IND vs ENG 2nd Test: आकाशदीपच्या एका जादुई चेंडूवर बोल्ड झाला जो रूट, पाहा धमाकेदार Video

IND vs ENG 2nd Test: बर्मिंगहॅम कसोटीत चौथ्या दिवशी शेवटच्या सत्रात टीम इंडियाचा वेगवान गोलंदाज आकाशदीपने आपल्या वेगवान आणि धारदार चेंडूने इंग्लंडच्या जो रूटला अक्षरश: गारद केलं. त्याचा ‘जादुई चेंडू’ इतका जबरदस्त होता की जो रूटचा स्टंप उडाल्यावर तो काही सेकंद तर जागेवरच थांबला.  

Add Zee News as a Preferred Source

भारत ऐतिहासिक विजयाच्या दारात

58 वर्षांमध्ये पहिल्यांदाच भारत बर्मिंगहॅम कसोटी जिंकण्याच्या अगदी जवळ पोहचला आहे. शुभमन गिलच्या धडाकेबाज 430 धावांमुळे भारताने इंग्लंडसमोर दुसऱ्या डावात 608 धावांचं डोंगरासारखं लक्ष्य उभं केलं. प्रत्युत्तरादाखल मैदानात उतरलेली इंग्लंडची टीम एकदम कोसळल्यासारखी वाटत आहे. त्यांनी अवघ्या 72 धावांवर 3 गडी गमावले. 11व्या षटकात फेकलेला चेंडू पिचवर पडून अचानक आत वळला आणि थेट स्टंप्सवर आदळला. जो रूटला काही कळायच्या आत त्याचा स्टंप हवेत उडत गेला.  रूट फक्त 6 धावांवर खेळत होता आणि त्याच्या चेहऱ्यावर एक क्षणभर ‘शॉक’ स्पष्ट दिसत होता.

BALL OF THE SERIES BY AKASHDEEP.  pic.twitter.com/nXE3s5QpeA

— Mufaddal Vohra (@mufaddal_vohra) July 5, 2025

सोशल मीडियावर आकाशदीपचा जलवा

हा व्हिडीओ सोशल मीडियावर तुफान व्हायरल होत आहे. अनेक क्रिकेटप्रेमी आणि समालोचक आकाशदीपच्या या चेंडूचं कौतुक करत आहेत. आकाशदीपने आतापर्यंत भारतासाठी 8 कसोटी सामने खेळले असून त्यात त्याने 21 बळी घेतले आहेत.

रूटचा विश्वासच बसला नाही

जो रूटसारखा अनुभवी फलंदाज आकाशदीपच्या एका धारदार चेंडूवर क्लीन बोल्ड झाला आणि त्याला काही क्षण विश्वासच बसला नाही की आपला स्टंप कसा उडाला. तो नजरेने स्टंपकडे पाहत राहिला, जणू काही अजूनही मनाने विकेटवरच आहे.