझीलंड यांच्यात होणार आहे. हा चॅम्पियन्स ट्रॉफीचा शेवटचा ग्रुप स्टेज सामना असून यात बाजी मारणारा संघ ग्रुपच्या पॉईंट टेबलमध्ये अव्वल स्थानी पोहोचेल. दुबईच्या आंतरराष्ट्रीय स्टेडियमवर दुपारी 2: 30 वाजता सामन्याला सुरुवात होणार असून त्यापूर्वी अर्धातास अगोदर टॉस पार पडला. यात न्यूझीलंडने टॉस जिंकून घेतला प्रथम गोलंदाजीचा निर्णय घेतला आहे. 

Add Zee News as a Preferred Source

भारताचे सर्व सामने हे दुबईच्या मैदानावर खेळवले जात असून टीम इंडियाने ग्रुप स्टेजमधील सुरुवातीचे दोन्ही सामने जिंकून सेमी फायनलमध्ये स्थान मिळवलं आहे. यात भारताने पहिल्या सामन्यात बांगलादेशला मोठ्या धावाने हरवलं तर पाकिस्तानवर सुद्धा ६ विकेट्सने विजय मिळवला. भारत - न्यूझीलंड सामन्यापूर्वी दोन्ही संघांच्या कर्णधारांमध्ये टॉस झाला. यात न्यूझीलंडचा कर्णधार मिचेल सॅंटनरने टॉस जिंकून प्रथम गोलंदाजीचा निर्णय घेतला आणि भारताला प्रथम फलंदाजीचे आव्हान दिले. रोहित शर्माने प्लेईंग 11 मध्ये काही बदल केले आहेत. 

रोहित शर्मा काय म्हणाला? 

टॉस झाल्यावर कर्णधार रोहित शर्मा म्हणाला की, 'आम्ही प्रथम फलंदाजी करण्याचाच विचार करत होतो.  प्लेईंग ११ मध्ये गोलंदाज हर्षित राणाला विश्रांती देण्यात आली आहे, तर वरुण चक्रवर्तीला प्लेईंग 11 मध्ये स्थान दिलं गेलंय. दोन्ही सामन्यांमध्ये आम्ही एकत्रितपणे 19 बळी घेतले आहेत. आमच्या फिरकीपटूंनी विरोधकांना चांगलेच रोखले आणि नंतर वेगवान गोलंदाजांनी विकेट्स मिळवल्या'. 

भारताची प्लेईंग 11 : रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (विकेटकिपर), हार्दिक पंड्या, रवींद्र जडेजा, मोहम्मद शमी, कुलदीप यादव, वरुण चक्रवर्ती

न्यूझीलंडची प्लेईंग 11 : विल यंग, ​​रचिन रवींद्र, केन विल्यमसन, डॅरिल मिशेल, टॉम लॅथम (विकेटकिपर), ग्लेन फिलिप्स, मायकेल ब्रेसवेल, मिचेल सँटनर (कर्णधार), मॅट हेन्री, काइल जेमिसन, विल्यम ओरोरके