ऋषभ पंतच्या बहिणीच्या लग्नात पंजाबी गाण्यांवर बेभान होऊन थिरकले धोनीला आणि रैना, Video Viral

(Photo Credit : Social Media)

Rishabh Pant : भारताचा स्टार फलंदाज आणि विकेटकिपर ऋषभ पंत (Rishabh Pant) याची बहीण साक्षी ही लवकरच विवाह बंधनात अडकणार आहे. यासाठी ऋषभ स्वतः चॅम्पियन्स ट्रॉफी 2025 नंतर थेट घरी परतला तर मंगळवारी लग्नापूर्वी झालेल्या संगीत सोहळ्यात एम एस धोनी आणि सुरेश रैना सारखे माजी क्रिकेटर सुद्धा दिसून आले. पंतच्या बहिणीच्या लग्नात धोनी (MS Dhoni) आणि रैनाने (Suresh Raina) पंजाबी गाण्यांवर ठेका धरून बेभान होऊन डान्स केला. सध्या याचे काही व्हिडीओ सोशल मीडियावर व्हायरल होत आहेत. 

Add Zee News as a Preferred Source

सध्या सोशल मीडियावर एक व्हिडीओ व्हायरल होत आहे. या व्हिडीओमध्ये धोनी, रैना आणि पंत हे तिघे काही मित्रमंडळींसोबत 'दमा दम मस्त कलंदर' या गाण्यावर नाचताना दिसतायत. मसूरी मध्ये बुधवारी पंतच्या बहिणीचं लग्न असून बिझनेसमन असलेल्या अंकित चौधरी सोबत मागील वर्षी जानेवारी महिन्यात तिचा साखरपुडा झाला होता. अंकित हा लंडनच्या एलीट ई 2 कंपनीचा बोर्ड ऑफ डायरेक्टर आहे. पंतची बहीण साक्षी आणि अंकित हे दोघे एकमेकांना अनेक वर्षांपासून ओळखतात. 

हेही वाचा : IPL 2025 च्या सुरुवातीच्या मॅचमधून बाहेर राहणार 3 खेळाडू, मुंबई इंडियन्समधील दोघांचा समावेश

एम एस धोनीची पत्नी साक्षी सोशल मीडियावर नेहमी ऍक्टिव्ह असते. तिने ऋषभ पंतच्या बहिणीच्या लग्नातील काही खास क्षण फोटो आणि व्हिडीओद्वारे शेअर केले. मसुरीमध्ये सुरु असलेल्या या लग्नसोहोळ्यात साक्षी सुद्धा धोनी सोबत पोहोचली असून सुरेश रैना सुद्धा आपल्या पत्नी सोबत या सोहळ्यात सामील झाला आहे. लग्नापूर्वी झालेल्या संगीत सोहळ्यात धोनी पंजाबी गाण्यांवर थिरकताना दिसला. पंतने बहीण साक्षीच्या लग्नात जवळील नातेवाईक, कुटुंबातील व्यक्ती आणि काही खास पाहुण्यांनाच आमंत्रित केलं आहे. 

पाहा व्हिडीओ : 

Rishabh Pant , MS Dhoni & Suresh Raina dancing together  pic.twitter.com/b03FSVUvGv

 Riseup Pant (riseuppant17) March 11, 2025

चॅम्पियन्स ट्रॉफी 2025 जिंकल्यावर टीम इंडियाचे खेळाडू हे आपापल्या घरी परतले. तसेच काहीच दिवसात आयपीएलचा 18 वा सीजन सुरु होणार असल्याने  काही खेळाडूंनी संघांचे प्रॅक्टिस कॅम्प सुद्धा जॉईन केले आहेत. ऋषभ पंत मागील काही वर्ष दिल्ली कॅपिटल्सकडून खेळत होता. मात्र आयपीएल 2025 पूर्वी त्याला रिटेन करण्यात आले नाही. मेगा ऑक्शनमध्ये पंतला लखनऊ सुपर जाएंट्सने तब्बल 27 कोटींना विकत घेतले. ऋषभ पंत हा आयपीएलच्या इतिहासातील सर्वात महागडा खेळाडू ठरला.